المسفهل
21/07/2002, 01:38 PM
قال الشاعر ناصر الفايز :
يا بارق ناض وانساقت مخاييله=ظليت اطالع لميعه كل ما لاحِ
انا بجدة بجال السيف واخيله=بالشرق لين انبلج فلاج الاصباحِ
من يمة اسهيل ضافٍ ظَلم وسحيلة=ومن يمة الجدي تجري منه الاسياحِ
أدناه ركبة تروت من هماليلة=واليا تحدر يطول اطويق وارماح
اشتاق له خاطري يوم انهمر سيله=ومن الصًبا اندار له نسناس الارياح
سَقْوى إليا قيل صحرا نجد وانخيله=سالن وستبشروا بسرور وافراح
يا زين نبت الخزامى في غراميله=ومن النفل ريحة ارياضه اليل فاح
تلقى الجوازي بعضهن في مقاييله=والقسم الاخر من القناص تنزاح
ذكر على القلب بالماضي مداهيله=منازلٍ بين سفح النير والضاحي
بس أ توجد وانا ما في يدي حيلة=واجاوب الورق بلحونه إلى ناح
خليت من يالفه قلبي وينحي له=أدور الربح عنهم وهم الارباح
يا بارق ناض وانساقت مخاييله=ظليت اطالع لميعه كل ما لاحِ
انا بجدة بجال السيف واخيله=بالشرق لين انبلج فلاج الاصباحِ
من يمة اسهيل ضافٍ ظَلم وسحيلة=ومن يمة الجدي تجري منه الاسياحِ
أدناه ركبة تروت من هماليلة=واليا تحدر يطول اطويق وارماح
اشتاق له خاطري يوم انهمر سيله=ومن الصًبا اندار له نسناس الارياح
سَقْوى إليا قيل صحرا نجد وانخيله=سالن وستبشروا بسرور وافراح
يا زين نبت الخزامى في غراميله=ومن النفل ريحة ارياضه اليل فاح
تلقى الجوازي بعضهن في مقاييله=والقسم الاخر من القناص تنزاح
ذكر على القلب بالماضي مداهيله=منازلٍ بين سفح النير والضاحي
بس أ توجد وانا ما في يدي حيلة=واجاوب الورق بلحونه إلى ناح
خليت من يالفه قلبي وينحي له=أدور الربح عنهم وهم الارباح