نبغى رأيكم في منظف البخاخات اللي يضاف في تانكي البنزين،، مين جربه ؟

[smsm007]

السلام عليكم ورحمة الله وبركاته

متردد جداً في إستخدام منظف البخاخات اللي ينضاف مع البنزين في التانكي .
أكيد لاحظتم الأنواع اللي في محطات البنزين ، كل ما أجي أعبي بنزين يقلي عامل المحطة تبغى من هذا مع البنزين .!!!
واللي خلاني أفكر فيه ان سيارتي أحيانأ فيها تفتفه والظاهر فيه وسخ في البخاخات .
نبغى اللي جرب هذا الشي يعطينا تجربته وهل فادت أولا وهل يوجد ضرر على السيارة ..

ودمتم بخير

[ابو العز بلس]

وعليكم السلام ورحمة الله وبركاته

تنظف البخاخات في الصناعية ب250 ريال احسن لك

وانا جربت اللي تقصد بس من زمان

[jeep2008]

وعليكم السلام ورحمة الله وبركاته
صراحة هالنوع من التنظيف ماخش مزاجي , أفضّل اني اروح لورشة ولااستخدم هالمنتجات
بالتوفيق

[رحال300]

هذا الي يخلط مع البنزين لو تشم ريحته تحصلها 1-بنزين 2-قاز-3-زيت
انا اذا جيت اسافر احط مع تانكي البنزين (زيت) ملا فنجال قهوه او غطا العلبه
وما اذكر الحمدلله شكيت من البخاخات

[smsm007]

الله يجزاكم خير يا اخوان بس ودنا نسمع آراء أكثر من شباب جرب هذا المنتج وكيف تأثيره حتى يستفيد الجميع سواء كان إيجابي أو سلبي .
وشكراً

[ذهب صافي]

أنصحك أبعد عنه أنا جربته والاصلي بعد شريته من موزع معتمد للفورد اسمه التقوى المهم وعبت التانكي نص وصبيت ذي الماده وبدا يتفتف ووقفته عند البيت ووقف وعيا ليشتغل يدق سلف ما يشتغل واشيله بسطحه ووديه للكهربائي وظبطته ولا عادة هالحركه

[حرش الكفوف]

مرحبا اخوي الغالي
أنا جربته من زمان ولم أجد له أي تأثير ويوم من الأيام كثرت منه
وطلعت لي لمبة المكينة وبعدها بطلت استخدمه
للعلم كانت التجربة على فورد فكتوريا
( هذي تجربتي معه والله أعلم )
آمل اني افدتك أخوي

[asdali]

اخوي مر وكالة او موزع قطع ميتسوبيشي عندهم علبة منظف للبخاخ من المصنع وتصلح لكل بخاخ بنزين مو شرط ميتسو و توضع مع التانكي قوية جدا فوق ما تتصور ولا تحاول تشم ريحتها لانها ممكن تسبب اغماءة سم الله وصبها وعب التانكي وان شاء الله تروح التفتفة .

[سيد الجو]

انا كل ماخذت لي ست شهور اشتريها من الوكاله لأني اضمن انها اصلي

ابعد عن اللي يباع في المحطات ابو 10 ريال

ثاني شي اعرف طريقته

اذا بقى في التانكي ربع او اقل صب المنظف وعب فل ثم دور لك شارع فاضي مافيه احد ثم ادعس الى 160 او حولها وخلك على دعستك 10 دقايق وعقبها بتحس بفرق


انا هذي طريقتي

[كبسولة2]

النوع الي يباع في المحطات نوع تجاري لا فائدة منه

أما النوع الأصلي قيمته تصل إلى 60 ريال وأفضلها صناعة gm

ممتاااااز جداً في التنظيف وأيضاً يمكنك أن تضع بدل منه لتر قاز من محلات البنشر بريال

يقوم مقامه وينظف

[نواف نجد]

والله من يوم ماعرفت السيارات مانظفت البخاخات خل الموتر لين يجيم ثم صلح ههههه

[راعي الطلعات]

فيه منتج من شركة stp لونه فضي قيمته 25ريال انا نصحني ميكانيكي به وقال ممتاز وجربته وفعلا راحت التفتفه بس عب بنزين بعشره ريال او 15 ريال اهم شي التانكي على الربع علشان يعطي مفعوله

وبالتوفيق

[بوجندل]

جربت حق المحطات طلع عادي ومايبان له تأثير

مابه احسن من الورش

عالاقل بتناظر بعينك الوسخ اللي بيطلع من البخاخ

او مثل ما ذكر احد الاخوان

حق المتشوبيشي او جنرال موتورز

[خالد ...]

نصيحه اخويه ابعد عنه ..

انا استخدمته في الباترول الفتك و سبب لي خسارة واضطريت اغير قطع غيار المساحات الامامية والخلفية

[قناص*07]

نصيحه اخويه ابعد عنه ..

انا استخدمته في الباترول الفتك و سبب لي خسارة واضطريت اغير قطع غيار المساحات الامامية والخلفية


ودي اعرف ويش دخله في المساحات

[ديوان العرب]

نصيحه اخويه ابعد عنه ..

انا استخدمته في الباترول الفتك و سبب لي خسارة واضطريت اغير قطع غيار المساحات الامامية والخلفية اهم شي عاد نبي نعرف يوم غيرة المساحات عساء راحة التفتفه ؟

[خالد ...]

قناص*07
ديوان العرب

كل عام وانتم بخير

اعتذر عن الخطأ الغير مقصود فهو رد لموضوع سابق

[عش حياتك]

ماجاز لي هالمنظف احسه استهبال من المحطات

[ابوصالح77]

نصيحه اخويه ابعد عنه ..

انا استخدمته في الباترول الفتك و سبب لي خسارة واضطريت اغير قطع غيار المساحات الامامية والخلفية


ودي اعرف ويش دخله في المساحات


اهم شي عاد نبي نعرف يوم غيرة المساحات عساء راحة التفتفه ؟


قناص*07
ديوان العرب

كل عام وانتم بخير

اعتذر عن الخطأ الغير مقصود فهو رد لموضوع سابق
هههههههههه
الله يرجكم
كل ما طلعت التفتفة عب بـ 10 بنزبن 95 وبتروح إن شاء الله

[أبوحمد 505]

كان عندي البخاخ يتفتف
ونصحني واحد فية
وأشتريت ثلاث علب من محطة بنزين كل علبة أفلل البنزين
وما سوى شي أخرتها نظفت البخاخ عند واحد تركي بس شغل عدل ب250

[عايض الاحمدي]

نصيحه اخويه ابعد عنه ..

انا استخدمته في الباترول الفتك و سبب لي خسارة واضطريت اغير قطع غيار المساحات الامامية والخلفية

والله شكلها من الحبوب ي بعدي
ههههههههه هههههههههه
ي أخوان انا استخدمت الالماني اللي ذكره الاخ اللي قيمته ب 25ريال
توني حاطه كيف ممتاز او ... المشكله عبيته والخزان على النص وخربتها وعبيته فوق النص يعني 48لتر علماً ان خزان الددسن يسع 62 او 65 لتر
والله ي تجي لدداسن تفتفه اخر واحد نفسه مشكلتي والموارد جديد ويش لعله الله اعلم

[AL-OTAIBI]

سبحان الله, الأنسان عدو ما يجهل.
اللي يقول ماله فايده و اللي يقول خرب موتري و اللي يقول يزيد بالعزم.

يا شباب الله يصلحكم, هذا النوع من المنظفات يعتبر جزء من أعمال الصيانة الاحترازية وليس مشروب سحري لتنظيف رواسب عدة سنين من مره واحدة ولا يعطي السيارة قوة خارقة.

أنا شخصياً أستخدم هذا النوع من المنظفات على كل 5000 كم تقريباً (أوقتها مع تغيير الزيت).

وغالباً يستخدم علبة واحدة لكل 50 لتر , يعني اللي خزان سيارته من 80 الى 110 يصب علبتين مثلاً (لا تصب علبه كامله و خزانك عالربع و تمشي عليه بعدين تجي تشتكي من التفتفه مثل الاخ اللي فوق!!)

بعض السيارات اللي بخاخاتها وسخه من زمان و مهملها راعيها ما ينفع تحط هالمحلول عليها لأ،ه ماراح ينفع و ان نفع معاك راح يفتت الاوساخ المتراكمة و يسد عليك كل شي.

اللي يستخدمه من البداية و يحافظ على استخدامة راح يلاحظ ان مكينته دايم نظيفة ولا يحتاج يروح ورش عشان ينظف.

لو قارننا بين سيارتين نفس النوع و الموديل و المكينة وحده تستخدم و وحده ما تستخدم و مشينا السيارتين مسافة طويلة مثلاً 200000 و فتحنا مكاينهم راح تشوف الفرق (وحدة تلق من النظافة وحدة وسخة)


واحد ثقة يشتغل بشركة ارامكو قالي مره انهم يستخدمون نفس هالمحلول في انابيب البترول بين فتره و فتره لانه يساعد على تفتيت الرواسب فيها ويقول هو نفس المحلول اللي يستخدم للسيارات.

هذا والله اعلم
تحياتي

[الصيادالمليح]

استخدمته مرة و انا رايح الامارات بالسيارة و حطيت 10 علب كان عليه تخفيض العلبة بـ 4 ريال من محطة بالاحساء ( شكله منتهي الصلاحية )

و الهندي يقول لي بابا هذا مرا كثير .. قلت له حطه وما عليك

و دعست في الخط لين صفيت الطبلون لمدة ربع ساعة وطبعا كان الخط فاضي و وقت الاختبارات محد حولك

و تفتفت السيارة شوي و بعدها سلكت و حسيت ان السيارة عزمها صار افضل

و السيارة نوع كامري موديل 1994 وهذا الكلام صار عام 1997

[دوواس]

السلام عليكم
افضل شي لتصفية البخاخات علبة زيت فرامل اصلي مع تانكي بنزين فل وتمسك خط شي مجرب