غسيل المكينه

[Abufehaid]

السلام عليكم ورحمة الله وبركاتة

اخواني كيف حالكم انشاءالله انكم بخير

اخواني عندي باترول 2007 و المكينه كله غبار و ابي اغسله و خايف
لانه قبل فترة غسلت مكينة صالون و قامت تقطع و كان يبي يخرب الكمبيوتر السياره

ابي اعرف رايكم بالموضوع و شنو تنصحوني اسوي
وشكرا لكم

[alsari_8]

اغسله بالقاز وماعليك كان فيه تقطيع يروح

[ولد وايل..]

وانا اخوك لا تغسل إلا إن كان به شي من زيت فرامل أو شي يمكن يخرب عليك...

انت أنفخه بالهواء

وإذا تبي تغسلها أحرص تكون السيارة باااارده وغسلها بماء حار ولا تجي عند الكهرب يعني حاول تغسل حولك حواليك بس...

الله يوفقنا وياك...

[عاشق السيل]

وعليكم السلام ورحمة الله وبركاته ،،

أخوي إذا كان الغبار موجود ماراح يضر المكينة لأنك إذا غسلته كلها كم يوم ويرجع الغبار !!

أنصحك ماتغسل المكينة نهائيا لا بالماء ولا غيره ،، وإن شاء الله إذا بغيت تبيع الموتر طقها بستم علشان يكون منظر المكينة يفتح النفس ،، وقبل كذا خلها زي ماهي !!

بالتوفيق أخوي وتقبل مروري يالغالي ...

[Abufehaid]

الله يعطيكم العافيه و يجزاكم خير
خلاص ما راح اغسل المكينه صحيح انه يضيق صدري لا شفت الغبار على المكينه
ولكن الحين سهلات أبعد عن الشر وغنيله

[yasser1389]

وعليكم السلام ورحمة الله وبركاته ،،

أخوي إذا كان الغبار موجود ماراح يضر المكينة لأنك إذا غسلته كلها كم يوم ويرجع الغبار !!

أنصحك ماتغسل المكينة نهائيا لا بالماء ولا غيره ،، وإن شاء الله إذا بغيت تبيع الموتر طقها بستم علشان يكون منظر المكينة يفتح النفس ،، وقبل كذا خلها زي ماهي !!

بالتوفيق أخوي وتقبل مروري يالغالي ...
حب لاخيك المسلم ما تحب لنفسك.. كيف تقول غسلها لاجيت تبيعها مو ممكن تخرب عند الرجال اللي شراها..لاحول ولا قوة الا بالله

[عاشق السيل]

حب لاخيك المسلم ما تحب لنفسك.. كيف تقول غسلها لاجيت تبيعها مو ممكن تخرب عند الرجال اللي شراها..لاحول ولا قوة الا بالله

أخوي ياسر فهمتي غلط الله يغفر لك ولوالديك ،،

أنت إذا بغيت تبيع سيارتك ماتوديها للمغسلة علشان تكون بأحلى شكل ويشوفها الزبون وهي نظيفة ؟؟

برضو المكينة نفس الشي ،، وأنا ماقلت إن الغسيل يضر المكينة وخل المشتري يتورط !!!

أنا قصدي إن كثرة الغسيل مالها داعي مدامك ماراح تعرضها على أحد يشوفها !!!!!

أتمنى أن تكون فهمت مقصدي شاكر لك اهتمامك ونصيحتك .....

[تناهيت]

خلها على فالها نصيحه .....غســــــــــــــــلنا يوكن وما شفنا خير عقبها....التمس الفيوز وضربة ظفيرة النور


تقدر تمسحها مسح بمويه جافه ..........خرقه مبلله قصدي مع بخاخ تلميع


الهواء افضل شي لأزاله الغبار

[الطفيلي]

حرام بالله إني أغسل سيارتي بلي الموية وما شاء الله عليها وبعد انظفها بالفيري ولا صار فيها شيء ...

[ولد وايل..]

وانا اخوك لا تغسل إلا إن كان به شي من زيت فرامل أو شي يمكن يخرب عليك...

انت أنفخه بالهواء

وإذا تبي تغسلها أحرص تكون السيارة باااارده وغسلها بماء حار ولا تجي عند الكهرب يعني حاول تغسل حولك حواليك بس...

الله يوفقنا وياك...




أنا رديت عليك... وانا بدون مبالغة كل غسيل بستم كل شهرين ثلاثه أغسل المكينه ولا شفت مشكله الا أحيانا يصر السير مع التشغيل بس...

لكن ما ودي اشور عليك شي له إحتمال يضر بالموتر...

وكلام أخوي عاشق السيل سليم ميه بالمية...

لأن الغسيل ما يضر الا بحالات نادرة وتأثير فوري...

لكن المقصد أن الغسيل ماله هدف مجرد خسارة....لان الغبار فورا يجتمع...


وإذا تبي الشور...

إذا رحت الوكالة ولا معرض لا تطل على مكينة موتر ولا تتيه...تبي يضيق صدرك (نفسيا)....

[م.عمر]

اخوي غسل وتوكل على الله ..
بس أهم شي انك تغطي موزع الكهرب والحساس بكيس او اي شي ..
ولا تمسك خط او تسرع بعدها عشان ما تعبى رمل وغبار ..

[قمة افرست]

الغسيل مافيه اي مشكلة على السيارة
فقط غسيل ماء وصابون
يكون فيه مشكلة اذا اتكرر لو غسلت السيارة بالسنة مرة او مرتين مافيه مشكلة ان شاء الله
احيانا يكون ضروري جدا غسل المكينة ولصالح السيارة
خاصة ان الغبار وتراكمة يعمل تاكل لليات كذلك السافي والاتربة

[1231]

انت رح للبنشر وقله يرشها ديزل .

يجيب لي الهواء ويجيب ديزل ويرش شف شكل المكينه عقبها تقول وكاله.

[z.r111]

اخوي العزيز
للامانه غسيل المكينه له اثار ضاره على السياره
والمشكله دايم تكمن في الكهرباء
لاكن نصيحه اذا مصمل تغسل المكينه اغسلها عندك في البيت بشرط
1- ان تكون السيارة بارده لان الماء البارد على المكينه الحارة مشكله ( حتى لو في الصيف ترى فيه فرق كبير بين حرارة الماء العادي وحرارة المكينه
2- تحاول قدرالمستطاع تعزل اسلاك الكهرباء الي رايحه الى البخاخات + الديلكوت + موزعاات الشرارة + اسلاك البواجي
3- لا تقرب على الاجهزه الحساسه مثل جهاز الكمبيوتر اذا كان عندك في المكينه + الدينمو تنضيف بالماء بس متوسط + الديلكو + مدخل الهواء للمكينه
4- اذا كان عندك بواجي السياره من النوع الي في نصف راس المكينه فحاول ان يكون عندك مفاخ هواء لان الماء بيتجمع حول البواجي وماله تصريف عشان كذا لازم تنفخ الماء بجهاز نفخ قوي وياليت كامل المكينه
5- الامر المهم جداً انك تترك السياره وماتشغلها ولا تفتح السوتش بأي شكل كان لمدة 24 ساعه في الصيف عشان تضمن ان الماء الي غسلت فيه سيارتك كله تبخر
6- قول بسم الله واذكر الله وصدقني مارح يجي سيارتك شي
هذي هي اغلب المشاكل الي ماحد ينتبه لها عند تغسيل السياره
لاتنسى اخي العزيز ان الماء موصل جيد للكهرباء عشان كذا دايم هو سبب الاعطال
تقبلوا تحياتي
Z.R111

[ساحووق]

والله اني كنت ناوي اغسل مكينة السيااره واجزاائها الداخليه بشكل عااام والسيااره شروكي لاكن ترااجعت الان


لاهنتم يالغاالين

[نفداوي]

قد غسلت مكينت السياره (gxr) الحمد لله ماجاها شي
بس اشوف ماله لزوم تغسل المكينه الا اذا كان فيها تهريب وبتشوف انتهاء بعد التصليح او لا