عاجل أنا في أوزنقول : تركيا : وعندي مشكلة في الفرامل

[قنياوي]

السلام عليكم ورحمة الله وبركاتة
يا شباب السيارة جيب جي إكس آر 2003 وفي النزول من الجبال الفرامل يكون ضعيف جداً من دون مقدمات فجأة ولا يمسك حتى أضغط على الفرامل بقوة وتدخل الرجل مسافة زائدة كثيراً وتكون الفرملة ضعيفة عن المعتاد أو أدبل مرتين ثلاث بقوة ويعود يمسك من جديد لكن سرعان ما يرجع الوضع على ما كان عليه هذا فقط في النزول من الجبال أرجو الإفادة ما المشكلة وحلها ولكم جزيل الشكر ؟ ×

[ابوعقل]

وعليكم السلام ورحمة الله وبركاته

الله يعينك اخوي ويجونك اهل الخبره بالياباني

بس عندي حل يمكن ينفع

وكان واحد يسويه بالنزول وخاصه اذا كانت الطريق انحداره قوي

كان يشغل الدبل بس ناسي هو يشغل الثقيل ولا الخفيف

الله يعينك ان شاء الله

[ساري 111]

هذا فقط في النزول من الجبال

ماعندك مشكله حسب اعتقادي
السبب هو استخدام الفرامل بشكل كثير ومستمر
معروف عن نظام فرامل اي سياره اذا احتمى خلاص مايمسك اعتقد كا تأمين عشان مايولع

الحل انك ماتخلي رجلك دايم على الفرامل يعني وقت الحاجه اكبس عليه مره وحده ولاتطول ارفع رجلك عنه
واستخدم وسائل ثانيه عشان ماتسرع السياره وقت النزول مثل استخدام النمر الثقيله واستخدام الدبل الثقيل عند المنحدرات الشديده


ترجع لنا بالسلامه ان شاءالله

[بو خليفه]

النزلة اعتمد على الجير في وضعية 3 او 2 أو 1 لان الكروزر غير موجود فيه خاصية المنحدرات وثبات العجلات Tc

[adil33]

اخوي اتصل بهذا الرقم بتركيا ميكانيكي اسمه نجاتي وقوله اخذت الرقم من عادل من المدينة 00905377016915 وباذن الله يخدمك ويبيض وجهي قدامك

[غالي]

إذا كان قير توماتيك

في القير عند مسكة اليد زر صغير اضغطه وتولع لك لمبه بالطبلون

هذا مايخليه يدق نمره زايده ويصير الموتر ثقيل كنك مرجع نمره

اتذكر كنت استخدمه في جيبي أول جي اكس ار 2003

بس ماادري عن الفرامل ولا كنت اشتكي منها

ربي يستر عليك

[awod]

جرب تنسم الفرامل من الكليبرات الاماميه وانشاءالله تزبط

[المخبر616]

اخوي الوضع عادي بس خل الموتر فترة من نص الى ساعه تقريبآ ويرجع الوضع طبيعي بس اخوي وقت النزول من الجبال المرتفه استخدم الدبل ولا تسخدم الفرامل كثير والدبل يريحك خاصة بالمنعطفات وتجي بالسلامه ان شاء الله:good2:

[ولد وايل..]

ماعندك مشكله حسب اعتقادي
السبب هو استخدام الفرامل بشكل كثير ومستمر
معروف عن نظام فرامل اي سياره اذا احتمى خلاص مايمسك اعتقد كا تأمين عشان مايولع <<< ما ألظاهر غنه تأمين وانا أخوك ...لكن لإحتماء الهوب وفحم الفرام خلاص ماعاد يتماسك....

الحل انك ماتخلي رجلك دايم على الفرامل يعني وقت الحاجه اكبس عليه مره وحده ولاتطول ارفع رجلك عنه
واستخدم وسائل ثانيه عشان ماتسرع السياره وقت النزول مثل استخدام النمر الثقيله واستخدام الدبل الثقيل عند المنحدرات الشديده


ترجع لنا بالسلامه ان شاءالله




الموضوع طبيعي ... وتصيل بأطلق العوائل....

طبعا لو إنه قير عادي حاول تثقله بنمرة ...

وإذا حسيت بإحتماء الفرامل لابد إنك توقف وتريحها شوي...
وأنتبه تبردها برش المااااء...

ع فكره لما توقف شف الهوب تشوفه أحمررررررررر


الله يردك بالسلامة...

[ابوياسر2010]

السلام عليكم
الله يحفظك ويردك سالم

[الشاطر11]

المشكلة اضنها في الاصلاح حق الفرامل

[وافي 00]

اقول ياحظك منحاش من هالسموم واللواهيب :f

استخدم القير تو وون لتخميد الموتر بالنزلات ولا تستخدم البريك

هل تنصحنا بتركيا يعني تسوى العنوة

[الكونتر]

ياخوي كان عندي في اكس ار مديل 93 صار فيه نفس الموضوع ورحت وطلع باكم الفرامل حقيقه مادري المديلات الجديده فيها باكم او لا بس شقر عليه انكان موجود وكان الحل المؤقت في سيارتي دبل الفرمل مرتين او ثلاث وبعدين انزل مع النزلات وتوقع يوم تدبل تفرغ الهوء ومثل ماقال اخوي استخدم القير احسن
تحياتي والله يردك سالم انشاء الله

[الطالبي007]

اخوي استخدم القير أفضل وشغل الدبل الخفيف أيضا ..وأحذر أحذر أحذر أنك تستخدم الفرامل بكثرة في الجبال التي بها مسافات طويلة لأن من الممكن أن تخرب الفرامل ويمشي الموتر بدون بريك ..رده غيار عكسي ولا تكثر من الفرامل على النزلات ..

[كاشت وحداني]

حاول تثقله بالقير ولا تكبس الفرامل الا مره وحده في منحنى او مكان ضيق

اذا يمسك بعد التدبيل عدة مرات احتمال الباكم
انتبه والله يردك لنا سالم وغانم

[اسير الغضا]

بمنعطفات ابها مكتوب هدئ السرعه مع التعشيق
عني ثقل نمره
ولاتسرع الله يستر عليك

وسير على ورشه وشيك على الموتر

[ثورة الشك]

ماعندك مشكله حسب اعتقادي
السبب هو استخدام الفرامل بشكل كثير ومستمر
معروف عن نظام فرامل اي سياره اذا احتمى خلاص مايمسك اعتقد كا تأمين عشان مايولع

الحل انك ماتخلي رجلك دايم على الفرامل يعني وقت الحاجه اكبس عليه مره وحده ولاتطول ارفع رجلك عنه
واستخدم وسائل ثانيه عشان ماتسرع السياره وقت النزول مثل استخدام النمر الثقيله واستخدام الدبل الثقيل عند المنحدرات الشديده


ترجع لنا بالسلامه ان شاءالله


:good2::good2::good2: