كم العمر الافتراضي للكفرات

[ابن الضمين]

انا على موتري كفرا ت تاريخها 40 اسبوع لعام 2007
وماشيه ما يقارب 50000كم
وشكلها نظيفه
السؤال هل اغيرها ام اصبر عليها فتره
لان الان يمكن ما القى جديد بتارخ 2010

[faris2006]

الله اعلم ان عمرها الافتراضي ثلاث سنوات او 60000كلم تصل الى خمس سنوات او 120000
حسب نوع الكفرات

[التعـ King ـديل]

عمرها الافتراضي مابين سنتين الى ثلاث سنوات من تاريخ الانتاج بالنسبه للكفرات المعروفه بجودتها

وعمرها الافتراضي من سنه الى سنه ونص من تاريخ الانتاج بالنسبه للكفرات الثانيه

[ابن الضمين]

مشكورين والله يجزاكم خير على المرور

[زوم]

عمرها الافتراضي مابين سنتين الى ثلاث سنوات من تاريخ الانتاج بالنسبه للكفرات المعروفه بجودتها

[شبح الصحراء]

انا على موتري كفرا ت تاريخها 40 اسبوع لعام 2007
وماشيه ما يقارب 50000كم
وشكلها نظيفه
السؤال هل اغيرها ام اصبر عليها فتره
لان الان يمكن ما القى جديد بتارخ 2010
لا اعلم بالضبط لأنه من الصعب تحديد عمر الإطارات بعدد السنوات او عدد الكيلومترات فهناك أمور كثيرة قد تقلل او تزيد في عمر الإطار كالقيادة بكثرة في الأماكن الوعرة او قيادة السيارة مع تخفيف ضغط الإطارات لمرات عديدة او كثرة الأسفار بسرعات كبيرة وحتى مكان وقوف السيارة في الشمس او الظل له دور كبير في عمر الإطارات لذلك يجب أن تفحص الإطارات بنفسك وعدم الإعتماد على عمرها الإفتراضي لأن العمر الإفتراضي مبني على الظروف المثالية فقط فيجب فحص الإطارات والتأكد من عدم وجود تشققات كثيرة في الإطار او صعارير او سحكية او تحبيل خصوصاً قبل السفر وعموماً بما ان سيارتك قطعت 50000كم تقريباً على هذه الإطارات فأعتقد انه قد اقترب موعد تغييرها ولكن كما اسلفت هذا يعتمد على حالة الإطار نفسه افحصها بنفسك او ابحث عن شخص خبير يفحصها لك ولا تنسى ان الإطارات السيئة خطيرة فلا تتهاون في ذلك واسأل الله لك التوفيق .

[غالي]

اذا بتسافر مسافه متوسطه الى طويله انصحك تغير او اقل شيء تشتري كفر او كفرين وتخليهم معك احتياط


واذا والله منت مسافر وجوه المدينه وتشوف انها نظيفه لاتغيرها

انا عندي يوكون كفراته 2007 وواحد من الكفرات مشقوق (كنه منسلخ لكن مانسم ) من خشبه حاطها تحته وانا مغرز في طين

ولاعندي نيه اغيرهم ((ولا استخدم الموتر الا للدوام وللبر فقط ))

+

استبنته الظاهر بتاريخ 2000 وعساها تركب بعد الظاهر مقاسها يختلف

<----- بيتسطر خخخخخخخ

يارجال والله ذبحونا هالبناشر بالنصب والكذب

عندي موتر كفراته بريللي جيت اغيرها بالبناشر لان الين طايح من 5 شهور تقريبا لقيت ارخص شيء بشارع الضباب على 1650 للواحد

وكنت شاريه عام 2007 تقريبا ب2460 للواحد

وكلمني واحد من العيال يعرف مدير في بريللي وكلمه ورحت له وعطاني الكفر ب1300 +ترصيص+هواء نيتروجين

والحمدلله على كل حال :)

عسى الله يدلك على الخير لكن اذا ماغيرتهم نصيحه لاتسرع عليهم خل حدودك 120 لاتزود

[جهام القصيم]

العمر على حسب نوع الكفرات وطريقة الاستعمال زفلت بر تنسيم وقوف السيارة في الشمس واذا كانت شد بلد ياباني تمشي 100 الف عادي اما كفرات السوق حده 50 الف

النصيحة/ غير الكفرات او ريح بالك (العمر ما هو بعثرة)

[ابوطاقية]

حسب المواصفات والمقاييس السعوديه لايتعدي عمر الكفرات سنتين حتي لو تشترى سياره مخزنه من الوكاله وطاف على الكفرات اكثر من سنتين ملزمين بتغييرها
ولاتشترى اي كفرات من الموزعين جديده طاف عليها سنه من تاريخ التصنيع

[ابن الضمين]

اشكر الجميع على نصائحهم الجميلة والله يوفقنا والجميع الى مافيه الخير

[باسم الرياض]

والله نفس السؤال ياجماعة الخير

عندي كفرات دنلوب للجيب غيرت ثنتين والثانيات تاريخ الانتاج عام 2007 ولاادري ودي اسافر للشرقيه بس اوقات المساء عشان الحر والكفرات نظاف لكن خايف من العمر الافتراضي زي ماقاالو والكفرات دنلوب يابانيه
نسمع اراء الشباب

[ابوصالح77]

أخوي إذا بتسافر غيرهن
وكانك بالديرة الدعوى تياسير يعبرك أي شيء

[مواطن مدني]

ميشلان الاصلية يفترض خمس سنوات جودتها ماتغير ولكن اللي اعرفه بعد تجربه ثلاث سنين تمام
الشي الغريب عندي واحد له خمس سنين ماتغير صناعة فرنسي كنت شاريه من الوكيل الشايع بروحه
وباقي الكفرات بدلتها مرتين بس مهيب صناعة فرنسيه وهي طبعاً ميشلان لكن هالفرنسي والله عجيب
رحت ادور نفسه بالضبط ماحصلت في الشويخ حولوني على فرع الاحمدي وماش مهيب مثل اللي ادورها
وفي كل الاحوال الميشلان في اعتقادي هي افضل الكفرات
بتأكد من صناعة الكفرات الثانية وبرد لكم خبر بس الاكيد مهيب فرنسية : )

[عاشق السيل]

لا اعلم بالضبط لأنه من الصعب تحديد عمر الإطارات بعدد السنوات او عدد الكيلومترات فهناك أمور كثيرة قد تقلل او تزيد في عمر الإطار كالقيادة بكثرة في الأماكن الوعرة او قيادة السيارة مع تخفيف ضغط الإطارات لمرات عديدة او كثرة الأسفار بسرعات كبيرة وحتى مكان وقوف السيارة في الشمس او الظل له دور كبير في عمر الإطارات لذلك يجب أن تفحص الإطارات بنفسك وعدم الإعتماد على عمرها الإفتراضي لأن العمر الإفتراضي مبني على الظروف المثالية فقط فيجب فحص الإطارات والتأكد من عدم وجود تشققات كثيرة في الإطار او صعارير او سحكية او تحبيل خصوصاً قبل السفر وعموماً بما ان سيارتك قطعت 50000كم تقريباً على هذه الإطارات فأعتقد انه قد اقترب موعد تغييرها ولكن كما اسلفت هذا يعتمد على حالة الإطار نفسه افحصها بنفسك او ابحث عن شخص خبير يفحصها لك ولا تنسى ان الإطارات السيئة خطيرة فلا تتهاون في ذلك واسأل الله لك التوفيق .

عطاك العلم الوااااااااااافي وما أزيد عليه ولا حرف ،،

بيض الله وجهه ولا تهون يالغالي ...

[عبدالعزيز القحطاني]

تبي كفراتك تعيش أطول فترة ممكنه !
عبها نيتروجين لا تعبيها هواء عادي
بالتوفيق

[مواطن مدني]

ميشلان الاصلية يفترض خمس سنوات جودتها ماتغير ولكن اللي اعرفه بعد تجربه ثلاث سنين تمام
الشي الغريب عندي واحد له خمس سنين ماتغير صناعة فرنسي كنت شاريه من الوكيل الشايع بروحه
وباقي الكفرات بدلتها مرتين بس مهيب صناعة فرنسيه وهي طبعاً ميشلان لكن هالفرنسي والله عجيب
رحت ادور نفسه بالضبط ماحصلت في الشويخ حولوني على فرع الاحمدي وماش مهيب مثل اللي ادورها
وفي كل الاحوال الميشلان في اعتقادي هي افضل الكفرات
بتأكد من صناعة الكفرات الثانية وبرد لكم خبر بس الاكيد مهيب فرنسية : )


صناعتها امريكية
امس رحت ادور كفرات ميشلان ابي فرنسية قال مافية والموجود حالياً كندية ومافيه غيرها
واللي قبلها كانت امريكية والحين بس كندية ! سعر الكفر الواحد 800 ريال

[معهم]

على حسب الاستخدا والشمس لها دور كبير ...

[الإستراتيجي]

إستخدام بر وكرف سنة واحده أو سنة ونصف بالكثير من خلال التجربة ,,,


بر خفيف جدا وخطوط طويلة سنتين ,,,



إستخدام حشمة وخفة مع خطوط في السنة ثلاث سنوات


شخص ما يسرع أبد يعني 120 بالكثير ويعاير الكفرات كل فترة ويمشى على السيارة دائما راح تعيش كفرات الجيب أو الجمس لأكثر من خمس سنوات وأنصح كل أربع سنوات يغيرها ...


الشخص إلي يمشي في زحام ينصح يغير كفراته لأنها راح تكون ناعمه قابلة للإنزلاق بعد سنتين


السيارة المخزنة تغيير بأسرع وقت أو يتحمل النتائج حيث أن كل كفر يختلف في تحمله ,,,


الكفرات تتحمل درجات مختلفه وسرعات مختلفه وأجواء مختلفه وعلى حسب إستخدامها تختلف في قدرتها على التحمل ,,,


وأنا أستخدمت أنواع كثيرة وأنصح بالنوعيات الطيبه ومن الوكيل إن أمكن حيث أن الكفرات لدى الوكيل تكون جديدة ونوع التخزين طيب وعليك بالوكيل طيب السمعة والكفرات التي جااااءت من بلدها :good2:

[(ابو عبدالله)]

عندي برادو 2008 كيف اعرف تايخ الصنع

ولكم تحياتي

[الباب والدريش]

الكفرات العايده سنتين
البالون سنه ونص

[الإستراتيجي]

عندي برادو 2008 كيف اعرف تايخ الصنع

ولكم تحياتي




http://img196.imageshack.us/img196/595/tire99.jpg


وصلنا لنقطة مهمــة جداً .. وهــي الرقم التسلسلي
مكان وتاريخ صنع الإطار .. فيجب عليك عدم شراء أي إطار تعدى صنعه السنة الواحدة !
أو حتى أقل من هذا .. فالصنع يقاس بالإسبوع !

DOT تشير إلى انه متوافق مع انظمة وزارة المواصلات الأمريكية
(036) معناها أن الإطار مصنوع في الإسبوع الثالث من عام 1996
يعني مثال آخر :
(3807) يعني انه صنع في الإسبوع 38 من عام 2007