ماذا تفعل عند انفجار الكفر وانت تسير بسرعة عالية ( لاقدّر الله )

[jeep2008]

السلام عليكم ورحمة الله وبركاته
ماهو الاجراء الصحيح في حالة انفجار كفر لاقدر الله أثناء المشي بسرعات عالية سواء الأمامي أو الخلفي ,

وقانا الله واياكم شر هالسيارات

[العودالازرق]

ثبت الدركسون بكل قوه ولا تدعس فرامل وخلي نظرك للخلف والاأمام حتى تخف السرعة

[ابوطاقية]

اولا تشهد و تجود زين وامسك الدركسون بقوه وانت عاض على طرف شماغك وارفع رجلك عن البنزين

[- النشمي -]

اهم شي لاترتبك ارفع رجلك عن دواسة البنزين ولاتضغط على الفرامل ابد وخلك ماسك الدركسون وسايس الموتر لانه بيروح جهة الكفر المبنشر لاتحاول ترده بالقوه عشان مايحذف عليك للجهه العكسيه ويحدث الانقلاب لاسمح الله حاول ترده على خفيف بحيث تتركه يمشي للامام

هذا الكلام نتيجة تجربتي لثلاث سيارات مختلفه ضربت علي كفراتها الاولى تويوتا كراون والثانيه كابرس واخرها جمس ضرب علي الكفر الخلفي وانا مسافر وكان معي الاهل هذا غير العفش رابطه فوق السله العلويه وكانت اصعب لحظه ولله الحمد والمنه تمت السيطره


الله يحفظنا ويحفظ الجميع من كل شر

[علاوي المكاوي]

على طول قول يالله سترك وخليها على ربك.

[بدوي جنوبي]

اذا القير مزود بزر الاوفر درايف اضغطه على طول ""O/D Off

[aboeyade]

أول شي لا تسافر إلا وأنت قاري دعاء السفر , ولا تنسى تسودع نفسك وأهلك

الشي الثاني الإجراءات معروفة , لكن مربط الفرس هو ردة الفعل

لأنه الموقف راح يكون مفاجيء ( الله يحمانا وياكم منه ) وبعضهم مع الفجاءة يضغط على الفرامل وبعضهم يهديه الله ويلهمه حسن التصرف

والإخوان فوق ما قصروا

[ابوعقل]

اول شي لازم تصير معود نفسك اذا حسيت بأي صوت بالسياره ترفع رجلك بس عن البنزين

وهذي الحركه تحميك بعد الله انك ما تدعس بريك


أول شي لا تسافر إلا وأنت قاري دعاء السفر , ولا تنسى تسودع نفسك وأهلك

الشي الثاني الإجراءات المعروفة , لكن مربط الفرس هو ردة الفعل

لأنه الموقف راح يكون مفاجيء ( الله يحمانا وياكم منه ) وبعضهم مع الفجاءة يضغط على الفرامل وبعضهم يهديه الله ويلهمه حسن التصرف

والإخوان فوق ما قصروا

وهذا الكلام الواقعي

لان لكل حادث حديث

الله يكفينا ويكم شر السيارات

والبنشر بالطريق

[ولد وايل..]

أهم شي تضبط نفسك ....وتضبط أعصابك...


الوضع طبيعي جدا الا ان انت سببت له مشكله...


أهم شي حاول ما تضرب فرامل أول ما يضرب لكن إذا خفت السرعة أمسك فرامل بشويش


وامسك الطاره لا تفلت...


والأهم من هذا اللي يسوق بالأساس لازم يكون مثبت الطارة لأن لا قدر الله انفجر الكفر أحيانا تلف الطارة أول شي وبسررررعه...


فلازم يكون السائق منتبه لها النقطة...


الله يحفظنا وياك وكل مسلم

[لاتكب البيالة]

ما زيد على كلام الاخوان وخاصة عضة الشماغ:d:d
بس لا تنسون انه يدق فلشر عشان ما احد يدعمه
وانا حصلت معي ان ضرب قدام على 120 بكراون فكتوريا بس ما شاء الله ما لعبت ولا قالت شي

واذا كانت السيارة عادي هل يرده للرابع او لا ؟؟<<< هذا سؤال تروه :)

[راكب الشفر]

والله بصراحة هي تعتمد على ردة فعلك
يعني مهما تعلمت وحفظت ووجتك معلومات اخذت من تجارب اشخاص آخرين
لامن جاء وقت الجد راح يطير كل هالكلام وتبقى تصرفاتك اللإرادية
واهم شي خلك مجود الطارة زين واي صوت او اي شي تستنكره في ممشى الموتر من رجه او حذفه على خفيف
فك الدعسة عن البنزين وخفف بدون ماتضغط على الفرامل ووقف على جنب وتأكد من كفراتك

والله يستر علينا وعلى جميع المسلمين

[صلفان.نجد]

حاول ان تعّود نفسك على عدم السرعه وان شاء الله لو تبنشر الكفرات كلها ماعليك خلاف.

[ابو العز بلس]

حاول ان تعّود نفسك على عدم السرعه وان شاء الله لو تبنشر الكفرات كلها ماعليك خلاف.



كلام سليم وانا مؤيد

بس مشكلة اني احب اسرع

[حبيب المساكين]

اذا ضرب الكفر ارفع رجلك عن البنزين ولاتقرب الفرامل لانك اذا دعستها مالت السيارة جهة الكفر الضارب ومباشرة حط السيارةبنمرة ثقيلة اثنين او واحد فهذا يحد من سرعة السيارة مع توازنها وحاول التمسك بالدركسون عن الميلان قدر المستطاع وسلم الله الجيع وهداهم على عد م السرعة وتفقد الكفرات قبل المشوار

[مكشاتي الجزيرة]

الله يكافينا واياكم الشر .... بعد ضغط الفرامل في هذا المقطع والسرعه العاليه..حدث الانقلاب www.youtube.com/v/e_MKxM-6LgE&feature=player_embedded

[الدوق]

اهم شي تعود نفسك على ردات الفعل بشكل عام وانت تسوق .. موب بس لا أنفجر الكفر ... انك تعرف تتعامل مع أي موقف بدون أي ارتباك ...
وأذكر بالمثل .. شخص كان يمشي ورى سيارة بسرعه .. وطار حجر من السيارة اللي قدامه وصقعت في القزازه ...
الشاهد في الحديث وعلى حسب كلامه ... ان الربكة اللي صارت في السيارة أسوء من أنفجار كفر .. لدرجة أنه بغى ينقلب !!!!!!!!!



مكشاتي الجزيرة ..
بالنسبة للي حطيت رابط اليوتيوب حقهم .... الله يستر عليهم ... ماقصرررت يالذيب
وعساا الناس يعتبرون

[غالي]

لو ضغطت فرامل بيحصل لك لاقدر الله مثل هالاخ

(((((((أمانتك قصر الصوت)))))))

http://www.youtube.com/watch?v=e_MKxM-6LgE


لو لاحظت انطق عليه الكفر وفرمل دقق باللمبات ((قد يكون لاشعوري مع الخوف))

جعلنا مانشوف مكروه وحبايبنا


امس قبل الفحص وانت جاي من الشرقيه هونداي صغيره متقلبه ومحترقه

والله ياجماعه فيه ناس من جد ميته قلوبهم على طريق السفر اللهم اهدنا وياهم

تلقون كفراته مقاسها 14 ويمشي 200!!!!!!!!

[عقيل2009]

أشهد أن لأ اله ألأ الله وان محمد رسول الله

[بدوي من جده]

واذاكانت السياره تماتيك يثقل النمر ولا يتركه واذاكان مثبت السرعه كيف يسوي الله يحفظنا وياكم

[ابوعمرالفاروق]

الله يحمينا وكل مسلم
حسب ما قد جرى معي والحمد لله على السلامه الحمد لله
إمسك الدركسون بقوة ولا يفلت من يدك مع رفع رجلك عن البنزين تماما وعدم الضغط على الفرامل نهائيا وسايس الموتر مسايس
كل ما مضى في جزء من الثانية؟
بعد ذلك إضغط على الفرامل على دفعات متواليه
والتغيير بالنمرة الثقيلة على مراحل
وكل ذلك وأنت مستعينا بالله تعالى
حفظنا الله وجميع المسلمين

[دل البحار]

الله يستر والواحد لو يبغى روحه وحياته لا يتجاوز 120 في اي طريق مهما كانت الظروف

[المماتوس]

الله يستر علينا وعلى ربعنا صرنا مضرب مثل لغيرنا من الدول في الحوادث تجاوزنا دول العالم بحوادث السير لابد من حل ....والله المستعان

[نفود حائل]

اهم شي تشهد ولا تضرب فرامل

ونوع السيارة لها دور مهم جدا

يعني في فرق بين الجيب والصغيرة وبالذات جيب الربع الله يكفينا شره

[111333]

تشهد وحاول باي طريقة توقف السيارة

[تاجر السعاده]

الله يستر من الحوادث والله يحفظنا وياكم من كل مكروه
انا ظرب علي الكفر وانا امشي 160 والسياره جيب بعد كبري ملهم في رمضان الماضي كنت ابي الحق على الفطور في الرياض والحمدلله ربك ستر علي وطلعت باقل الاضرار وهي حادث خفيف راح فيها وجهيت السياره والكبوت بس
اسباب الحادث والخروج من الطريق عدم مسك الدركسون بقوه التعب والارهاق والنعاس والسرعه قبل كل شي

[دغــ أبومحمد ــيم]

الله يحفظنا واياكم من كل مكروه

[همس الغدير]

موضع جيد تشكر عليه لكن قبل الحديث في ماذا تعمل الاهم هو التاكد من سلامة الاطارات ودائم نقول لقائد المركبة الهدواء الهدواء وعدم اتخاذ ردة فعل قوية حتى يكون هناك قدركاف من تدارك الموقف اما بنسبة ما هو العمل؟؟؟
في الطرق المسقيمة مثل ما ذكر الاخوان مسك الدركسون جيدا وعدم استخدام الفرامل حتى تهداء السرعة
اما في حالة المنعطفات استخدم الثقيل في القير بدون فرامل

[jeep2008]

وفقكم الله اخواني على هذه المشاركات الطيبة وجعلها في موازين حسناتكم

وارجو من الله لنا ولكم السلامة والعفو والعافية