حبايبنا اصحاب اليوكن ممكن سؤال؟

[ابوفيصل305]

ممكن يا اخوان (طبعا اصحاب اليوكن) تزودوني بمعلومات عن اليوكن عيوبه ،مميزاته،قطع الغيار غاليه ولارخيصه،صرفيته للبنزين، ومن وين تنصحوني اشتريه شاكرين لكم تعاونكم.

[أبونواف42]

بسم الله الرحمن الرحيم
أخوي السلام عليكم ورحمة الله وبركاته,وبعد أنا كان عندي يوكون 2003 4*4 الحقيقه إنه ممتاز ومريح في البر والخط والبنزين صرفيته ممتازة يعني على حسب مشاويرك, واسع لكن على حسب أستخدامك إذا أنت راعي مقناص وروحات بعيده أتوقع مايصلح لك لكن إذا أنت رعي خطوط ومكاشيت قريبه يصلحلك بس لازم تحافظ عليه لأنه مع الأستخدام الزايد وعدم المحافظه يهربد :) الله يوفقك ويكتب لك الخيره، لاتنسى صلاة الأستخاره، وأي سؤال أنا موجود.شكراً لك أخي الكريم .[/

[ابوفيصل305]

وعليكم السلام ورحمة الله وبركاته اخوي اليوكن الاسود شكرا لك على مرورك وتعليقك على الموضوع وماتقصر ياالغالي ، بس عندي عدد من الاسئله وهي:
1- كم ياخذ معاك تانكي البنزين داخل و خارج البلد ؟
2- كيف اسعار قطع الغيار مقارنه بالسيارات الاخرى من نفس الفئه ؟
3- من افضل وكيل تنصحني اخذ من عنده السيارة ؟
4- ماهي العيوب التي لاحظتها على السيارة ؟
مع تمنياتي لك بالتوفيق.

[سلطان نجد]

السلام عليكم ورحمة الله وبركاته
شكرآ اخوي ابو فيصل على ها لموضوع
ياشباب انا معي يوكن 2003
صراحه ممتاز بس مثل ماقال اخوي اليوكن الاسود
يبيله واحد ياحافظ عليه لاكن ســـــــــؤالي؟؟؟؟؟؟؟؟؟؟؟
انا توني شاريه بس ماعرف استخدم الدبل
كيف طريقة استخدام الدبل؟؟؟؟؟؟؟؟
ارجو الرد وشكرأ

[أبونواف42]

السلام عليكم ورحمة الله وبركاته
ج1 :بالنسبه داخل المدينه على حسب المشاوير يعني تقريبآ 4 إلى 5 أيام اما خارج المدينه على حسب السرعه يعني إذا سرعتك تحت 120 كلم ممكن يوصلك 500 كيلو تقريبآ.
ج2:جيده الحقيقه أنا شاري السياره وكاله القطع الي أستخدمتها بسيطه عمومآ جيده.
ج3: الوكيل بالنسبه لرأيي الشخصي العيسى جيد.
ج4:كان فيه عيبان الأول صوت طقه بالقير عند التغيير من الثالث إلى الثاني والعيب الثاني صوت طقه في الدراكسون عند لف الدراكسون لفه كامله وديته الوكاله قالو طبيعي اليوكون كذا بعضها يجي كذا.
*أما بالنسبه للأخ سلطان نجد: طريقة أستخدام الدبل الي عندي الدبل أزرار كالتالي:
1- auto :عندما تريد الدخول للرمال لكن تجيك أماكن لاتحتاج أستخدام الدبل يصيريفصل عند عدم أحتياج السياره للدبل أو أثناء القياده بالمطر يساعد على الثبات في المنعطفات
2- 4 سهم للأعلى: هذا الدبل الخفيف عند القياده بالرمال .
3- 4 سهم للأسفل : هذا الدبل الثقيل عند السحب أو الصعود للمرتفعات التي تحتاج العزم عالي.
أرجو أني قدرت أوفي بالشرح شكراً لك والله يوفقكم.

[بن نويشر]

أبو فيصل .. لو سمحت لي ولا يهون الأخوان ..

عندي نقطتين أحب أشارك بهما على سيارة اليوكن مع العلم بأن سيارتي ليس يوكن ولم أقوده من قبل ولكن لي أثنين من الزملاء عندهم سيارات يوكن واحد موديل 2003 والثاني 2005 وهما لديهما ملاحظات وهي كتالي:

أولهما : الكهرباء فيه بعض المشاكل شوي مثل حصول ضعف في الماكينة عند لف الدريكسون تقول كنه بيطفي ، وصاحب موديل 2003 مؤخراً طفى عليه الموتر على طريق خريص السريع في وسط النفق فجئه من غير مقدمات .

وثانيهما : أن الوكالة تلزمك بعمل الصيانة كل 10000كم . يعني بتدفع مبالغ وقدرها من 500 إلى 700 ريال ولا سوف يلتغي عليك الضمان نهائياً وحتى لو كانت السيارة 2005 وجديدة .

هذا والله أعلم ...

[ابوفيصل305]

السلام عليكم ورحمة الله وبركاته
الاخ سلطان نجد حياك الله وشكرا لك انت على مرورك على الموضوع وتعليقك عليه.
الاخ اليوكن الاسود ماقصرت يا الحبيب كفيت و وفيت الله يعطيك العافيه وشكرا لك .
الاخ سنيدي حياك الله ؤشكرا لك اما بالنسبه لخويك صاحب اليوكن المشكله الي عنده بسيطه بس يعمل تصفيه مكينه وانشاء الله تروح المشكله الي عنده اما من ناحيه الوكلاء عندنا ما اقول الا حسبي الله ونعم الوكيل كلهم كذا.
والشكر لكم جميعا واعذروني تاخرت عليكم في الرد.

[الطعس الذهبي]

أخبر المساعدات بـ30ريال

[ابوفيصل305]

أخبر المساعدات بـ30ريال
يابلاش

حياك الله يااخي الطعس الذهبي وشكرا على مرورك

[محب الشمال]

ابو فيصل دور على العارض يعطيك العلم الوكاد
العارض وينك علم اليوكون عنده
الله يحفظكم ويعطيك خير السيارات ويكفيكم شرها ... آمين

[ابوفيصل305]

الاخ محب الشمال حياك الله يابعد حيي (الله يازين ايام الشمال)الله يحفظنا وياك من كل شر وشكرا لك على مرورك وتعليقك على
الموضوع.

[سداااااح]

ازيدكم من الشعر بيت اليوكون ممتااز فيى كل شي الا طرمبة البنزين مشااااكلها واجد وغاليه علىحسب خبرتي الطرمبه كل سته اشهر تقريبن لازم اغيرها ؟؟؟؟؟؟؟؟؟؟؟