لاحظ الفرق بين كارونة الجمس 2500 و اليوكون 1500 ===> 4 صور [الأرشيف]

مشاهدة النسخة كاملة : لاحظ الفرق بين كارونة الجمس 2500 و اليوكون 1500 ===> 4 صور

سوبر VTC

22/07/2010, 01:41 PM

اذا كان الكفر 6 مسامير فهو حجم 1500

اذا كان الكفر 8 مسامير فهو حجم 2500

عيب ال1500 انه كارونته الخلفية صغيرة
لذلك ادنى طلوع بالخط يرد القير نمرة
تاكيد لكلامي
العام بطريق الرياض معي يوكون م2008
كنت مثبت السرعة
تخيل ادنى طلوع يرد نمرة بسرعة
و السبب
لان الكارونة صغيرة و المكينة 5300 + القير صغير
بينما
عندي الان جمس م2001 حجم 2500 الكفر 8مسمار
بالخط بالطلوع العزم ثابت و القير ما يرد نمرة
لان الكارونة كبيرة :good2: + المكينة 6000 + القير كبير و قوي اسمه LT1

لاحظ ضخامة كارونة ال2500 :good:
الطار و التاج حقه كبير
و التروس الديشالي الداخلية كبيرة

http://www.mekshat.com/vb/../pix/upload01/prof010/mk53291_aihiuh.jpg

و هنا ايضا 2500

http://www.mekshat.com/vb/../pix/upload01/prof010/mk53291_aabuihfbh.jpg

هنا كاورنة 1500 صغيرة جدا مقارنة ب2500

http://www.mekshat.com/vb/../pix/upload01/prof010/mk53291_aaabhohhoh.jpg

و هنا 1500

http://www.mekshat.com/vb/../pix/upload01/prof010/mk53291_aaaahohohoih.jpg

نقطة اخرى

بالطلوع العالي لازم تفصل المثبت حفاظا على القير
عدم فصل القير
يخلي كلتشات القير تحتمي تحتر و تتاكل + المكينة تحتمي
تبي القي يعيش معك لازم تفصل المثبت
و تخلي الموتر يرقا براحته
كل ما نقص العزم ترفع رجلك عن الابنص
تسايس الدعسه عشان مايرد نمرة

روابط رائعة ذات صلة عن الكارونة
لمشرفنا القدير بدوي جنوبي

۩۩ موسوعة صيانة الدفرنسات ووزن الكرونه برضو بالصور ۩۩ ‏ (http://www.mekshat.com/vb/showthread.php?t=85484) ‏

°° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302)

تحيتي

عاشق السيل

22/07/2010, 01:55 PM

معلومات أكثر من رائعة بيض الله وجهك يالذيب وتقبل مروري وتسجيل إعجابي .....

ولد وايل..

22/07/2010, 02:01 PM

بيض الله وجهك.....

الفرق واضح يالبى دفرنس ال 2500

أنا عندي تاهو ودفرنسه حق 1500 وفعلا مثل ما قلت مع التقبيت كل طلعة يرد نمرة....

لكن خذ نشاااااااط....

سؤالي عزيزي...

الآن أنت علقت ن نقطة أن الافضل فصل المثبت بالطلعات...

طيب لو فصلته ودعست ورد نمرة هنا مشكلة أيضا ولا لا ؟

أنا ع بظني أن القير أريح له يرد نمرة ويمشي بنشاطر أريح للكبتشات من المشي بنمرة اكبر والسيارة تحتاج سرعة...

ياليت تفيدي وأفضل شي للمحافظة على القير والكرونة بالنسبة للخطوط....

شكرا لك

Bader-M

22/07/2010, 02:03 PM

ثورة الشك

22/07/2010, 02:34 PM

طيب هل بالامكان توليف كرونه 2500على كرونه اليوكن 1500

تستبدل الدفرنس والعكوس 6مسامير

استبدال الكرونه 1500 ب2500

راعي الشلفاء

22/07/2010, 03:05 PM

السلام عليكم

كفراتك كبار شوي علا 1500غير الكفرات ولالالالا يرد بنمره حط كفرات شد بلد

ولد وايل..

22/07/2010, 06:28 PM

لذالك الكورنه 1500 تخرب بسرعه و سعرها غالي في التشاليح عكس كارونة 2500( 8 مسامير) التي لا تطلب ابدا

تصدق في محل احد اصدقاء (التشليح) عنده ثمان (يوكونات) جميعها مقاس 1500مع هذا لا يوجد عنده ولا كارونه كلها مباعة
والعكس صحيح عنده جمس عدد (2) مقاس 2500 ومع هذا لم تباع منها ولا واحدة

معلومات قيمة و مفيدة

تحياتي اليك

كلامك في محله....

لكن انا من رأيي أن إنتشار الـ 1500 (خاصة من موديلات 200 وفوق) اه سبب في طلبها بصورة اكبر...

ولغالبية المستخدمين بإستمرار يكون غستخدامه لـ 1500....

وإيضا الإهمااااااااااااااال....ما يعرف يغير رمانات ولا بيون ولاشي لييييييين تجاوب معه الكرونه...

وأيضا الجهل ممكن الكرونه ما تحتاج الا تغيير بيرنقات وبنيون ويختصرها بالتغيير....

بالتوفيق للجميع...

ابونبيل

22/07/2010, 07:47 PM

مشكور ياذيبان

تناهيت

22/07/2010, 08:48 PM

الله الله يا دكتور سوبر
كلام جميل
استخدمت القديم والحديث باحجامها واستخدمت 1500 صالون وجاوبت معي الكارونه مرتين واستخدمت 2500 موديل 94 مكينة 454 حلابات طبعا هالمكينه معروفه بالتورك العالي طلعت عليه للجنوب ومكه براً اكثر من 6 مرات الموتر في الطلوع يشد معك صح ولا يخذلك في التجاوزات وبعته وهو في افضل حال ..........>لاكن يجب ان نعلم أن التورك وحجم المكينه له دور كبير ايضاً وهذا ما يميز حجم 2500 محركاته اللي نزلت عليه التورك فيها عالي اقصد هنا مكاين 454 كيوبك انش = 7400 سي سي باجيالها القديمه والحديثه وال6000 سي سي و497 كيوبك انش =8100 سي سي بعكس 1500حجم وطبيعة محركاته اللي تعتمد على قوة عزم دوران وقوة احصنه +تورك واطي .

ومن اسباب ايضا رد النمره في الموديلات الحديثه 2007 وطالع احجام 1500 ان قيرها اصبح 6 نمر بدل 4 نمر وهذا مفيد فقط في الخطوط المستويه ولا يخدمك في المرتفعات الا اذا استخدمت التوب ترونيك وثبت النمرة وايضا حتى 2500 الجيل الجديد يتعبك اذا ما ثبت النمرة في الطلوع ومراقى النفود لأنها يرد نمره ايضا ولاكن بفرق واضح عن 1500 ....

ومثل ما تفضل الأخوان الجموس 1500 اكثر تعرضا للأعطال الميكانيكيه اقصد هنا قير ومكينه ودفرنش عن 2500 hd

واغلب حقين الجموس حجم 1500 اللي راعين نفود ومراقى يغيروون الكارونه لكارونه رياضيه وهذا بعد دليل على عدم تحمل الكاروته عندهم .

تحياتي لك ولموضوعك الرائع

escape_man

22/07/2010, 08:57 PM

ماشاء الله تبارك الله

عيال العم سوبر Vtc + تناهيت

كفيني ووفيتو ولا يهون ولد وايل

ماعطيتنا يابوتناهيت علوم الـ 3500

اخبر لك تجربة معه

الجندي2005

23/07/2010, 12:45 AM

تسلم معلومات قيمة جداااااااااااااااااااااااااااااااااا،،،،،،،،،،،،،، ، بيض الله وجهك

ولد وايل..

23/07/2010, 06:58 AM

أخي تناهيت وفقك الله...

الست تعاشيق من 2009 وفوق...

2007 و 2008 أربع تعاشيق... الا الإسكاليد. والدينالي

must302

23/07/2010, 01:44 PM

لن أمل من العطاء

23/07/2010, 02:59 PM

شكرا لك اخي سوبر

لكن احب ان اظيف

هناك نوعين من الدفرنسات الكبيره

الصغير يركب على 6000 سي سي

الكبير يركب على 8100

يختلف فيه العكوس حيث العكوس في 8100 اكبر واقوى

تجد ذلك واضح في غطاء الدفرنس الخلفي

6000 سي سي 12 مسمار للغطاء
8100 سي سي 14 مسمار للغطاء وايضا 7400 له نفس الدفرنسات

بالنسبة لاسم القير

M T 1 وهو للمحركات الكبار 454 ومن في حكمها

M 3 0 وو للمحركات الصغير 350 ومن في حكمها

طبعا كعادة الامريكان
فلكل قاعدة عندهم شواذ

بدوي جنوبي

23/07/2010, 04:20 PM

وما يميز ايضا دفرنس ال 2500
بأمكان اخراج العكوس للخارج بدون فك الغطاء الخارجى للكرونه
لانها مربوطه بعدد 8 مسامير
انظر الصوره: 1
http://img825.imageshack.us/img825/2726/gmall20nuts20loosened.jpg

بعد فكها بأماكنك اخراج العكس
2
http://img840.imageshack.us/img840/6402/gm20install20axle.jpg

لو اردت تغيير الاقمشه الخلفيه لابد من خروج الزيت .
3
http://img843.imageshack.us/img843/2969/gm20new20hardware20inst.jpg

صوره لصوفه العكس وتكون راكبه فى الهوب وايضا الرمان يكون داخل الهوب
4

http://img215.imageshack.us/img215/3671/gm20rear20seal.jpg

عكس حجم 1500 اذا اردت تغيير العكس لابد من فك التيل داخل الكرونه

http://www.mekshat.com/pix/upload03/images125/mk32037_tela%20out.jpg

http://www.mekshat.com/pix/upload03/images125/mk32037_tela%20magnatek.jpg

http://www.mekshat.com/pix/upload03/images125/mk32037_ax.jpg

http://www.mekshat.com/pix/upload03/images125/mk32037_13.jpg

وصوفه العكس تكون راكبه فى الدفرنس
والرمان الخارجى للعكس يكون راكب فى الدفرنس
http://www.mekshat.com/pix/upload03/images125/mk32037_q9.jpg

من مميزات 1500 يعطى سرعه اكبر مع عزم
عكس 2500 يعطى عزم مع سرعه اقل ،،، لكن بنسب بسيطه

ابوعقل

23/07/2010, 04:51 PM

اخوي بدوي جنوبي

بس عندك الجمس الصالون حجم 2500

من 2006 وتحت

اللي مقاس مكينته 6000

الدفرنس الخلفي يختلف عن الدفرنس اللي انت حاط صورته

واذا جيت تبي تطلع العكس لازم تفك غطاء الكارونه

ونفس الكلام على الجمس الصالون وبعض الونيتات حجم 2500

اللي حجم مكينته 350 من مديل 99 وتحت

ولد وايل..

23/07/2010, 06:13 PM

تناهيت

24/07/2010, 08:13 AM

أخي تناهيت وفقك الله...

الست تعاشيق من 2009 وفوق...

2007 و 2008 أربع تعاشيق... الا الإسكاليد. والدينالي

هلا بك عزيزي

مالك لوا ونا اخوووووك

السته غيار نزل من موديل 2007 الدفعه الثانيه الشكل الجديد على الفئات التاليه :

1- حجم 2500 اليوكن والسيرا والتاهو والسلفرادو .
2- حجم 3500 السيرا اوالسلفرادو الدبل تاير.
3-نزل على الدينالي ابو مكينه 6,2 من موديل 2007 وطالع مثل ما ذكرت اخوي .

نزل السته غيار على 1500 من موديل 2009 الدفعه الثانيه لليوكن والسيرا والتاهو والسلفرادو .

تحياتي

GS5

24/07/2010, 08:59 AM

على طاري كارونة الـ2500
تصدقون اني كم مره اروح للريان و اشوف جمس 2500 بشارع عنيزة صالون بدون صرة الكارونه !!
وكم مره امر ولا القا الموتر موجود وعقبه اشوفه موجود وبدون صره !!
انا للحين منب مصدق ههههههههههههه

ساري 111

24/07/2010, 09:53 AM

الميزه العظمى للـ 2500 قوة تحمل مهب موجوده بالسيارات الثانيه من ناحيه جر الكرفافنات وغيره والله مايسمع ولايوحي انسى تخرب كارونته وعكوسه لكنه متعب للاستخدام اليومي..

لكن يميز الـ 1500 خفيف طينه

مشكور عزيزي

عاشق z71

24/07/2010, 10:35 PM

اولا اشكر يالغالي على توضيحك

ثانيا بالنسبه لمسمى القير حبيت اصححه اذا تسمحلي

موديلات 2000 الى 2006

القير الي نزل على 1500 اسمه 4l60
القير الي نزل على 2500 اسمه 4l80

اما موديلات 2007 ابو اربع نمر حجم 1500 اسمه 4l65

اما الي نزل على2500 هو ست غيارات اسمه 6l90

اما بالنسبه للي نزل على حجم 1500 موديلات 2009 وطالع يعني ابو ست سرعات اسمه 6l80

ااضافه بسيطه للكوارين

كلامك صحيح وبنفس الوقت خاطئ !

بالنسبه لكوارين 1500 و2500 صحيح مثل ماتفضلت 2500 اقوى بالذات بالسحب والجر ولكن

مسالة ان ردة النمره وانه ظعيف هذي اخالفك فيها لاسباب مجهوله من اكثر الناس

الحين كوارين 2500 تجي رقمها 4.10 حلو ؟؟

اما اليوكونات والصوالين بشكل عام حجم 1500 هل تعلم انها تجي 3 مقاسات ؟؟؟

خصوصا الي تجي من امريكا

المقاس الاول وهو الغالب الي اغلب السيارات كذا هو 3.42 }}} طبعا هذا الحجم الي يجيبونه وكلائنا هنا

اما الي تجي على الونيتات غالبا هي تكون 3.73 وهي حلوه جدا }}} وبعض الاحيان تجي على التاهو واليوكون 1500

ولكن الطامه الكبرى هل تعلم انها تجي ونيتات شد بلد ويكونات وتاهو وصوالين بمقاس 4.10 يعني نفس مقاس كرونة الجمس 2500 !!!

نعم موجوده ومتاكد منها وسبق ان واحد من الشباب اقتنى افلانش 1500 كرونته 4.10

نفس مقاس 2500 ومن ناحية التجاوز وردة النمره فهي نفس الجمس الي حجمه 2500 تماما !!!

لكن 2500 افضل بالسحب والتحميل بحيث ان الجرم والعكوس اكبر واقوى هذا الفرق

بل بالعكس لو عندنا انك تقدر تطلب خيارات وكل واحد اخذ مطلبه كان في ناس بتاخذ حجم 1500 وبتلاقيه مرتاح اكثر من ال معه 2500 !!ليش ؟؟

انا اقولك

انا مثلا معي تاهو 1500 موديل 2005

تدري اذا مشيت سرعة 160 الظغط عندي يكون على كم ؟؟؟؟؟

يكون على 2.5 بالظبط يعني 2500 ار بي ام }} كواريني 3.42

بينما الجمس 2500 تدري اذا مشى والظغط على 2.5 مثلي كم تكون سرعته ؟؟

تكون 120 تقريبا ؟؟

تخيل شف الفرق

يعني اريح من ناحية ظجيج وصرفيه وراحة مكينه وقير

يعني غلط الواحد يروح يشتري 2500 وهو موب حق تحميل مثلا ؟؟؟؟

وغلط الواحد يروح يتشري تاهو ويوكون 1500 وهو عنده 6 بزارين وراعي سفريات

كذا بيتعبه الموتر بالسفر برد النمر وغيره

مثال بسيط لعله يوظح كلامي :

صديق لي مثلا

كان ناوي يشتري جمس 2500 يقولي ياخي انا راعي خطوط مع العلم انه خطوطه يوميا 150 كيلو رايح وزيها جاي بحكم انه مدرس

تدري اني نصحته بحجم 1500 !!!!!

ليش لانه يشغل موتره وماعنده لاحمل ولا شي الموتر مرتاح ولايصرف بالخط ولا شي ولا متعب لان ماعلهي وزن

لكن تخيل قلتله خذ 2500

كان قلة راحه وصرفيه وتعب مكينه وغيره

بالمقابل واحد عنده عيال ويبي الموتر للخطوط

هذا مستحيل اقوله خذ 1500

لانه بيتعبه اذا حمله صعب يمشي بالخط وصعب يتجاوز وبيقعد يردد نمر مع كل طلعه وهكذا

يعني لو كل واحد شرى الجمس بالذات الي يناسب استخدامه صدقني ماراح يندم ولو اخذ سته سلندر !!!!

في بعض الناس يقول صحيح مثلا انا ماني راعي تحميل وماعندي عيال وشوله اخذ 1500 يمكن يجي يوم اظطر احمل

اقوله صحيح كلامك ولكن هل يعقل انك عشان يوم انك تتحمل صرفية وتعب وثقل مدة سنتين او ثلاث او يمكن عشر ايا يكم مدة بقاء الموتر !!!!

عموما بالنسبه لي يبقى 2500 وحش ومع اني عزابي وماني راعي تحميل ابد حتى جركلي حق البر سعته 30 لتر

الى ان موتري القادم انشالله 2500 هو الموتر الي ينحط ع الجرح يبرى

ولكن حبيت اوظح للجميع ليكونو على بينه

اسف جدا على الاطاله ولكن حبيت اشاركم بالفائده

والف شكر لك اخوي لطرح هذي الفرصه لنستفيد جميعا

بالتوفيق ...

عاشق z71

24/07/2010, 10:48 PM

أخي تناهيت وفقك الله...

الست تعاشيق من 2009 وفوق...

2007 و 2008 أربع تعاشيق... الا الإسكاليد. والدينالي

للتصحيح فقط

الست تعاشيق نزل حتى على موديل 2006 مكينة 8100 قير توماتيك نزلة دفعه بقير ست نمر !

2007 وطالع نزل قير ست سرعات على جميع الجموس 2500 و الاسكاليد والدينالي

2009 الدفعه الاولى حجم 1500 نزلت بالقير المعتاد ابو اربع نمر

اما 2009 الدفعه الثانيه الى موديل اليوم نزل ابو ست سرعات

زيزو

24/07/2010, 11:39 PM

لان الكارونة صغيرة و المكينة 5300 + القير صغير
بينما
عندي الان جمس م2001 حجم 2500 الكفر 8مسمار
بالخط بالطلوع العزم ثابت و القير ما يرد نمرة
لان الكارونة كبيرة + المكينة 6000 + القير كبير و قوي اسمه Lt1

عزيزي

الاختلاف بالتحاويل مو بالحجم

وغير كذا الاختلاف ان مكينتك اقوا

هذا اولا

ثانيا قيرك اسمه 4l80e مو Lt1

Lt1 هذي مكينة الكابرس Ss الصابونة موديل 96

لاشك ان 2500 قوية دفرنساته

ولكن برد العزم ماله دخل بالدفرنس

لان المكينة اظعف طبيعي يكون عليها ثقل

بالنسبة لدفرنساتك فيه واحد امريكي مرهمها على ددسن دفرنسين هههههههههههههههههههههههههههههههه

must302

25/07/2010, 10:44 AM

بالنسبة لاسم القير

M T 1 وهو للمحركات الكبار 454 ومن في حكمها

M 3 0 وو للمحركات الصغير 350 ومن في حكمها

طبعا كعادة الامريكان
فلكل قاعدة عندهم شواذ
هدي القيور نزلت على اي موديل؟؟؟:)

سوبر VTC

25/07/2010, 05:09 PM

حياكم ياخواني
و مشكورين على المرور
و حقيقة معلومات قيمة تخفى علي و منكم نستفيد :good2:

بيض الله وجهك.....

الفرق واضح يالبى دفرنس ال 2500

أنا عندي تاهو ودفرنسه حق 1500 وفعلا مثل ما قلت مع التقبيت كل طلعة يرد نمرة....
لكن خذ نشاااااااط....
سؤالي عزيزي...

الآن أنت علقت ن نقطة أن الافضل فصل المثبت بالطلعات...

طيب لو فصلته ودعست ورد نمرة هنا مشكلة أيضا ولا لا ؟

أنا ع بظني أن القير أريح له يرد نمرة ويمشي بنشاطر أريح للكبتشات من المشي بنمرة اكبر والسيارة تحتاج سرعة...

ياليت تفيدي وأفضل شي للمحافظة على القير والكرونة بالنسبة للخطوط....
شكرا لك

اعطيك خبرة راعي ورشة سعودي ثقة
تبي الكارونة تعيش معك لا تعدا سرعة 150
تغير زيت القير مع الفلتر كل 50الف او 40
لا تجلد الموتر بالنفود خصوصا بالثقيل
بمعنى على كلامه لا يصل ضغط المكينة الى 4 فاكثر حفاظا على الكارونة

بالنسبة لمثبت السرعة
يجب فصله لانه اذا ضعف العزم رد نمرة الى 3 و اذا ما زادت السرعة بعنى مارجع لسرعته السابقة
يرد العزم مرة اخرى الى 2 و عندها راح تتاثر الكلتشات لانه ستحتمي من الاحتكاك+ الحرارة و ايضا تتاثر الكارونة بسبب العزم القوي و ايضا ثقل و ووزن الموتر على كاهل الكارونة
كل مرة تحتمي الكلتشات تتاكل و تكون مع الايام و السنين مثل كلتش القير العادي يتاكل حتى يضعف القير لدرجة اذا دست الابنص فزة الموتر ضعيفة لان الكلتشات محترقة يعني به ثلث عمر
الحاصل عزم المكينة قوي لكن القير تعبان
والدي ميكانيكي ديزل و بنزين سابقا يقول مهم جدا فصل المثبت + ترفع رجلك كلما نقص العزم حفاظا على القير

لذالك الكورنه 1500 تخرب بسرعه و سعرها غالي في التشاليح عكس كارونة 2500( 8 مسامير) التي لا تطلب ابدا

تصدق في محل احد اصدقاء (التشليح) عنده ثمان (يوكونات) جميعها مقاس 1500مع هذا لا يوجد عنده ولا كارونه كلها مباعة
والعكس صحيح عنده جمس عدد (2) مقاس 2500 ومع هذا لم تباع منها ولا واحدة

معلومات قيمة و مفيدة

تحياتي اليك

صدقت اخوي طاير
الان عندنا راعي ورشة اكثر المواتر اللي عنده 1500 و الكوارين خربانه
و السبب ضعيفة جدا ما تقوم بمقام ال2500

طيب هل بالامكان توليف كرونه 2500على كرونه اليوكن 1500

تستبدل الدفرنس والعكوس 6مسامير

استبدال الكرونه 1500 ب2500

للاسف ليس لدي علم
لكن الاخوان ذكروا كارونة رياضية

الله الله يا دكتور سوبر
كلام جميل
استخدمت القديم والحديث باحجامها واستخدمت 1500 صالون وجاوبت معي الكارونه مرتين واستخدمت 2500 موديل 94 مكينة 454 حلابات طبعا هالمكينه معروفه بالتورك العالي طلعت عليه للجنوب ومكه براً اكثر من 6 مرات الموتر في الطلوع يشد معك صح ولا يخذلك في التجاوزات وبعته وهو في افضل حال ..........>لاكن يجب ان نعلم أن التورك وحجم المكينه له دور كبير ايضاً وهذا ما يميز حجم 2500 محركاته اللي نزلت عليه التورك فيها عالي اقصد هنا مكاين 454 كيوبك انش = 7400 سي سي باجيالها القديمه والحديثه وال6000 سي سي و497 كيوبك انش =8100 سي سي بعكس 1500حجم وطبيعة محركاته اللي تعتمد على قوة عزم دوران وقوة احصنه +تورك واطي .

ومن اسباب ايضا رد النمره في الموديلات الحديثه 2007 وطالع احجام 1500 ان قيرها اصبح 6 نمر بدل 4 نمر وهذا مفيد فقط في الخطوط المستويه ولا يخدمك في المرتفعات الا اذا استخدمت التوب ترونيك وثبت النمرة وايضا حتى 2500 الجيل الجديد يتعبك اذا ما ثبت النمرة في الطلوع ومراقى النفود لأنها يرد نمره ايضا ولاكن بفرق واضح عن 1500 ....

ومثل ما تفضل الأخوان الجموس 1500 اكثر تعرضا للأعطال الميكانيكيه اقصد هنا قير ومكينه ودفرنش عن 2500 hd

واغلب حقين الجموس حجم 1500 اللي راعين نفود ومراقى يغيروون الكارونه لكارونه رياضيه وهذا بعد دليل على عدم تحمل الكاروته عندهم .

تحياتي لك ولموضوعك الرائع

مشاركة قيمة من استاذ قدير :good:
ال6 نمر اذا رد نمرة تكون ناعمة ما تحس به :good:
مالمقصود بتورك عالي و واطي ؟ لاهنت
هل تقصد بالتب ترونيك تاخير النمرة زر بنفس العصا حق القطر ؟
كم قيمة الكارونة الرياضية ؟ شغل التركيب ؟

LT1 على حد علمي اسم مكينه شفر نزلت على الكمارو والكابرس SS
واسم قير ادا كان نفس قير الونيت هو6L80

انا انسب الكلام لراعي الورشة :) يقول القير كبير حق ال تي ون
يبدو انه يقصد حق مكينة ال تي ون :)

شكرا لك اخي سوبر

لكن احب ان اظيف

هناك نوعين من الدفرنسات الكبيره

الصغير يركب على 6000 سي سي

الكبير يركب على 8100

يختلف فيه العكوس حيث العكوس في 8100 اكبر واقوى

تجد ذلك واضح في غطاء الدفرنس الخلفي

6000 سي سي 12 مسمار للغطاء
8100 سي سي 14 مسمار للغطاء وايضا 7400 له نفس الدفرنسات

بالنسبة لاسم القير

M T 1 وهو للمحركات الكبار 454 ومن في حكمها

M 3 0 وو للمحركات الصغير 350 ومن في حكمها

طبعا كعادة الامريكان
فلكل قاعدة عندهم شواذ

اخوي لن امل من العطاء
الجمس 6000 مكينته 454 ؟
ال1500 كم مكينته ؟

عزيزي

الاختلاف بالتحاويل مو بالحجم

وغير كذا الاختلاف ان مكينتك اقوا

هذا اولا

ثانيا قيرك اسمه 4l80e مو Lt1

Lt1 هذي مكينة الكابرس Ss الصابونة موديل 96

لاشك ان 2500 قوية دفرنساته

ولكن برد العزم ماله دخل بالدفرنس

لان المكينة اظعف طبيعي يكون عليها ثقل

بالنسبة لدفرنساتك فيه واحد امريكي مرهمها على ددسن دفرنسين هههههههههههههههههههههههههههههههه

ياليت تعطينا معلومة عن التحاويل ؟
هل اسم القير مكتوب على جنب او ظهر القير ؟

كلامك في محله....

لكن انا من رأيي أن إنتشار الـ 1500 (خاصة من موديلات 200 وفوق) اه سبب في طلبها بصورة اكبر...

ولغالبية المستخدمين بإستمرار يكون غستخدامه لـ 1500....

وإيضا الإهمااااااااااااااال....ما يعرف يغير رمانات ولا بيون ولاشي لييييييين تجاوب معه الكرونه...

وأيضا الجهل ممكن الكرونه ما تحتاج الا تغيير بيرنقات وبنيون ويختصرها بالتغيير....

بالتوفيق للجميع...

ال1500 توافيق بعد الله
لكن العلم الاكيد انهن حساسات بزود
مافيه توازن بين قوة المكينة و القير و بين الكارونة
بمعنى اتصور ان الضغط على الكارونة هائل و فوق اللازم
نسبة و تناسب

وما يميز ايضا دفرنس ال 2500
بأمكان اخراج العكوس للخارج بدون فك الغطاء الخارجى للكرونه
لانها مربوطه بعدد 8 مسامير
انظر الصوره: 1
http://img825.imageshack.us/img825/2726/gmall20nuts20loosened.jpg

بعد فكها بأماكنك اخراج العكس
2
http://img840.imageshack.us/img840/6402/gm20install20axle.jpg

لو اردت تغيير الاقمشه الخلفيه لابد من خروج الزيت .
3
http://img843.imageshack.us/img843/2969/gm20new20hardware20inst.jpg

صوره لصوفه العكس وتكون راكبه فى الهوب وايضا الرمان يكون داخل الهوب
4

http://img215.imageshack.us/img215/3671/gm20rear20seal.jpg

عكس حجم 1500 اذا اردت تغيير العكس لابد من فك التيل داخل الكرونه

http://www.mekshat.com/pix/upload03/images125/mk32037_tela%20out.jpg

http://www.mekshat.com/pix/upload03/images125/mk32037_tela%20magnatek.jpg

http://www.mekshat.com/pix/upload03/images125/mk32037_ax.jpg

http://www.mekshat.com/pix/upload03/images125/mk32037_13.jpg

وصوفه العكس تكون راكبه فى الدفرنس
والرمان الخارجى للعكس يكون راكب فى الدفرنس
http://www.mekshat.com/pix/upload03/images125/mk32037_q9.jpg

من مميزات 1500 يعطى سرعه اكبر مع عزم
عكس 2500 يعطى عزم مع سرعه اقل ،،، لكن بنسب بسيطه

بارك الله فيك ابو عبدالله :good:

سوبر VTC

25/07/2010, 05:11 PM

اولا اشكر يالغالي على توضيحك
ولكن حبيت اوظح للجميع ليكونو على بينه
اسف جدا على الاطاله ولكن حبيت اشاركم بالفائده
والف شكر لك اخوي لطرح هذي الفرصه لنستفيد جميعا
بالتوفيق ...

لاهنت
انت يبي لك جلسة نقاش لوحدك :good2:
معلومات قيمة جدا و مفيدة و مرجع مهم
لمن اراد اقتناء الجمس او اليوكون

قليط

25/07/2010, 05:25 PM

مشكورين والله حنى بحاجه مثل المواضيع هذي

وبالذات مثل شــــــــــرح بدوي جنوبي

ولزم تنزلون ماضيع اكثر

ولد وايل..

25/07/2010, 09:21 PM

هلا بك عزيزي

مالك لوا ونا اخوووووك

السته غيار نزل من موديل 2007 الدفعه الثانيه الشكل الجديد على الفئات التاليه :

1- حجم 2500 اليوكن والسيرا والتاهو والسلفرادو .
2- حجم 3500 السيرا اوالسلفرادو الدبل تاير.
3-نزل على الدينالي ابو مكينه 6,2 من موديل 2007 وطالع مثل ما ذكرت اخوي .

نزل السته غيار على 1500 من موديل 2009 الدفعه الثانيه لليوكن والسيرا والتاهو والسلفرادو .

تحياتي

الله يحفظك وبارك الله بك....

أجل أنا توهمت ..

لاني أنا كلامي كنت أقصد الجموس 1500 و 2500

اليوكن والتاهو الجديد ..

ماكن أعرف أن القير من أول ما نزل الشكل الجديد ع حجم 2500 ست تعاشيق الا منك...

بارك الله فيك...

xX_أبهاوي_Xx

26/07/2010, 12:54 AM

بيض الله وجهك ياسوبر فتك وتناهيت ولايهون المشاركين

بصراحه استفدت الكثير من الموضوع وردودكم وعساكم على القوة

تقبلوا مروري مصحوب بعطر السلآم

بن هيف

26/07/2010, 02:50 AM

الله يعطيكم العاافيه جميعاً
معلومااات لا تقدر بثمن
عسااكم على القووه.

زيزو

26/07/2010, 05:54 AM

التحاويل طال عمرك هي اللي يجيك مثلا 3.42 او 3.73 او 4.10

وهي تقسيم عدد التروس اللي على الكارونة على عدد التروس اللي على البنيون

يعني 41/10 يجيك اسمها كذا

في الاخير تطلع لك 4.10

غالبا الصوالين 3.42 وفيه يجي 3.73 على بعض الونيتات واليوكنات

must302

26/07/2010, 12:49 PM

اسماء القيور الشفر الي اعرفهم
1-350
2-700r4
t65-3
4l60-4
4l80-5
4l65-6
400-7
وحجم مكينه 1500
يكون 4.8 او5.3 وادا حاب تتاكد تحصله مكتوب عند فلتر الهوا او على غطا المروحه

Fahad saleh

26/07/2010, 02:51 PM

السلام عليكم
معلومات قيمه ويشكر عليها كل من ادلا بدلوه
احبيتي لدي سؤال فني
قير MT1 على اي موديلات نزل ؟
لان اللي اعرفه انه نزل على موديل 91 مكينة 454
المقصود هل انه استمر على الموديلات اللي بعد
او تغير ثم رجع على الموديلات الحديثة.
بس من واقع تجربه قير يعطيك في الطلوع والنزول.

تناهيت

26/07/2010, 08:18 PM

للاسف ليس لدي علم
لكن الاخوان ذكروا كارونة رياضية

مشاركة قيمة من استاذ قدير :good:
ال6 نمر اذا رد نمرة تكون ناعمة ما تحس به :good:
مالمقصود بتورك عالي و واطي ؟ لاهنت
هل تقصد بالتب ترونيك تاخير النمرة زر بنفس العصا حق القطر ؟
كم قيمة الكارونة الرياضية ؟ شغل التركيب ؟

اخوي لن امل من العطاء
الجمس 6000 مكينته 454 ؟
ال1500 كم مكينته ؟

ياليت تعطينا معلومة عن التحاويل ؟
هل اسم القير مكتوب على جنب او ظهر القير ؟

بناخذها حبه حبه دام فيها جموس ...........<وحقين الجموس جايين تقل في حرب ما يظهرون الا اذا شمو ريحة جمس بسم الله علينا :D
بس خل عنك يا سوبر والله وعرفت تجيبهم ....>هالمره عندكم والمرة الجايه حيااك عندنا ;)

وبالنسبة لمدى امكانية تحويل دفرنش 1500 الى دفرنش 2500 .....
نعم ونا اخوك في الجموس كل شي يصير بس يبيلها طولة بال وخبرة واسعه في قراءه التحاويل ومكانيكي مخضرم

اللي اعرفه ان فيه دفرنشين للـ2500 على حس بالفئه فيه الدايري وفيه المربع او المثلث
الدايري تقدر تحوله الى 6 مسمار لأن عكسه داخلي شف هذا دايري محول لعكس ست مسمار ولاحظ العكس وشكل الدفرنش ابو 14 مسمار ولا تنسى انه لازم تغير الكارونه الأماميه

http://i365.photobucket.com/albums/oo91/heslekrants/14Bolt.jpg

هذا المثلث لا تستطيح تحويله لأن العكس يجي خارجي

http://www.explorerforum.com/photopost/data/3500/14bolt_mounted.jpg
http://img.photobucket.com/albums/v220/BigWillieStyle_21/IM000156.jpg

نجي لأستفسارك عن التورك ووش علاقته في التحميل والسحب والجر وكيفيه زيادة التورك

التورك ماله علاقه ابد في القير ولا التب تورنيك مثل ما تفضلت
التورك ( Torque ): هوعزم الدوران للمحرك يعني قوة ضغط البساتن وكميه الاحتراق من البستن لعمود الكرنك

لذلك الآن يقولك الواحد بغير كام البلد واركب كام خشن او ناعم او يركب بساتن ضغط عالي هذي لزيادة التورك ولا لها علاقه مباشرة بزيادة الاحصنه

بمعنى آخر البساتن - اذرعة بساتن - بلوف نار و هوا - سبائك - كامات - سست - عمود كردان هذي الأمور خاصة بالتورك ........

نجي للفروقات بين المكاين في التورك ونسبة عدد الاحصنة لها :
بناخذ مكينة حجم 2500 السته لتر ونقارنها بمكينة 1500 الــ5300 وكلها للعلم سمول بلوووووك و بعد هانجي لمحبوبتي الـــ8100 البيق بلوووووووووك مهبولة التورك بلا منازع

السته لتر

عدد الأحصنة : 325 عند 5200 دورة في الدقيقة
عزم الدوران الأقصىالتورك : 502 نيوتن . متر عند 4400 دورة في الدقيقة يعني ار ب ام عالي = تورك عالي
نسبة الكومبرشن: 1:9.4الانضغاط

الـ5300
القوة الحصانية: 295 عند 5200 دورة في الدقيقة
عزم الدوران الاقصى: 440 نيوتن.متر عند 4000 دورة في الدقيقة اربي ام منخفض = تورك منخفض وهكذا

بهذه الارقام يتبين لنا ان فيه فرق في التورك بين المحركات لا بد من اخذه بعين الاعتبار وكذلك ضغط الكمبرشن

تعال نروح للللتحميل والمراقى والطلوع

ابو حجم 1500 في الطلوع مع السته لتر مثلا بيمشي ويتعداه في البدايه ولا تننسى مسالة حجم الشاص والوزن يلعب دور هنا ولاكن في نص الطلوع يبرد عزمه بسبب قله التورك اللي هو عزم دوران المحرك لاكن السته لتر في نص الطلوع تحصله يزيد معه التورك تدريجي وتلاحظ الآربي ام يرتفع وممشاه يقوى على عكس ابو 1500

عندك مثلا مكاين التريلات التورك فيها عالي جدا والأحصنه شبه معدومه ولعلك تلاحظ التريلات في الطلوع تحصلة يمشي 10 ولا يمكن يوقف ....

نجي لمكينة التورك 8100 :good:
للاسف اغلب الناس تعتقد انه اقوى محرك انتجته جي ام هذا المحرك ويغفلون ان لك محرك استخدامه الخاص به ........جي ام يوم تصنعه ما قالت ان هذا للمقاوم والسباقات واكبر دليل قله قطع التزويد وتوفرها ونادر تحصل مشاريع تزويد عليه هذا اكبر دليل على انه موتر تورك مو احصنة وايضا وزنه الكبير

القوة الحصانية: 375 عند 4600 دورة في الدقيقة واختلف العلماء في هذا الشأن الكثير منهم يصر على ان عدد الأحصنة 356 وهذا رأيي لأني قستها بالداينو بحكم تجربتي مع هذا المحرك .
عزم التدوير الأقصى: 660 نيوتن . متر عند 3200 دورة في الدقيقة هنا التورك لاحظ الفرق في التورك بينه وبين محركات السمول بلوووك

انا من الناس اللي ما يعرف يكتب شرح عن اداء المحرك وما اثبت الا على الطبيعة
كان معي واحد من الشباب مشغلني دايم يقول وش فايدة التورك وووو..الخ
طلعت معه للنفود وفيه طلوع قوي جدا طلع الموتر معي صح ومع سرعة عاليه الا قبل القمة برد عزمه ولا كن ما وقف صارولا شلت رجلي عن البنزين يمشي صفر ولآربي ام مرتفع الا قبل الخط الأحمر تخيل الى ان وصل فوق وقتها خويي كان فاتح الباب يقول خلاااااص ارجع موب راقي الموتر يالله يمشي عهنا التورك لعب دوره لاكن لو أنه موتر احصنه ووقف في راس نفد صدقني يوقف محله باختصار (التورك نفس عميق جداُ للموتر )

استفسرت اخوي سوبر عن 6000 لتر وهل هي 454

محركات جي ام لها قسمين

السمول بلوك وتندرج تحتها
1-كيوبك انش 305= 5300 سي سي تقريبا
2-350كيوبك انش =5700 سي سي
3-400 كيوبك انش والمعروفه بواقف واقرب مالها السته لتر من افض لامحركات واندرها جت على البليزرات والكومارو والبيوك القديم اعتقد انها تصنف سمول بلوووووك يبيلها حسبه

مكاين الجيل الجديد من 2000-2010
4800 سي سي نزلت على حجم 1500 وعلى الشفرات اكثر شي من اتعس المكاين وغلطه من جي ام
5300 سي سي نزلت على حجم 1500
6000 سي سي نزلت على حجم 2500 و3500والدينالي حجم 1500 بدفع رباعي مستمر ولاكن اصدر اخر مختلف نوعا ما عن اصدارات الاحجام الكبيرة وتسمى ماكس كيو 9 بتورك منخفض
6200 سي سي نزلت على الدينالي والأسكاليد بالحجمين من موديل 2007 او 2008 ما اذكر بالضبط
هذا يعني ان مكاين البيق بلوك من عام 2000 ما نزلت على الفئات المذكورة الا 8100 وجابها الجميح والعيسى على الصوالين فقط و6600 نزلت على 2500-3500 بس ما عندك وكيل صاحي يجيبها

البيق بلوووووك

1- 454 المشهورة وهذا الرقم يعني حجم الكيوبك بلأنش ولا يعبر عن السعه اللتريه ولا القوة الحصانيه والب الناس فاهمها غلط
الــ454 =7400 سي سي
وفيه 502 نزلت على بعض الجموس واللواري ولاكن نارده جدا
ما فيه شي اسمه 511 للعلم خرط الستين يوصل لهذا الرقم فقط وصنعتها او بلصح عدلت على الــ454 شركات امريكيه مالها علاقه بجنرال موترز
نزلت اول مره على الكوابرس 76 وشفتها عليه بنفسي ونزلت على الجموس في موديل 77 والأرجح 78 الحمراء وتوقف انتاجها عام 99 اللي يقال لها الحلابات نص بخاخ ونص كربريتر .

2-8100سي سي هي امتداد وتطور لمكينة الــ454 من جنرال موترز ويساوي الكيوبك انش 496والبولك حديد مو المنيوم مثل مكاين السمول بلووووك ووزنه 350 كيلو

3- مكينه الدورا ماكس الديزل معشوقه هواه الجموس

6600 سي سي تجي تيربو شد بلد نزلوها على 2500 وعلى الــ3500 مكينة جبارة بكل ما تعنيها الكلمه خذ هالمقطع الجبار وشف وقدر حجم الوزن اللي ساحبه

http://www.youtube.com/watch?v=Zb4QepdyYJU&feature=related

الكارونة الرياضيه سعرها ما بين 800-1200 على حسب الحجم والنوع محشورة ميب محشورة حقت دراق حقت مراقى حقت خطوط...الخ اعرف واحد حاط كارونه اسبير جمب الأستبه :Dاذا بغى يمسك خطوط غير الكارونه لوحده مرتاحه تمد معه ف يالخط وتريح القير والمكينه وعالعكس يركب محشورة في المراقى والنفود

اخوي سوبر سلام عليكم وعلى حقين الجموس :good2:
زورنا عاد يا سوبر في محلنا
ويستاهل :lrمن يسدح له موضوع مفصل وخاص بمحركات جي ام بس يومنا سنة :(

* ابو باسل *

14/03/2011, 12:12 PM

موضوع ابداع وشامل جميع الخبراء والافنديه لاتحرمونا خبراتكم ومنكم نستفيد .
يرفع للفائده .

Lover gmc

14/03/2011, 03:52 PM

ماشاء الله عليكم

طيب ياليت تذكرون بحديثكم

كيف نحافظ عليها من الاعطال

وايش اللي يخليها تخرب

طبعا كارون 1500

فيه ناس تجهل اشياء ممكن تعرفوها

وانا منهم

: )

مكشاتي 2011

30/01/2012, 01:09 PM

مشاء الله تبارك الله