استفسار:بمناسبة الإجازة أيهم أفضل توقيف السيارة والهواء مليان أو وسط

[راعي البحري]

ممكن استفسار اخواني
اللي ناوي يسافر ويترك سيارته واقفة تحت المظلة
أيهم أفضل تعبئة هواء الكفرات زيادة عن الحد أو تخفيف الهواء
وهل فيه ضرر على السيارة إذا وقفت أكثر من شهر بدون تحريك
وهل يفضل فصل البطارية أو تركها

[عاشق السيل]

خذ نصيحتي :

الكفرات كلما كانت مليانة تكون أفضل علشان يكون الكفر ماخذ شكله الكامل ومايتأثر مع الوقوف ،، والأفضل إنه يكون في منطقة مظللة عن الشمس ولا تكون الأرضية ( أسفلت ) ،،

إذا بغيت توقف السيارة أكثر من أسبوع يفضل فصل البطارية لتكون في أمان أكثر ،،

والسيارة عموما لو خليتا مدة طويلة مايضرها لكن يفضل تشغيلها لبضع دقائق كل أسبوع لدوران الزيوت ،،

وفقك الله لكل خير وتروح وتجي بالسلامة .....

[راعي البحري]

مشكور ياعاشق السيل
على النصيحة القيمة وماقصرت

[ابن علوان]

كما افادك اخونا عاشق السيل يفضل ان يكون ضغط الهواء في الاطارات للسيارات المخزنه عالي وبالتحديد 60 psi فما فوق
وهذا حسب نصائح شركة جنرال موتورز للحفاظ على الاطارات من التسطيح الذي يتسبب فيما بعد اثناء القياده بالرجه
ونتمنى لك اجازة سعييييييييييييييييييييييييييييده

[عبد الله 99]

ذكرتني بالوالد الله يجزاه خير عندنا جمس م 2003 ما نستعمله الا في السفر و غيرها موقف في البايكه
و الحمد لله ما ضره شي نجلس شهرين ثلاثه ما شغلناه ولا يضره بس وقفه في ظلال و زد هواء الكفرات زي ما قال اخوي عشان ما تنعدم عليك الكفرات اذكر اخوي وقف الشروكي ست شهور ما حركه يوم جا يمشي الا و تسمع طقطقه في الكفرات من الوقفه و على طول طقم جديد لأنها يبست على الوقفه و صار فيها رجه قويه مره كأنك طايح في حفره لأن الكفرات نقص هواها من الوقوف

اتمنى افدتك

[راعي البحري]

عبدالله 99
ابن علوان
ماقصرتوا أفدتوني ولا يهون عاشق السيل والاخوان

استودعتكم الله الذي لا تضيع ودائعه

[ولد وايل..]

احشر الكفرات فوق 50 وصله الى 60.....وانصحك تعبية بالماطور لأنك يبي يكسر ظهرك وانت جاي من البنشر للبيت :)


والبطارية أفصلها وتأكد من تسكير جميع المناسم....



الله يوصلك لمرادك بالسلامة وتجي بالسلامة إن شاء الله...

[نديم القهوة]

تو صل وترجع بالسلامة