كفرات البالون والحوض

[خبوبي]

السلام عليكم


يا اخوان مريت الغرابي اليوم بركب كفرات بوالين مكسس 900 / 8 غاط

وارد الهاجري ب 380 ريال تاريخ 2010 شهر 5

على حوض 2006 و جنوط الوكاله ( شنبر )

اخونا صاحب المحل عيا يركب لي البوالين على الجنوط قلت وش دعوى توي صارف على شانك وهذي دراهمك 1520 ريال

قالي ماتصلح لجنوطك بسبب انها تسبب رجه ولا راح ينفع معك الترصيص واذا ملزم تركبها انا ماراح اضمنه لك نهائيا وانها راح تتعبك بعدين تجي تبيعا بخساره


لا كن اذا انت ملزم ركب كفرات شاهين دنلوب ( اندنوسي ) نفس حق الوكاله ب 500 ريال

اخف رجه وانسب للحوض والجنوط


برضه الرجال ( صاحب المحل ,,,) يقول ان البوالين المكسس مناسبه لجنوط الهلل

يعني رح اشتر لك جنوط هلل وتعال اركبلك البوالين


تم اجرى اتصالات لبعض الربع وستفسارات عن المكسس هل تصلح للحوض على جنوط الوكاله او لا


للاسف النتيجه متضاربه


لعنت الشيطان وقلت ( أن الله مع الصابرين )


عاد بنشوف رايكم في المكسس هل تصلح للحوض وجنوط الشنبر


وللمعلوميه تراي انتظر الرأي الفاصل على اساس امشي عليه

[عاشق HILUX]

انا اقول ابعد عنهن كلهن وخذلك دانلوب حجري ازين شي وعمرة اطول
اذا تبيه للحصى زين وللنفود زين وسعرة تقريا بين اللي انت قلت 460 واخف للموتر

[عشًاق الشاص]

أنا أأيد وبقووووة كلام أخوي عاشق Hilux
إسأل مجرب ولاتسأل طبيب أنا معي شاص 2010 وكان عليه كفرات البلد الرملية
وفكيت الشنبر وركبت هلل وركبت كفرات البلد على الهلل
وطلعت مع الربع مقناص خفافي وأول ماطلعنا ردمية مشينا عشره كيلو
وانشق واحد منهن شق مايتصلح أبد وركبت الإستبنه وكملنا وأمرحنا ويم قمنا الصبح
وينسم الثاني تنسيم خفيف ورقعناه ومشينا للديرة عشان مامعنا إستبنة
وحنا وصلنا الديرة ولا ماوصلنا وأنقز للرياض وأشتري لي دنلوب حجرية والحمد لله سلكت مره مره
وفرق الموتر في السرعه في الخط

وأنا مؤيد وبقوة للحجرية

تقبل مروري
أخوك
عشًاق الشاص

[خبوبي]

مشكور اخوي عاشق Hilux
والاخ العزيز عاشق الشاص

عاشق الشاص هل ركبت الحجريه على جنوط الوكاله او الهلل

والحجريه كم مقاسها

[تناهيت]

البوالين حلوه على الجموس لاكن يعيبها الرجه وعدم الثبات وسهولة تعرضها للبنشر ولاكن اريح كفر على الجموس هي بلامنازع من ناحية المطب والمراقى والبطنايج ورفعة الموتر


الحجريه اضمن بكثير على الجموس لأنها اكثر ثبات على الطريق وتؤدي دور جبار في النفود وخاصة في الشعبان تريحك كثير لصلابتها


في النوفد حط هواها 20 تفرش معك


هالكلام من واقع تجربة

عطني حجم موترك بالضبط هل هو 1500 ولا 2500 عشان افيدك اكثر
وجنوط الوكاله انت مغيرها لأنها تجي 16 بلد
واذا كان جنط موترك 16 عندي لك كفرات حجرية امريكية اخت الجديدة للبيع لأني بعت موتري وفكيتها منه مقاسها 33


تحياتي

[خبوبي]

مشكور اخوي تناهيت
افااااااااااااد وافيه لا اصحاب الجموس

وللمعلوميه نقاشنا عن الحوض ( الشاص )

وش افضل انواع الكفرات على جنط البلد ( مقاس الجنط 16 ) بالون مكسس او شاهين دنلوب

وشاكرين للجميع

[سوبر VTC]

رد في موضوع سابق

الجيب الحوض و الربع يصير بهن رجه على سرعه 80 تقريبا

مع احد الربع شاص م2008 كل 6شهور يشد التيلة و يضبط :good2:

الحل
تفك التيلة اللي راكبه قدامك بالصورة
حقت اذرعه الدركسون و الفلنجة
شف عندك الذراع اللي يلف الكفر
اللي راكب على ذراع الفلنجة
تلقى بنهايته مع الجنب تيله او مسمار
هذا ما يدرون عنه راعين الورش :no2::no2:
تفك التيله اذا فكيته يصير بوجهك صاموله كبيره جدا
كما واضح في الصورة
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق

طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن
هذا الراس تقدر تشد به الصامولة
اذا خلصت تركب التيل مرة ثانية
طبعا لازم كل 6شهور تشيك عليهن
خصوصا اذا حدث رجة
لكن بعد ترصيص الجنوط ليزر ارضي

احد الشباب ببريدة تخصصه هالشغلة و يشرط على الضمان ماترجع الرجه

انت افهم هالطريقة و تراه سهلة التطبيق
منتب خاسر شي



http://www.mekshat.com/vb/../pix/upload03/images134/mk53291_lbgndpb1.jpg



http://www.mekshat.com/vb/../pix/upload03/images134/mk53291_bpj%5Bjo%5Bbj2.jpg



على هذا الرابط

شاص م2008

الموتر جديد الرجه علقته الفزعه يالربع - منتديات مكشات (http://www.mekshat.com/vb/showthread.php?t=268290)



***************

روابط عن البالون
كفــــرات وإطارات وتوايــــر البالـــون .. - الصفحة 2 - منتديات مكشات (http://www.mekshat.com/vb/showthread.php?t=249834&page=2)


كـفــرات بــــالـــون - منتديات مكشات (http://www.mekshat.com/vb/showthread.php?t=218247)


سؤال عن كفرات البالون للباترول - منتديات مكشات (http://www.mekshat.com/vb/showthread.php?t=187832)


اللي جرب كفرات البالون يدخل يفيدنا مشكوراً مأجوراً - منتديات مكشات (http://www.mekshat.com/vb/showthread.php?t=89466)


ابرز عيـــــوب البوالين والكفرات الحجريه ×33× - منتديات مكشات (http://www.mekshat.com/vb/showthread.php?t=206226)


هل ينفع كفر البالون لمثل هذه الاماكن ؟ للعارفين(صورة) - منتديات مكشات (http://www.mekshat.com/vb/showthread.php?t=180656)


من عنده معلومات عن البالونات - منتديات مكشات (http://www.mekshat.com/vb/showthread.php?t=52697)


اذا ركبت كفرات البالون لاتنسى هذه التوصيات...للاستخدام السليم ... (http://www.mekshat.com/vb/showthread.php?t=142176&page=3)


سؤال عن كفرات البالون للباترول - منتديات مكشات (http://www.mekshat.com/vb/showthread.php?t=187832)


كفرات البالون معلومات ومناقشات - منتديات مكشات (http://www.mekshat.com/vb/showthread.php?t=220120) http://www.mekshat.com/vb/images/misc/progress.gif



لك رسالة على الخاص

[خبوبي]

مشكور سوبر Vtc

وفيت الله يعافيك ويكثر خيرك

[خبوبي]

للك رساله على الخاص

[تناهيت]

مشكور اخوي تناهيت

افااااااااااااد وافيه لا اصحاب الجموس


وللمعلوميه نقاشنا عن الحوض ( الشاص )


وش افضل انواع الكفرات على جنط البلد ( مقاس الجنط 16 ) بالون مكسس او شاهين دنلوب



وشاكرين للجميع



الا قالو حوض عرفنا انه جمس :D
بس انت غيرت المصطلح الأصلي ...طيب قل شاص يالبى قلبه :)

تبي نظره شاهين دنلوب وبالتوفيق وخل عنك الماكسس طاروبها الناس على جهاله للأسف
ولا تنسى الحجريه افضل بكثير

[عاشق السيل]

البالون زينة للي أكثر وقته بالبر لأنها مريحة بالمطناج وتمشي بالنفود أفضل من غيرها وتتحمل الحصى !!

لكن إذا أنت راعي خطوط وتستخدم الموتر بالديرة هج عن البالون لأنه خطير من ناحية الرجة ومن ناحية عدم ثباته وقت المطر !!

نصيحة من مجرب : ركب هنكوك تراه ممتاز للديرة والبر ورخيص وقوي ولين وعمره طويل <<< وجهة نظر خاصة !!

والنصيحة الثانية اقلع جنوط الشنبر وشف غيرهن !!!!

وفقك الله للي فيه الخير ...

[الشاص وبس]

انا اشهد انك تجيب العلم يا سوبر
اووووووووووو
سويت اللي تقول وراحت الرجة
العضيب خذ مني مبالغ بدون فايدة وكل من راسه صوت ولا عندك احد
الله يجزاك خير ويرحم والديك قل امين

[.أبوعبدالرحمن]

يمنع رفع المواضيع القديمة

يغلق