أسبوع الإجازه قضيتها في المعارض وجبت لكم الخلاصه!!!

[ياوجودي]

السلام عليكم ورحمة الله وبركاته

أنا ياإخوان أخذت لي اسسبوع إجازة وقضيتها في المعارض ليه؟؟؟

لسببين أول شي أدوّر لي على لاندكروزر 2009 وثاني شي أبي اتأكد من شي معيّن.

وطلعت بالنهايه بأشياء غريبه منها :

أوّل شي لقيت أسعار الاندكروزر الـ 2008 والـ 2009 الـv6 تسر االلي يبي يشتري ولاتسر اللي شرا من الوكاله جديد ونوا البيع.
كيف يعني؟؟

يعني لقيت أسعارهن الـ 2008 والـ 2009 اللي هو ست سلندر فتحة مكيفين القير عادي أو أوتو في بحر الـ 125.000 طبعاً الممشى أغلبهن 50.000كيلو لحد الـ 100.000 والنظافة ممتازه.

طيب عندي سؤال بكم شروها؟؟ انا رحت الوكاله اليومين هذي ولقيت الـ جي اكس آر ست سلندر بدون فتحة قير عادي بحول 165.000 ريال؟؟؟ وأتوقع الـ2009 حول هالسعر اذا مو مثله بالضبط.

طيب ياإخوان اللي يشتري بهالقيمه ويبيع بالـ 125.000 ريال او 130.000 ريال خسارة حوال 35.000 ريال خلال سنه او اقل منطقيه؟؟ انا اخاف لايكون الناس تجرب ولايقنعها أداء الموتر ويبيعون .


الشي الثاني فيه حملة بالإنترنت يقول لك الجي إكس آر V8 مقطوع من السوق ولايوجد بالوكاله هالأيام
ويوم رحت المعارض لقيتها بالعشرات موجوده.
بالعربي أحس الشريطيه لاحقينا بالإنترنت ويوصلون لنا معلومات بسببها يطيرون سعر النوع اللي يبون.

أطلت بالكلام ولكن حبيت أذكر لكم خلاصة اسبوع من حرارة وشموس المعارض بالرياض.

وشكرا على حسن المتابعه...

[aboeyade]

مشكور على هالمعلومات

وفعلاً الشريطية صايرين يسربون معلومات عن طريق المنتديات لرفع أسعار سيارات معينه

[ولد وايل..]

ويقولون شيك...


الواحد وده يقارن المشترى بالبيع مهوب سر البيع بس...


وأما الشريطيه فالله ياخذهم واحد واحد واما انه يهديهم ولا يسلط عليهم خسايل تردهم عن السوق..!


كذب * كذب...


إشاعات

واخرها ها السالفه بأن الفكسار مقطوع

وقبلها الربع والشاص يخبط...!


مايخافون الله

يبون يصرفون اللي عندهم ويرفعون اسعاره...!

[bassam abdullah]

لو ان الله يفكنا من الشريطيه ان كان احنا بخير

يعلمني واحد يشتغل بالمعارض .. يحلف بالله انهم يتنافسون على اظهار حيل واكاذيب جديده

حسبنا الله عليهم الفلوس وطمعها طغى عليهم واعمى قلوبهم

اما بالنسبه للاند ماعندي اي خلفيه عنه

[ياوجودي]

أبوإياد شاكر مرورك أخوي

ولد وايل خلّها على الله والله إني تأنّيت شوي وقلت ابستخير يوم شفت الدعوه خساره حول الـ 35.000 او اكثر بعد.

خفت أشتري يصير فيه عيب ولاأحتاج أبيعه ولاني فاضي للمعارض وكسرة السعر.

[ياوجودي]

لو ان الله يفكنا من الشريطيه ان كان احنا بخير

يعلمني واحد يشتغل بالمعارض .. يحلف بالله انهم يتنافسون على اظهار حيل واكاذيب جديده

حسبنا الله عليهم الفلوس وطمعها طغى عليهم واعمى قلوبهم

اما بالنسبه للاند ماعندي اي خلفيه عنه

المشكله إن أغلب الشعب يحط على قولتهم تحويشة العمر أو دم قلبه على هالسياره وبالأخير لااشترا يكتشف إن الدعوى ماتستاهل. كذب شريطيه ومبالغه بالأسعار يارجال بعض سيارات أغلى من الوكاله لاصارت بيدين الشريطيه ولاجيت تبيع صارت أخس سياره بالسوق عشان يكسرون سعرك.

[المساجدي]

الله يجزاك الف خير والله موضوعك ممتاز جدا واتمنى مثل هالمواضيع تتكرر وهي مفيده للي ناوي يشتري او يبيع

وبخصوص الاسعار الى تكلمت عنها لل2008 و 2009 اتوقع انها اسعار الهدد اما الجي اكس ار الكامل مواصفات (فتحة دفلك حساسات شاشة جنوط ونش ) حتى لو انه 6 سلندر ماراح ينزل سعره عن 140 الف

[ياوجودي]

الله يجزاك الف خير والله موضوعك ممتاز جدا واتمنى مثل هالمواضيع تتكرر وهي مفيده للي ناوي يشتري او يبيع

وبخصوص الاسعار الى تكلمت عنها لل2008 و 2009 اتوقع انها اسعار الهدد اما الجي اكس ار الكامل مواصفات (فتحة دفلك حساسات شاشة جنوط ونش ) حتى لو انه 6 سلندر ماراح ينزل سعره عن 140 الف

أخوي انا قارنت فئه بنفس الفئه بسعرها في الوكاله جديد فهمت؟؟

يعني المواصفات اللي إنت ذكرت كم سعرها بالوكاله؟؟ ورح سعّرها بالسوق بتلاقي ناقصه 40.000 ريال.

النتيجه وحده يعني انا شريت بـ 180.000 وبعت بـ 140.000 = خسرت 40.000 ريال
..................وأنا شريت بـ 165.000 وبعت بـ 125.000= خسرت 40.000 ريال.

[ابومحــ م ـــد]

اذا كنت في حاجة مرسلن فارسل ياوجودي ولا توصيه تسلم على التقرير

[ياوجودي]

اذا كنت في حاجة مرسلن فارسل ياوجودي ولا توصيه تسلم على التقرير


تسلم أخجلتني :)

[راعي المجهم]

صدقت أخوي فعلا السيارات غاااالية

وأسعارها متفاوته

رحت أدور هوندا أكورد 2007 سياحي أقل نوع

لأخوي في الجامعة النظيفة ومشيها تحت 100

مافيه أقل من 58 ألف ريال في الرياض

وفي الدمام مابين 55 إلى 59 ألف ريال !!!!

[AMAZ]

صدقت أخوي فعلا السيارات غاااالية

وأسعارها متفاوته

رحت أدور هوندا أكورد 2007 سياحي أقل نوع

لأخوي في الجامعة النظيفة ومشيها تحت 100

مافيه أقل من 58 ألف ريال في الرياض

وفي الدمام مابين 55 إلى 59 ألف ريال !!!!


غريبه يارعي المجهم اذكر العام تقول ماحصلت احد يشتري سيارتك الان ماحصلت سياره روح للقصيم وحائل وجدة . وطريف والقريات . :D

[أبو حرب 111]

انا ادور g اقل نوع موديل 2006,7,8,2009
على كم القا النظيف في الرياض والقصيم والشرقيه واذا مافي مانع قطر
واكون شاكر لكم

[أبو حرب 111]

صدقت أخوي فعلا السيارات غاااالية

وأسعارها متفاوته

رحت أدور هوندا أكورد 2007 سياحي أقل نوع

لأخوي في الجامعة النظيفة ومشيها تحت 100

مافيه أقل من 58 ألف ريال في الرياض

وفي الدمام مابين 55 إلى 59 ألف ريال !!!!
تعال اخوي بجده انظف هوندا الى مابعدها نظافه ماتتعدا 45 موديل 2007
والفل بحدود الخمسين الى 55 النظيف

[رحال الحجاز]

تعال اخوي بجده انظف هوندا الى مابعدها نظافه ماتتعدا 45 موديل 2007
والفل بحدود الخمسين الى 55 النظيف

انا لقيت 2008 فل كامل
هوندا اكورد ب 45 الف في الطائف

[- النشمي -]

المشكله ان اللاندكروزر الجديد مايمسك سعره مثل القديم مدري وش السبب هل الناس خايفه من العيوب المصنعيه اللي ظهرت تالي

[مجالس الرجال]

السالفه ومابه يا اخوان اي موتر تتعدى قيمته 150 او 160 الف تكثر خسارته ومهما كانت متانته وشعبيته

[عاشق السيل]

والله ماطير اللاند إلا الشريطية !!!

والحقيقة إن أسعاره خيالية وفوق مستواه ،، ونصيحتي اللي يبي لاند ياخذ من 2007 وتحت أنا أشهد إنه موتر !!!

بيض الله وجهك اخوي على التقرير الرائع وتقبل مروري يالغالي ....

[ياوجودي]

السلام عليكم

ألف شكر على المرور الكريم

نفيد ونستفيد... ولو كل واحد منّا لقا السلعة مبالغ بسعرها تركها كان رجع كل شي لقيمته الحقيقيه.
أنا أحس إن قيمة الاند 2008 مفروض ماتعدا الـ 100.000 للنظيف.

وتراها سياره سنتين بالكثير اربع الا وهي موضه قديمه مو مثل البيت والعقار اللي يسوا هالقيم ويقعد عشرات السنين ماراحت موضته ولازالت حاجته.

أجل سيارة بسعر منزل؟؟ يالله ياربي لاتعاقبنا

[بو خليفه]

اذا قالو الشريطية بينقطع يجب عدم شراء السيارة والسعر يجب ينزل اكثر

مصنع تويوتا لو يقطع الكروزر والشاص يقفلون مصنعم هم عايشين على الخليج

[ذيب عالية نجد]

هذي عادة التايوتا المستعمل في البيع
أين من يقولون أنه شيك في المخبات والخسارة في سنة 35000 ريال

[ياوجودي]

هذي عادة التايوتا المستعمل في البيع
أين من يقولون أنه شيك في المخبات والخسارة في سنة 35000 ريال

ذيب عالية نجد هو فعلاً شيك في المخبات.. ولكن شيك بدون رصيد شكله :)
ولاهو تحاملا على الموتر بالعكس انا قاعد أدور واحد 2009 ولكن بصرآحه السوق يخوّف ماتدري وش الصدق ووش الكذب.
بس أهم نقطه لاتشتري جديد وكاله الا اذا عندك 40.000 ريال ماتبيها .

[راعي النياسين]

هذا الشيك الي هم يقولون عليه

اخوي انا اعرف شخص عزيز علي فك له فكسار 2009 فل كامل بـ250 الف

ويوم بغى يبيعه ماجاب له الا 190 الف وهو مامشى الا 60 الف وهون عن البيعه :d

[سليمان القصيم]

ياحول يا الشريطي صار في المقرضة عند البيع تدور الشريطي يشتري منك وتكذب علية وتغشة انت وغيرك

[ياوجودي]

ياحول يا الشريطي صار في المقرضة عند البيع تدور الشريطي يشتري منك وتكذب علية وتغشة انت وغيرك

صحيح .. مع إني مافهمت كلامك والله:)

[ياوجودي]

هذا الشيك الي هم يقولون عليه

اخوي انا اعرف شخص عزيز علي فك له فكسار 2009 فل كامل بـ250 الف

ويوم بغى يبيعه ماجاب له الا 190 الف وهو مامشى الا 60 الف وهون عن البيعه :d

اعوذ بالله كل كيلو بريال؟ والله حنا اللي وصلنا أنفسنا لهالمرحله نشتري أوّل بأوّل لحد ماحس

الوكلاء ان فلوسنا زود

[فايف استار]

انا من رايي الشخصي ...ان كلامهم عن الاند كروزر... انه شيك بالجيب سذب وناس تتوهم....من واقع تجربه شخصيه ومن ناس اعرفهم ماقد انباع جيب لاند مطلع وكاله بقيمه مرضيه ...يعني يطيح من راس ماله من اربعين اللي ستين الف...وهو لنج جديد مثله مثل انواع السيارات الثانيه !!

الاسباب واجد عن نزول اسعاره بعد المالك الاول واهمها قالها اخوي مجالس الرجال ...قيمته جدا مبالغ فيها كأني مشتري هلوكوبتر هع

انا اقول الناس ترددت على السنتها ان الاند شيك بالجيب مو على انه يجيب قيمه او انه يمسك سعره لا !!!!!!!!!

لاكن علشانه مرغوب بين الناس والطلب عليه واجد وماتلقاه يبطي بالمعارض ينباع بسرعه.قالو عنه شيك بالجيب هع... فهالعالم رجونا بسالفه الشيك بالجيب هاذي ....ويوم نعرض للبيع نتفاجأ بقيام اسعارها ؟؟؟!!!!!!!!

[عاشق وسم]

شيك لو إنك شاريه مستعمل يمكن

[ABO AL-HESH]

السالفه ومابه يا اخوان اي موتر تتعدى قيمته 150 او 160 الف تكثر خسارته ومهما كانت متانته وشعبيته

كلامك صحيح 100%
واكبر دليل السفاري 2 2009 تفكه جديد 145 وكاله والحين النظيف من120 الى 125 يعني طاح من قيمته من 20 الى25
اما السوبر سفاري 2009 تفكه وكاله 170 وهالحين يباع النظيف 130 الى135 تقريباً يعني طاح من قيمته 35 الى 40
حسب معلوماتي المتواضعه في الاسعار

[ياوجودي]

شيك لو إنك شاريه مستعمل يمكن

أعجبتني الخلاصه.. الاند شيك للي يشتريه مستعمل لكن اللي يشتري بأسعار الوكاله يصير خسارة.

[راعي البحري]

أنا شريت يوكن دينالي 2007 بـ 170,500
واستخدمته سنتين كاملة وزيادة شهر
ومشى معي 41000كم
وبعته بـ130,000
لأني أبي XL
يعني الخسارة وحدة ويمكن أنا أحسن

الله يكتب الصالح للمسلمين
والا صراحة أنا مااقتنعت بسعر اللاند ابداً مقارنة بمميزاته والميزة الوحيدة عن غيرة إنه يمسك السعر
بدأت تتلاشى والقادم أسوأ له ولغيرة

[مقلع الرمث]

واحد من الجماعه معه لاند 8 سلندر شراه ب 200 الف مدري هو جي اكس ولا جي اكس ار

المهم الرجال جاء يبي يبيع على دخلت 2009 يالله سيم منه 160 يعني خساره اربعين الف عدا ونقدا

الرجال اشوفه استخار واتوقع الحين قيمته ب 145 الثمانيه سلندر

ولو ابشري انا انشاء الله راح اشتري 8 سلندر تماتيك مستخدم

بالتوفيق لنا ولك

[عاشق المزون]

أنا شريت يوكن دينالي 2007 بـ 170,500
واستخدمته سنتين كاملة وزيادة شهر
ومشى معي 41000كم
وبعته بـ130,000
لأني أبي XL
يعني الخسارة وحدة ويمكن أنا أحسن

الله يكتب الصالح للمسلمين
والا صراحة أنا مااقتنعت بسعر اللاند ابداً مقارنة بمميزاته والميزة الوحيدة عن غيرة إنه يمسك السعر
بدأت تتلاشى والقادم أسوأ له ولغيرة



هلا اخوي بس ماشاء الله ماشي 41 الف يعتبر جديد اخوي بس لو تمشي بة 250 الف كيلو بكم يصير سعره مقارنة بلاند كروزر ؟؟؟؟
تجربتي مع الاندكروزر شريت من معرض اليحي في الرياض 2005 جديد على وقتة نوع GX تماتيك وجلس معي 5 سنوات وبعتة في عيد الاضحى الي فات بسعر 92.500 ريال وانا شارية جديد 130500ريال يعني نزل في السعر 38000 ريال معقولة على خمس سنوات و الممشى 250 الف كيلو بس كان نظيف في البدي والمحركات لم يدخل اي ورشة او سمكرة ولله الحمد هذا وهو تماتيك كيف لو كان عادي ؟؟؟؟ وشريت جمس جديد حوض 2500HD وانا على قناعة تامة بخفست السعر والكل يقول اشترى شاص مهبول انت جمس بسعر 100 الف بس من جرب الكيك مايبي العصيد هههههههه قوة جبارة مقابل خربات وانا مقنتنع في هالشي لابد تبي شي ممتاز لازم تضحي بشي ثاني واسففففففففففففف للاطالة بس هذي تجربتي مع تايوتا تمسك السعر بعد طول الاستخدام مقارنة بالشركات الاخرى

اما تجربة الوالد شاري لاند كروزرموديل 93 فل كامل وكالة VXR من معرض نجد على وقتة بسعر 125000 ريال وماشي الان حدود 650 الف ويسام من قبل يمني بسعر 38000 ريال الان ولكم الحكم كم موديل نزل بعدة ههههههه

تجربت خالي شاري لاندكروزر موديل 96 فل كامل على وقتة من عبدالطيف جميل نوع VXR بسعر 131الف وباعة عام 2008 بسعر 50 الف على يمني ايضا ولكم الحكم وغيرها

[الشنه]

للمعلومية سعر الفي اكس ار 2007 فل كامل ماشي 60 الف

قامي مسيوم بــ 160 الف

يعني 2008-2009 بكم يكون

[الشنه]

وللمعلوميه

انا موتري لاند 97 VXR فل كامل اللهم مافي ونش

شاريه من شايب مخزن بــ 57 ماشي 80 الف قبل سنتين

قبل 11 اشهر مسيوم بــ 60 وهو ماشي 120 الف

يعني مكسب

( تايوتا شيك في الجيب )

[مواسي الطعوس]

انت شكلك شريطي ولاعب على الشايب . لاتعلم على نفسك .

العالم تتكلم عن 2008 و2009 م وانت تتكلم عن 97م ؟؟؟؟


اللي يريد الحقيقه يبحث عن موضوع ((من الافضل عند اعادة البيع ..........)) وسبق اشار له المشرف سوبر فتك قبل فتره بسيطه .

[ياوجودي]

ياإخوان حنا نتكلم عند السعر لمن تشتري من الوكاله ثم تبيع.

ثانيا هالكلام انا مسؤول عنه ان الخساره 40.000 ريال بعد سنه استخدام او اقل بعد. وبنظافته نفسها.

أنا رحت المعارض وبايعت والمعارض ماتكذب مهوب مثل كلام الانترنت. اللي يجيك واحد يسوم موتر مايسوى 110.000 ريال يسومه بـ 130.000 لا وصاحبه مايبيع << اقوى مسرحيات.

كلام المعارض مايكذب أنا يوم اني شفت راعي الجي اكس 2008 6 سلندر فتحه لونه أسود نظيف جدا ماشي 75.000 على ماأتذكر مسيوم منه بـ 123.000 يقول افرق السوم وبعتك. يعني مافيه مجال للتفاوض الوهمي.

يعني بالله لايجي واحد ويعطي أمثله على انه شيك بالمخبا وهو شراه مستعمل وباع مستعمل
حنا نتكلم عن اللي يشتري وكاله ويبيع بعد استخدام حشمه . يعني تحافظ وتتعب وبالأخير خسآره 40.000 ريال؟؟؟؟

[ولد وايل..]

يا أخوان لا تشبكون الأوراق...

تيوتا وغيره الموتر المرغوب يمسك سعرة...!



الباث فاندر والباترول فتك سفاري 2موديلات 2007 وفوق

واحد من الشباب باع موتره باث فاندر قبل سنه تقريبا وهو موديل 2005 نص فل وماشي وكارفه بس بدي سليم...

وشاريه بـ 74 وباعة بعد إستخدام 4-5 سنوات بـ 67 الف ..!وكذا اسعاره الى وقت قريب...



واللاند 2003 الى 2007 يمسك سعرة...


والجيوب من الأزل تمسك سعرها....

لكن الكلام الآن على الاند الجديد من 2008 وفوق ينزل وحول الأمريكي...

الحين انزل السوق وشف الجموس أسعارة فووق..وماسكة..

اللي شرى موترى بـ 120 يبيع الآن بـ 90 بعد إستخدام اربع سنوات...!

[ياوجودي]

يا أخوان لا تشبكون الأوراق...

تيوتا وغيره الموتر المرغوب يمسك سعرة...!



الباث فاندر والباترول فتك سفاري 2موديلات 2007 وفوق

واحد من الشباب باع موتره باث فاندر قبل سنه تقريبا وهو موديل 2005 نص فل وماشي وكارفه بس بدي سليم...

وشاريه بـ 74 وباعة بعد إستخدام 4-5 سنوات بـ 67 الف ..!وكذا اسعاره الى وقت قريب...



واللاند 2003 الى 2007 يمسك سعرة...


والجيوب من الأزل تمسك سعرها....

لكن الكلام الآن على الاند الجديد من 2008 وفوق ينزل وحول الأمريكي...

الحين انزل السوق وشف الجموس أسعارة فووق..وماسكة..

اللي شرى موترى بـ 120 يبيع الآن بـ 90 بعد إستخدام اربع سنوات...!

صحيح صار الاند ينزل سعره أكثر من الأمريكي.

[no fear 78]

والله انه من رئيي الشخصي ليش اشتري من الوكالة و عندي مستعمل سنه او نصف سنه ابفرق كبير لا او مواصفات احسن و بعد السيارة على ضمان الوكيل اوفر كمن الف حقي بس في شي واحد بتفتقده


ريحة الوكالة يا محلاها من ريحة


تسلم على الجهد المظني و يعطيك العافية

[قرم العيال]

شيك بدون رصيد

الله لا يخسر مسلم

[مغلي]

اعتقد انك يالاجودي اعطيتنا خبرة يوم واحد فقط
.
.
.
نريد بارك الله فيك ... خبرة اسبوع كامل
.
.
.
ثانيا
انا دخلت معارض النسيم ساعه وحده فقط قبل امس
واكتشفت ان الناس مجانين
حصلت جكسار 2010 رقم 3 سعودي ماشي 200 كم فقط يعني مستعمل وبيكون قبلي اسم يعني لو شريته بكون الثاني ... يقول صاحبه مسيوم ب 191500 ريال !!!!!!
(((وانا سائل بالمعارض نفسه جديد وباسمي انا الاول بسعر 192000 -- هالكلام في شوال 1430))) يعني الان الناس تترقب 2011 وهذا بيبيع 2010 بسعر 1430 شوال
.
.
وثاني برضه 2010 جكسار رقم 3 سعودي ماشي 20 الف
يقول مسيوم ب 184 الف !!!!!!
.
.
هبااااااااال وجنااااااااان
.
.
اشتري لي جديد ... افضل مليون مره من مستعمل بهالاسعار
والافضل ايضا
ان
افكر في الباترول الجديد 2010 الي مستحيل ان يصل اللاندكروزر الى ان ينافسه بالمحرك
او
في اقل تقدير
انتظر ... لعل وعسا .... ان يستحي وكلاء تويوتا ... ويجلبون الاندكروزر بمحرك 5700 مثل الامريكان اتاهم عام 2008
.
شكلي جنحت بالموضوع .... بس من جد قهر ... محرك 5700 الجبار... يحط بالسكويا الي سعرها 138 الف ... والاندكروزر ب 270 الف محركه زلابه قديم 4700 ؟؟؟؟؟؟؟؟!!!!!!

[اليكي]

الكلام هاذا صحيح 100 % حتى لو بتروح سوق الذهب بتشتري وتبيعه بخساره ...

والكلام هاذا لكل السيارات بدون تحديد ...

وكل مارتفعت قيمة السيارة كل ماكان الخسارة اكثر .....


انا اعرف لي رجال اشترى باترول 2010 جديد مامشى الا 1000 باعه بخسارة 10000 ريال ... واشترى تويوتا جي اكس ار ...


المعنى طال عمرك والقارين

ان هالمقارنه ماهي بس على تويوتا على كل السيارات ...

1- تويوتا هي الشركة الوحيده بالعالم الي انباعت سيارته اعلى من سعر الوكاله وانت شفت بعينك في السوق ولا احد يقدر ينكر هاذا
2- اذا بتتكلم عن نزول السيارات ليش ماتكلمت عن سعر الهدد 2006 2007 الي ينباع الى الان باعلى من سعر الوكالة !!

يعني اشترى السيارة واستخدمها 3 سنوات ويورح يبيعها بمكسب !!

اذا انت بتشتري سيارة ولاتبي تخسر وخذها مني نصيحه
اشتر فكس ار او جي اكس ار V8 (( مستعمل )) وان شالله بعد سنه تبيعه وماخسرت اي شي .... وجرب وشف

[راعي الرائد]

شكرا على جهودك المفروض مانساعد على ترويج الاشاعه التي يبثونها اصحاب المصالح

[ولد وايل..]

1- تويوتا هي الشركة الوحيده بالعالم الي انباعت سيارته اعلى من سعر الوكاله وانت شفت بعينك في السوق ولا احد يقدر ينكر هاذا
2




من أين لك هذا ؟؟؟؟


من دلاخة هذا ...!!


والله وأنا اخوك ما تستغرب الا من خبل يشري موتر ولا أي شي بأكثر من قيمته....


والله يصلح الحال..

[عاشق المزون]

اعتقد انك يالاجودي اعطيتنا خبرة يوم واحد فقط
.
.
.
نريد بارك الله فيك ... خبرة اسبوع كامل
.
.
.
ثانيا
انا دخلت معارض النسيم ساعه وحده فقط قبل امس
واكتشفت ان الناس مجانين
حصلت جكسار 2010 رقم 3 سعودي ماشي 200 كم فقط يعني مستعمل وبيكون قبلي اسم يعني لو شريته بكون الثاني ... يقول صاحبه مسيوم ب 191500 ريال !!!!!!
(((وانا سائل بالمعارض نفسه جديد وباسمي انا الاول بسعر 192000 -- هالكلام في شوال 1430))) يعني الان الناس تترقب 2011 وهذا بيبيع 2010 بسعر 1430 شوال
.
.
وثاني برضه 2010 جكسار رقم 3 سعودي ماشي 20 الف
يقول مسيوم ب 184 الف !!!!!!
.
.
هبااااااااال وجنااااااااان
.
.
اشتري لي جديد ... افضل مليون مره من مستعمل بهالاسعار
والافضل ايضا
ان
افكر في الباترول الجديد 2010 الي مستحيل ان يصل اللاندكروزر الى ان ينافسه بالمحرك
او
في اقل تقدير
انتظر ... لعل وعسا .... ان يستحي وكلاء تويوتا ... ويجلبون الاندكروزر بمحرك 5700 مثل الامريكان اتاهم عام 2008
.
شكلي جنحت بالموضوع .... بس من جد قهر ... محرك 5700 الجبار... يحط بالسكويا الي سعرها 138 الف ... والاندكروزر ب 270 الف محركه زلابه قديم 4700 ؟؟؟؟؟؟؟؟!!!!!!



هذا انت الحين تدور باترول وشكلك ودك بالاندكروزر بس تبي تسبة علشان تقنع نفسك انة مهب زين بس المادة تذبح وانا اخوك الاندغالي حبتين بغض النظر عن متى بنزل زما ينزل