مشكلة كلتش اللاند كروزر 2008

[مسهي الرعيان]

يا اخوان الكثير من الشباب يشتكي من كلتش االاند كروزر 2008ان بالقرازه لي زورت عليه شوي يعطب ويطلع ريحه وفي شباب يقولون ان يطفي وهذا مسوينه نظام سيفتي يقولون اساس لا تحمل الكلتش او القير فوق طاقته ..واحد من الربع طول عمره يسوق عادي بالبر وشراله لاند دش البر اول مره غرازه بسيطه جدا طلع منها بعد جهد جهيد وتطلع الريحه وثاني مره يدش البر ويقرز قرازه هم بسيطه ويحاول يطلع الموتر لين عطب الكلتش واحترق .. هل هذا الشئ بس بموديل 2008 ولا حتى الجدد والله انه صاحبي كره الموتر بالبر وقام ما يطلع فيه الا بالديرة واذا بروح البر يستخدم سياره ثانيه ..الحل يا أهل الخبره وما هذه الطامه الكبرى ............

[الخِيال]

الجيب الجديداذا غرز حطه في الثقيل وتوكل على الله انا معي 2008 قير عايدي
اول مايغرز اجرب الخفيف ولا احبس له اذا ماطلع احطه في الثقيل وتمشي اموره
وان مافاد الثقيل نقصة الهواء
والحمد لله كلش تمام ماشاء الله

[مجالس الرجال]

اذا الموتر غرز او تعلق بالرمل على طول على الدبل الثقيل لانه اقوى واريح للموتر
وشي طبيعي اذا بتحاول باي جيب مغرز طلعه بالخفيف بعطب كلتشه ويمكن ترتفع حرارته

[عبدالرحمن السالم]

هلابك مسهي الرعيان ، ترا كل السيارات الجديده كذا كلتشه ماتتحمل ، لكن زي ما افادوك الشباب اذا ماقدرت بالخفيف حول على الثقيل ، وحاول انك تبعد ان تدبيل الكلتش او تكى رجلك على دواسه الكلتش اعزك الله والقارئين

موفق خير

[ابن علوان]

اجل وين كلام الشركات انهم يجربون السيارات مدري كم الف ساعة في الرمل والمطر وجميع الصعوبات والعوائق حتى يقدرون يتفادون العيوب والمشاكل اللي ممكن تواجه المستخدم ويتفادونها
والا الكلام ذا تطبقه شركات وشركات لا والا هو ضعف الجوده المنتشر هذي الايام في بعض الشركات والا موجة الاستدعاآت للكثير من السيارات وخصوصا تويوتا اللي معلنه اليوم في الجرايد عن استدعاء سيارات لكزس LS600h وش بقى اذا حتى اللكزس استدعوها لوجود اخطاء في جهاز التوجيه (علبه الدركسون الالكترونيه ) هذا يعني ان الشغل صار خبط لزق ومستوى جودة لكزس اللي ذالينا فيه اصبح بمستوى اقل من جودة السيارات الكوريه التي لم نسمع بوجود عيوب مصنعية قاتله كما في تويوتا/لكزس
اللي باقي كثير معتقدين اعتقاد اعمى انها الاجود ........ كان زمان والله

[مسهي الرعيان]

جزاكم الله خير يا اخوان وما قصرتو .. وين الباقي

[ابوصالح77]

الجيب الجديداذا غرز حطه في الثقيل وتوكل على الله انا معي 2008 قير عايدي
اول مايغرز اجرب الخفيف ولا احبس له اذا ماطلع احطه في الثقيل وتمشي اموره
وان مافاد الثقيل نقصة الهواء
والحمد لله كلش تمام ماشاء الله
كلام جميل
طبيعي جداً فالجيب ثقيل
حاول بالخفيف إذاما طلع عشق الثقيل وبعد ما تطلع رجعه للخفيف
أنا معي موتري 2006 قير عادي

[بدوي جنوبي]

مثل ما قالوا لشباب الجيب ثقيل
والدبل الثقيل لحاله ما يكفى اذا كان مغرز
لابد ينسم الكفرات لانه يساعد على الخروج من الغراز
ويحافظ على الكلتش

وما اظن ان كلتش 2008 فيه عيب
تعتمد على سوء الاستخدام

بالتوفيق

[راكان 11]

الكلتش وريحته مهوب شي جديد في عالم القير العادي
وشيئ طبيعي اذا اكثرت من التعشيق بالخفيف في التغريزه تطلع ريحته
واذا جا معها غشامه احترق الكلتش
ولا ارى ان 2008 فيه عيب

[مسهي الرعيان]

جزاكم الله خير يا اخوان ..هذا كلام اكثر من شخص ان الكلتش حقه مو قوي .. والله اعلم ..

[ابوصالح77]

جزاكم الله خير يا اخوان ..هذا كلام اكثر من شخص ان الكلتش حقه مو قوي .. والله اعلم ..

بالعكس الجديد أقوى من القديم عزم

[سوبر VTC]

تعتمد على السواق

من الاخطاء بالنفود
كفرات مليانه هواء
وضع القير بنمرة خفيفة
وضع الدبل بالخفيف
خصوصا بالارض الهيار
و يضن ان الدفرنسين ما يغرز => اعتقاد خاطئ

اخبر شاص م2005 على وقته ونش ودفلك
غرز راعيه و عطب معه الكلتش و مايتحرك الموتر
طبعا
كفرات مليانه و دوس بنزين على غشامه
يوم برد الكلتش نسم الكفرات 15 و طلع بسهولة

و اهم نقطة بالهيار لف الدركسون بشكل متواصل يمين و يسار مع شبك الثقيل
و عدم الدوس عشان ما يتعلق
يعني تسايس الرمل على مهل

بالنفود لا ترحم الموتر حتى و هو جديد
ياتدوس و تمشي
او يغرز و تضطر تنسم و تحفر و يمكن يثلوث بعد او يتعلق

[وطني]

تعتمد على السواق

من الاخطاء بالنفود
كفرات مليانه هواء
وضع القير بنمرة خفيفة
وضع الدبل بالخفيف
خصوصا بالارض الهيار
و يضن ان الدفرنسين ما يغرز => اعتقاد خاطئ

اخبر شاص م2005 على وقته ونش ودفلك
غرز راعيه و عطب معه الكلتش و مايتحرك الموتر
طبعا
كفرات مليانه و دوس بنزين على غشامه
يوم برد الكلتش نسم الكفرات 15 و طلع بسهولة

و اهم نقطة بالهيار لف الدركسون بشكل متواصل يمين و يسار مع شبك الثقيل
و عدم الدوس عشان ما يتعلق
يعني تسايس الرمل على مهل

بالنفود لا ترحم الموتر حتى و هو جديد
ياتدوس و تمشي
او يغرز و تضطر تنسم و تحفر و يمكن يثلوث بعد او يتعلق



كلام من ذهب
القواعد الذهبية للقيادة بسيارات الدفع الرباعي

[مواسي الطعوس]

صاحبك اول مره يسوق جيب . والا خبره بالنفود ...ان كان معه جيب قبل ولا حصل معه شي من ها الامور فالعيب في الموتر مايحتاج .


** فريق شابك عاى ما اظن (متخصص في رحلات البر والنفود) يسبون الموتر وان كلتشه مايتحمل وهم ناس خبره ومجربين . ويمدحون اللاند 2007 وتحت مقارنه ب 2008م .

[المذهـــــــب]

مشكور أخي العزيز الله يوفقك

[ابن علوان]

صاحبك اول مره يسوق جيب . والا خبره بالنفود ...ان كان معه جيب قبل ولا حصل معه شي من ها الامور فالعيب في الموتر مايحتاج .


** فريق شابك عاى ما اظن (متخصص في رحلات البر والنفود) يسبون الموتر وان كلتشه مايتحمل وهم ناس خبره ومجربين . ويمدحون اللاند 2007 وتحت مقارنه ب 2008م .
كلام سليم جدا جدا

[ماشي الحال 3]

على ما أظن ان كل موديل يصغرون القير ويكبرون المكينة...انا موتري فورشنر 6سرندل اتعبن القير لاحطيت بالواحد تقول با الثاني..لكن يقال:مالك إلاخشمك لو هو عوج.

[الجندي2005]

زي ما قالوا الأخوان قبل ما تدخل النفود توكل على الله ونسم الكفرات بمعنى

أول خطوة هو تنسيم الكفرات ( تحفيف ضغط الهواء داخل الكفر ) ، وان شاء الله ما تشوف شر

[vtc30]

حتى البرادو كذا على طول يحترق كلتشه

لاكن الي يتحمل الجي اكس 97 و الباترول 93 سوبر

[راعي الهدد 7]

مااقول الا الله يسلم الجيوب الأوله 2007 وتحت والله اني ادخل النفود والهواء 35 كفرات بالون ولا عمره طلعت ريحت الكلتش والحمدلله واذا كانت الأرض ملعوب فيها يعني حارثينها بالسيارت لا والله لااااااازم انسم ومن ورا خشمي واحطه 15 ويمشي والحمدلله تمااام والكلام بنفوذ حايل يعني اصعب من نفوذ الشرقيه (الهاف موون ) والقصيم هذا اللي اشووفه

وتقبل تحياتي ومروري المتواضع

[مسهي الرعيان]

شكرا على ردودكم الطيبة يا اخواني واسف على النأخير كنت مسافر ..