يا أخوان أفضل طريق للي بيسافر لدبي من الرياض

[قرقاص مع شاهي]

أنا مسافر بع الغد لدبي وأبغى أفضل طريق تنصحوني فيه من الرياض

وياليت إذا فيه أحداثيات أسجلها على القارمن ( توي شاريه وفرحان ) تكونون خدمتوني أنا والعايله الكريمه ولكم كل الشكر

[رمال النفود]

أقرب طريق لك ..
خذ طريق الرياض - حرض - البطحاء
والمسافة على هذا الطريق كالتالي:
من الرياض للخرج = 70كم
من الخرج لحرض = 187 كم
من حرض لمنفذ البطحاء = 255 كم
المجموع من الرياض لمنفذ البطحاء السعودي= 512 كم

ومن المنفذ السعودي الى دبي (لا أعلم بالضبط) لكن أكثر من 350كم .
وانتبه من الطريق الجو حار جدا في المنطقة الشرقية بالنهار تصل درجة الحرارة الآن في الاحساء بين 49- 51 درجة مئوية تحت الظل أما تحت الشمس مباشرة فأتوقع تصل 54-55 بالراحة والله أعلم ، لذلك تنبه للكفرات بالذات واذا انها قديمة او مكدودة فغيرها واشتر سلامتك بفلوسك .
والجو الآن غبار وأتربة بسبب رياح البوراح الصيفية فكن متنبه.

حفظ الله الجميع .
تحياتي.

[قرقاص مع شاهي]

مشكور أخوي رمال النفوذ وما قصرت

وياليت طريق غير حرض لأنه مقطعه وموحش للعايله

وسمعت أن طريق خريص أفضل بس ما ععرف الوصوف مضبوط

ولك التحية

[زعفرانه]

طريق حرض زين لكن امش بالنهار اول الصبح الفجر
اما في الليل فهو موحش

[السنع كله]

الرياض طريق الدمام وافرق من عند سعد الى الاحساء ومنها الى سلوى ومنها تفرق يسار والى الحود هناك والطريق ممتاز اما طريق الخرج شاحنات ورمل متحرك على الخط وقلة محطات ( موحش )

[aziz2727]

انا بصراحة رحة لدبي اثناء الاجازة فترة الاسبوع قبل شهرين تقريباً عن طريق الدمام بعدين تفرق مع طريق الهفوف
وهذه خارطه توضح الطريق والمسافات الله يجزا خير الي صممها وحملها وان شاء الله تنفعك
الطريق من الرياض الى دبي (http://travel.maktoob.com/vb/search.php?do=process&query=الطريق من الرياض الى دبي&mfs_type=forum&utm_source=related-search-travel&utm_medium=related-search-links&utm_campaign=travel-related-search&highlight=) مع حساب المسافة ووصف للطريق:

http://www.mekshat.com/pix/upload/images18/mk13197_r=d.jpg

ويكم جدول المسافات ووصف الطريق:

http://www.mekshat.com/pix/upload/images18/mk13197_r=d2.jpg

[nx6]

انا بصراحة رحة لدبي اثناء الاجازة فترة الاسبوع قبل شهرين تقريباً عن طريق الدمام بعدين تفرق مع طريق الهفوف
وهذه خارطه توضح الطريق والمسافات خذيتها من موقع الله يجزا خير الي صممها وحملها وان شاء الله تنفعك
الطريق من الرياض الى دبي (http://travel.maktoob.com/vb/search.php?do=process&query=الطريق من الرياض الى دبي&mfs_type=forum&utm_source=related-search-travel&utm_medium=related-search-links&utm_campaign=travel-related-search&highlight=) مع حساب المسافة ووصف للطريق:

http://www.mekshat.com/pix/upload/images18/mk13197_r=d.jpg

ويكم جدول المسافات ووصف الطريق:

http://www.mekshat.com/pix/upload/images18/mk13197_r=d2.jpg


يعطيك الف الف عافيه

[gx 94]

خير وصف ماشاء الله

[aziz2727]

جزاكم الله خير
وجزاء خير من عمله وان شاء الله يعم نفعه للجميع
والحقيقة انا شخصياً استفدة منه وجميع ما ذكر فيه مطابق للواقع بالتفصيل من ناحية المسافات ونوع الطريق ( سريع او سايد واحد )
والله ينفع به

[قرقاص مع شاهي]

مشكور اخوي عزيز على هالتوضيح الجميل والرائع وعندي سؤال هل طريق الرياض وأفرق يمين مع سعد أفضل حسب رايك ولا أمشي مع هذا وبس ؟

[يا هلا بك]

أنا ذهبت من الرياض الى دبي برا في شهر فبراير "أي قبل 6 أشهر تقريبا" وبأوصف لك الطريق اللي مشيته ، وبيناسبك كثير إن شاء الله، لأنه هو الأفضل في نظري وخاصة للعوائل، والله أعلم




من الرياض الى مفرق سعد "على طريق الدمام" تقريبا 90 كم، طريق سريع "متعدد المسارات"، وبه محطات وقود.





من مفرق سعد الى الهفوف/الأحساء تقريبا 200 كم ، طريق سريع "مسارين في كل اتجاه"، لا يوجد محطات وقود، وتمر بخريص وهي هجره قديمه ليس فيها من مظاهر الحياه المدنية شيء.





من الأحساء/الهفوف "مدينتان متلاصقتان" الى سلوى 130 كم تقريبا ، طريق سريع "مسارين في كل اتجاه"،وليس كما ذكر بالأعلى سيد واحد، يوجد محطات في داخل المدينتين وعند خروجك من الأحساء، ومحطة ساسكو بالقرب من سلوى، أما في الطريق لا يوجد محطات وقود أخرى.





من سلوى "منفذ قطر" الى البطحاء "منفذ الامارات" تقريبا 160 كم ، ربما أكثر أو أقل قليلا " لست اذكر الان" ، وهو طريق سريع "مسارين في كل اتجاه"، وليس كما ذكر بالأعلى سيد واحد ، ولا يوجد محطات وقود ،يوجد محطة ساسكو عند منفذ البطحاء " يجب أن تفلل التانكي هناك، لأنك ستودع البنزين الأرخص".





من منفذ البطحاء الى أبو ظبي تقريبا 380 كم، طريق سريع "مسارين في كل اتجاه"، ويوجد به محطات.





من أبو ظبي الى دبي تقريبا 100 كم ، طريق سريع "متعدد المسارات"، ويوجد به محطات.




والحمد لله ، خرجت من الرياض الساعه 07:00 صباحا، ووصلت الى دبي بين الساعه الرابعه والخامسه عصرا، شامل التوقف في الأحساء للافطار ، والمرور عبر جوازات وجمارك البلدين ولم تكن مزدحمه.



سرعة القياده " 160 كم من الرياض الى أبو ظبي" ، "والسرعه بين الـ 120 و 140 بين أبوظبي ودبي لازدحام الطريق"، لكن انتبه من الكفرات، والجو الان صيف وحر فالحذر واجب فالوضع يختلف عن الشتاء والربيع.



السرعه داخل دبي يجب أن تكون منتبها لها ، فهناك حدود عليا للسرعه خاصة الطرق الرئيسيه ، مثل شارع الشيخ زايد، ولكن تعامل الشرطه أو المرور هناك راقي وكريم ومحبب، وغالبا لا يخالفون السيارات السعودية والخليجية ، وستستمتعون بوقتكم إن شاء الله.



أمنياتي لكم برحله سعيده والعوده بالسلامة إن شاء الله

[aziz2727]

وبودي اضيف على كلام اخوي يا هلا بك نقاط مهمة :
- اذا كان مدة رحلتك اكثر من 3 ايام فضروري ان تشتري شريحة سالك ، وهذه الشريحه تلصق على الزجاجة الاماميه للسيارة وتجدها في اغلب المحطات البنزين وهي عبارة عن تشريحه تخولك المرور لان طرق دبي وخاصة طريق الشريخ زايد يوجد به مثل القوس وهو نظام آلي يحسب مرور السيارة لاكثر من مره وعليه رسوم .
النقطة الثانية وهي عند دخولك للحدود الاماراتية وبعد تختيم الجوازات بيجيك تفتيش العفش بعد ما تخلص من تفتيش العفش بتحصل مكاتب على يدك اليسار وهذه المكاتب للتأمين على السيارة ضرورة انك تاخذ منهم لان لو ما خذيت منهم ورحت راح يرجعك موظف الجمارك مره ثانية بحجة لا يوجد معك تأمين على السيارة .
- اعتقد ان المسافه من الحدود الاماراتيه الى دبي بحدود 500 كم تقريباً .
- قبل ما تدخل للجمارك السعودية يوجد محطة بنزين على يدك اليسار عبي منها السيارة لان زي ما ذكر اخوي يا هلا البنزين عندهم غاااااااااااالي .
وان شاء الله تروح وترجع بالسلامه . :)

[الهاوي 9]

الله يوفقك تروح وترجع بالسلامه

[Makaveli]

أنا مسافر بع الغد لدبي وأبغى أفضل طريق تنصحوني فيه من الرياض

وياليت إذا فيه أحداثيات أسجلها على القارمن ( توي شاريه وفرحان ) تكونون خدمتوني أنا والعايله الكريمه ولكم كل الشكر

شيك الكفرات والزيت والإسبير أهم شي
ولو كنت تسوق ألماني ماراح تتعب في الطريق
بس أنتبه توصل 180 وإنت منت حاسس
وتوصلو بالسلامة

[رمال النفود]

إذا يغيت تسلك طريق الدمام ..
الأقرب لك خذ طريق الرياض الدمام السريع ثم مفرق سعد ثم الاحساء

[برق و مطر]

ما شاء الله تبارك الله

ممتاز جدا يعطيك العافيه

[عجاج السناف]

أقرب طريق لك ..
خذ طريق الرياض - حرض - البطحاء
والمسافة على هذا الطريق كالتالي:
من الرياض للخرج = 70كم
من الخرج لحرض = 187 كم
من حرض لمنفذ البطحاء = 255 كم
المجموع من الرياض لمنفذ البطحاء السعودي= 512 كم

ومن المنفذ السعودي الى دبي (لا أعلم بالضبط) لكن أكثر من 350كم .
وانتبه من الطريق الجو حار جدا في المنطقة الشرقية بالنهار تصل درجة الحرارة الآن في الاحساء بين 49- 51 درجة مئوية تحت الظل أما تحت الشمس مباشرة فأتوقع تصل 54-55 بالراحة والله أعلم ، لذلك تنبه للكفرات بالذات واذا انها قديمة او مكدودة فغيرها واشتر سلامتك بفلوسك .
والجو الآن غبار وأتربة بسبب رياح البوراح الصيفية فكن متنبه.

حفظ الله الجميع .
تحياتي.

كلام ...هذا هو اسهل واسرع طريق
بيض الله وجهك

[اماراتي1]

السلام عليكم ورحمة الله وبركاته


حقيقة الاخوان لم يبقوا لنا شيئا لنذكره لانهم كفوا ووفوا في نفس الوقت

بس لدي عدة ملاحضات
الطريق بين ابوظبي الى دبي يوجد على يمين الطريق اكثر من اربع محطات وقـــــود خلال مسافة بحدود 140 كم
موزعة على كل 40كم تقريبا محطة تسمة ادنوك(ابو الابيض...الشوامخ..السمحة..غنتوت)
والمحطات شاملة الخدمات

والطريق ما بين الغويفات(المركز الحدودي) الى سيح شعيب (قبل دبي ب60 كم ) سرعة ضبط الرادار ب160كم /ساعة
اما في دبي على 140 كم ف/ الساعة


تمنياتي لكم بالتوفيق لاي ملاحضات حنا حاضرين........

[عبدالعزيزالثبيتي]

مشكور أخوي

[mamoun126]

صباح الخير
حقيقة موضوع رااائع
ولكن هل هناك تطور او تحديث على هذه الطرق وما هو الافضل للعوائل
وشكراً

[zayed98]

شيك الكفرات والزيت والإسبير أهم شي
ولو كنت تسوق ألماني ماراح تتعب في الطريق
بس أنتبه توصل 180 وإنت منت حاسس
وتوصلو بالسلامة

انشهد انك لوتسوق الماني مانك حاس بتعب


عب كفراتك نايتروجين لان ميزت النايتروجين ماتزيد حرارته ولا تقل
تأكد من موترك ومحركاته والايل ومويه الديتر

من تشوف محطه فلل موترك ولو فيه 75% هاذي اهم شي عندي ان الموتر يكون مفلل

لاتوقف لاي احد من الطريق في المحطات في الشوارع اقفل موترك يوم تنزل ولا تكلم احد ماتعرفه

[الرايق3]

طيب بنسبه للاوراق زي استمارة السيارة و الرخصه انا رخصتي منتهيه فيه واحد من الزملا ذكرلي انه لايسالون عنه

[الصيادالمليح]

طيب بنسبه للاوراق زي استمارة السيارة و الرخصه انا رخصتي منتهيه فيه واحد من الزملا ذكرلي انه لايسالون عنه


إذا دققوا عنها في الجمارك وقت تسجيل السيارة جهة السعودية لأنه مسجل عندهم في الكمبيوتر تاريخ صلاحية الرخصة فراح يرجعونك فورا

[aasts]

الله يعطيك العافية

[رجل الجزيرة]

بين سلوى وبطحاء زادت محطات البنزين.