ماذا تفعل اذا نسّمت معك إحدى الكفرات وانت في البر ؟ الحل موجود

[مسافر الشمال]

بسم الله الرحمن الرحيم


السلام عليكم ورحمة الله وبركاته


واسعد الله اوقاتكم بكل خير


بما أن الكثير منا يطلع للبر وربما يقضي اياما وليالي وهو في البر اتيت اليكم بهذا الموضوع الذي ستجدون فيه الفائدة باذن الله
وربما قد يكون تطرق له احد من قبلي بشكل او بآخر لذلك اقدم اعتذاري له مقدما


نبدأ


كثيرة هي الاعطال التي تحصل معنا في السيارة ومن هذه الاعطال البنشر


وابسط انواع البنشر التنسيم(نقص الهواء او خروجه بالكامل )عن طريق الابرة مع ان الاطار واللستك سليمين


تخيل انها حدثت معك وانت في البر فماذا تفعل؟


لديك حلين:


الاول تقوم بتعبئتها بالماطور


فاذا تعذر الحل الاول يعني الماطور خربان او انك ناسيه
اكيد تنتقل للحل الثاني


وهو تركيب الاستبنة
لكن اذا وجدت الاستبنه مبنشرة او مامعك بالاساس
او انك ماقدرت تفكها بسبب الغبار والاتربة حاصة السيارات اللي استبنتها تحت


فماهو الحل؟


↓



↓




↓



الحل بسيط


↓



↓



↓



↓




تحتاج الى لي لا يتجاوز طولة 3 أو 4 امتار


مركب في طرفيه راسين كما في الصورة


http://www.mekshat.com/pix/upload04/images173/mk145319_mek003_18072010888.jpg




خله معك دايم اكيد تبي تحتاج له


وان شاء الله تبي تدعي لي


http://www.mekshat.com/pix/upload04/images173/mk145319_me k002_18072010890.jpg






طيب كيف نستخدمه


اول شئ نضرب مثال للتوضيح /


انت حاط الهواء في الكفرات عشرين


نسمت معك احدى الكفرات وبقي عندك ثلاث كفرات فيها 20


تقوم بسحب خمسة من كل كفر وتحطها بالكفر المنسم


يبقى في كل كفر 15(20-5=15)


يصبح بالكفر المنسم 15(5+5+5=15)


اصبحت الان كل الكفرات متساوية 15


طريقة سحب الهواء نضع احد الرؤوس في الكفر المنسم والراس الثاني في الكفر السليم


كما في الصورتين


http://www.mekshat.com/pix/upload04/images173/mk145319_mek004_18072010892.jpg



http://www.mekshat.com/pix/upload04/images173/mk145319_mek001_18072010895.jpg





الان تقدر تدق سلف وتروح اما لاقرب ورشة او انك تروح لاقرب طريق ويرزقك الله بواحد معه ماطور وينفخ لك كفراتك


او على الاقل تقدر تاصل مكان فيه شبكة وتكلم خوياك او ...الخ


الوكاد انه احسن من مقابلتك لسيارتك وهي مبنشرة وماحولك ولاحواليك




وفي الختام ان شاء الله تكون الفكرة وصلت


ولكم مني اجمل وارق واصدق الامنيات بقضاء رحلات خالية من الاعطال وعامرة بذكر الله

[عبدوش]

مشالله فكره حلوه الله يعطيك العافيه

[عقاب999]

فكره تمام التمام ..بس هل لو كان في الكفرات 20 مثل ماقلت ضغط الهواء بالكفر السليم مااتوقع يقوى يعطي خمسه للكفر المنسم ,,عطنا العلم ان كانك جربتها..لاهنت

[riyadhali]

انت رهييييييييييييييييييييييييييييييييييييييييييييب يوفقك ربي

[بو خليفه]

انا اقول شئ اساسي في البر تحمل اشتراكي ومنفاخ هواء و واير سحب

[الشلاطي 511]

الله يعطيك العافية وجزاك الله خيير

[ابو العز بلس]

وعليكم السلام ورحمة الله وبركاته
فعلا فكرة رائعة جدا تشكر عليها
الله يعافيك

[HA22]

الله يعطيك العافيه اخوي وازيدك من الشعر بيت عب السبير 60 او اكثر واسحب منه احسن لك

[عاشق السيل]

بيض الله وجهك يالذيب على الفكرة الرائعة ،،

عندي بعض النقاط إذا سمحت لي :

1 ـ المفروض أن تكون محتاط بماطور هواء ومتأكد إنه شغال لأنك تبي تبعد بالبر ،،

2 ـ الأهم إنك ماتبعد بالبر بسيارة وحدة وهذي فيها مخاطرة كبيرة مهما كانت السيارة اللي معك فلابد من وجود سيارة ثانية !!

3 ـ لازم يكون معك أكثر من إبرة لأن الإبرة إذا خربت ماراح ينفعك اللي !!

4 ـ باقي شي مهم ماذكرته وهو كم سعر ( اللي ) ؟؟ وين ممكن نلقاه ؟؟ لأنه لابد من وجوده مع العدة لوقت الحاجة !!!

عافاك الله وآسف على كثرة القرقر وتقبل مروري يالغالي ....

[فيصل الدريويش]

.
من واقع تجربة

الكفر عندما يكون اقل من 30 فأنه لا يعطي دفع هواء لتعبئة الكفر المنسم منه !

أفضل حل الماطور

وان تعطل او غير موجود

تستطيع تحمل معك كفر بالون على جنط 15 وتحشرة هوا لك إلى 100 وقتها تقدر تعبي منه الكفرات زي ماتبي حتى لو كلها منسمة وبشكل سريع زي البنشر

من واقع تجربة

[عشقي الباترول]

فكرررررة
جميلة

وسبق ان صارت معي نفس البنشر ومامعي ماطور وفزعلي شخص معة لي نفس اللي المعرووض
وعبيت سيارتي من كفراتي وانتهت المشكلة

[سوبر VTC]

العذر على اللقافة :p :D




[quote=عاشق السيل;4898178]

3ـ لازم يكون معك أكثر من إبرة لأن الإبرة إذا خربت ماراح ينفعك اللي !!



الحل
غطاء الابرة يقوم بالواجب و يكفي عن الابرة



.
من واقع تجربة

الكفر عندما يكون اقل من 30 فأنه لا يعطي دفع هواء لتعبئة الكفر المنسم منه !



اعتقد رفع الكفر المنسم بعفريته حل ناجح لنفخ الكفر
لانه تريح الكفر من ثقل الموتر

[al-hrf]

فكرة رائعة , وسهلة , ولا ياخذ منا محل..

تسلم على النصيحة.

[قرعة نجد]

ماشاء الله
فكرة رآئعة
ومالوه نحطه مع قش البنشر وان شاء الله ما نحتاجه
:)

[عاشق صيد]

موضوع جميل وأحلى مافيه النقاشات والحلول المقترحة

[SRAAAB]

الله يعيطيك العافية

[جهام القصيم]

بارك الله في الجهود ولكن تحتاج شخص اخر على شان يتم وضع اللي في البلف في نفس الوقت ولا ضع الهوء بعد تركيب الي في البلف الاول

ملاحظة: تحتاج الى وضع صمم امان لعدم خروج الهواء بعد تركيب احد اطراف اللي

[راعي الوبارة]

بدلآً من هذا وذاك ...
لو نرجع لعدة سيارات ((تايوتا)) السبعينات الى 81 تقريبا يجي معها لي ومفك بواجي ... جهة من اللي في مكان البوجي (مسنن طبعاً) والثاني في الكفر (يركب بالبلف) لحين أقرب بنشر وتفرغ الهواء وتعبيه من عند البنشري لإحتوائه على الوقود الغير مشتعل. وأغلب الظن إنه موجود بالسوق الى عهد قريب وسعره رخيص.. وسلامتكم