استهلاك البنزين .................؟

[مرقاب الشرق]

معي Gxr 2001 فل كامل افلله تقريباً ب120 ريال لتانكيين ويقطعبي حدود 630 كم سواء مع خط او داخل الديره .
سؤالي هل استهلاكه عادي وصحيح ؟

[مطرح الضبئ]

غير عادي تقريباً 900 كيلو انا معي جي اكس ار 2001 والف او 900

[مرقاب الشرق]

اخوي مطرح الضبىء فرق كبير مره بس وش السبب ؟ وش الحل ؟

[ماجد الشمري]

اخوي نجم الحق ...
هل سيارتك بخلفية لكزس وبجناح ؟؟؟
هل شيكت على تغيير البواجي ؟؟ وتنظيف البخاخات ؟؟ وفلتر الهواء هل تغيره بانتظام ؟؟
وتأكد من مقاس الكفرات وكمية الهواء فيها وهل في اي قطعة قد طاحت من السيارة تحت ؟؟؟ هل تستعمل مثبت السرعة ؟؟
اشياء كثيرة ممكن تفرق في الاستهلاك كثير ..






اخوكم ماجد الشمري

[رااااايق]

الله والعالم إن الرِّجل تختلف :p .

واللي يبي ياصل بسرعة لازم يقضي بنزينه بسرعة :D

[مرقاب الشرق]

اخوي رايق شكراً على المرور . سرعتي 130 بس .
اخي ماجد الشمري شريت سيارتي قبل 5 اشهر ولا مره غيرت البواجي والفلتر !!!الموتر مافيه مثبت سرعه !!!!
اغير زيت واعبي بنزين وبس! بس وش دخل البواجي والفلتر وتنظيف البخاخات بصرفيه السيارة.
سيارتي خلفيه بجناح (فل كامل)قير تماتيك وش رايك وش الحل الفزعه يابعدحي لولد عمك .

[ماجد الشمري]

يا ولد عمي الا وشلون ما تفرق ...
البواجي لازم تتغير بالتويوتا كل 20 او 30 الف كيلو لأنها عادية ماهي بلاتينيوم ... وفلتر الهواء لازم يتغير لو كل 10 الاف كيلو ...
وبما ان السيارة جديدة ماشاء الله ما تحتاج تنظيف بخاخات و دائما تأكد من ضغط الكفرات لأنه مهم بالصرفية وبالثبات بعد ...
اذا كنت تخلي البنزين ينقص الى اخر التانكي ثم تعبي السيارة فهذا ممكن يعدم البخاخات فانتبه ...
وبما ان السيارة اوتو انتبه لاتكون تفصل الاوتو درايف وعلامته بالطبلون o/d ...
وبعد ما تغير البواجي والفلاتر فلل السيارة وامسك لك خط وامغط بالسيارة شوي عشان تنظف البخاخات ( في حال ما نظفتها ) ومن ثم خل السيارة ترتاح شوي وافصل البطارية دقيقتين ومن ثم اشبكها ولا عاد تسرع وخل سواقتك هادية وان شاء الله يضبط الاستهلاك وحاول بدل ما تمشي 130 قللها الى 110 - 120 ... لأن استهلاك اي سيارة يزيد كثير بعد ال 120 ....






اخوكم ماجد الشمري

[سنافي وبس]

السلام عليكم
باشارك معكم ولو ان ماعندي جيب تويوتا لكن لي خلفية بالسيارات .... المهم تبون الحل المعروف ان سيارات الدفع الرباعي يكون عمود الدبل يمشي مع السيارة ولو ماشغلت الدبل .. هل جربت الفرارات وركبتها ... اعتقد انها ستقلل كثيرا من الصرفية واسال اللي جربوها وتدعيلي .... تحياتي سنافي وبس من العروس يحييكم ؟؟؟

[مرقاب الشرق]

الاخ ماجد الشمري كل الشكر والتقدير على الشرح الكامل لاكن وش دخل البواجي والفلتر بالصرفيه وش لون يعني ؟ لان البواجي على ما أظن لتوصيل الكهرب فقط !!!!؟وش رايك أعرضها على الوكاله لأن فرق 300 كم ماهي سهله ؟؟؟؟؟؟

سنافي وبس تسلم ومشكور على الملاحظه لاكن المقارنه بين الجيوب يعن زي بعضها لاكن الصرفيه تختلف.

[الطعس الذهبي]

جيبك صرفية Vxr

[ماجد الشمري]

اخوي نجم الحق الا تفرق البواجي ..
سلمك الله اذا كانت شعلة البوجي ضعيفة ما يحترق البنزين زين وبالتالي السيارة ماتحصل على القوة والعزم المطلوبة لمشي السيارة وبالتالي تطلب السيارة بنزين اكثر لتعوض الفرق .... وانتبه لايكون فيه اي شي مكسور من تحت ..لأن اللي تحت السيارة ليست لحفظ القطع التحتانية وانما لتحسين مسارات الهواء وبالتالي ثبات افضل واستهلاك افضل ...




اخوكم ماجد الشمري

[مرقاب الشرق]

مشكور على المعلومات القيمه .
الله يعطيك الف عافيه .

[السفاح 911]

أخ / نجم فيه نقاط إطبعها وإوقف عند السياره وطبق ورايح تدعي لي :
1: البواجي ( لازم تكون كل 6-9شهور تتغير) ماهي غاليه . السبب تضعف وتطلب بنزين زياده مثل ما تفضل الأخ ماجد.
2: فلتر الهواء ( تنظيف بالماء والهواء عند البنشري ) , السبب هو إذا كان متسدد يطلب هواء ويعوض عنه بالبنزين .
3: البخاخ متوسع إبره ( يتغير ) , السبب يزيد بضخ البنزين للمكينه مما يؤدي لزيادة الصرفيه .
4: التكييف ( يثقل على المكينه ) , السبب حمل زائد على المكينه
5: تغيير السرعات , لابد من إعطاء النمره حقها ,,, إلا إذا كان أوتوماتيك .
والأهم :
4: الرِجل ( تثبيت الدوسه ) , السبب لابد من أن تكون الدوسه ثابته وإلا تغييرها :D .

[مرقاب الشرق]

السفاح 911 مشكور على المعلومات القيمه .
مشكوووووووووووووور

[أبوحفصه]

اقعد في البيت
احسلك :d


صراحه انصحك بشراء سياره صغيره :)

[مرقاب الشرق]

ابو حفصه القعده بالبيت للحريم ماهي لرجال مثلك وشارواك !!!!!!!!!!!!!!!

وارجو منك قراءة الموضوع جيداً الدعوى ماهي بخل .

[الكابتن]

خوى نجم بعد التحيه

انا معاى (2002) وبصراحه ماهو بعيد عن استهلاك موترك يقطع حوالى (730) لكن ترى موترى تومتيك

ودفع رباعى مستمر وهذى النقطه مهمه

[مرقاب الشرق]

الكابتن مشكور على المشاركه وانا غيرت البواجي وابي اشوف .

[سرهيد1]

بسم الله الرحمن الرحيم

يا أخوان احب ان ابين نقطة لم يرد ذكرها هنا لعل فيها فتح سبب من أسباب عدم التساوي في الصرف بعض الأحيان وهي :

عامل التيار الهوائي يؤثر على صرف البنزين أما بالزيادة أو النقصان تئثير قوي ملحوظ فلو كان الهواء مقابل للسيارة ترتفع نسبة المقاومة مما يؤثر على الصرفيه بنسبة 20 الى 30 % . والعكس صحيح فلو كان الهواء من خلف السيارة اثناء الحركة يساعدها على الانطلاق بسرعة أعلى بصرفية أقل.

والله أعلم

[مرقاب الشرق]

الاخ سرهيد مشكور .

[ولد الشايب]

سؤال للأخ ماجد الشمري أو ذوي الخبرة

ما الفرق بين البوجي العادي والبلاتينيوم رغم أن سيارتي باثفيندر 2003 والبوجي بلاتينيوم وهو غالي الثمن من 35-40 ريال للبوجي الواحد ؟؟؟؟؟؟؟؟؟ وكل كم كيلو يتغير ؟؟؟

[حماد حماد]

[b]أعتقد إن استهلاك أي سيارة يختلف كثيرا بين مشاوير داخل المدينة أو أرضية ترابية عن خارج المدينة في طرق مسفلتة مستوية وبسرعة لا تزيد عن 110كم فالبنزين اللي يقطع 600كم خارج المدينة يقطع 420 داخل المدينةوهكذا فالـ 120 ريال مستحيل تقطع 900 كم داخل المدينة ولو كانت سيارة جديدة ولكن ممكن تقطع هذه المسافة خارج المدينة في الطرق الطويلة وسلامتكم