ماخاب من استشاركم الله لايهينكم

[بلاميعاد302]

السلام عليكم ورحمه الله وبركاته

انا حبيت استفسر منكم يالربع عن سؤال بسيط وهو انا معي شاص 2010 والجنوط الي راكبه فيه شنبر والكفرات دنلوب بس الي قهرني ان الكفرات بدت تتمسح وفيه رجه بسيطه وكم محل مريته يقول غير الجنوط يقولون الشنبر ما يصلح وانا حبيت اسألكم بالجنوط الي في الصوره الي تحت وقلت اجل مره وحده اغير الجنوط والكفرات وفكرت اركب كفرات بالون ابي اسأل الي جربو البالون هل لها عيوب وهل ينصحون بها او لا او وش الكفرات الي تنصحوني بها الله لايهينكم ارجو منكم الاجابه الله يوفقكم واكون شاكر ومقدر

http://www13.0zz0.com/2010/07/18/14/594685329.jpg (http://www.0zz0.com)

[برايدوي عنيد]

هلابك اخوووي......


البالون ياطويل العمر ممتاز ولكن به الرجه وقليل انك تسلم منه ,

الشي الثاني اشوف اكثر اللي يركبون جنط عريض يركبون كفرات هانكوك او دنلوب

فالهانكوك لين ومريح ولكن لايتحمل مايتحمله الدنلوب ..

تقبل مروري......

[أبوسعود711]

كلام اخوي بريداوي 100%

[بلاميعاد302]

يعطيك العافيه اخوي بريداوي على الرد بس لو يفيدنا واحد قد ركب البالون للشاص الله لايهينه

اشكرك اخوي ابو سعود

[بلاميعاد302]

غريبه 43 مشهاده ولافيه الاردين وين الناس راحو

[نفود بريدة]

نصيحتي لك :

1- اذا انت من النوع الي 24 ساعه بالبر وتبي شي يوسع صدرك بالبر وعملي ما فيه كلام , عليك بـ :
جنوط لكزس فراشه مقاس 16 مع كفرات دنلوب ( ياباني ) مقاس 275-70-r16
وراح تدعيلي باذن الله .

2- اذا انت من النوع الي يهمه الشكل باللحيل , واستخدامك ديرة وبر , وتبي شي مش بطال ;) , عليك بـ
جنوط لكزس فراشه مقاس 17 مع كفرات دنلوب (ياباني ) مقاس 275-65-r17
لكن ترا مقاس 16 الي اول شي كتبته لك افضل من المقاس هذا اللي هو 17 في البر وبفرق ملحوظ

رح مركز لزوف اللي بالغرابي تراه مش بطال :D


والله يوفقنا واياك :)

[سوبر VTC]

هل الرجة على سرعة 70 الى 100

[بلاميعاد302]

اخوي نفود بريده ممكن صوره للجنوط الي تقصد مقاس 16 الله لا يهينك

[نفود بريدة]

هذي مقاس 17

http://dc05.arabsh.com/i/00443/9lkgj4pyabv8.jpg

وهذي مقاس 16

http://up2.m5zn.com/photo/2009/4/20/12/on3h8rq1u.jpg/jpg


طبعا كلهم نفس التصميم الا اللهم ان الـ 17 اجمل شكل على الموتر

والله يوفقنا واياك

[بلاميعاد302]

الله لا يهينك اخوي نفود بريده على الصور ولانصيحه وجعلها الله في موازين اعمالك

[ابوصالح77]

ركب دنلوب نقشة الشاهين وجنوط هلل مبرزة أصلية

[سوبر VTC]

ما جاوبت على سؤالي :)

هل الرجة من سرعة 70 الى 100 ؟ ام مستمرة ؟

[عبدالعزيز القحطاني]

جاوب على سؤال المدير لا يزعل علينا ويقفل المنتدى

[بلاميعاد302]

اعتذر عن التأخير يا مديرنا العزيز

ايه نعم الرجه تجي من ال70 الى ال100 ورصصت السياره كم مره ترصيص ارضي عن كم واحد ولا راحت المشكله

يعني الي ابيه منك يالربع الله لا يهينكم والي جربو البالون هل له عيوب ويخرب السياره

[سوبر VTC]

طيب بخصوص الرجه

رد في موضوع سابق

الجيب الحوض و الربع يصير بهن رجه على سرعه 80 تقريبا

مع احد الربع شاص م2008 كل 6شهور يشد التيلة و يضبط :good2:

الحل
تفك التيلة اللي راكبه قدامك بالصورة
حقت اذرعه الدركسون و الفلنجة
شف عندك الذراع اللي يلف الكفر
اللي راكب على ذراع الفلنجة
تلقى بنهايته مع الجنب تيله او مسمار
هذا ما يدرون عنه راعين الورش :no2::no2:
تفك التيله اذا فكيته يصير بوجهك صاموله كبيره جدا
كما واضح في الصورة
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق

طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن
هذا الراس تقدر تشد به الصامولة
اذا خلصت تركب التيل مرة ثانية
طبعا لازم كل 6شهور تشيك عليهن
خصوصا اذا حدث رجة
لكن بعد ترصيص الجنوط ليزر ارضي

احد الشباب ببريدة تخصصه هالشغلة و يشرط على الضمان ماترجع الرجه

انت افهم هالطريقة و تراه سهلة التطبيق
منتب خاسر شي



http://www.mekshat.com/vb/../pix/upload03/images134/mk53291_lbgndpb1.jpg



http://www.mekshat.com/vb/../pix/upload03/images134/mk53291_bpj%5Bjo%5Bbj2.jpg



على هذا الرابط

شاص م2008

الموتر جديد الرجه علقته الفزعه يالربع - منتديات مكشات (http://www.mekshat.com/vb/showthread.php?t=268290)



***************

روابط عن البالون
كفــــرات وإطارات وتوايــــر البالـــون .. - الصفحة 2 - منتديات مكشات (http://www.mekshat.com/vb/showthread.php?t=249834&page=2)


كـفــرات بــــالـــون - منتديات مكشات (http://www.mekshat.com/vb/showthread.php?t=218247)


سؤال عن كفرات البالون للباترول - منتديات مكشات (http://www.mekshat.com/vb/showthread.php?t=187832)


اللي جرب كفرات البالون يدخل يفيدنا مشكوراً مأجوراً - منتديات مكشات (http://www.mekshat.com/vb/showthread.php?t=89466)


ابرز عيـــــوب البوالين والكفرات الحجريه ×33× - منتديات مكشات (http://www.mekshat.com/vb/showthread.php?t=206226)


هل ينفع كفر البالون لمثل هذه الاماكن ؟ للعارفين(صورة) - منتديات مكشات (http://www.mekshat.com/vb/showthread.php?t=180656)


من عنده معلومات عن البالونات - منتديات مكشات (http://www.mekshat.com/vb/showthread.php?t=52697)


اذا ركبت كفرات البالون لاتنسى هذه التوصيات...للاستخدام السليم ... (http://www.mekshat.com/vb/showthread.php?t=142176&page=3)


سؤال عن كفرات البالون للباترول - منتديات مكشات (http://www.mekshat.com/vb/showthread.php?t=187832)


كفرات البالون معلومات ومناقشات - منتديات مكشات (http://www.mekshat.com/vb/showthread.php?t=220120)

[بلاميعاد302]

اشكرك مشرفنا العزيز على الرد الوافي والله لا يهينك ويعطيك الف عافيه والله يجعلها في موازين اعمالك