رايكم بكاميرات جوالات إريكسون التالية

[الشقردي]

السلام عليكم ورحمة الله وبركاته

كنت اسولف ان وواحد من أخوياي وجاء طاري الجوالات والكاميرات اللي فيها,
مؤخرا وفي اعتقادي الشخصي ان سوني اريكسون غطت على باقي الجوالات من ناحيت التصوير ولكني في هذا الموضوع ودي استفيد من خبرات اعضاء مكشات بهالموديلين من سوني اريكسون وش الافضل بشكل عام والكاميرة المدمجة بشكل خاص

الموديلين المطلوب رايكم فيها هي

K750i كاميرا 2 ميجابكسل

S700i كاميرا 1.3 ميجابكسل

خويي يقول ان الثانية كاميرتها احسن , وأن الميجابكسل مهوب المقياس الوحيد, ممكن تفيدوني وتفصلون بالموضوع

هذا موقع الشركة للي يبي يتفحص الخصائص type:

K750i
http://www.sonyericsson.com/spg.jsp?cc=ae&lc=ar&ver=4000&template=pp1_1_1&zone=pp&lm=pp1&pid=10242


S700i
http://www.sonyericsson.com/spg.jsp?cc=ae&lc=ar&ver=4000&template=pp1_1_1&zone=pp&lm=pp1&pid=10140

[عليان الليل]

حياك اخوي الشقردي ..
معروف كلما زاد البكسل زادت دقة الصورة ..
لكن ما فيه مقارنة بين الكمرة العادية وكمرة الجوال..
تحياتي..

[صالح المطيري]

الكاميرات الموجودة في الجوال هي مجرد مميزات إضافية ولا تغني أبداً عن الكاميرة المتخصصة لهواة التصوير ، ففي حين وصلت جودة الصور في الكاميرات العادية من 4 إلى 7 ميجابيكسيل فإن أفضل كاميرة جوال لا تتعدى 2 ميجابيكسيل! .

[S700i]

السلام عليكم

أخوي شقردي ... أنا اكثر واحد استعمل سوني و سوني اريكسون ...

والله شف وانا اخوك .. بلا منازع افضل جوال وافضل كاميرا مدمجه هي اللي بالسوني اريكسون

معي الحين S700i و ما عليه غبار ... يعني اصور فيه الى 1280x960 غير المؤثرات اللي تقدر تضيفها على الصورة.. غير ان شاشته تقريبا TFT يعني اوضح منها ماكو ...

انت على العموم شف هالصور مصورها بالـ S700 واحكم

http://www.mekshat.com/pix/upload/images8/mk15757_DSC00834.JPG

http://www.mekshat.com/pix/upload/images8/mk15757_DSC00759.JPG

http://www.mekshat.com/pix/upload/images8/mk15757_DSC00828.JPG

http://www.mekshat.com/pix/upload/images8/mk15757_DSC00835.JPG

http://www.mekshat.com/pix/upload/images8/mk15757_DSC00882.JPG

http://www.mekshat.com/pix/upload/images8/mk15757_DSC00908.JPG

http://www.mekshat.com/pix/upload/images8/mk15757_DSC00919.JPG


طبعا لا غنى عن الكاميرات الإختصاصية ... واذا تني نصيحتي .. شف فيه كاميرا اسمها
Olympus C-8080 Wide Zoom
Olympus C-8080 Wide Zoom (8.0 Megapixals) (http://www.olympusamerica.com/cpg_section/cpg_product_lobbypage.asp?l=1&p=16&bc=2&product=961)

بانتظار ردك

[الشقردي]

اشكر جميع الاخوة اللي ردوا وكلامهم على متمه ان الكاميرات المدمجة مع الجوال لا تغني عن الكاميرات المتخصصة.
بس أنا في هذه الموضوع بصدد المقارنة بين هالموديلين من سوني أريكسون أو اذا كان فيه جوال آخر يتمتع بقدرة فائقة في التصوير (طبعا على مستوى الجوالات فقط).
أما الكاميرات مايخفاكم ان قدرتها بتكون أعلى بكثير ...

واسلموا لمحبكم ...

[الشقردي]

الاخ الكريم S700i
ودي أسألك عن الصورة الاولى والرابعة. حاولت أنخيل وشي الصورة عجزت هل انت مدخل عليها مؤثرات مثل الباقي ولا ؟ ووشي صورة هذي ؟؟!؟

وودي لو تعطيني رايك بجوالك من ناحية الاستخدام وهل يوجد به أعطال ملفته للنظر, وهل تتوقع ان الـ K750 بتكون صورة أوضح بحكم انه 2 ميجا بكسل, وماذا عن الزوم..... معليش كثرت عليك , تحمل

[ماجد الشمري]

اخوي الشقردي ..
انا جربت ال كاي 700 اي ... وصراحة كاميرته سيئة ... انصحك بالنوكيا .. عندك 6630 ممتاز وكاميرته 1.3 ميجا بكسل لكن بالليل لك عليه شوي .. او خذ لك 6680 بس شوي غالي وفيه كاميرتين وفيه فلاش وصورته ممتاز بالليل والصبح ..
واذا منت مستعجل خذ لك النوكيا الجديد اللي كاميرته 2 ميجا بكسل .... عيب السوني اركسون انه ممل وبطئ والبروجرام حقه سئ ..





اخوكم ماجد الشمري

[S700i]

اخوي الشقردي

الصور اللي تقول مصور زحمة شارع العليا بس اللهم اني حركت الجوال بسرعه وهو يلقط الصورة وطلعت هاللون

والله شف .. انا رجال ما اواطن النوكيا وعندي الـسوني اريكسون افضل جودة ومافي مقارنه

لكن عندك التالي:

1- برامج غير متوفره مثل النوكيا (الله حق انا مالي اهتمام فيها ولا بحثت بعمق)
2-بطاريه يعني حليله .. تقعد ثلاثة ايام او اربعه
3-ارساله اضعف شوي
4-مشكلة الS700 ارقامه تسحبها من ورا الشاشه ... غثيثه شوي
5-القائمه اشهد بالله انها اسهل من جوالات النوكيا التاليات
6-خط العربي يمرش شوي ... لك عليه (انا استخدمه انجليزي)
7-اكسسوارات غير متوفره حاليا

غير هالنقاط ما شفت فيه عذروب ومبسوط عليه
وتراه كامل بمجاميعه .. بلوتوث/انفارد/كرت ذاكره مع الجمب مو تحت البطاريه/متصفح جافا/GPRS/WAP
وفيه لمبة فلاش زينون للكاميرا

بالنسبه للـ K750i والله ماحطيته بيدي للحين بس 2 ميجابكسل جديره بالاهتمام ... الكلام على الشاشه .. كانها صغيره مشكله
شاشة الS700i مقاسها 320x240

http://www.mekshat.com/pix/upload/images8/mk15757_CWS31AFW_11277high_1510_0_4000.jpg

[S700i]

تعليقا على كلام اخوي ماجد .. من ناحية بطئ الجهاز صحيح واجهت المشكلة هذي مع K700i بس يالربع حنا ناس تشري الجوال وتكرفه .. المشكله يبي لك كل شهرين تمر على الوكيل وتسوي update للـ software .. الـ K700i سويت له ابديت عند الفلبيني اللي بخطوط الشبكه بشارع الضباب .. عقبه الجهاز طلع فشقه .. حتى وانت تحرك الايقونات اللي بالقائمه يعني تقريبا حركة واقعية

فـ الشقردي حط هالشي في بالك .. حتى لو تشوف موقع السوني اريكسون وعموما كل الجوالات .. كل شوي منزلين لك ابديت جديد.

على الطاري ... فيه كاركت منزلته سوني اريكسون .. بـ 600 ريال عبارة عن ستاند للجوال وسماعة مكبرة و مايك ..

طريقة التوصيل بالبلوتوث .. حتى المايك مافيه ولا سلك .. تلزقه يا طويل العمر على الطبلون وقضينا .. الشئ الممتع انه يدعم 5 اجهزة بنفس الوقت .. والمايك بوسطه لمبه تعطيك خمس الوان لكل مستخدم لون.. يعني على سبيل المثال لو انا وانت يالشقردي بموتر واحد .. وجتني مكالمه تعطيني لمبه زرقا مثلا .. وان جتك مكالمه تعطيك حمرا وتركيبه بـ 100 ريال

[ماجد الشمري]

اخوي اس 700 ...
انا وانا اخوك سويت اب ديت للجهاز من اكسيوم قبل 4 ساعات لجهازي 6630 والجهاز كان سريع والان صار اسرع بكثير والكاميرا اوضح ولو حطيت لك صور حادث مصوره بتشوف الجودة ...

http://www.cars-club.com/up1/store/28042005(007).jpg

http://www.cars-club.com/up1/store/28042005(008).jpg

وش رايكم بالوضوح ؟؟ هذا قبل التحديث ...







اخوكم ماجد الشمري

[الخبير]

السلام عليكم
انا من معرفتي بالجهازين لقيت إن s700i أفضل صورة من k750i . ولكن تتميز كميرة k750i بإمكاناتها العالية مثل تصوير المايكرو وأيضاً التصوير السريع!
ترى يا جماعة مهوب صحيح إنه كلما زاد الميقابكسل زادت دقة الصورة وأكبر مثال على هذا كميرة سوني f828 دقتها 8 ميقا بكسل ولكن صورها للأسف مشوشه ولكن بالمقارنة بالسوني f717 تعتبر أفضل تصوير على الإطلاق.
هذا تصوير k750i اضغط هنا (http://www.mobile-review.com/review/image/sonyeric/k750/photos/DSC00002.JPG)

صور s700i (http://www.mobile-review.com/review/image/sonyeric/s700/photo/DSC00125.JPG)

ومع هذا كله أنا أنصح ب k750i

[S700i]

اخوي ماجد ... لا والله الصور واضحه ماشالله ... بس حسب ما جربت مع جوالات الشباب وكلهم نوكيا .. محد غطى على الـ S700i .. ولا ننسى موضوع شاشة الجوال .. يعني بلا مبالغه اقوى من الـ S700i ما شفت شاشات

اخوي الخبير .. بغيت اسألك عن كاميرا مطلعتها اولمبس ..Olympus C-8080 Wide Zoom

ممكن تشوف الرابط اللي حطيته بردي الاول وتعطيني رايك فيها؟

[الخبير]

السلام عليكم
أخوي S700i على ما أسمع إن كميرة الأولمبس هذي جيدة ولكن انا عن نفسي أنتقد فيها مسألة الزوم البصري ( 5× ) بسيط بالنسبة لكميرة توها طالعة ، بالإضافة إلى الحساس حق الضوء ما يتعدى 400 مع إنها إحترافيه!
تصوير الفيديو فيها للأسف بسيط 640× 480 خمسة عشر إطار في الثانية ( يعني تطلع الصور متقطعة ).

هذا إلي عندي

[ماجد الشمري]

اخوي اس 700 ...
صراحة شاشة الاس 700 ما شفتها عشان احكم بس بيني وبينك انا كل مرة اروح اشتري جوال اقول منيب ماخذ نوكيا واشتري سوني اركسون ولا اي شي ثاني وامل منه بسرعة واروح ابيعه بمبلغ بسيط .. مثل الكاي 700 آي .. اخذته ب 1200 وبعته بعد شهرين ب 510 ريال ... بعدها حرمت اخذ غير النوكيا .. والنوكيا عند البيع تويوتا ... والحين لاجظت بعد التحديث ان التشويش البسيط لما اسوي زووم على الاخبر اختفى ...






اخوكم ماجد الشمري