استفسار يا اهل الجموس

[علي ال عذبه]

السلام عليكم ورحمة الله وبركاته

فيه جمس ونيت 2007 الشكل الجديد امريكي اللون ذهبي ست بلوط حجم 25 بدون دبل قير تماتيك اللون ذهبي المتحركات على الشرط
بس الموتر فيه باب وشاك انه مصبوغ كامل وغطاء الدركسون عليه شفر بس انه في الاستماره والكتابات الخارجيه جمس

ابي اعرف كم يسوى ؟؟

[علي ال عذبه]

وينكم ياهل الجموس
وينكم يالمكشاتيه ما حد رد علي

[قيوط الصحراء]

يالحبيب الموتر اذا انه حوض وعلا كلامك يسوا 35مايزيد عنهن

[بدر الشويلعي]

والله ماعندي معلومه والخير بالله ثم الاخوان الموجودين

الله يوفقك بالسياره

[تناهيت]

اخوي الجموس اذا ما كانت مشروطه لك من الصدام للصدام لا تاخذه لنه بيتعبك في الصناعية
وانت تقول مغير دركسون وفي الاستمارة شفر .....الخ ...<<تاكد لايكون ملعوب فيه
ترى ما شوهه صورة الأمريكي الا الشريطيه بسبب تلاعبهم في المستورد

[عاشق ونيت]

هذا اما انه مغير الوجه كامل من شفر او جمس واحتمال يكون من حادث او شئ او انه مغير الدركسون من شفر لجمس ومجرد ماتنفك طارة الدركسون يطلع الايرباق يعني يالوجه مغير يالدركسون مغير واحتمال كلها من صدمه
بالتوفيق