ابي شوركم الله لايهينكم تراي غشيم

[ابو شهد قلبي]

السلام عليكم شباب

انا اموت بشي اسمه لومينا او كابريس والماديه لك عليها طالب جامعي والرزق على الله :(:( وربي رزقني مبلغ 12000 ريال :eek: وجلست ادور لومينا وكابريس .
المهم لقيت لومينا 1999 م وفيها الاتي وانا ماعرف وش السالفه :l .
طبعا القير موظب من ست اشهر :) على كلام راعيه والفاتوره موجوده .
وفحصناها كمبيوتر عند مركز الشروق بالنسيم طلع بها هالخرابات ...:
1- تصفية ماكينه :eek:
2- تشييك طرمبة بنزين :eek:
3- صوت بساتم المكينه خفيف :eek:
4- تهريب وجيه وصوف الماكينه :eek:
5- تشييك الدينمو :eek:
6- تهريب دودة الدركسيون بسيط :eek:
7- ربلات عمود التوازن :eek:
8- الغيار الاخير في القير يتاخر :eek:
الاستماره مطوفه 3 سنوات والفحص منتهي :eek: ( هذي سهله اعتقد اي يمني بالفحص يفحصها بـ 300 ريال )
الرجال طالب فيها 7000 ريال . :(
السياره شغاله تمام رغم كل هالخرابات والمكيف بارد وممشاها ممتاز وتعشيقاتها الاوليات ممتازه جدا والحراره ربع .:l
اخذها ولا لا او اخليه ينزلي 1000 او 2000 واكون انا كسبان
تكفون المشوره انا استشيركم والله غشيم باللومينات والكوابرس بس اكوت فيهم خصوصا لمن تعشق القير تنزل بالريوس وترتفع لاعشقتها قدام ( لبى بس ) .

[ابو الذهب511]

نصيحه لك اللومينا لاتشتريها خرابها كثير وراح تطفرك ...
ودور لك كابرس من 2000 الى 2002 وراح تحصلها رخيصه في معارض الرياض ان شاء الله وبالتوفيق اخوي

[ابن حلاسه]

عزيزي من واقع تجربه اللومينا 99 و2000 فيها مشاكل مصنعيه
دور لك 2001 او 2002 بحدود 12 او 13 الف والله يسعدك

[براد نجد]

هلابك اخوي ابو شهد قلبي اول شي الله يوفقك وينجحك ويسهل امرك ويرزقك ان شاء الله ثانياً ابعد عن اللومينا والكوابرس مثل ماقالو الاخوان عيوب مصنعية ومشاكل الى مالا نهاية واللومينا والكابرس مايبيلها الا واحد موظف راتبة فوق ال 15 الف :D ولا يبيلها طالب مثلك :p

وتحياتي لك ""

[تناهيت]

السيارات المذكور ة بتطلب معك قطع غيار وبتآكلك مصاريف ويبلها راتب عالي يجار ي مصاريفها

عليك بالأكــــــــــــــــــــــــــــسنت وارقد عنهــــــــــــــــــــــــا

او كورلا
او ايكو
او سفك
حتى لو تضطر تزودها للعشرين انت الكسبان في الاخير

الله يوفقك في دينك ودنياك

[ابو شهد قلبي]

الله يسعدكم شباب
بس ابي اوتوماتيك مو عادي
وش الاقي بفلوسي هذي 12000 ريال .

[عبدالرحمن1980]

ابشر يابو شهد لقيت لك كرسيدا صحيح بتحتقرها على انها كرسيدا بس والله نصيحه انت اذا شريت كابرس او لومينا ب12الف صدقني بتدفع 12الف تصليح لها وبتبيعها بخساره انت يا اخوي طالب ومش حالك باي سيارة لاكن نصيحه لاتشتري لاكابرس ولا لومينا خذ الرابط والله يرزقك سياره 120000 مهب ب12000
الرابطhttp://www.haraj.com.sa/11135698/

[عبدالرحمن1980]

هاذي تيرسلhttp://www.haraj.com.sa/11135692//

[عبدالرحمن1980]

ايكوhttp://www.haraj.com.sa/11135666/%D9%84

[عبدالرحمن1980]

ايكو2http://www.haraj.com.sa/11135560/%D8%A7%D9%8A%D9%83%D9%88_2005_%D8%B3%D9%8A%D8%A7%D 8%AD%D9%8A%D9%87/

[ولد وايل..]

الله يسعدكم شباب
بس ابي اوتوماتيك مو عادي
وش الاقي بفلوسي هذي 12000 ريال .





يا أخوي والله أنت تامر امر ...مواترنا بين يديك يا أخوي....


شف سلمك الله تبي الشور....أجل خذ به...


اللومينا موتر ولا عليه كلام انا مجربه وكاد أبو جده ويالبى من موتر ...صح يعبك لما تتعبه ويعيش لما تحافظ عليه ...لكن انت تبي تشتريه مستعمل وواضح الموتر تعبااااان يأخوي اول شي لاتفكر بها الموتر ابد...


بالسعر اللي عندك تقدر تشتري اي من المواتر الصغيره اوتو وتلقى واجد...


ولو تبي نصيحتي ...خذ لك كابرس صابنه ولا فورد كراون موديلات 95-97

صدقني ماتندم....

[ابو شهد قلبي]

لبى قلوبكم والله :D

عبدالرجمن فديت قلبك والله ماقصرت والله تستاهل حبه على الراس على هالجهد وانا اسف تعبتك .

ولد وايل ياولد عمي كلامك عين العقل بس ولد عمك تدري وش مشكلته ... قلبي يوجعني والله لمن اشوف اللومينا والكابريس موديلات 2000 و 2001 و 2002 تمشي بالشوارع . :(:(:(:(
العن ابوه موتر انا اشهد انه سحرني . :mad:

ياناس تكفون الله لايحوجكم لاحد ابي حل اكره فيه اللومينا والكابريس متعلق بها والله قبل ثواني بغيت ارسل لصاحب اللومينا اللي بها اعطال هذي رساله اقوله ابيها بـ 6000 ريال واكيد بيوافق مو رافض ابد .. بس تعوذت من ابليس :):):) وقلت اللي اكبر منك بيوم اعلم منك بسنه وقلت ابي اصبر لين الله يفرجها واشوف وش الحل مع قلبي وعشيقته ( الكابريس واللومينا ) وانا والله سواقتي رااااااااااااااااااااااااكده وهاديه وماني من اللي يفرفرون واجد اقضي حاجتي وحاجة اهلي واداوم الجامعه وارجع البيت بس .. ( يالبى نفسي :p:p:p:p )

[عبدالرحمن1980]

تراني من عيال وايل:p:p:p:p:p
صدقني تعبك راحه ولد عمي معه لومينا 2006 خبطت المكينه عليهم قبل كم شهر واذا تبي اللومينا او الكابرس اشترها جديده انت الحين طالب جامعه وما معك الا12000 الف هي حيلتك الوحيده يعني اختر لك سيارة يابانيه تكرف مع ولاتبهذلك نصيحه ابعد عن اللومينا والكابرس حتى لو سواقتك راكده صدقني بتتعبك وتتمنى انك ماشريتها من عمر الدنيا حتى لو متعلق بها صحيح ان اللومينا والكابرس عزمها قوي وحلوه بس اذا شريتها بتشتري ورشه معها انصح تعوذ من ابليس وصل صلاة استخارة والله يكتب خير

[ابو شهد قلبي]

لبى عيال وايل والله اخوان نوره ولا تهون القبايل الثانيه

اجل ابي اتعوذ من ابليس بس والله ثم والله ثم والله قهر ثم قهر ثم قهر .

الله يصبرني على نسيانك .

طيب ولد عمي سؤال .؟.
ماتخبر لي كابريس او لومينا معها هديه ورشه غديني اشتريهم جميع وافتك من الالم اللي بقلبي اللي مسببته لي اللومينا والكابريس .

والله يارجال اول ماجتني الفلوس الـ 12000 ريال قبل 3 ايام استانست وطرت من الفرحه وكنت مسجل ترم صيفي بالجامعه قمت وحذفته امس علشان اتفرغ ادور حبي وعشقي احد هالسيارتين .
ترى معاناتي معاناه واحوالي احوال .

[الكونتر]

وعليكم السلام
هلا فيك اخوي مثل مانصحوك الاخوان ومابزيد عليهم
بس بقولك بقصه صارت مع الوالد خذاله لومينا مديل 96 او حولها المهم وانا اخوك هي سياره مريحه ومافيها كلام بس وانا اخوك الوالد يغير كل سنه تقريبن جربكس يمكن سوء استخدام مادري
ونصيحتي لك ونت تبي سياره طيبه خذلك كورلا تراها سياره طيبه وتصبر

[ابو شهد قلبي]

لبى قلبك الكونتر حبيبي
الله يعطيك العافيه على مرورك ياقلبي والله عارف ان الياباني والكوري يمكن والصيني بعد اطلق من اللومينا والكابريس بس فيني شي بداخلي يقول خذها لكن زي ماقالوا حبايب قلبي ابي اتعوذ من الشيطان لاتطير دراهمي واشتري موتر عليه الكلام .

الله يعين بس .

[الوابصي 44]

السلام عليكم
وش فيكم الله يهديكم شابين على اللومينا
انا امتلكت لومينا97 ال تي زد قبل عدة سنوات تقريبا ب13 ألف وصراحة موتر ما صلحت فيها شي الى ان بعتها بعد 3 سنوات ب7 الف لني كنت محتاج سيولة مادية ولو حصلتها اليوم ازيده وارجع لها الحقيقة انها اكبر من قيمتها تحصلها سعرها طايح بس استعمالها يسوى سعرها

[عبدالرحمن1980]

خيرا فعلت تعوذ من ابليس واستخر ربك ومثل ماقلتلك اشترلك سياره يابانيه وعندك الروابط فوق والمشكله انت معك عائله لو انت مامعك عائله يمكن تشتري لومينا اوكابرس بس وش تسوي لو تعطلت عليك وانت في طريق سفر اوفي المدينه بتصير حالتك حاله وبتلعن الساعه اللي شريت السياره فيها انت الحين مش حالك باي سياره من تويوتا الى ما يجيك الفرج وبنسبه الى هديه الورشه كانوا يوزعون من اول بس الحين لا لان الورش خلصت من كثر مايوزعونها على اللومينا والكابرس

[ابو شهد قلبي]

عبدالرحمن ;);););) هههههههههههههههههههههههه ;);););)

الله يعين اجل خلصت الورش هاااه :d:d:d:d:d

[عبدالرحمن1980]

عندي لك سيارة وكاله بقراطيسها ب7000الاف ريال

[العودالازرق]

لا تستعجل دور في معارض الشفاء بتلقى افضل .. الله يسوق لك اللي فيه الخير ويبعدك عن الشريطي النصاب

[ابو شهد قلبي]

عبدالرحمن وش هي السياره وش اسمها ولا تبيها مفاجأه .

العود الازرق / الله يعطيك العافيه على مرورك وفعلا الله يبعدنا كلنا عن كل شريطي نصاب .

عبدالرحمن لاتتاخر علي بالرد وش نوع السياره تحرك عندي الفضول ....

[عبدالرحمن1980]

والله اني اخاف انك تتحطم
اظاهر انك سديراوي على الدافع اللي فيك ابشر ولايهمك ابنزل الصور ان شاء الله

[عبدالرحمن1980]

تعتبر سيارة نانو والمصنعة في مصانع عملاق الصناعات الهندية شركة تاتا أكبر مفاجأة في عالم السيارات حيث أن سعرها في دولة المنشأ هو ألفا دولار (7500 ريال) فقط وبذلك تكون أقل سيارة في العالم من ناحية السعر. وقال الأستاذ أحمد بن عبدالعزيز الربيش مدير عام شركة محمد العلي الحمراني وشركاه للتجارة الدولية الوكيل العام لسيارات تاتا في السعودية بأن مجموعة شركات محمد الحمراني تحرص دائما على تزويد السوق السعودي بما هو جديد في عالم السيارات والمعدات والآليات حيث تعتبر وكيلا عاماً للعديد من الشركات اليابانية والكورية والهندية. وحول طرح سيارة نانو في السوق السعودي بين الربيش بأن الشركة تنوي طرح هذه الفئة من السيارات في السوق السعودي خلال الربع الأخير من العام الحالي , وأوضح بأن هذه السيارة الفريدة من نوعها قد تم حجز مليونين منها وهي في المصنع وذلك لما تمتاز به من الانسيابية وجمال المظهر وكونها تستوعب لعدد أربعة ركاب وبسرعة 90 ك م في الساعة وبأربع سرعات للجير بوكس وهي سيارة اقتصادية وتعتبر من الحلول البديلة لتخفيف الازدحام وسهولة التنقل داخل المدن.

http://www.aawsat.com/2008/01/09/images/news1.453278.jpg


http://www.arabic.xinhuanet.com/arabic/2009-03/25/xin_429ac2ac67a94b79b658167cc1324e0e.jpg
http://www.alarab.co.il/pics/2009/03/02/090302162320tata020309a11.jpg
http://www.gadgets.am/wp-content/uploads/2008/01/tata-nano-car-interior-view-inside.jpg
http://www.cars.justelite.net/wp-content/uploads/2008/01/pc-stand-02-big.jpg
http://www.elaph.com/elaphweb/Resources/images/Technology/2009/3/car2.jpg
http://indianautosblog.com/wp-content/uploads/2008/12/tata-nano-tuning.jpg
http://www.arabictrader.com/vb/uploaded/7050_tata-nano_car-engine.jpg
http://www.fannat.com/news/Nano-Europa-New_files/image003.jpg
http://tatanano.inservices.tatamotors.com/tatamotors/images/gallery/images/cam1.jpg
http://tatanano.inservices.tatamotors.com/tatamotors/images/gallery/images/dash_closeup.jpg
http://tatanano.inservices.tatamotors.com/tatamotors/images/gallery/images/dashboard%20interior_front.jpg
http://tatanano.inservices.tatamotors.com/tatamotors/images/gallery/images/gear%20box.jpg
# السيارة بموديلين .. luxury وَ standard ،،

# محركها أقرب في استهلاك الوقود لمحركات الدراجات النارية من محركات السيارات بمعدل 400 كلم لكل 20 لتر .. وهو يتماشى مع المعايير الاروبية الخاصة بالانبعاثات Euru 4 ..

# سرعة السيارة 100 كلم http://www.qsooon.com/vb/images/smiles/107.gif (http://www.bdr130.net/vb/t498378.html)

# الخبر السيء والمخيب لآمال الشعوب النامية لقيته بأحد المواقع أن شركة تاتو ماتخطط لتصدير السيارة لخارج الهند قبل عام 2011 ..
لكن بعد تعزيز مواصفات السيارة خلال هذه الفترة البسيطة حيث سيكون التوجه للأسواق الأوروبية

# سعر 2500 دولار لموديل luxury ، بينما الموديل الأقل منه standard سيباع بأقل من 2000 دولار ..
وهاذي الصور والتقرير علشانك يابو شهد

[ahmad963]

بجريدة المبوبة اللي تنزل بالدمام اليوم فيه واحد عارض كابرس 2002 ويبي فيها 12000 ريال وحاط صورتها

[ahmad963]

عفواً 11000 ريال ورقم تلفونه بعد إذن الادارة 0543240964 والله يرزقك ويرزق كل مسلم

[ابو شهد قلبي]

الله يعطيك العافيه ولد عمي .
احمد الله يعطيك العافيه على اعلان الكابريس .
شوركم يالربع كلمت الرجال ونشبت في حلقه ويقول اعطيك اياه بـ 10.000 ريال .
ويقول المكينه والقير والدفرنس والمكيف على الشرط ولونه صخري ... وموديله 2002 م ويقول اذا تبيه يطلع كل شي تمام التمام حط عليه 1000 الى 1500 ريال مع يطلع ورده .

رايكم هذا صراحه اعلان مجنووووون .

[ahmad963]

السلام عليكم

اليوم وأنا أخوك نزلت حراج الدمام ولقيت كابرسين موديل 2002 ومسيومات بعشرة (هاذي أسعارهن )

ولقيت لومينا 2005 لون أزرق حلو مسيوم ب 15000 ريال

وانباع اليوم قدام عيني ثلاث سيارات جملة بقيمة 40000 الف ( كابرس 2006 و وندستار 2007 واكسبندشن 2002 )

السوق مرة نايم بالدمام حاول تجي وتاخذ لك لفه أو لو تعرف أحد بالدمام يدورلك ،والله لو ماعلي مشاغل والتزامات اني تفرغت لك وخدمتك يالغالي

تقبل تحياتي

[ابو شهد قلبي]

ياقلبي انت يا اخوي احمد الله يعطيك العافيه على المعلومات هذي الحلوه واللي وسعت صدري .
الدمام قريبه واقدر اجيها اليوم قبل بكره ان شاء الله .
بس الكلام ان العيال يقولون مو كويسه الكوابرس وانا ودي اعرف وش الخرابات بالكابرس .

وللمعلوميه ياشباب انا استخدمت لنكولن كونتيننتال موديل 98 اللي يجي دفع امامي قبل 3 سنوات كنت 3 ثانوي واشتريته بـ 8000 ريال ... وكان خربان فيه الركب ومسامير التوازن وكم شغله كذا بالمحركات بس الماكينه والقير كانوا زي الورده مشالله تبارك الله لاني فحصته كمبيوتر ... المهم شريته واستخدمته 3 سنوات بدون ما اصلح فيه ولا شي ماصلحت الركب ولا اي شي ومشى معاي 3 سنوات وبعته . هذا دليل على استخدامي للموتر انه هادي ونظيف بس .

فهل يصلح لي الكابريس واللومينا .
ولا انحاش واشتري كوري وياباني يعني سياره صغيره .

[ابن سيف 18]

طيب دور لك مركيز ولا فورد

بالذات اللومينا ما ينصحون فيها

والله يرزقك اللي فيه الخير ان شاء الله

[عبدالرحمن1980]

المشكله انك مجنون كوابرس ولومينات

[ابو شهد قلبي]

ابشرك ولد عمي اللومينا وطلعتها من راسي نهائيا بعد ماسألت اصحاب الورش وقالوا لي اللومينا زفت زفت زفت خراباتها كثيره وقالوا تخرب فيها الكهرب كثير .
وسألتهم عن الكابريس قالوا لو نظيفه كويسه اهم شي انك تاخذ ماكينه وقير ودفرنس ومكيف وشاصي على الشرط والبدي مايهم .
هذا كلام اصحاب الورش .

وانا والله محتار بس ان شاء الله اللي فيه الخير بيجيبه الله .
ابي اصلي استخاره كل يوم وان شاء الله اني الاقي اللي فيه الخير .

[عبدالرحمن1980]

ابدور لك وان شاء الله يصير خير

[saas-des]

كويس الغ فكره الومينا ماتنفع اذا مستعمله وعمره الافتراضي قليل
خذ لك كورله وكامري ولافورد اشوفها افضل والله يرزقك وتحصل مرادك

[شايب مطور]

تبي النصيحة
انا صاحب لومينا سابق
وصديقي الخاص معه كابرس ال اس 2003

مع اني كنت ناصح صديقي يشتري فكتوريا وفعلا قرر واقتنع

ويوم راح للمعارض بيشتري قال له شريطي مدري واحد ماخذ سيارة ديانة قال وش ناوي تشتري قال فكتوريا

قال قبل ماتشتريه رح اركب هاك الكابريس وشف الفرق في الفخامة والديكور << وصار يمدح الكابرس ويذم الفكتوريا

الظاهر ان الكاريس حقته

ويقول صديقي رحت وركبت الكابريس وشفته واعجبني
وقررت اشتريه وياليتني ماقررت خدمه سنة ومن بعدها وهو صديق للورش والصناعية

وبالاخير باعة بــ14000 واشتري فورد ميركوري والان مبسوط معه بالحيييييييييييييل




عشان كذا انصحك بالاتي

كورولا
صني
هوندا

او
خذ لك امريكي امريكي<< فورد ..الخ

ولبس امريكي كوري << مثل ايكيا او اوبترا لانها اصلا دايو

[ابو شهد قلبي]

الله يعطيك العافيه عبدالرحمن
بهذلتك معي .

وشاكر مروركم حبايب قلبي .

[عبدالرحمن1980]

بهذلتك راحه:d:d:d
ابد والله بغيت لك النصيحه بس مشكلتك انك منت مقتنع تشيل فكره الكابرس من راسك اخوي الكابرس الاصليه هي اللي يسمونها الصابونه ومن بعدها شركه جنرال مورترز قامت تصدر للخليج سياره هولدن اللي يسمونها اللحين كابرس ولومينا هي في الاصل هولدن اتحداك تلقى كابرس او لومينا في امريكا لان خراباتها واجد والشركه وقفت انتاج كابرس ولومينا في امريكا وقاموا يصدرونها لنا في الخليج على انها كابرس ولومينا علشان كذا صناعتهم رديئه جداجدا وسلامتك

[عبدالرحمن1980]

وش قلت في تاتا نانو ترى بتوصل للخليج قريب

[ابو شهد قلبي]

ابو داحم تاتا نانو هذي والله لو اني شغال في مطعم ...:d:d:d:d:d:d:d:d:d

لكن تكفى شوف لي سياره تكون شكلها حلو واتوماتيك ..... شكلها حلو يعني كشخه شوي وعمليه ...
ابيك تشور علي وش السياره وانا ادور عليها بالمعارض او بالنت ...:(:(:(:(:(

[عبدالرحمن1980]

اهم شي انها بقراطيس الوكاله واقتصاديه معلينا من هذا
الاعلانات اللي فيها الايكوا تنفع لك

[ابو شهد قلبي]

خلاااااااااااااااااااااااااااااااااااااااااااااااا ااص
الله يلعن الكابريس واللي صنع الكابريس واللي جاب الكابريس للسعوديه والخليج .
موتر ملعون وابن كلب .
ماعاد ابي كابريس .
عبدالرحمن وش رايك مرسيدس sel300 موديل 87 او 88 او 89 .......... او فرخ شبح e230 موديل 89 او 90 او 91 او 92 او 93 .....
خاشاااااااااااااااااااات مزاجي ...

[Z71 وبس]

اخوي في كابرس صابونه على كيف كيفك موتر شد بلد جديد بمعني الكلمه كل شئ شغال موديل 94 موتر عزم مشاء الله اذا تبي ه كلمني على الخاص

[عبدالرحمن1980]

ابوشهد وشفيك عصبت ترى الدنيا ماتسوى مثل ماقلتلك خذلك سياره من تويوتا من هاصغيرات ومش حالك ترى الدعوى مش حالك انت لاتنظر الى السياره كفخامه وراحه وبس انت خل تركيزك على السياره اللي ماتشيب راسك بالخرابات نصيحه اخو لخوه لاتبعد عن التويوتا

[Z71 وبس]

كابرس صابونه ولا تفكر

[Z71 وبس]

كابرس صابونه ولا تفكر ولا فورد فورد مركيز لا اكسسوراته تهرقل مع الايام

[ابو شهد قلبي]

مو معصب بس رحت بشتري كابرس اليوم ولمن رحنا نفحص كمبيوتر طلع فيها خرابات من بيتنا لين طريق الدمام السريع .
فلذلك قهرتني والمشكله اغلى كابرس بالمعارض 2003 م بدي وكاله وماشي فقط 100.000 كلم فقط مايتعدى 18.000 ريال .
طيب ليش ليش رخيصه السياره وهي زي الوكاله .

عالعموم ابي ادور فورد 98 م او قراند ماركيز 98 م ... وابي احاول ادبر 2.000 ريال او 3.000 ريال زياده على الـ 12.000 ريال اللي عندي وآخذ ماركيز او كراون فيكتوريا 1998 م .

كذا احسن ولا لا .؟.

[عبدالرحمن1980]

طيب وشفيك يوم تقول افكر بشبح

[ابو شهد قلبي]

الو داحم قمت افكر بكل السيارات .
قسم بالله انلحس مخي .
تدري ليش .
لان الكابريس جننتني ... انقهرت ان خراباتها كثيره ... ويوم اروح المعارض اعوذ بالله تقول مافيه الا كابريس كل راعين الكابريس جالسين يبيعون سياراتهم . هههههههههههههههههههههههه

[Al3rands]

تبي النصيحه هج يعني اهرب مسرعا تراه شي عادي انك تحب شي بس يطلع غلط خلك عملي ونا اخوك ترا الومينا مشكلتها مشكله ومادام انك توك طالب انصحك بالياباني والله يوفقك ويرزقك

[ابو شهد قلبي]

هههههههههههههههههههههههههههههههههههه
حلوه التفسير اهرب مسرعا .
ههههههههههههههههههههههههههههههههههه

[عبدالرحمن1980]

الله لايلومك اخخخخخخ لو اني مدير لشركه جنرال مورترز لا اصنع لك سياره من الماس كم عندنا من ابو شهد

[ابو شهد قلبي]

لبى قلبك يا ابو داحم .
خلاص انحلت المشكله ابشرك .
الله يخليك لعين ترجيك وكل من ساهم برايه معانا .
تحياتي للجميع .

[عبدالرحمن1980]

بشر يابو شهد وش شريت الله يبارك لك

[ولد وايل 2010]

اخوي ابوشهد كيف حالك الله يعيننا وياك ،،، ماحاولت تدور لك اوبترا او افيو او النترا صحيح سيارات كورية بس حلوات واذا تبي شوري عليك بالالنترا افضل منهن كلهن اذا لقيت النظيف
طع شوري :good2: ،،،، واذا رزقك الله وظيفة اوحصلك فلوس زيادة طق لك الموتر اللي يستاهل ماسمعت
المثل اللي يقول
(( تعبر بأم شوشة لين تجيك المنقوشة )) وأسأل الله لي ولك ولجميع المسلمين التوفيق والسداد وان يبلغنا رمضان ونحن باحسن حال ،، تحياتي لك

[لبرتي]

تبي رايي بعد

دور لك كابرس من 88 إلى 90
تبي تلقى الراحة صدق

بس دور النظيف

[ابو شهد قلبي]

[size="4"][size="5"]شريت شفروليه افيو 2007 م اللون فضي بدي وكااااله ماشي 40.000 كم محركات وكاله وكل شي فيه وكاله .
الله يبارك لي فيه ويبارك للي شريته منه بالدراهم .

بس تدرون للحين قلبي يحن للكابريس تهي :(:( تهي :(:( تهي :(:(

[عبدالرحمن1980]

بشر عساها مظبوطه لاني ما ادري عن الافيو بعدين يارجال خيره ابعدت عن الكابرس ان شاء الله تتعبر بالافيو الحين وتطق كابرس 2015 مع اني ما احب الكابرس ولاكن لعيون ابوشهد الله يبارك لك بالافيو ويطعمك من خيرها ويكفيك من شرها

[ولد وايل 2010]

مبروك :redcar: ابوشهد الله يعطيك خيرها ويكفيك شرها :good2:

[ابو شهد قلبي]

الله يعطيكم العافيه
والله السياره جديده بس صغيره
لكن موتر ماعليه كلام
اعبيه بنزين ولا ادري متى عبيته تانكيها صغير وماتشرب واااجد ماشاء الله
الله يعطيكم العافيه وتعبتكم معي
تحياتي

[تناهيت]

الحمد لله زين ما اخترت .......صدقني ربي يحبك اللي بعدت عن الكابرس ومشاكله

موضوعك اصبح من اهتماماتي اتابعه كل يوم شر ابو شهد ولا ماشرى ...<ضيقت صدورنا يا خي الحين يبيلك موضوع جديد دور اي سالفه وخلنا نوسع صدورنا ونفيدك

الله يبارك لك فيما شريت ويرزقك احلى كابرس واحلى عروس معها بعد الوظيفة

[ابو شهد قلبي]

شباب ترى الموتر الافيو 2007 اللي شريته مو بـ 12.000 ريال لاااااااااااااااااا حتى مايروح احد يدور بالمعارض ويلقى غالي لاااا انا شريته 15,000 ريال ... من رجال متوازي يبي يسافر ويبي يبيع باللي فيه ... وربك قطني عليه قلتله قصة حياتي ونزل لي من قيمتها هههههههههههههههههههههههه وعطانياها 15.000 ريال . هو اعتقد كان يبي فيها 17.000 ريال او 18.000 ريال .

[عبدالرحمن1980]

ماشاء الله الله يطعمك من خيرها ويكفيك من شرها عسى السياره نظيفه ولاجاها حادث والله يوفقك ابو شهد

[ابو شهد قلبي]

لا والله يابو داحم ماشي 40.000 كم بس .
والبدي وكاله ماجاها لاصدوم ولا رش .
وماشاء الله لا اصوات ولا شي فحصناها محركاتها وكاله الرجال يقول لها سنه واقفه ماهو محتاجها .
عالعموم مشكورين ماقصرتوا ونورتوني بارائكم واقتراحاتكم .

[عبدالرحمن1980]

الله يهنيك يابو شهد ومبروك مبروك مبروك والله يطعمك من خيرها ويكفيك من شرها اخوك عبدالرحمن بن سعد

[sultan18]

الف شكر لك على المعلومات القيمه

[sultan18]

انحشششششششششششششش عنهااااااااااااااااااا

[ابو شهد قلبي]

ربي يوفقك حبيبي عبدالرحمن والله وسبعة انعام فيك ولا يهونون العيال الباقين .
اخوكم / ناصر المهيدي .

[اسدهم]

اخوي خذلك التيماء 2005 ممشي 137 فل معاد الفتحة قير عادي 17 الف شفوة بلحراج اكتب في قوقل الحراج همن يطلعلك

[التعـ King ـديل]

12000 تجيب لك 2002 احيانا نظييفه مب نظيفه

[عبدالرحمن1980]

وداعا يابوشهد تهي تهي لاتنسانا وان بغيت شي لاتردد ياغالي لايردك الاالخاص