فزعتكم يالنشاما محتار؟؟؟؟؟

[البيـــــرق]

السلام عليكم ورحمة الله وبركاته

اقول ياخواني انشاء الله ناوي اشتريلي موتر

ومحتاااار وش رايكم هدد فل بدون ونش ولادفلوك 2006

او قراند شروكي الجديد

وللمعلوميه ان الهدد بيتغير قريب

وان كان به موتر بري قيمته من 100 الى 120

جيد تطرحونه مع مواصفاته لاتبخلون علينا بالردود والاراء تكفون.......

اخوكم
البيـــــرق........

[حرباش]

والله ياخوي لا تقارن بين الهدد والشروكي
الهدد ماعليه كلام والشروكي اذا تبي تاخذه استأجرلك غرفه بالصناعيه قبل لا تاخذه
وان كان تبي الشور وحدودك 100-120 فانا انصحك بالباترول الجديد
وسلامتك

[الطعس الذهبي]

اللاند ممتاز

[الشوق]

بسم الله الرحمن الرحيم
السلام عليكم ورحمة الله وبركاته

أخي الكريم بصراحه الموضوع يعتمد على عدة أمور

وأنا أقول لك إذا كنت في منطقه غالبا رمليه مثل منطقه نجد وشرقها وشمالها فخذ لك صقر الصحراء باترول وأنت مرتاح فخامه وقوه ومعرووووووووووووف شغله بالنفود

أما إذ كنت في منطقه جبليه كالجنوب مثلا فخذ لاندكروزر

[سماء نجد]

والله كانك تبي للبران بس فمالك غيره ( محقانننن قناه ) يعني بتاع كلووه
الشاص زبون المناعير هههه
ذكرتني بسويورتلي مبطي من هاك السنين وبشرك من شريت طير شلوي ( الشاص ) وانا مرتاح
وهذي رديه بين الشاعر وبين الددتسن .

يا ددسني ابغى ابيعك لو تنوززيني *** النفس طابت منك في ذمتي ذمه
ابغى ابدل فيك من بين الاثنيني *** اما بوارد ظبي ولا ولد عمه
وابركب الي لياهاجت شياطيني *** الليل والبعد والتغريز ماهمه
قالت عاد الددتسن
الجيب ماتركبه ياكود بالديني *** ولو تركب الجيب منت بصاعدن قمه
خلك عليه وخل الزين والشيني *** لا تطيح في شريتن تجدعك بمطمه
قال الشاعر
الله يحقرج يها الددسن حقرتيني *** كم خايعن نقطعه ياشينت الغمه
مع عثعث العرق خليتك تحنيني *** لين اديترك فور وانتثر جمه
قالت الددسنن
وشفيك وشفيك يالشاعر تشانينني *** اكلت وجهي وهرجك صاربه نمه
ننسيت يوم انت من عرعر تسرينني *** يالله تقدر تظبطني مع الزمه
سريتني كل ليلي وانت تجويني *** واصبحتبك يم ضلع الجلت مهتمه
قال الشاعر
ابشري بدالك شاص يم حثليني *** انتي زمالت صبين بس عند امه
وليا شبع من غداها ذب صوتيني *** وادبك على هامشه وتفحيط الحفر همه
وسلامتك وسلامت جميع المشاهدين والمستمعين
ولا تنسى ( الشاص )

[ناصح]

بسم الله الرحمن الرحيم
السلام عليكم ورحمة الله وبركاته

أخي الكريم بصراحه الموضوع يعتمد على عدة أمور

وأنا أقول لك إذا كنت في منطقه غالبا رمليه مثل منطقه نجد وشرقها وشمالها فخذ لك صقر الصحراء باترول وأنت مرتاح فخامه وقوه ومعرووووووووووووف شغله بالنفود

أما إذ كنت في منطقه جبليه كالجنوب مثلا فخذ لاندكروزر


نعم كلام صحيح
وانا مجرب الاثنين الباترول واللاند

وهو مثل ما قال الاخ الكريم الشوق بالتمام


اما الشيروكي ( لا توهق عمرك )

[ماجد الشمري]

والله ما اعرف وش اقول لك لكن ترى القراند الجديد ب 161 الف ريال جديد للمكينة 5.7 هيمي ...
لو تنتظر شوي ممكن تاخذه مستعمل بنفس السعر اللي انت طلبته ...






اخوكم ماجد الشمري

[راعي الفزعه]

السلام على الاخوان جميعاً :

ارشح لك الباترول الجديد تراه قوي في البر والطعوس والمطامر وقطع غياره وصيانة رخيصة
وله شعبية كبيرة من القدم ، اقول هذا الكلام من واقع التجربه .
ولا انسى خويه الثاني لاندكروزر تراه قوي وله شعبية كبيرة .

هذا ماحبيت اقوله لك ولك الخيار .........












:D :D

[ابو شهاب]

السلام عليكم ورحمة الله وبركاته

سما نجد\\

الله يعطيك العافيه على هالقصيده الطريفه

سقى الله ايام الدداسن ----0 ايامها الصيد واجد

من شرينا الجيوب حتى الصيد انقطع


انصح -- ا خي البيرق --- ومادام الله منعم عليه وقادر على حقه ----الاندكروزر وبس

عزالله لياركبته ماترضى بغيره

[الربذي]

السلام عليكم ورحمة الله وبركاته اخوي البيرق الله يسعد ايامك
شف اخوي
انا انصحك بثنين اذا مالك بالاعطال ابو نار سفاري 2800 سي سي تصدق وهو يفحط تطلع نا ر ولهب نعم لهب من الشكمان
وقلته لشباب وقامو يضحكون مو مصدقين حتى جاني واحد وقال دونك شوف مقطع هالفيديو بجوال الا واحد من الزقرت !!!!!!
جامعله حطب ويريوس الجيب السفاري ويقعد يدوس عليه حتى شبت النار بالحطب
ادري ان هالسالفه شاطحتن واجد بس لعيونكم
والثاني الاند كروزر انشهد انه سيارات بريه
اما شروكي فقوي نعم عزمه مهبول نعم كثير اعطال نعم يخرخر زيوت نعم يتفكك نعم وش تبي واحد مطلعه من الوكاله وثاني يوم دوام خرب عليه وقف عليه بالطريق ماذا سيكون ردت فعلك اعلم حاله نادره وممكن تحصل باي سيارة
ولك القرار
اخوك ومحبك الربذي

[turhob]

اخي الكريم انصحك بالباترول ولن تندم

[معانق طيـفهـا]

انا عندي باترول 99 شريته في سنته يعني من حول السبع سنين ولا فيه اي مشكلة وما صلحت فيه شي الا اني غيرت كفرات وماهليت فيه مكان ما رحت له وماشي اكثر من 220000 ولازال ما يشتكي من شي وقيمته جديدي بـ 94 الف ريال ونوعه Sge-l

[القناص]

الا والله قراند شيروكي

http://www.jeep.com/grand_cherokee/img/gc_main_on_off_road_7.jpg

مركب عز
وقوة
فخامه
وراحه
والاهم من ذلك ضمان 7 سنوات يعني انسى الصناعيه ومشاكل الورش
رح للمتحده وجربه ببلاش
http://www.umc.com.sa/arabic/g-cherokee-spec_ar.htm

ولا تنسى تسأل عن خدمة Road Assist
يعني مساندة 24 ساعه عند الحاجه

http://www.jeep.com/grand_cherokee/img/gc_main_int_6.jpg]

[الربذي]

غريبه اخوي القناص شف مواتر المقانيص والصقاقير لاترى بها شروكي اغلبها تويوتا ولاند روفر والهاي منهم لاند روفر