هذا سؤالي لأهل الباترول

[عاشق الخلاء]

يلا وين خبراء القيور

اذا وقفت السيارة وجيت شغلت مره ثانية طبعا ُ ابي افضي القير يلاا بالقوة وصارت معي الحركة اكثر من مره
وبعض المرات لازم اهز السيارة بالنمرة اللي هي فيها حتى تفك

علماً بأن القير عادي مو تماتيك والسيارة باترول 98 .



ولكم فائق تحياتي

[الكابتن]

اخوى والله ممكن المشكله لديك بالكلتش فاذا كانت لديك دعسة الكلتش ضعيفه(لينه) فان المشكله منها

والله اعلم

[ابو فالح]

يمكن مثل ماقال اخوي الكابتن من الكلتش أو من زيت القير شيك عليه ان كان ناقص تزيده او منتهي تغيره وأحرص على النوع الزين.
تحياتي،،،،،،،،،

[عاشق الخلاء]

الله يعافيكم .... ماقصرتوا بس احتمالات اخرى

[الضاحي]

اخوي ssaal

جرب انك اذا جيت توقف السيارة فلا تحطها بنمرة . اول وقف السيارة ثم فض القير وانت رابط الفرامل ثم اسحب البريك اليدوي (الجلنط) وارفع رجلك عن الفرامل وخل السيارة تريح على الجلنط واذا وقفت تمام حط القير بنمرة . هذي المفروض يسويها اي سائق حتى تمنع السيارة من انها تريح على ترس القير بس ضروري التأكد من قوة وفعالية الجلنط . اذا اتبعت هالخطوات وشغلت السيارة مرة ثانية راح تلاحظ سهولة القير واذا ما نفعت معك فافحص القير عند الوكالة او ورشة متخصصة .

تحياتي .

[CRUISE**كروز]

انا ماعندي زود عن ماذكره الاخوان
ولكن حبيت ان اؤكد على رأي الاخ الضاحي جزاه الله خير
واقول ان هذه هي الطريقة الصحيحة لايقاف اي سيارة وخصوصا الاوتماتيك
فبعض السائقين بل اغلبهم للاسف اذا اراد الوقوف يخرط القير من ال D الى ال P على طول ثم يربط فرامل اليد او قد لايربطها:(
والصحيح انك تنقل الغيار الى خانة ال N ثم اربط فرامل اليد جيدا ثم ارفع قدمك عن الفرامل حتى تستقر السيارة واقفة اعتمادا على فرامل اليد (الجلنط:)) ثم انقل الغيار الى ال P في الاوتوماتيك او الى التعشيقة الاولى في العايدي
وهذه الطريقة مذكورة في كتالوج اي سيارة حسب علمي ولكنني لم اكتشفها الا من فترة قريبة بالصدفة عندما كنت اتصفح دليل لاندكروزر2003م واستفدت من ذلك كثيرا واتمنى ان تعم الفائدة لجميع اعضاء مكشات الطيبين

[عاشق الخلاء]

الأخوان .. الضاحي والكروز

شكراً لردودكم وانشاء الله باتبع التعليمات ولكم جزيل الشكر وعساكم على القوة