لاندكروزر 2010 سته سلندر (شلونه من ولد )

[مسهي الرعيان]

السلام عليكم ورحمة الله وبركاته .. بعد التحيه ..
طالب منكم الجواب الشافي والكافي عن اللاند كروزر 6 سلندر قير عااااادي ..
شلونه بالبر والطعوس والقرازات ..
وشلونه من ناحية الخرابات ..
وشلون فزته من الصفر ..
وهل هو موتر ناجح ..
وآسف يا إخوان على الاطالة ..

[fof6666]

نفس السؤال

[عالي الكيف]

والله ياصاحب السؤال
ماجربته
لكن
نصيحه قبل لاتشتري قارن بينه وبين ال8 سرندل
واذا الفرق بالقيمه قليل فلا تآخذ الا ال8

ممكن تقول ليه ؟؟؟
الجواب : ان المكينتين صارت تجي راسين يعني ميزة العزم في القومه فقط واللي كان يميز الموديلات القديمه انتهى الآن

وانا سمعت ان الفرق بين النوعين لا يتجاوز عشرين الف

[واحد مبسوط]

المكينة نشيطة
لكن لاتتناسب مع حجم السيارة
ابو 8 عطي الله:good2:

[راكان 11]

اخوي انا معي 2008 قير عادي
من أبدع ما يكون قومه وعزم وخط اللهم لك الحمد
لا يعيبه شيئ بتاتا
خذه وتوكل على الله

[وطني]

اخوي إذا كان قير عادي فهو ممتاز مايحتاج فزة وقوة ونشاط حلو

الإوتوماتيك لك عليه بالعزم في البر فقط

[دوج 115]

نصيحه لاتاخذ عادي تراه مايطربك ابد ابد لانه لاعطيته نمره مايزعق الموتر ابدابد وش تبي فيه لاصار ما يطرب خذلك توماتيك احسن وترا موب الفرق الكبير بالعزم

[مطنوخ قطر]

ثقيل وما يناسب حجمه,,,, عليك بالثمانيه كانك راعي بر,,, ولا خذ 2007 وتحت

[مسهي الرعيان]

اشكركم اخواني كل بإسمه .. وما قصرتو على الردود الطيبة ..
ولكن عندي سؤال لراكان 11 هل انت مجربه بالبر والطعوس والا استخدامك له بس بالديره ..
لأن كلام كثير طلع عليه ان ثقيل وما يشيل عمره بالقرازه ..
أرجو الرد .. لأني ونا اخوك معزم على واحد ..

[مسهي الرعيان]

اخوي مطنوخ قطر جزالك الله خير على الرد ..
ولكن انت مجرب 6 سلندر قير عادي ولا لأ .. لأن الصراحه اللي جربوه يمدحونه واااجد واللي ما جربه اهو اللي ما يمدحه ..
والمثل يقول ( التجربه خير برهااااااااان ) وشاكر لك ..

[بواردي تربة]

يا طويل العمر خذ العلم الوكاد باذن الله

اخي اخذ واحد موديل 2009 توماتيك 6 سلندر واخذ معة تقريباً ستة اشهر بالبر والطعوس عزمة ضعيف وما ينفع مرة وقدر الله وانقلب بة ولدة واخذ لاند نفس الموديل 2009 توماتيك 8 سلندر من اليحيى وما شاءالله علية الفرق كبير عزم وقوة ويطرب راعية والفرق ان ماخانتني الذاكرة 12 الف فقط ومادامك ناوي استخدام ما راح تفرق معك 12 الف والله يوفقك

[مقلع الرمث]

انا جربته قير عادي 2008 ردي مره منسم الكفرات بسط الشعيب مايقوى يقوم نفسه لازم تلعن والديه عشان يمشي عكس الجيوب الاوله

انصحك بال8 سلندر فقط وقير تماتيك بالتوفيق

[مغلي]

ممكن 2011 يكون 5700 المحرك

فانتظر شهر فقط وخذ جكسار 5700 قمة في العزم في كل الظروف

[مطنوخ قطر]

اخوي مطنوخ قطر جزالك الله خير على الرد ..
ولكن انت مجرب 6 سلندر قير عادي ولا لأ .. لأن الصراحه اللي جربوه يمدحونه واااجد واللي ما جربه اهو اللي ما يمدحه ..
والمثل يقول ( التجربه خير برهااااااااان ) وشاكر لك ..
انا مجرب 8 سلندر تماتيك,, وبعض الربع عندهم 6 سلندر لكن يوم اسوق ال 6 سلندر يبين انه فيه فرق كبير في العزم,,, احس انه ثقيل حيل,,حتى في القومه,, القير العادي ماجربناه لكن قريت في المنتدى ان الكلش خرابه سريع في التطعيس... والله يوفقك

[لاتكب البيالة]

نصيحتي هج عنه به ثقل طينه عجيبه بالغراز ما يشيل روحه وبالطلعات لازم تاخذ عزم المكينه صغيره على السيارة
نصيحتي خذ 8 ولو يحصل سبير معلق احسن

[أبوسعود711]

نصيحه لاتاخذ عادي تراه مايطربك ابد ابد لانه لاعطيته نمره مايزعق الموتر ابدابد وش تبي فيه لاصار ما يطرب خذلك توماتيك احسن وترا موب الفرق الكبير بالعزم

الرجااال ما قال اباخذه ابزاعقبه قالك ابيه للبر والخطوط والغراااز
ومن ناحيتي اعرف واحد شاريه ب 175 الف جي اكس والصراحه
راحه وقوه وفزة حلووه وتوكل على الله واستخر قبل كل شي

[العسكري]

أخي الحبيب ... أذا أنت راعي بر ومقانيص وخطوط مالك الا خيار واحد فقط قير عادي قير عادي 6 سلندر . أما غير ذلك فعليك بالثمانيه سلندر ما يجي الا أوتوماتيك وممتاز للخطوط وفي الديره وما يصلح للمقانيص والبر الصعب (من تجربه) بسبب حساسية قيره الاوتوماتيك ما يتحمل الضعط على قيره وترتفع حرارة القير وكذلك السته سلندر ألاوتوماتيك. بارك الله فيك.

[S . T . M]

اقووول سلم لي على الاند هدد الـــ7

[مطيرعين الطير]

ماينفع بسبع المذاهب

[صدى الاطلال]

انا شريت ربع 2010 على الخط السريع طلقه
لكن بالجبال ضعيف وماينومس والله بجد عن تجربة

[بواسامه]

عشان تقتنع استاجره واطلع به الزديه وانت مثبت السرعة
واحكم بنفسك

[ذيب زلفاوي]

الوالد تو طاق جكسار 2010 قيرعادي 6 سلندر الموتر توه جديد بس صراحه جبت فيه 200 بالراحه ومريح جدا بالخطوط تصدق اني امشي فوق 180 وانا مادريت لا ومعي اهلي متعود على الددسن هههههههه
لكن بالنفود ططعست فيه على خفييف وبدون مانسم الكفرات مشية ممتاز جدا بس مارحت عليه بوسط النفود ولا شي قوي لانه بالتمرين بس فيه مشكلة موجوده حتى بالثمانية سلندر وهي الوجهية تحك لازم تفك الصدام البلاستيك

[abu fares]

الثمانية الثمانية

[شمالي عنيد]

عليك 8 سلندر خلك دايم فوق انا مجرب مع الخط خذ ولد ....
***فوق هام السحب يااغلا بلد ***

[مسهي الرعيان]

جزاكم الله خير يا إخوان ..
والله انكم حيرتوني وكل واحد يقولي شي ..علما بإني يوم الخميس مسافر الى البريمي .. ولكن اذا صحيح كلام الاخوان الخطه راح تتغير وراح أرجع على السفاري ..
الفزعه يا اخواني اللي مجربين الموتر تكفوووووووووووون الفزعه ..

[خ الفياض]

عن تجربه 8 سلندر ممتاز ويقولون انه يجي قير عايدي بالخليج تأكد

والافضل لك الصبر حتى 2011

[ساحووق]

ياطويل العمر وااحد معه جكساار 2007 تمااميك ماشاء اللله عليه مع الخط والنفود وكل شي وبعدين منضر وهيبه ومركب شيووخ ولاتتردد في مشتراااه

والله يوفقك

[ملك الإحسآس]

انا معي سته سلندر 2009 أنصحك فيه
وذا عندك زود خذ الثمانيه بس ترى الفرق بسيط ماهو هذاك الزود

[مسهي الرعيان]

شكرا يا اخواني ..
ملك الاحساس والله انك ريحتني وانا اخوك .. بس صحيح يقولون ان الموتر بالقرازه يطفي اذا حاولت انك اتطلعه والكلتش بسرعه يحترق ..

[راكان 11]

نصيحه لاتاخذ عادي تراه مايطربك ابد ابد لانه لاعطيته نمره مايزعق الموتر ابدابد وش تبي فيه لاصار ما يطرب خذلك توماتيك احسن وترا موب الفرق الكبير بالعزم


أكيد يالحبيب ما يزعق
لأنه دفع رباعي مستمر
اذا تم فصل الدفع الرباعي .... شف الزعاق

[راكان 11]

اشكركم اخواني كل بإسمه .. وما قصرتو على الردود الطيبة ..
ولكن عندي سؤال لراكان 11 هل انت مجربه بالبر والطعوس والا استخدامك له بس بالديره ..
لأن كلام كثير طلع عليه ان ثقيل وما يشيل عمره بالقرازه ..
أرجو الرد .. لأني ونا اخوك معزم على واحد ..

إذا انت تبي القير العادي ومهتويه خذه ولا تشاور قايلك
والثمانيه والسته واحد بالنسبه للحجم والسته القير العادي اخف نفس واكثر تحكم

[راكان 11]

عشان تقتنع استاجره واطلع به الزديه وانت مثبت السرعة
واحكم بنفسك

يوم الخميس اللي راح انا طالع القديه
ومثبت السرعه على 140
وبعد ما انتصفت بالطلوع ( فصل المثبت ) وهذا طبيعي لراحة السياره
واتوقع لو اني زايده كان ما نزل من سرعته
وتراه احسن من الاول بالخط لآ من ناحية المركب ولا الرساوة ولا السرعه

[راكان 11]

عليك 8 سلندر خلك دايم فوق انا مجرب مع الخط خذ ولد ....
***فوق هام السحب يااغلا بلد ***


الثمانيه والسته سلندر كلها تفصل على 210
والسرعه بالخط من الطبيعي ان الثمانيه افضل
ولاكن لا يوجد فرق شاسع

[ابوحضرم]

شف انا ماعندي خلفيه عنها لاكن عبداللطيف جميل انحش و الاحسن البريمي وب

[دوج 115]

أكيد يالحبيب ما يزعق
لأنه دفع رباعي مستمر
اذا تم فصل الدفع الرباعي .... شف الزعاق
اخوي الله لايهينك كان تعرف الطريقه حقت فصل الدفع الرباعي المستمر علمني لا واحد اعرفه شاري gxr 2008 ويوم درى انه مايزاعق تحسف انه اخذ قير عادي ياليت تعلمنا الطريقه واكون لك شاكر:D

[AMAZ]

نصيحه لوجه الله ابعد التايوتا 6 سنلدر فاشل حرام يطلق عليه كلمة جيب
خذ 8 سلندر وانت مغمض واذا انت تبي تتاكد اكثر شوف احد من زملائك الى معاه او استجار وجرب النوعين . الثمانيه سلند هو السياره غيره لا

[المغتر الهداد]

السلام اخوي موتر عادي بالعزم واذا حملت عليه اغراض واجد يثقل الموتر واذا ركبت تواير بالون يثقل بالعزم بعكس ال8 سلندر الحمد الله خربات مافي لحد الان قطع غيار نفس ال8 سلندر ابومحمد من الكويت

[مسهي الرعيان]

شكرا يا اخوان على تفاعلكم معاي .. وارجو المزيد ممن جرب الموتر .. واحم شي شلونه بالبر ..

[الاستراتيجي09]

ياطويل العمر وااحد معه جكساار 2007 تمااميك ماشاء اللله عليه مع الخط والنفود وكل شي وبعدين منضر وهيبه ومركب شيووخ ولاتتردد في مشتراااه

والله يوفقك
هذا الكلام اللي يجمد على الشنب .....من يوم عرفنا الجكسار وهو سته سلندر والناس تأخذه أكثر شي تماتيك ومعم بالخطوط والنفود والجلد من ابدع مايكون ..وش اللي تغير؟؟؟؟ بالعكس الجديد احسن من القديم بمكينه السته سلندر تجي راسين والمنيوم اخف واسرع وانشط قومه ولاهوب مثل الاول به حنه بالعكس والله ..لاكن يامسهي الرعيان انت ماعليك من فلان وعلنتان ...انت خذه ايجار وشف الموتر وشو من لحيه لانك انت اللي تبي تدفع الدراهم وانت اللي تبي تسوق والواحد هنيا الزم ماعليه يدخل الموضوع ويقول (لا خذ الثمانيه سلندر السته وع مهوب زين) وهو تلقاه ماعمر لمس طارته ولو ينطحه بالشارع مادرى هو نيسان ولا تويوتا.. لكن مع الخيل ياشقرا يبي يكتب رد باي طريقه ...رجاء ياخوان اللي ماجرب لايحكم على الشي ..والله ييسر امرك

[الخِيال]

انا معي 2008 عايدي سته سلندر ولا عندك احسن منه
بس عيبه الصدام الامامي غاثني يطلع من عند الرفرف بس يوم ركبة يايات استراليه قدام ودعامه مفصلها عند المميز صار احسن من اول ارتفع وجه الموتر
قبل ماركب اليايات الاستراليه 210 يجيبها على طول وماتحسبه ماشاء الله
والحين ياله يجيبها لان الموتر ارتفع وجهه
و الموتر خفيف يوم فصله الدفع الرباعي مافيه الا قوة مزاعق ماشاء الله

وان كان عنك نيه توكل على الله وشتر

[راكان 11]

يا أخواني
إذا أردنا أن ننجح بمداخلاتنا ونخرج بنتيجه
أرجوا من الاخوان اللذين يشاركون أن يتكلمون بالواقع والتجربه
وليس كمجرد رأي يكتبه ويذهب


أما زبدة الكلام اللي عليه العلم من واقع تجربه وليس كرأي أو مع كلام الناس
إذا أتينا لـــ 8 سلندر فهو أفضل من الـــ 6 سلندر من ناحية قومة السياره والعزم كما كان بالسابق الجكس ار والفكس ار
المواقع الالكترونيه مليئه بالفرق بين تسارع الثمانيه والسته ولم يكن هناك فرق يعيب السته سلندر
الثمانيه سلندر ما يجي منه قير عادي وهذا غير مرغوب وخصوصا بالنفود

أنا أجزم وأتحدى ان غالبية الناس المؤيدين للــ 8 سلندر ووصفهم للـــ 6 سلندر بالفشل ( أنهم لم يعرفو الجي إكس آر ولم يستخدموه من موديل 2007 ونازل والا لن يستنكروا شيئ)

80 % من اللذين أشتروا اللاندكروزر الشكل الجديد لم يسبق لهم تجربة القديم لمعرفة عزمه مقارنه بالجديد

وبالتوفيق

[راكان 11]

اخوي الله لايهينك كان تعرف الطريقه حقت فصل الدفع الرباعي المستمر علمني لا واحد اعرفه شاري gxr 2008 ويوم درى انه مايزاعق تحسف انه اخذ قير عادي ياليت تعلمنا الطريقه واكون لك شاكر:D


أولآ والله أني لآ أعرف أحد يقوم بفصل الدفع الرباعي المستمر
وأنا لم أفصله ولا لي نية ان شاء الله بفصله لأنه مرضيني بالمستوى هذا
ولآكن المواقع مليانه بالشيئ هذا ( أبحث بقوقل : فصل الدفع الرباعي المستمر )
وبتلقى مطلوبك وتقرأ تجارب الناس بعد الفصل وآراءهم

[مغلي]

الثمانيه والسته سلندر كلها تفصل على 210
والسرعه بالخط من الطبيعي ان الثمانيه افضل
ولاكن لا يوجد فرق شاسع


الله يهديك
وش 210 كم
ياساتر

.
.
120 - 130 - 140

ويالله السلامه


اهم نقطة للمفاضله بين ال 6 وال 8 هي القومه والعزم والفزه
اما السرعه ... فلا والف لا ... كلهن مايفرقن لأن السرعه 120 (ساهر)

[باث 3]

.,.,السلام عليكم ورحمة الله وبركاته.,.,

أخوي إذا تبي قير عايدي لا تقرب الجديد خذ لك 2007 إذا دورت صدقني بتلقا نضيييف.,.,

أو

أخذ لك فتك 2010 سوبر سفارري 4800 قير عايدي ولا أحسن منه دامك تبي العادي .,.,


.,.,ومبرووووووك مقدمااا.,.,


أخووووك:بااااث 3

[ابن علوان]

.,.,السلام عليكم ورحمة الله وبركاته.,.,

أخوي إذا تبي قير عايدي لا تقرب الجديد خذ لك 2007 إذا دورت صدقني بتلقا نضيييف.,.,

أو

أخذ لك فتك 2010 سوبر سفارري 4800 قير عايدي ولا أحسن منه دامك تبي العادي .,.,


.,.,ومبرووووووك مقدمااا.,.,



أخووووك:بااااث 3

اخوي انت اكيد تقصد فتك سوبر سفاري 2009 لان السوبر سفاري توقف في 2009 ومانزل في 2010 الا سفاري 1 وابو رفارف سودا والسلق

[دوج 115]

اخوي راكان دامك تقول انك ماتعرف اجل كلامي صح وانا مالقيت الطريقه دامك انت تكلمت وقلت يلا علمنا الطريقه الله لايهينك

[مسهي الرعيان]

مشكورن يا اخوان .. وعز الله انكم ما قصرتو ..