يالربع والله بلشنا: وش رايكم كعكات ولا ياي استرالي ( المشورة ياجماعة الخير)

[قرناس حائل]

السلام عليكم ورحمة الله وبركاته

يالربع وبدون اي مقدمات معي باترول gl 2009 اربع ابواب

وانا راعي طير وتعرفون المقانيص ومشاكلها

لكن المشكله عندي تانكي ماء 110 لتر وعفش كثير والموتر ينزل ويحتاج لرفع

وش رايكم يالاخوان اركب ياي استرالي , ولا كعكات ولا اغير مساعدات ولا اخلي ياي وكالته ولا........

تقبلوا تحياتي وانا بنتظار الجميع

[الحد الشطير]

ركب ياي ازين لك من الكعك ..وخصوصا انك راعي طير وبالتالي اكيد انك راعي طرد وجلد ..الكعك مع الوقت والجلد يصير له اصوات احتكاك مع الياي وخصوصا اذا صار المنيوم .كذلك الكعك مايرتكي للحمول مثل الياي يعني الكعك يرفع الموتر اذا صار مهب محمل (شكل لاأكثر) ومع الحمل على طول ينزل وينظغط على الياي وهذا اللي يسبب الاصوات مع البطناج.. .اما الياي.. لا.. قطعه وحده وانسى امر الصوت والياي الاسترالي حق الباترول اشكااااال وانواع ..وذا صرت تبي رفعه ازود من رفعه البلد بشي بسيط فخذ ياي ارتفاع 3سم واذا نزل نزل وكاله او اقل بشي بسيييط انا اذكر مركبه على موتري الاول تانكي 120 لتر ماء مع القش والاغراض والاوادم.....مع العلم انه ممتاز ولين ....وعقب ركبت ياي ارتفاع 5سم ..شكل ونصبه موتر... خذ شكل وانسى شي اسمه نزول لو تحمل قش سيارتين مع بعضهن واذا بلحيل بلحيل نزل 1 سم ..لكن الله يعينك على القساوه قاسي بلحيل بلحيل تقل سست مهب ياي يعني تاخذ مطب خفيف ..ياساتر تقل ناقز جرف .............واما المساعدات الاستراليه فما لي بهن خبره يالغالي يفيدونك الاخوان ان شاء الله ...واتمنى اني افدتك

[سوبر VTC]

اذا انت راعي حمل قش عزبة تانكي ركب ياي وسط
اذا انت منتب راعي حمل ركب ياي رقم1


روابط عن الياي



ياجماعة الخير بخصوص الياي الاسترالي (http://www.mekshat.com/vb/showthread.php?t=174132)

الياي الاسترالي على الفتك - منتديات مكشات (http://www.mekshat.com/vb/showthread.php?t=242843)


عاجل تكفووون يا اهل الخبرررررررررهـ سفاري ؟؟؟؟؟؟؟ [الأرشيف ... (http://www.mekshat.com/vb/archive/index.php?t-304222.html)


اليايات الاستراليه بالصور لرفع الجيوب ومساعدات مينورو الامريكيه ... (http://www.mekshat.com/vb/archive/index.php?t-37227.html)



اسئله لمن جرب الياي الأسترالي [الأرشيف] - منتديات مكشات (http://www.mekshat.com/vb/archive/index.php?t-186809.html)





أخوي راعي النياسين

أنا معي فتك 2008

وجربت عليه يايين
واحد 3 سم
والثاني 6 سم (الآن على الموتر)

طبعا من ناحية الشكل الـ6 سم خيالي :rolleyes: ومع التحميل ما يفكر ينزل أبد إعرف إني أحمل السياره كله وأصفط المراتب اللي بالوسط وأحمل فوقها ويصير معي راكب واحد قدام ومع ذلك الموتر ما ينزل
يعني لو خربته نزل 1 سم ( مع العلم إني مفلل تانكي 100 لتر غير العفش )
(ممكن يقول بعض الشباب إن القير يبدى يطلع صوت أو يصير فيه مشكله لكنها لم تحدث لي ولم يفرق علي شي من ناحية القير إنما الأصوات تبين إذا كان الموتر ربع)

فهو بشكل عام ممتاز من ناحية الشكل والتحميل لكن مطبه يضيق الصدر إن كانك من الأشخاص اللي يقدرون الراحه ولا ممكن يجازفون به عشان شكل وإلا تحميل

أما بالنسبه للـ 3 سم

كنت مركبه قبل لمده تزيد عن 6 شهور طبعا ممتاز ومن ناحية المطب ما يفرق عن الوكاله شي ملحوظ
وإذا حملت عليه وعبيت التانكي يرجع وكاله ومع الوقت نزل من 3 إلى 2 (شي طبيعي لأن الياي يلين)
وهو بشكل عام حلو لك إن كان ما يهمك الشكل وتعتني بالراحه

طبعا كلهن مركبهن بدون مساعدات إستراليه والحمد لله كل شي تمام :good:

وأسعارهن
الـ 3 سم بحول 600 وعليه من عند الرمايه (طبعا مع التركيب)
والـ 6سم بـ 725 من عند الرمايه مع التركيب طبعا

[قرناس حائل]

ركب ياي ازين لك من الكعك ..وخصوصا انك راعي طير وبالتالي اكيد انك راعي طرد وجلد ..الكعك مع الوقت والجلد يصير له اصوات احتكاك مع الياي وخصوصا اذا صار المنيوم .كذلك الكعك مايرتكي للحمول مثل الياي يعني الكعك يرفع الموتر اذا صار مهب محمل (شكل لاأكثر) ومع الحمل على طول ينزل وينظغط على الياي وهذا اللي يسبب الاصوات مع البطناج.. .اما الياي.. لا.. قطعه وحده وانسى امر الصوت والياي الاسترالي حق الباترول اشكااااال وانواع ..وذا صرت تبي رفعه ازود من رفعه البلد بشي بسيط فخذ ياي ارتفاع 3سم واذا نزل نزل وكاله او اقل بشي بسيييط انا اذكر مركبه على موتري الاول تانكي 120 لتر ماء مع القش والاغراض والاوادم.....مع العلم انه ممتاز ولين ....وعقب ركبت ياي ارتفاع 5سم ..شكل ونصبه موتر... خذ شكل وانسى شي اسمه نزول لو تحمل قش سيارتين مع بعضهن واذا بلحيل بلحيل نزل 1 سم ..لكن الله يعينك على القساوه قاسي بلحيل بلحيل تقل سست مهب ياي يعني تاخذ مطب خفيف ..ياساتر تقل ناقز جرف .............واما المساعدات الاستراليه فما لي بهن خبره يالغالي يفيدونك الاخوان ان شاء الله ...واتمنى اني افدتك

عز الله رايتك بيضاء وجمل الله حالك

مشكور ولا قصرت والمثل يقول اسأل مجرب ولا طبيب

تقبل تحياتي

[قرناس حائل]

اذا انت راعي حمل قش عزبة تانكي ركب ياي وسط
اذا انت منتب راعي حمل ركب ياي رقم1


روابط عن الياي



ياجماعة الخير بخصوص الياي الاسترالي (http://www.mekshat.com/vb/showthread.php?t=174132)

الياي الاسترالي على الفتك - منتديات مكشات (http://www.mekshat.com/vb/showthread.php?t=242843)


عاجل تكفووون يا اهل الخبرررررررررهـ سفاري ؟؟؟؟؟؟؟ [الأرشيف ... (http://www.mekshat.com/vb/archive/index.php?t-304222.html)


عز الله ياسوبر انك ماقصرت بنا دايم انت السباق لكل شي

لكن ما اقول الا جزاك الله خير ورحم الله والديك

ورايتك بيضاء, لكن أن شاء الله راح اركب ياي 3سم واتوكل على الله (واعط الخبز خبازه)

تقبل تحياتي


اليايات الاستراليه بالصور لرفع الجيوب ومساعدات مينورو الامريكيه ... (http://www.mekshat.com/vb/archive/index.php?t-37227.html)



اسئله لمن جرب الياي الأسترالي [الأرشيف] - منتديات مكشات (http://www.mekshat.com/vb/archive/index.php?t-186809.html)




عز الله ياسوبر انك ماقصرت بنا دايم انت السباق لكل شي

لكن ما اقول الا جزاك الله خير ورحم الله والديك

ورايتك بيضاء, لكن أن شاء الله راح اركب ياي 3سم واتوكل على الله (واعط الخبز خبازه)

تقبل تحياتي

[راكان 11]

انا من رايي تركب البالون اللي داخل الياي
مجرب ومفيد جدا
وميزته عن غيره : اذا بغيت تحمل تزيد الهوا فيه
وان كنت بالديره نسم هواه وخله طبيعي
ونشوغ راي الاخوان

[أبوغيث 2003]

ركب ياي استرالي + مساعدات جبريال

الياي سعره تقريبا 550

مساعدات جبريال الواحد بـ 90

وانس انه ينزل لكن يبي يصير الموتر قاسي

[أبو هزاع911]

ركب ياي

واذا كنت ما تبيه يصير رفيع بالحيل

قص منه لفه او لفه ونص

يطلع القدر

واحد من الربع مركب له ياي على vtc وقاص منه لفة ونص

وماشاء الله ولا ازين منه

[الدبران]

ركب ياي استرالي+ مساعدات فكسار :good2:
احسن من الكعكات لان الكعكات بس شكل ترفع الموتر
ولا تفرق في التحميل وانا مجرب .

[التعـ King ـديل]

ياي استرالي .. والله يطعمك من خيره ويكفيك شره

[قرناس حائل]

الله يعافيكم كلن باسمه واحد واحد ولا قصرتوا

لكن يقولي واحد : ركب مساعدات شاص او فكسار

مادري هل اركبهن وراء ولا قدام ؟

تحياتي للجميع

[أبوغيث 2003]

الله يعافيكم كلن باسمه واحد واحد ولا قصرتوا

لكن يقولي واحد : ركب مساعدات شاص او فكسار

مادري هل اركبهن وراء ولا قدام ؟

تحياتي للجميع

يركبن ورى

والظاهر الفكسار مايركب على طول لازم ترهيم