بلا تويوتا بلا نيسان ... ليه سموهن جيب؟ عشان Jeep الاصل [الأرشيف]

S700i

22/06/2005, 03:59 AM

السلام عليكم

يالربع ... طارت عيوني يوم شفت مواتر جيب الجديدة وحبيت اشارك معكم بصورها ومعلومات عنها

نبدا بالأول اللي هو كوماندر Commander

http://www.mekshat.com/pix/upload/images8/mk15757_commander11_gallery.jpg
http://www.mekshat.com/pix/upload/images8/mk15757_commander08_gallery.jpg

بعده يجي هالتحفه اللي اسمه جلادييتور Gladiator
http://www.mekshat.com/pix/upload/images8/mk15757_image_9.jpg

http://www.mekshat.com/pix/upload/images8/mk15757_image_10.jpg
http://www.mekshat.com/pix/upload/images8/mk15757_image_14.jpg

واخيرا اللي لا تعليق عليه هريكاين Hurricane
وعلى فكره .....

لا من جد اسمعوا ... هالموتر فيه مكينتين

ايه نعم ... 2 حبه مكينه HEMI سعة 5.7 لتر و 335 حصان ... يعني مجموع 670 حصان
بلا مبالغه اقوى 4x4 على وجه الارض... وكفراته تنعكس على الداخل بحيث يقدر يدور 360 درجه
جنوطه 20 انش
http://www.mekshat.com/pix/upload/images8/mk15757_hurricane_01.jpg
http://www.mekshat.com/pix/upload/images8/mk15757_hurricane_03.jpg
http://www.mekshat.com/pix/upload/images8/mk15757_hurricane_04.jpg
http://www.mekshat.com/pix/upload/images8/mk15757_hurricane_08.jpg
http://www.mekshat.com/pix/upload/images8/mk15757_hurricane_10.jpg

وسلامتكم

بانتظار تعليقاتكم

ماجد الشمري

22/06/2005, 04:23 AM

اخوي ماشاء الله الصور حلوة ..
لاتنسى الشيروكي الجديد نزل وشكله رووووووووعة .... وقيمة الفل 161 الف ريال ....
والتسمية لهذي الجيوب هي suv وjeep اسم ماركة ....

اخوكم ماجد الشمري

الجروووح

22/06/2005, 06:22 AM

تسلم والله .

وهو جيب ومايعتاز وماعليه أختلاف .

ولكن العشق أولا لتايوتا ((شاص)) ومايندرج تحت ابو شنب من فئات تايوتا .

وللنيسان ثانياً ..(( باترول 97 )) ومايندرج تحته من فئات نيسان .

العشق الأول لهم واريادة لهم .

والشيروكي علىالعين والراس ولكن .......... وتقبل تحياتي وشكري الخاص .

رااااايق

22/06/2005, 07:14 AM

الله يحفظك هالمواتر من ناحية القوة مابه خلاف .. بس وأنا اخوك ذي مواترٍ اتلفَّت.. يعني تشوف لا صرت لحالك قالت : هذا محلي .

لا تغتر بالشكل تراي مجرب لهايبه :hot: لما قلت الليلة عيد من الشيروكيات وغيرهن .

يابعد قلبي يا وارد النيسان (الباترول) هو صقر البراري

ما سمعت وش يقول راعي المشلح الكشخة اللي شافته هاك الحرمة وأعجبت فيه فقال له (على البلاطة) :
لا يغرتس زولي اوبشتي ... ترى إن أخذتين بلشتي :p .

هذي تصلح تفتشه بمجله ... وتقول ناااااااااه . بس .

بليزر

22/06/2005, 07:36 AM

إلا لو شريت هريكاين Hurricane
بالتقسيط من البنك السعودي السؤال كم يطلع علي؟
والشي الثاني وين نحط العزبه؟
ياخي عندي بليزر ما خليت به مكان إلا ورحت عليه ولا بغياته في شي وقال لا ؟
ما تشوف ان البر يبيله سيارة ما يتحسف عليها الواحد؟

CRUISE**كروز

22/06/2005, 08:25 AM

الشيروكي خله لابوشكيم وبياع الشاورما والحلاقين

وبعدين لاتنسون المقاطعة لمنتجات بني صهيون ---> خصوصا اذا البديل متوفر تصبح المقاطعة واجب على الرجال اللي فيهم خير

رحال7

22/06/2005, 08:57 AM

تويوتا ثم نيسان وبس!

ال جييييييييب سياره مشهوره ومعروفه ولكن لاهلها...هنااااااااااااااااااااااااك؟ لم اشاهد هذه السياره فى كشتات البر البعيده رغم انها قويه؟

اكثر ما يشاهد الشاص والاندكروزر والنيسان!

انصح بعدم شرائها جديده اولا مقاطعه؟ وثانيا لانها سياره لا تصلح للعائله ابدا!!!!

Bader-M

22/06/2005, 01:20 PM

يكفي فخرا هذا الشركه

انها من عائله كرايلسر

تقبل تحياتي

S700i

22/06/2005, 01:22 PM

ماجد الشمري يالابناخي ..

لا انا قصدت العالم لا قالوا جيوب جا هالمسمى من ماركة جيب والا اعرف انهن SUVs

بعدين يالربع التويوتا والنيسان قدام عيني من وعيت على الدنيا .. وبالنهايه تعتمد على السواق

بس عاد مكينتين كل وحده 335 حصان ... ما عليه والله تستحق المشاهده والاعجاب

بس على العموم اللي موجود بس الاول الكوماندر واللي الثنين الباقين الى الحين ما بدوا التصنيع رسمي
(Concept)

ماجد ... الجراند شيروكي الستاندرد اللي يقاله لاريدو بـ 119 والفل بـ 139
اللي تقول عليه هذاGrand Cherokee SRT8 اللي مكينته HEMI سعة 6.1 لتر 380 حصان

وسلامتكم

S700i

22/06/2005, 01:26 PM

طاير بالعجه ... تقوله صادق!! انا اشهد انها سيارات

http://www.mekshat.com/pix/upload/images8/mk15757_dodge.jpg

رملان

22/06/2005, 02:34 PM

السلام عليكم ورحمة الله وبركاته
الشيروكي والرانجلر من فصيلة الدوج
الدوج دجوا هله باسبوع ... عجزوا عن ..؟.. يشرونه

صالح المطيري

23/06/2005, 12:54 AM

الشروكي والأمريكي عموماً فاشل ، الإتجاه العام لشركات السيارات الأمريكية منذ التسعينات هو الفخامه أولاً والقوة ثانياً والجودة ثالثاً ؛ يعني ضحوا بالجودة مقابل الفخامة! لاحظوا يا شباب السيارات الأمريكية موديلات السبعينات والثمانينيات قمة في الأداء والخدمة والمتانة ؛ تذكروا الكابرس والجمس والفورد والبونتياك قمة في الصبر والتحمل ولاحظوا نفس الأنواع في الموديلات الجديدة من 91 وجاي كلها تعبانه . بعد لا تقولون أمريكي الحين إلا إذا كنت راعي ديره ومشاويرك قصيره .

جيب شيروكي موديل 79 :)
http://www.mekshat.com/pix/upload/images8/mk11967_SJ_cherokee_79.jpg

كابرس موديل 79 ;)
http://www.mekshat.com/pix/upload/images8/mk11967_B28257.jpg

:rolleyes: :rolleyes: :rolleyes:

راعي الكيف

24/06/2005, 06:29 AM

اشهد بالله انك صادزز يا صالح ....

عاشق الGX

24/06/2005, 06:47 AM

JEEP شروكي ياكرهيله :mad:

سنعوس نجد

24/06/2005, 01:39 PM

غير التويوتا والنيسان ماطلع سياره (للبر)
ولا يهون البهبهاني (كنج الصحاري)

لاكن دعونا نمشي مع هذه القاعده افضل (لولا اختلاف في الأراء لبارت السلع)

معانق طيـفهـا

24/06/2005, 01:56 PM

روووووووووووووووووووووووووعة هالجيب بارك الله فيك والميزة اللي كنا ننتظرها في الجيوب لقيناها في هالجيب مرتفع ويدور بمكانه بس ياترى وين نلقاه

عاشق النحم

24/06/2005, 01:57 PM

اللي شاف أمس الخميس سباق الهرم المرهمات كلها شروكي
مافيه الا كم ربع(تويوتا)وباترول واحد.
ليييييييييييييييييييييييييييييييييش؟

القناص

24/06/2005, 02:59 PM

الشيروكي الاول في الجيوب
وجيب الامريكيه هي الاصل
وكل ماجاء من بعدها من جيوب يابانيه واختها الكوريه هي تقليد للرائد الاول جيب Jeep
وقوة مكاين جيب من دايملركريزلر في الوقت الحاضر لم تصل اليها الجيوب اليابانيه بعد.
ايضا يضاف الى ذلك توازن ونظم تعليق جيب الرائعه والامنه بكل انواعها والتي تصبح من اهم ما تحتاجه في القياده الصعبه في الصحراء.

شكرا جزيلا اخونا S700iعلى موضوعك الرائع والمفيد عن JEEP الرائده.

الجروووح

25/06/2005, 09:12 PM

يابعد حيي الحكي واجد .

وكلنا مانختلف في زينها و(( لصفتها )) وهي قويه فعلا ولكن الشيروكي كثير بلاوي وجلاوي .

.......................

المهم ماننكر عليك ذوقك وتسلم والله يخليك على القوه .

تحيات اخوك .

صالح المطيري

26/06/2005, 02:34 AM

اللي شاف أمس الخميس سباق الهرم المرهمات كلها شروكي
مافيه الا كم ربع(تويوتا)وباترول واحد.
ليييييييييييييييييييييييييييييييييش؟

يا عزيزي عاشق النجم العبرة ماهي بالترهيم والطلعات والتحديات العبرة بالإستخدام اليومي ، انت تبي سيارة تجرك كل يوم للورشة وتخرب وتتعطل فيك بالصحاري وتعرض حياتك وحياة اللي معك للخطر؟ ولا تبي سيارة تزبنك بالبران والصحاري وتكون عون وسند لك؟ أيهم تختار؟ أنا عن نفسي أختار الإختيار الثاني وهذي متوفرة في السيارت اليابانية في التويوتا والنيسان والأسيزيو والمتسوبيشي أما الأمريكي ما اظن أبد :no2: وتذكر إن الصحراء ما ترحم أحد .

http://www.mekshat.com/pix/upload/images8/mk11967_d20.jpg http://www.mekshat.com/pix/upload/images8/mk11967_d27.jpg
http://www.mekshat.com/pix/upload/images8/mk11967_d10.jpg http://www.mekshat.com/pix/upload/images8/mk11967_d14.jpg

مهراس

27/06/2005, 12:57 AM

السلام على الجميع:
أنا عندي جيب قراند شيروكي لاريدو م 93 سته سلندر ولا وقف بي في البر ولا البحر وصرفية البنزين قليله والسياره أذا احسنت استخدامها تطول معاك بدون بلاوي مهما كان نوعها.

http://www.mekshat.com/pix/upload/images8/mk6074_ldavenport1.jpg

عاشق النحم

27/06/2005, 01:51 PM

سيارات الجيش الأمريكي تراها الهمر وقبله الشروكي
واذكر أني قد سمعت ان احد فرق الجيش الأمريكي لا زالت تستخدم الرانقلر
أنا معك الشروكي خراباته واجد بس وشو؟ الـ8 سرندلر
حتى الـ6 سرندر اذا حافظت عليه يمشي معك.

عـــــــــــــاشــــــــــق الـــــنــــــحـــم

S700i

27/06/2005, 07:22 PM

شكر وتقدير لكل من ابدى رأيه ... لكن بالأخير .. لولا إختلاف الأذواق لبارت السلع
انا عن نفسي والله اشوف الشيروكي هو الرائد ... صحيح ان التويوتا والنيسان غالبينه من ناحية الوسع ورخص قطع الغيار ولو ان كرايسلر بكبرها جت وخذت لها موقع بجبل علي بالإمارات يوردون منه القطع ... لكن الياباني ارخص .. بس نسبة وتناسب .. لا جات المكاين .. الجيب (jeep) بلا منازع.

محاكيكم من اكبر معارضين المواتر الامريكيه .. بس كرايسلر وتوابعها الصراحه استثنيها.

وسلامتكم

ملاحظه (وش هالحر اللي جانا؟؟؟؟؟؟؟؟؟؟؟؟؟؟؟؟)

emma2

28/06/2005, 02:04 PM

السلام عليكم ورحمة الله وبركاته

اخوي ماشاء الله الصور حلوة

ربنا يعطى لنا كلنا.......

http://www.net2dial.com
الوسيلة الأسهل لعمل المكالمات الدولية عن طريق الأنترنت

القناص

29/06/2005, 03:17 PM

http://mideast.jeep.com/Grand_4x4_33_194QpQ.jpg.img

هذا موقع جيب الشرق الاوسط
شوفوا التميز

http://mideast.jeep.com/fullarticle.aspx?m=81

لطام سلطان

30/06/2005, 09:07 AM

السلام عليكم اخواني عاشقين المواتر اضن افضل السيارات للمقناص الكشف والتفصيل وليس بنوع الموتر لان اراضي المقناص عندنا بالمملكه كلها سهله ولا تحتاج الى ذيك الصعوبه وافضل شي اذا كنتو ثلاثين موتر تمشطون الارض مشط اخوكم لطام

لطام سلطان

30/06/2005, 09:09 AM

والافضل من ناحيه القوه دووج درينقو الاميركي

جيب شراع

26/07/2009, 10:55 PM

ياخوي الامريكي خراباتة وااااجد
وكل يوم وانت وياة في ورشة

سوبر VTC

27/07/2009, 07:34 AM

القراند الشيروكي الجديد
8 سلندر
محرك هيمي 5700 بقوة 420حصان :good:
و 4 عمدان تيمن + 32 بلف :cool:
يعني عزم خيييال
طبلونه على ماعتقد 300
لاني اشوف راعين المرهمات يمدحون مكينته :good:
يعني مكينته اقوى من الجمس الدينالي :eek:

سوبر VTC

27/07/2009, 07:36 AM

ياخوي الامريكي خراباتة وااااجد
وكل يوم وانت وياة في ورشة

صحيح ان خراباته واجد

لكن مهب زي اول و الان صار فيه تحسن من ناحيه جودة القير و المكينه و الدفرنسات
الدليل كثرة انتشار الفورد بكثرة سواء صغيره او دفرنسين
ايضا الجمس و التاهو
ليس بسبب رخص المشترى بحيث انها استيراد امريكي
و انما بسبب الجوده و المتانه

ايضا الاهم من هذا كله ان اغلب الورش الان يصلحون اعطاله

اول ما كلن يعرف له

hightech

27/07/2009, 12:47 PM

الشروكي ماعليه كلام قوي والقوي الله مايرده شي بس عيبه مهو كلن يصلحه

وقطع غياره نار ياحبيبي نار ................

اقول انحاشوا من الشروكي ترى اذا خرب عليكم مردكم على

الدوافير _____________ المتحده للسيارات او

الزوله___________________ التشليح او

الحضارم __________________ قطع غيار

والله تندم على اليوم الاسود اللي شريت فيه شروكي

عليكم بالتايوتا والنيسان والامريكي طبعا باستثناء شركة الفلسطن قصدي

شركة الفلس كلسلرر ;)

الساهر2003

27/07/2009, 01:40 PM

اخوي صحيح الجيب سيارة ما عليها كلام
لكن احتياجاتك لها اذا كشتاتك قريبه من الديره فالشيروكي واخوانه ممتاز جدا لكن اذا كشتاتك بعيده صمان ودهنا وشمال ونفود كبير وغيره فترا الدعوى حيات وموت الله يكفينا الشر
الامريكي اذا تلفت ولا شاف ادمي او ديره حولك تعطل وقال هذا مكاني
واكبر دليل على جودة التايوتا والنيسان
قارن معي
اغلب الكشاته تايوتا ونيسان وقليل ما يتعطلون وعلى قل الامريكي وكثير منهم متعطل
الجيب على قله دايم يغرزون وحرارة والياباني على كثرتهم وضعف مكاينه قليل ما يغرزون
عطنى تفسير للاحداث هذي
واغلب الكشاته يجلد في البر ويرجع للبيت وينام ويصبح السبت ويروح لدوام وهاكذا ولله الحمد اهل الياباني
الامريكي على العكس في الغالب ليلة السبت في الورش يتسدح
الله يعين ويرخص الجيوب

الخشع

27/07/2009, 01:52 PM

والله انو فخم واااو ما احلاه بس ربك كريم

الله يجزاك خير خيو

سيف 07

27/07/2009, 02:02 PM

اقول خذ لك شاص ويبغون يقلدون تويوتا شف شاصjeep
http://www.mekshat.com/pix/upload/images8/mk15757_image_14.jpg

المرابط

27/07/2009, 02:48 PM

السلام عليكم ورحمة الله وبركاته.
أنا أستغرب اللى يقول أن كان كشتاتك قريبه وألا طلعاتك قريبه وألا حول الديره
أشتر شروكى
فيه أحتمالين لها النوعيه
1 - يا أنهم يجهلون الشروكى ومعميتهم شعار تويوتا ما يشوفون ألا هي المقدسه
2 - أو أنهم مساكين طاحو فى شروكيات مخبطه وملعوب فيها ودسم شواربهم
أنا جربت الشروكى مديل 91 & 2001 كلاسك وكديتهن بر وديره وغامرت بهن
في عمق الصحارى وماشفت منهن ألا كل خير

مديل 91 مسميه شهيبين مانحنه من البر وثلاث سنوات
مقانيصنا كلها عليه طرد أرانب حصى عقوم شعبان طعوس
مايقول شئ مابقى شجره ماحكته ولا حصاة ماصقعته
ولا جرف ما جاه وللمعلوميه نسافر عليه للمقانيص 1400 كلم
وفيها 300 كلم بر مافيها دير ولا محطات ولا أوادم تشوفها

أنا ما أقول أنهن أفضل من تويوتا أو نيسان لكن تبقى سيارات ولهن شعبيه ولهن أهلها
صحيح عندك وكيل الله يديم النعمه
ويحتاج صيانه أكثر من غيره
ووقت البيع علت نحر وبيعته ثقيله
ولكنها سيارات لها طربه ولها عشق
خاص فى نفسى وذكرى خالده
أمتلك حاليا فورتشنر 2009

جنتل_مان

27/08/2009, 04:45 AM

صحيح الموضوع قدم بس مادام السالفه فيها جيب شيروووووووووووكي أقول هلا والله بالجيب شيروكي وأتحد هالناس اللي يقولووو خراباته كثير....

أذا تريد جيب علييك بجيب شيرووكي خليجي والله يعزعك وهذا راااااااي عن تجربه وأنا أخوكم....
يسليك ف البر "لاجيب إلا جيب"there Is Only One Jeep"
والميدااااااااااان أكبر دليل على كلامي

وطني

27/08/2009, 05:40 AM