محتار ياشباب وأبغى فزعتكم

[ظلام الليل]

السلام عليكم ورحمة الله وبركاته بالأول أنا جديد هنا بقراطيسي يعني :D وثانياً أحب أشكر إدارة المنتدى والقائمين عليه وأقول عساكم على القوة إن شاء الله الصراحة أنا عندي سؤال قصدي استشارة _ وماخاب من استشار ـ المهم أنا راعي طلعات وكشتات كثيره وأنا راعي صيد كثيييير :j :no2: تلاحظون كثرت من كلمة أنا المهم أعوذ بالله من كلمة أنا صراحه أنا محتار بشتري جيب جي إكس آر أو في إكس آر ولكن أبي أسأل عن القير التماتيك بالبر زين يعني قوي ويتحمل الطرد النفود يعني يتحمل الصحراء أو لا وتعرفون الصحراء وقساوتهااا :confused: تكفون الرد الي يكفي ويوفي ومشكورين وماقصرتوا مقدماً أخوكم ظلام الليل

[الفشق المشاكس]

انا جربت الباترول ((تماتيك))
لاكن اذا دخلت الرمل او مكان الغراز او اخذت عزم وماتبي يضيع العزم حط القير على برقم(((1)))

علشان مايغير نمره

:D وانت بهواك :D

http://www.mekshat.com/pix/upload/images8/mk15614_Image(042).jpg

[صالح المطيري]

يا ظلام الليل انت تقول انك راعي طلعات وكشتات كثيرة وصيد يعني محتاج سيارة كرف وصبر وتحمل عالي فلا تشتري التماتيك أبد لأنه مصمم اكثر شي للديره والطلعات الخفيفة ، حتى لو فضت البطارية لأي سبب كان ما تقدر تنتع السيارة مثل الجير العادي! التماتيك ما يصلح لك .
بالنسبة للجي اكس آر أو الفي اكس آر انا انصحك بالأول ، مع ان الثاني أقوى بس الفرق بالقوة بسيط بين النوعين ولكن الجي اكس آر اقل اجهزة وماهو معقد مثل الفي اكس آر وهذه ميزة لمدمني الطلعات .
الباترول الجديد ما اعرف عنه الا ان الكثير يمدحه وهو اقوى من كل طرازات الاند كروزر بس صرفية البنزين فيه اكثر .
ولا تنسى الاستخارة اذا زادت حيرتك والله يوفقك .

[ماجد الشمري]

ايه انصحك بالاوتو ممتاز .....
ما اعتقد ان الشركة ما عملت حسابها لقساوة الظروف ... والاوتو بالتطعيس افضل ...






اخوكم ماجد الشمري

[ظلام الليل]

الله يعطيكم العافية ما قصرتوا وكثر الله من أمثالكم وأخص بالشكر الي ردوا على سؤالي الفشق المشاكس وصالح المطيري وماجد الشمري وكل الي بالمنتدى ياليت ما نسيت أحد ومشكورين يا شباب :good:

[المنتفش]

بسم الله الرحمن الرحيم
السلام عليكم ورحمة الله وبركاته
اخوي ظلام الليل انصحك بالسفاري لان الفكس والجكس ار الجدد ماتصلح للبر فما بالك بالطرد المواتر التاليه هذي مواتر ديره وطلعات بر خفيفه وان كنت مصمم على التويو تا خذ لك Gx لا تاخذ Gxr لانه سيئ جدا وان اردت نصيحتي خذ لك سفاري (سلقه ) يعني ربع تراه ممتاز وقيره اصبر واقوى واكبر من التويو تا ......... اما بانسبه للقير فالافضل القير العادي لان التماتيك ماراح يصير اقوى واصبر من العادي مثل مقال احد الاخوان هو مصمم للديره .

[الطعس الذهبي]

الـgxr أوتماتيك لالالالالالا تشرية لان خراباته كثير خذ Vxr توماتيك لانه من موديل 2003 يجي قيرين توماتيك وعادي

[الدرع]

اذا الي بتاخذه فوق موديل الفين خذ تماتيك قيره مايبدل في الرمل

[البيـــــرق]

السلام عليكم ورحمة الله وبركاته
كانك تبي الشور وبتسأل مجرب طع شوري
انا معي جي اكس ار 2003 توماتيك
وكشت فيه بكل مكان وحتى المطاعس والمطامر بالنفد طامرت
واشهد انه موتر بالبر وغيره وفي صرفية البنزين عن العادي
بس القير العادي اقوى عزم
ولك الراي

البيـــــرق.......

[عليم الظمى]

وعليكم السلام
ياظلام الليل حرام تحط مبلغ كبير علشان مطارد بران
شفلك موديل بالتسعينات وضبط ابوة وخلة للبر

اللهم انصر المجاهدين في كل مكان
امين امين امين امين امين امين امين