اخواني اعضاء مكشات رأيكم يهمني جداً قبل شراء فورد اكسبلورر

[مفخرة فورد]

السلام عليكم ورحمة الله وبركاته
أسعد الله اوقاتكم بكل خير ومحبة اخواني أعضاء مكشات
هذه اول مشاركاتي وأتمنى انكم تفيدوني باللي تقدروا عليه
انا محتار ياجماعة الخير بين الموديلين 2010 و 2011 لأن الشكل اختلف كلياً
ماأدري عن جماعة ال 2010 هل هم مؤيدين لشراء هذا الموديل أو انه يحتاج اضافات ويمكن تكون في الموديل 2011 رغم انه للحين مانزل وماحد يدري عن الزين والشين فيه
انا اللي يشدني للاكسبلورر انه خفيف ومتوسط الحجم وفيه دبل يعني يصلح للسفر والبر وداخل المدينة
ومايمنع اذا تنصحوني بسيارة شبيهة بمواصفات الاكسبلورر وخفيفة ظل مثلها
اللهم بارك لنا في شعبان وبلغنا رمضان
تحياتي لكم

[ابو العز بلس]

وعليكم السلام ورحمة الله وبركاته


والله انصحك تصبر لين ينزل 2011 وتشوف

[عبدالعزيز-1]

اذا بتشتري ودافع دافع ياخوي اشتري الجديد احسن لك

على الاقل بتضمن ان الشكل راح يجلس معك خمس سنوات

هذا غير مواصفاته الفخمه

[مفخرة فورد]

جزاكم الله خير حيدرون و ابوعبدالعزيز
المشكلة يااخوان اني متردد كثير عن الموديل الجديد 2011 لأنه مابعد نزل بالاسواق وماحد يدري احتمال تطلع فيه عيوب مصنعية
اللي يخبر لي سيارة تكافيء الاكسبلورر سواء من ناحية الحجم والمواصفات بحيث انها تكون سيارة بر وسفر ومدينة يفيدني فيها
والا اذا مافيه راح يظل اكسبلورر 2010 هو اول القائمة

[كاشخ 24 ساعه]

وش رايك في البرادو من تويوتا

[مفخرة فورد]

وش رايك في البرادو من تويوتا
موتر طيب لكن فيه فرق فلوس عن الاكسبلورر
شكراً لك

[لاتكب البيالة]

2010 شي معروف ومجرب اما 2011 شكل جديد ولا بد من المشاكل خاصة اذا صار التغيير كلي وليس للشكل فقط واتوقع يصير غالي ماهو بقيمة 2010

[مفخرة فورد]

2010 شي معروف ومجرب اما 2011 شكل جديد ولا بد من المشاكل خاصة اذا صار التغيير كلي وليس للشكل فقط واتوقع يصير غالي ماهو بقيمة 2010
هذا اللي مخوفني منه ويخليني أتردد أكثر
هل فيه سيارة بديلة عن اكسبلورر 2010 والقيمة متقاربة؟ والا اطقه واريّح راسي ؟

[لاتكب البيالة]

يالغالي لا تتعب نفسك تبحث عن البديل اكسبلورر بالمواصفات هذي والسعر هذا يعتبر فئة لحاله

[ضاري حايل]

فور تشنر ....

[عبدالعزيز-1]

اذا شريت 2010 وتغير الشكل عام 2011 بتعض اصابع الندم

لان الصور بصراحه تدل على ان السياره فخمممممممممه وشكلها الخارجي رائع

صحيح اني كنت ضده ولكني بديت اقتنع فيه.


الوالد معه اكسبلورار 2006 اول ماطلع الشكل هذا ولا خالف معه الى لايوم ماشاء الله لذلك مو دليل ان السياره اذا تغير شكلها معناها فيها مشاكل

اذا بغيت رايي لاتستعجل وانا انصحك بموديل 2011 سواء تغير الشكل او ماتغير لانك بتدفع مبلغ وقدره لذلك ادفعه على شي جديد

[JAMAL 1]

أغتنم فرصة العروض في رمضان؛؛ وخصوصا قبل اجازة العيد لانها راح تكون تصفية الموديل؛ اذا تبي 2010؛

2011 ما عندي عنه فكرة؛

[تناهيت]

اذا كان ما يهمك الشكل الجديد وتبي موتر اقل رفاهيه واقل حساسية وعملي ويصلح لجميع الظروف وسعر معقول جداً
اشتر 2010 لن سعره فيه والأرخص من بين فئات السيارات العائليه
المتوقع لسعر 2011 اعلى بكثير لنه تغير جذريا فلا تتخيل ان سعره راح يكون قريب من سعر 2011
يعني من 120.000 وطالع ..........يبقى هذا توقع للسعر


تحياتي

[مفخرة فورد]

جزاكم الله خير جميع كل باسمه
الصراحة فورتشنر ماهو عاجبني
وان شاء الله النية على اكسبلورر 2010 ان أراد الله سبحانه
ننتظر لين يصير تخفيضات والله المستعان
شاكر لكم تفضلكم بالنصح وفقكم الله

[أبو محمد2010]

أسعار 2011 تبدأ من 109 آلاف إلى 149 ألف تقريباً...

[بعيد الهقاوي6]

أسعار 2011 تبدأ من 109 آلاف إلى 149 ألف تقريباً...


ماشاء الله تبارك الله حول سعر القديم مع تغير الشكل والمواصفات للافضل


بالنسبه لك اخوي مفخرة فورد الافضل تنتظر عروض رمضان وحاول تجيهم بدري

عشان مايسبقونك العالم وياخذون الالوان المرغوبه


تحياتي

[oasad]

انا بنصحك بالاكسبلورر 2010 وتوكل على الله واذا لقيت أعلى فئة الليمتد بكون أفضل
تراها سيارة شبابية وعائلية وشغل بر وتطعيس وسفر
يعني كل اللي بتحتاجه من السيارة ما شاء الله موجود فيها

والله يباركلك من الحين والله يعطيك خيرها ويبعد عنك شرها وخبرنا لما تشتري

[ابو طلال8666]

ما اعرف عنة شي يسوى لكن الموتر سراحة متشر با الشوارع وحس انة على كيف كيوفك وفخم ومنه 4×4 ومنه عادي والوانه حلوة وحجمه بطران ووكالته ممتازه
ونا معك خذه مبروك عليك والله يعطيك خيره ويكفيك شره مقدما

[جيب فورد]

قضت شركة فورد على اكسبلورر 4*4 بعد نزول اكسبلورر 2011 4wd يعني لايوجد دبل قضت على الدبل الثقيل
وبذالك لاينافس المنافسين السابقين للمنافسينها وبذالك انتهت المنافسة بالنسحاب الاكسبلورر رغم انه تحدى الجميع
فشل ذريع للأكسبلورر 2011
والله اعلم وجهة نظر خاصة بعد الجهد و الأطلاع و البحث في المواقع الاجنية المتخصصة المريكية في هذا الشان
ممكن البحث والأطلاع
الاكسبلورر 2011 عيوب كبيرة اذا كان العيب في الدبل 4*4 فما بالك بالباقي والتي وظحت من خلال التجربة
والتوقع اكسبلورر 2010 ان يكون له رغبة كبيرة جدا في السوق بعد طرح 2011 المنتهي بالكامل من جميع النواحي فقط سيارة كشكل ومنظر وممكن تقنية غير مهمة المهم العملانية