خاص بالسيارات الجديدة جميع الانواع

[ابو العز بلس]

السلام عليكم


اعزائي انا كان في نفسي شيء بس ماكان ودي اقوله عشان ماحد يجلس يتكلم من غير علم المهم

انا مرة شريت كامري 2002 جديدة وكانت ماشاء الله موتر في كل شيء
وشريت بعدها كامري نفس الشيء ونفس الموديل وجديدة لكن ماهي نفس رفيقتي في القوة والعزم مع انها نفس المواصفات وكل شيء

بعدها قابلت واحد يقرب لي قال ان سيارات الوكالة كل وحدة تختلف عن الثانية يعني الدعوى حظوظ

وانا اتصفح المنتدى الرائع مكشات لاحظ رد واحد من الاعضاء وقال ان السيارات الجديدة حظوظ هل توافقوني الراي؟

وكيف نعرف الافضل اذا قدرنا

[jeep2008]

عليكم السلام ورحمة الله وبركاته

كيف كل وحدة تختلف عن الثانية وهي من مصنع واحد وأيدي عاملة واحدة ؟

التوفيق من الله

[شمالات نجد]

ما توصل المسألة للحظ بالنسبة للكامري لكن لا يستغرب أن يكون من ضمن 100 سيارة هناك واحده فيها خلل ويتم إصلاحه

وقد يصل الأمر أن تكون حظ في بعض السيارات التي لازالت تعاني من اخطاء مصنعية منذ نشئة محركاتها وأنظمتها الحساسه واستبدال بعض القطع الميكانيكية بكهربائية دون تطوير او تحديث.

وفقك الله

سلام

[كاشت وحداني]

بالنسبة لي من واقع تجربه
عام 2005 شريت كامري 2005 وواحد من اخوياي راح معاي وكانت فلوسه والمه وقام شرى كامري نفس موتري
وعطينا معقب الوكاله خلصها لنا حتى اللوحات كانت متسلسه ارقامها والحروف نفسها
ورحنا استلمناها مع بعض
بالنسبىة لي ترست الموتر بنزين ومسكت الخط الى الدمام
اول 100 كيلو كنت امشي 120 وبعدها طلبونها الى الدمام وتمشيت في الدمام الى الفجر ورجعت وطبلونها
والحين ماشي فوق 300 الف والحمدلله في النمره الثانيه توصل 100
خويي جلس يمرن موتره ويمشي بشويش ويوم كملت الف وداها الوكاله ومدري وش سسو له
والحين موتره ماشي 70 الف بس وعزمه طايح وبارد في قومته مع ان ممشاه قليل
نستنتج من ذلك ان طريقة التمرين له دور في عزم الموتر.

[راكب الشفر]

هذا الشي ملاحظة
حتى ان فيه اثنين اعرفهم معهم مكسيما نفس الموديل
وواحد منهم يطرح الثاني بلمبة وزيادة
وانا اعرف واحد معه كابريس 2000 وكارفه كرف وعداده صافق الــ800 ألف ما شاء الله
وماهنا مشاكل بالمكينة والجير والدفرنس ولا كهرباء الله لا يضره
والخرابات هي على حسب استخدامك وصيانتك الدورية للموتر
اما العزم فهي بكيفيك رجلك حارة وممسك بها خطوط لين ما اذنت يجيك بها عزم يعجبك
بس الله الله بالصيانة الدورية كل 40 ألف....

[الجندي2005]

ذا كان فيه حظ فيقع على السيارة التي فيها خلل مثلاً كل 100 سيارة وحده فيها خلل وهكذا مجرد وجهه نظر ،،،

[مسير عليهم]

بالنسبة لي من واقع تجربه
عام 2005 شريت كامري 2005 وواحد من اخوياي راح معاي وكانت فلوسه والمه وقام شرى كامري نفس موتري
وعطينا معقب الوكاله خلصها لنا حتى اللوحات كانت متسلسه ارقامها والحروف نفسها
ورحنا استلمناها مع بعض
بالنسبىة لي ترست الموتر بنزين ومسكت الخط الى الدمام
اول 100 كيلو كنت امشي 120 وبعدها طلبونها الى الدمام وتمشيت في الدمام الى الفجر ورجعت وطبلونها
والحين ماشي فوق 300 الف والحمدلله في النمره الثانيه توصل 100
خويي جلس يمرن موتره ويمشي بشويش ويوم كملت الف وداها الوكاله ومدري وش سسو له
والحين موتره ماشي 70 الف بس وعزمه طايح وبارد في قومته مع ان ممشاه قليل
نستنتج من ذلك ان طريقة التمرين له دور في عزم الموتر.


هذا الكلام

هو حسب التمرين للسيارة

[ابو العز بلس]

والله شيء جايز هالشيء انه كل هالاشياء بعد التمرين


الله يعيكم العافيه فعلا ماجت على بالي والله

[GS5]

السيارات حظوووووووووووووظ

شف , الحين بالوكاله لاجمعو الموتر وكل شي يجيبون الموتر ويبرمجونه على داينو او برمجه وهو واقف تركب وخلاص
بعدين يفحصونه ويشوفون , خل نقول الموتر باترول , هو 280 حصان على الحذاف يقيسونه إذا اقل من 280 حصان يديرون بالموتر يشوفون المشكله , إذا 280 تمام ويطلع عادي , إذا اكثر من 280 مايقولون شي يطلع عادي ان شاء الله لو 350 حصان اهم شي كلامهم صح

واذكر كان به باترول فتك الظاهر انه تماتيك لونه اسود , اللي شافوه يحلفون انه يقدم البواترول المعدله او يمشي معهم وهو بلد × بلد ماشاء الله تبارك الله !!

وبالنسبه للتمرين الناس يختلفون , به ناس يطلع الموتر من الوكاله ولايعرفهم ابد ابد لا 1000 ولا 1000000 ماعليه منهم

ولو تذكرون المكسيما الظاهر الـ98 جت بدون فصله اللي راحو للصيانه غيرو الكمبيوتر الظاهر او البرمجه واللي ماراحو للحين مواترهم ماتفصل و نشيطه

[asdali]

ما توصل المسألة للحظ بالنسبة للكامري لكن لا يستغرب أن يكون من ضمن 100 سيارة هناك واحده فيها خلل ويتم إصلاحه

وقد يصل الأمر أن تكون حظ في بعض السيارات التي لازالت تعاني من اخطاء مصنعية منذ نشئة محركاتها وأنظمتها الحساسه واستبدال بعض القطع الميكانيكية بكهربائية دون تطوير او تحديث.

وفقك الله

سلام

هذا الراي:good2:

[كبسولة2]

فعلاً السر يكمن في التمرين وتعويد السيارة على نمط معين من السرعة

أنا طريقتي في تمرين الموتر الجديد أصفار

أطلعه من الوكالة وأعبي بنزين وأعطيه مافي بطنه للآخر

بعدها أوقف عند أقرب بنشري وأغير الزيت والسيفون لكي يخرج

زوائد برادة حديد التصنيع والشوائب

ويالله لك الحمد ماقد مرة علي مشكلة في ما أفعل

ومشت فوق 200 ألف وبعضها فوق 300 ألف بدون مشاكل

[راعي الطلعات]

صراحه شي ملاحظ السيارات حضوض

حتى لو نفس الموديل

[ولد وايل..]

ما توصل المسألة للحظ بالنسبة للكامري لكن لا يستغرب أن يكون من ضمن 100 سيارة هناك واحده فيها خلل ويتم إصلاحه

وقد يصل الأمر أن تكون حظ في بعض السيارات التي لازالت تعاني من اخطاء مصنعية منذ نشئة محركاتها وأنظمتها الحساسه واستبدال بعض القطع الميكانيكية بكهربائية دون تطوير او تحديث.

وفقك الله

سلام



لا والله ...!

أجل وش ها الطلبات بالهبل على مكاين الكامري يدورونها دواره رح التشليح شف ما فيه ولا مكينه للكامري...تو الموتر جديد ويجيم...!!

ولا تنسى الكمبرسور الزاحف ..أعرف انا اثنين بس من العيال كلهم كمبرسورات الموتر عطبت وإستخدامه لموتر حليل...


وأنت تكلم بدون تعصب وراح تعرف ان كلامي صحيح....


مجرد انك تقول أن ها الكلام ما ينطبق ع الكامري أنت غلطان...

الله يوفقنا وياك....




وفعلا المواتر حظووووظ..

أنا موتري ماشاء الله تبارك الله..

لاعنه واجلده أبو جدهوماشاء الله أطق المواتر اللي مثله جدد ولا ماشيه أقل منه أو مثله ممشاه وأطلع عليهم سلاااااااااااام سلااام...

بس اهم شي أن الموتر يصبر له أقل شي 500 كيلو يخف عليه ع شان ألشغلات الأخرى من فرامل ومساعدات و و و و

الله يوفق الجميع..

[ابو العز بلس]

تدري ياولد وايل انك تقريبا الوحيد في الموضوع موافقني الراي