تعينت في ديرة بعيدة وابي رايكم في الكفرات والمساعدات

[الخرج خرجك]

السلام عليكم ورحمة الله

ابشركم تعينت وطلع تعييني في ديرة تبعد عني حول 200كيلو طبعا الطريق سريع

واخوكم ناوي يضبط موتره وما يستغني عن رايكم


طبعا موتري كامري 2002

1- عندي المساعدات حقت بلدها ولها صوت وودي اغيرها رحت للاصلي بيطلعن علي ب1500تقريبا فهل هناك بديل بجودة عالية وسعره معقول - فيه ناس تمدح نوع استرالي اسمه مونرو مدري احد جربه وهل هو مريح على الخط ويتحمل المطاب ولا لا.


2- عندي برضه الكفرات ودي اغيرهن ومحتار بين ثلاثه انواع
* برجستون ياباني سرعة260 سعر الوحدة345ريال
* برجستون ياباني سرعة210 سعر الوحدة310ريال
* برجستون اندونيسي سرعة210 كاتم للصوت ومريح على المطاب سعر الوحدة270

الاندونيسي فيه ميزة السعر والكاتم والليونه مع اني مدري عن فايدتهن
والياباني معروف ماعليه كلام ومحتار بينهن وش رايكم؟؟


3- فيه اشياء تنصحوني اشيك عليهن واغيرهن طبعا غير الامور المعروفة (فحمات فرامل- زيت - فلتر- ...)





اشكركم واتمنى لكم التوفيق

[الخرج خرجك]

للرفع
التماسا لرايكم
ولاني مستعجل على الموضوع لاهنتوا

[ابوعقل]

وعليكم السلام

الف مبروك التعيين

متى العرس ؟؟

المساعدات عندك مساعدات اسمها جبريال ممتازه ورخيصه

وصناعتها امريكيه

السيارات السيدان

انا افضل التويو

كفر ممتاز بس انتبه لدرجة تحمل الحراره

انا قريت موضوع عن الكفرات

وكاتب راعي الموضوع ان احسن كفر اللي فيه رمز A

ومعناته هو يتحمل الحراره العاليه

((ابي ادور الرابط واعطيك اياه ان شاء الله))


اهم شي شيك على جميع المبات العالي والواطي والأشارات

والفلشر

[كريم الطباع]

شف البواجي والسيور وجنزير المكينة كانه بلاستك
والله يحفظك من كل سوء

[ساري الدياجي]

ألف ألف مبروك التعيين

والله يوفقك ويستر عليك أخوي

على ماقالوا الأخوان غيّر زيت المكينة وشيّك على السيور والأديتر والخراطيش والأذرعة والركب والكفرات والمساحات ومويتها والأنوار جميعها

ولا أوصيك وأنا أخوك

السرعة !

السرعة!

السرعة!

احذر منها

تراها أخذت منا شباب واجد كانوا معنا وراحو.. الله يغفر لهم

احذر من السرعة ولا تسوق وفيك نعاس .. والطريق كانه 10 ساعات خله يصير 16 ساعة.. الدنيا ما عليها عجله

ولا تنسى دعاء السفر بالروحة والجية

والله يستر عليك ويحفظك من كل شر وكل سوء

[عبدالله المطيري]

اولاً الف الف مبروك التعيين

ثانياً اهم شئ عندك سير المكينة الجنزير او التاايمن

هذا مهم جداً اذا سيارتك ماشية فوق ال 300 الف


لازم تغيره


انا انقطع على وانا بالصمان السيارة ماعاد تنغم ابد

انتبه منه الحاجات الباقية بسيطة


والسرعه وانا اخوك مافيه خير اللي يمشي 220 واللي يمشي 120 كلهم يوصلون حول بعض

بس ابو 220 مخاطر بنفسه


وهذي سيارات حديد وكفر مافيه رحمه



و

[الكيان]

نبارك لك التعيين زي ماقالو الاخوان ولكن تأكد من كل شي و الله يوفقك

[ابو طلال8666]

الف مبروك تدر ياكبد ابوك من البعارين
تقبل مروري

[الخرج خرجك]

مشكورين ماقصرتوا

الله يوفقكم




بس ماقلتولي
وش اركب من هالكفرات
برجستون ياباني سرعة260 سعر الوحدة345ريال
* برجستون ياباني سرعة210 سعر الوحدة310ريال
* برجستون اندونيسي سرعة210 كاتم للصوت ومريح على المطاب سعر الوحدة270


ووش رايكم في مساعدات مونرو

[سوبر VTC]

على البركة اخوي و اسال الله لك التوفيق و الاعانة

الكامري حبيبة حمار كده

اخبر مع الربع كامري فاكه وكالة م2001 فل كامل
و كان مدرس و باعه قبل سنتين ماشيه 330الف
الكفرات مايحط الا فالكون امريكي يمدحه بالحيل
اذا كان موترك تماتيك غير الزيت مع الفلتر
تاكد من كراسي القير و المكينة
تاكد من الفحمات
تاكد من البواجي ان كانهن تعبانات عادة تنتفض المكينة
عند سير المكينة اذا غيرته فخله سبير بالشنطة
قد تحتاجه مستقبلا لاقدر الله او تحصل احد متعطل نفس موترك
المساعدات تاكد منهن قبل لا تغيرهن
اذا كان خفيفات او مهربات زيت فهن خربانات افحص قبل لا تغير

سعر المساعدات اصلي ب1350تقريبا
اليايات ب450 تقريبا
لازم تسعر عند المحلات

نصيحتي لك الياي البلد افضل و اريح لك و للموتر
و اليابان ابخص
اذا انت تبي ترفع الموتر من الخلف حط كعكات او فلنجات 2 او 3سم اللي تبي
الياي اذا كان به صوت يحط بنفس القاعدة ربل لستك
من وجهة نظري غير المساعدات فقط و
اذا كان الموتر نازل حط كعكات

[الخرج خرجك]

اتصلت على مزع مساعدات مونرو ويقول لي المساعد الواحد بـ185ريال وهو نفس حق البلد



وش رايكم

[الخرج خرجك]

للرفع

افيدوني الله يرحمكم