ارفع عزم الهلي بحركه سههله

[عابر السبيل]

السلام عليكم

كيفكم يا شباب عندي لكم حركة حلووه

ومضمونه 100%

الطريقه وهي كالتالي :-

1- سم بالله

2- افتح الكبوت

3- فك الكلبسات الثلاث حق غطا الفلتر

4- ارفع غطاء الفلتر( راح يكون الفلتر مثبت على الغطاء )

5-حط علبة مويه فاضيه داخل القربه السوداء ( حط العلبه مسدوحه داخل القربه )

6- نزل الغطاء على القربه ( راح يكون الفلتر مثبت بالغطاء )

7- راح يكون الغطاء مرتفع عن القربه يعني فيه فراغ لدخول الهواء

راح تكون العلبه هي اللي رافعت الفلتر والغطاء وكذالك عشان ما يطبق الغطاء على القربه

8- نزل الكبوت وتوكل على الله

راح تسمع صوووت طرب وراح يفرق عليك عزم الموتر ولا راح يدخل غبار لانه فلتر وكاله

اسف على الاطاله واتمنى اني اكون افدتكم

تقبلو تحياتي

م.ق للفائده

[عاشق السيل]

اولا بارك الله فيك على المعلومة الرائعة ،،

ثانيا ليتك حطيت صور علشان يكمل التقرير وتتضح العملية أكثر ،،

ثالثا أتمنى ماتكون عملية إزعاج مثل مايسوي بعض الشباب وبعدين تجيهم الدعوات والإثم يوصلك !!!

بانتظار جديدك وتقبل مروري يالغالي ....

[asdali]

وعليكم السلام ورحمة الله وبركاته

يا اخي الكتيب يحذر من فتح علبة الفلتر ، ركب فلتر رياضي وانتهى الموضوع

مشكور

[الوايلي...501]

طيب تصلح على الددسن الجديد ولا بس الهلي

[الطفيلي]

آخ لو منزل الصور بس ...

[BeWoLf]

عجل علينا بالصور
وهل تصلح على الددسن

[عميد سامودة]

تعدم المكينه ,, لا تتهورون ياشباب وتدفعون الثمن غالي

[عابر السبيل]

حيااكم

يا اخوان الموضوع منقول وانا نقلته للفائده ولا جربته شفته في احد المنتديات قلت ما يغلى عليكم

[عبدالرحمن السالم]

مدري احس انه تعدم السياره
لاهنت يالغالي