تقرير عن تنظيف فلتر المكيف باترول 4500 مع الصور

[زوم]

بسم الله الرحمن الرحيم

السلام عليكم ورحمة الله وبركاتة

في البداية خلوني اقول لكم عن سبب كتابة تقرير عن تنظيف فلتر المكيف

انا معي باترول ربع 2007 وكان المكيف فية ريحه واذا طولته تسمع صوت

المروحة دايسة ( مسرعة ) بس يطلع هواء خفيف

قلت خلني اروح للورشة عشان ينظف لي الفلتر

قالي : انا سوي 60 ريال ولازم روح مغسلة سيارة عشان غسيل الفلتر

ويدفع فلوس انتا ونفس الخطة مع الثاني والثالث يقول 70

قلت الشغلة بسيطة وانا بسويها لاني زينتها العام بورشة بسيارة ثانية

واعرف الخطة مسبقا


قلت بسوي تقرير بسيط افيد فية غيري



العدة : مفك مربع و لي ماء و فرشة او سماط او كيس كبير

الطريقة مع الصور


http://www.m5zn.com/uploads/2010/7/7/photo/070710010720wxcjplrvh.jpg

نطلع الاغراض اللي بالدرج اللي امام الراكب


http://www.m5zn.com/uploads/2010/7/7/photo/070710010720804unozxb2pwkeq.jpg

نبدأ بفك المسامير فوق اربعةعلى خط واحد وتحت الدرج اثنين

وفية على اليمين واحد يبقى 2كبس اذا سحبت الدرج طلعن

http://www.m5zn.com/uploads/2010/7/7/photo/0707100107208hykb8axqthvbrddgg4e.jpg

بعد فك الدرج يطلع صندوق اسود فلتر المكيف موجود فية

طبعا في الفتك الفلتر ضاهر لك على طول تسحبة زي مكيف البيت تنظفة وترجعة

لاكن في 4500 يجي زي اللي بالصورة

معلينا نبدا بفك الجزء الأسفل من تحت المسامير يمين اثنين ويسار اثنين وفية كلبس بالنص نفكة ولا نفك اي مسمار من الجزء الأعلى

http://www.m5zn.com/uploads/2010/7/7/photo/0707100107203lq7d7x8ur1.jpg

بعد الفك يكون بهذا الشكل لا يمكن فكة اكثر لانة مربوط مع الثلاجة بالكبوت

http://www.m5zn.com/uploads/2010/7/7/photo/0707100107201ug05ke1j.jpg

نلقي نظرة على الفلتر

http://www.m5zn.com/uploads/2010/7/7/photo/070710010720mz79yeeevndckdrve7h.jpg

و ايضا نلقي نظرة اكثر لنرى الاوساخ من تراب و اوراق شجر ملتصقة بالفلتر


http://www.m5zn.com/uploads/2010/7/7/photo/070710010720b8rfa7hpoxbp9db.jpg

المطلوب الان لي ماء ولابد ان يكون دفع الماء قوي وفرشة بلاستيك لسهولة خروج الماء

من الغمارة


http://www.m5zn.com/uploads/2010/7/7/photo/0707100107207oltb3du0onvgpwr.jpg

وضع الفرشة او الكيس او كرتون مثل هذا الشكل لسهولة خروج الماء من الغمارة



http://www.m5zn.com/uploads/2010/7/7/photo/070710010720dro0g5oy7gx1m.jpg

صورة اقرب


http://www.m5zn.com/uploads/2010/7/7/photo/070710010720tfmwui9jh.jpg

من بعيد


http://www.m5zn.com/uploads/2010/7/7/photo/070710010720lebcpzghedchn7we9k.jpg

ثم ادخل اللي وفتح الماء وابدأ بغسل الفلتر جيدا

لين تشوفة انغسل وحاول تغسلة بيدك وتطلع الوسخ

ثم اتركة نص ساعة الى ساعة لين ينشف وتعال عطرة

بعدين رجع الصندوق مكانة مع المسامير

ونفس الفكرة لدرج اللي امام الراكب

الشغلة اخذة من وقتي بالظبط 45 دقيقة



وسامحوني اذا كان فية تقصير

[مكشاتينيو]

جزاك الله خير اخوي
والله يوفقك

[عليمي2000]

الله يعطيك العافية ومشكور

[ساري 111]

مافيه فلتر انت تعتبر نظفت الثلاجه وهي بمكانه ..

طبعاً من مميزات الفلتر الموجود بأغلب السيارات الأن يحافظ على الثلاجه وماتحتاج تفكه بهالشكل


يعطيك العافيه تقرير مميز

[راعي الطلعات]

يعطيك العافيه على هذا التقرير المفيد

دمت بحفظ الله

[القاع البارد]

كفو والله يالذيب

[طلقة رشاش]

جززيت خيرآآ



تقرير ولآ أروع ..

[ابو مكازي2002]

ما شاء الله عليك كفو
احسن من الفك والتركيب وشغلك عدل
تحياتي

[gazyf]

يعطيك العافية ومشكور علي التقرير

[ابوطاقية]

جزاك الله خير على التقرير
فعلا انت غسلت الثلاجه وسؤالي هل يوجد مكان للفلتر لان اغلب الوكالات يشيلون الفلتر ويباع كاقطعة غيار ويصلخون بسعرها هل يوجد مكان للفلتر ؟

[عشقي الباترول]

الله يعطيك العافية
عندي سوال؟
انا معي باترول 94 هل يمكن اني افكة وانظفة مثل ماسويت في موترك
لااني رحت لحقين المكيفات وقالو لازم نفضي الفريون عشان نغسل الثلاجة من داخل
اتمنى انك تفيدين في هذا الموضوع

[عاشق السيل]

بيض الله وجهك يالذيب كفيت ووفيت ماشاء الله عليك ،،

[ALBDRANE]

السلام عليكم أخوي مجهود تشكر عليه
وبعطيك ملاحظاتي أرجو أن تتقبلها للفائدة
الي داخل الثلاجه عبارة عن أديتر المنيوم ولا يوجد أي فلتر بالداخل والخارج الفلتر يوجد في الموديلات الخليجيه وأنا سيارتي فتك سوبرالحمراني ولا يوجد فيه فلاتر ولا اعتقد أن غسيله يعطي نتيجة لو أكتفيت بنفخه بالهوى القوي ممكن يكون أفضل لان الماء شغله عويصه وممكن يضر الوصلات الكهربائية لو ما تنتبه ويسويلك التماس
وبعدين الماء لو صبيته وبقوة ما راح يوصل للجزء العلوي من الثلاجة ولو حاولت توصيله لفوق هذا معناه أنك نشرت الماء في كل أتجاه وأنت مثل ما شفت الثلاجه في أطرافها والجهه الخلفيه أسفنجات لعزل الغبار والهوى عن المرور والماء ممكن يضعف هذه العوازل وتلقى الهوى الي يطلع من فتحات الطبلون فيما بعد ضعيف والسبب تسرب كمية من الهوى الى خارج الثلاجه وقد تحتاج فيما بعد الى سيلكون لتسكير التهريب وشغلات ثانيه


على كل حال تجربتك ستفيدك في التعرف على مالم تكن تعرفه وتحياتي

[almlgof]

مجهود طيب الواحد يحاول يتعلم او قص ولصق وزي الموضيع هذي المفروض انه يحذف حتى لا يهق العالم

[nono77]

هل باث فندر 2005 نفس الطريقة

[مكشات وبس]

يعطيك العافيه على هذا التقرير المفيد

[HAS5SAN]

جزاك الله خير وكثر من الله امثالك

[سوبر VTC]

عليكم السلام و رحمة الله
تحية طيبة اخوي زوم
تقرير رائع و مجهود تشكر عليه
موضوع يهم الكثير و البعض او الاغلب يجهله
ننتظر المزيد من مواضيعك
بارك الله فيك
جزيت خيرا
هل رفعت الصور على مركز مكشات ؟

[السومر]

الله يعطيك العافيه

وبارك الله فيك

معلومات واكتساب خبره افضل من الدوران في الصناعيه

[محسن اليامي]

جزاك الله خير وبارك الله فيك

[هبوب الشمااال]

جزاك الله خير على هالافاده

[الصافي9]

جزاك الله خير