تقرير عن زيارتي لتشليح الحائر بالرياض ....

[شقران نجد]

السلام عليكم جميعاَ ورحمة الله وبركاته ......وأسعد الله أوقاتكم بذكر الله وطاعته وبخير وفضل منه


أخواني الكرام امس الصباح كنت فاضي وحبيت اسوي زياره لتشليح الحائر بالرياض وعلى حسب علمي يكاد يكون اكبر تشليح بالرياض ومن أقدمها ولست متأكد ان كان اكبر تشليح على مستوى المملكه وهو عباره عن شبوك وكأنك في معارض سيارات وكبير نوعاَ ما .........


1-الحقيقه أنني سألت عن خمس قطع في الوكاله قبل اطلع للتشليح وذلك لمقارنة الأسعار لأنني وبكل اسف وجدت بعض العماله هناك عرب وغير عرب يحلف بالله ان سعره بالوكاله بكذا وهو غير صادق اطلاقاً ومبالغ فيما يقول فمثلاً قطعه بالوكاله قيمتها 320 ريال وجدته في التشليح تتراوح من 350 الى 600 ريال ومن يبيعه ب600 ريال يقول: انها بالوكاله ب1000 ريال !!!! ويقول لي: أنني سبق وان بعت اكثر من وحده بهذا السعر !!!! وقطعه اخرى قيمتها بالوكاله ب49 ريال موجوده بالتشليح ب70 ريال ويشهد الله لم أجد لديهم ما يغري الزبون ليشتري وخصوصاَ أنني مريت وكالة تويوتا قبل زيارتهم للإطلاع على الاسعار.


2- بعض العماله هناك يقنعك بإن القطعه غير متوفره وهذا سبب ارتفاعها وهي متوفره بالوكاله بشكل كبير وحين رددت عليه
وقلت: له لو تبي 100 منها اجيب لك
قال: لا عندي رح أشتر انت


وهذا ما يدل على ان هناك تلاعب وخداع فلابد من التأكد قبل الذهاب لشراء اي قطعه ..


3- على ما اظن انه لايوجد مكينة صراف مع انني لم اقم بشراء اي شيئ من هناك ولكن حين كنت أتجول هناك ما صادفتني اي مكينة سحب والمكان شبه بعيد واذا كان يوجد فإنني لست متاكد ولكنني لفيت هناك بحدوو ساعتين ونص ما صادفني اي صراف....


4- سيطره كامله من العماله(بنغاليه ,يمنيه,سودانيه) فلا يوجد مواطن هناك الا انا وزبون اخر صادفته في احد التشاليح قديعود السبب لذهابي مبكراً على الساعه الثامنه صباحاً ولكن بالفعل حسيت بغربه ودورت جوازي وانا راجع :D



اتوقع الرخص يكون في القطع الكبيره (مكينه, قير , دفرنس ) مع العلم أنني لم اسأل عنها ولكن توقع وذلك بسبب قيمتها الكبيره وحرص الزبائن على السؤال عنها في الوكاله اما الكماليات من اصطبات وزجاج وربلات ومكملات داخليه وشمعات وشبوك فهي غاليه جداَ هناك :f


هذي خلاصة زيارتي أحببت ان انقلها لكم من هناك


تقبلو تحياتي

[][ســهم][]

يعطيك العافية اخوي شقران نجد

كلامك صحيح اسعارهم اغلى من الوكالة

وخصوصا الكاماليات والأكسسوارات

[صاحب نوماس]

الله لايهينك

[ماء السحاب]

مشكور اخوي على الإفاده

[wrs3975]

شكرا وبارك الله فيك

[ابو العز بلس]

وعليكم السلام ورحمة الله وبركاته


اشكرك على كتابة مثل هذا الموضوع

فعلا اسعار القطع اغلى من الوكالة وفيه تلاعب واضح عندهم

[عبدالرحمن السالم]

وعليكم السلام والرحمه
صحيح والله ، بس والله فيه اشياء تحصلها عندهم ماهي موجوده بالوكاله ، والشكوي لله وانا اخوك
والله يكفينا شرهم هالبنقال يسرقون السيارات ويفككونهن ويالله دور سيارتك بين هالقطع
الله يجزاك الخير ولاتشوف مكروه يارب

[راكب الشفر]

اللي مساعدهم عدم الوعي
وكذلك بعض قناعات البعض بان التشليح ارخص من الوكالة ومحلات قطع الغيار..!!!

عاد تصدق مرة كنت هناك مع واحد من الربع وقلت اسأل عن الاسعار
وطلعت أغلى من الوكالة يعني كمثال بلف تحصله بالوكالة 120 ريال جديد
تحصله عندهم 200 ريال وهذا بعد الخصم والمكاسر
بس فيه قطع تحصلها رخيييصه بشكل خيالي وكمثال
دورت اكزوز بالوكالة لقيته ينباع بفوق 2300 ريال طبعاً بدون القازقيت اللي قيمته 300 ريال
حصلته بالتشليح بقيمة 250 ريال وجديدة ونظيفة...!!!!!!
وترى السوق يحكمه الطلب
يعني يشوفون الطلب على ايش يرفعون قيمته وهكذا

[رفيع المقام]

أما النقطة الأولى

فأوافقك عليها وبقوة ، صار لي كذا موقف وتبين لي أن أسعار التشليح أغلى من الوكاله .

[عاشق المزون]

هلا اخواني فعلا بعض القطع تحصلها في التشليح اغلى من الوكالة بس فية نقطة مهمة الوكالة هل هي اصلية 100 في 100 ؟؟؟؟؟؟ انا ماصدق الوكالة ابدا ابدا خصوصا تايوتا والجمس هذا الى جربت بس مثل وكالة مرسيديس و Bmw مايقدر يغش اصل القطع نادرة هذي نقطة والنقطة الثانية كنت ادور على سماعات جمس دينالي كل ما حصلت يقول ما افكها ابيع الباب كامل يعني بعض القطع ماتباع لازم تشري معها شي ثاني وشكرا

[ولد وايل..]

كلام سليم والقطع أكثر بكثير من الوكالللله...


وما يمشي عليه الا اللي ا يعرف سعر الوكاله ويقتنع ان السعر في التشليح ارخص بدوون ما يتاكد...


وأذكر موضوع قبل تكلم عن ها النقطة...

والبلا من البنقال والهنود لهم محلات يشترون السيارة قطع
بسعر التراب اكرمك الله ياخذونها من التأمين ولا من باقي الحوادث ويبيعها عليك بأسعار مضاعفه..


أحد ها الهنود اللي يدرير ها العمال كان قبل جحلوط يبيع ويشري
يوم رحت من الفايت الا ابو الشباب معه نيسان مكسيما فل ابشن ولا يتحرك الا فيها ولا يكلمك ولا يتفاهم معك ما يشوفك الا بطرف عينه....


حبي الله ونعم الوكيل

[النتاوي]

تنبيه جيد الله يعطيك العافية

[فلاجكو]

مشكور على الطرح ...

[تنوم]

باختصار اي شي يدخل فيه الزول تخرب والله اننا منخدعين بها الزوله وهم اقذر ناس الله يكفينا شرهم

[أبوفرحان]

عز الله ان كلامك صحيح
والله يعطيك العاافية على التقرير

[satam1389]

وعليكم السلام ورحمة الله وبركاته


اشكرك على كتابة مثل هذا الموضوع

فعلا اسعار القطع اغلى من الوكالة وفيه تلاعب واضح عندهم

[NOYEB]

المفروض وزارة التجارة .. تتدخل في اسعار قطع تشليح السيارات وتكون هناك رقابة على اسعار قطع التشليح لضمان عدم رفع اسعارها عن نصف قيمة القطعة الجديده .
شكرا

[_دربيل_999]

اخوي العمالة الوافدة تتواجد في كل شبر من الارض وتتحرك بحرية مطلقة وتتلاعب بكل شيء ووين ماتروح في التشليح وفي الاسواق وفي كل مكان لابد لك من رؤية هذه العمالة الوافدة والتلاعب في الآسعار في كل مكان..

وفقك الله..

الروقي

[شقران نجد]

بارك الله في جميع من شارك وعلق وأضاف من عنده ,,,,

وللعلم يا أخواني ما دفعني لكتابة الموضوع هو انخداع الناس بان سعر التشليح رخيص بمعنى يروح ولا يسأل ومن ثم يشتري وهو مقتنع بانهم أرخص وهذا حسب ما فهمته من السوداني اللي هناك اجل يحلف لي انه بايع زجاجه ركنيه ب600 ريال اكثر من مره وهي بالوكاله ب320 وهذي ما فيها اصلي ولا لا وواضحه بطمغة الشركه ....المهم اني سحبت الجوال من جيبي ودقيت على الشركه وحطيت الاسبيكر وطلبت سعر نفس القطعه قالي الموضف ب320 وربي يا شباب قعد الزول يضحك ومشى وخلاني واقف !!!!

شكله يقول وش هالنشبه ولكن لابد من الوعي يا اخوان

[salehhd]

شكراً لك على التقرير الذي يحكي الواقع المر مع الاسف

بعض المحلات ترفع سعر القطع علشان نوع السيارة خاصة الالماني والاخرى علشان قلة انتشارها فيستغل هذه النقطة
نصيحة من المفترض ان تتبع وهي انك ماتتوجة للتشليح قبل سؤال الوكيل ومحلات قطع الغيار عن السعر ولاتنسى انك راح تشتري قطعة مستعملة ومستهلكه

[ابوطاقية]

الله يجزاك خير على الموضوع الثرى بالمعلومات
فعلا يوجد غش وخداع بالتشليح ويوجد قطع تجاريه يتم ابدالها ويوجد مكاين يتم توضيبها وبيعها بالتشليح وهي رجيع
لاتذهب للتشليح الا بعد الحصول على الاسعار من الوكيل كذلك لاتشترى اي قطعه من التشليح الا ان تفك من السياره المصدومه امامك وخاصه القطع الميكانيكيه
احرص على تفقد القطعه بان لاتكون تجاريه

[شقران نجد]

شكراً لك على التقرير الذي يحكي الواقع المر مع الاسف

بعض المحلات ترفع سعر القطع علشان نوع السيارة خاصة الالماني والاخرى علشان قلة انتشارها فيستغل هذه النقطة
نصيحة من المفترض ان تتبع وهي انك ماتتوجة للتشليح قبل سؤال الوكيل ومحلات قطع الغيار عن السعر ولاتنسى انك راح تشتري قطعة مستعملة ومستهلكه


حياك الله اخي الحبيب صدقني يالغالي سيارات شعبيه كامري وهايلكس واف جي وغيره يتعاملون بها بنفس الطريقه اللتي ذكرت فلذلك وجب الحذر يا أخوان بالعربي أحمي نفسك فوالله لن يحميك بعد الله من هذا الغش والخداع الا حرصك واهتمامك ولا تعول على وزارة الرز كثيراَ قصدي وزارة زينل :D

[شقران نجد]

الله يجزاك خير على الموضوع الثرى بالمعلومات
فعلا يوجد غش وخداع بالتشليح ويوجد قطع تجاريه يتم ابدالها ويوجد مكاين يتم توضيبها وبيعها بالتشليح وهي رجيع
لاتذهب للتشليح الا بعد الحصول على الاسعار من الوكيل كذلك لاتشترى اي قطعه من التشليح الا ان تفك من السياره المصدومه امامك وخاصه القطع الميكانيكيه
احرص على تفقد القطعه بان لاتكون تجاريه


حياك الله ياالغالي وفعلاً ما كتبته انت ذهب في ذهب وهو ما يحصل بكل اسف يوظبون ويبيعون وتوظيب اي كلام بعد اهم شي من وين يجي هالريال وبأسرع وقت

[أبوياسر74]

أنا لما أشوف واحد سعودي يبيع في التشليح

لايمكن اسأله غلاوية بشكل فضيع ويبون الثراء في أقرب فرصة

مرة دورت على قير نيسان وانيت وجيت محل فيه الظاهر قصيمي قلت كم قال 5000 ريال

ورحت أدور وأخذته ب 2500 ريال وماشي له كم سنة ولله الحمد

مرة دورت راديو يوكون لقيت واحد قال سعره 1200 ريال

دورت حصلت ب 300 ريال

يعني لاترضخ لأول واحد دور وعليك بالتشليح البعيد عن الشارع الرئيسي

يعني تقدم جهة الغرب يكون الطمع اقل ويتشفقون الزبون

[faisal1111]

صحيح اشياء كثيرة نلاقيها عندهم اغلا ولي تجربة ايام ماكان عندي اللانسر ميتسوبيشي حصل حادث وانكسر الصدام الخلفي
المهم رحت الى الحائرة التشاليح وبحثت عن صدام حق اللانسر وفي الاخير حصلت صدام نفس الماركة بس فييه تخييط بالحديد المهم قلت للسوداني كم تبيعه قال اخر شي 150 ريال قلت له في الوكاله كم سعره قال اكثر من خمسمائة ريال حاولت معه ان اشريه ب 130 رفض وانا طنشت ورحت الصناعية حصل محل يبيع قطع غيار ميتسوبيشي قلت لابو يمن كم سعر الصدام الخلفي للانسر موديل 93 قال ب 60 ومستعد اعمل لك خصم 10 يعني ب 50 استغربت وقلت له تمزح قال تبيه اجيبه لك الان قلت هات واحد بعد دقيقتين من دخولة المستودع واشوفه محمل الصدام الخلفي المهم ركبته وحمدت ربي انني هربت من السوداني وهذه نبذه عن تشليح الحائر ومثل ماقال الان شقران نجد ان مافيه زبائن لانهم حراميه ولصوص

[MUZAH100]

كلامك عين الصواب

[الكيان]

التشاليح سرقة في سرقة

اتمنى الغاء فكرة التشاليح

[ابو طلال8666]

ما فية شك اخوي شقران نجدولا يهينون الشباب ضحك على المسلمين رحت لم التشليح ابي ادورلي تحضيرة جمس بهبهاني لقيته 1200 شريتة الى شعرة مع العلم انه جربانة وظاربة الصدى من كل حدة ويطري علي السليماني ودق عليه قلتله بكم قال 550 مع التركيب 500 بدون

[شقران نجد]

أنا لما أشوف واحد سعودي يبيع في التشليح

لايمكن اسأله غلاوية بشكل فضيع ويبون الثراء في أقرب فرصة

مرة دورت على قير نيسان وانيت وجيت محل فيه الظاهر قصيمي قلت كم قال 5000 ريال

ورحت أدور وأخذته ب 2500 ريال وماشي له كم سنة ولله الحمد

مرة دورت راديو يوكون لقيت واحد قال سعره 1200 ريال

دورت حصلت ب 300 ريال

يعني لاترضخ لأول واحد دور وعليك بالتشليح البعيد عن الشارع الرئيسي

يعني تقدم جهة الغرب يكون الطمع اقل ويتشفقون الزبون



انا ما شفت سعودي يبيع ما اشوف الا اجانب وودهم يتنهاشوني تحس ودهم يشلحونك حتى ملابسك الله يجيرك

[شقران نجد]

صحيح اشياء كثيرة نلاقيها عندهم اغلا ولي تجربة ايام ماكان عندي اللانسر ميتسوبيشي حصل حادث وانكسر الصدام الخلفي
المهم رحت الى الحائرة التشاليح وبحثت عن صدام حق اللانسر وفي الاخير حصلت صدام نفس الماركة بس فييه تخييط بالحديد المهم قلت للسوداني كم تبيعه قال اخر شي 150 ريال قلت له في الوكاله كم سعره قال اكثر من خمسمائة ريال حاولت معه ان اشريه ب 130 رفض وانا طنشت ورحت الصناعية حصل محل يبيع قطع غيار ميتسوبيشي قلت لابو يمن كم سعر الصدام الخلفي للانسر موديل 93 قال ب 60 ومستعد اعمل لك خصم 10 يعني ب 50 استغربت وقلت له تمزح قال تبيه اجيبه لك الان قلت هات واحد بعد دقيقتين من دخولة المستودع واشوفه محمل الصدام الخلفي المهم ركبته وحمدت ربي انني هربت من السوداني وهذه نبذه عن تشليح الحائر ومثل ماقال الان شقران نجد ان مافيه زبائن لانهم حراميه ولصوص



:good2::good2::good2:

فكك الله يالغالي

[شقران نجد]

كلامك عين الصواب



جزاك الله خير :):)

[وين القطة؟]

يعطيك العافية

أنا مالي تجارب مع التشاليح من فترة طويلة

لكن خذها قاعدة في مثل هالمحلات اللي زي كذا ..

أي سعر يقوله لك أكسره للنصف وأكثر وبتلاقيه يركض وراك لو تركته

[abo tariq]

رحت ادور دينمو فورد 97
الاسعار من 300 ريال الى 600 ريال

سعره موتر كرافت الاصلي مع الضمان من الوكالة 450 ريال
والمعاد تصنيعه في امريكا 250 ريال واخذته وزي العسل

اما التشليح يعطيك بــ350 ريال ويمكن يكون تجاري بعد

[شقران نجد]

التشاليح سرقة في سرقة

اتمنى الغاء فكرة التشاليح


والله كنت اتوقع انها بديل لغلاء القطع لدى الوكيل ولكن انطبق المثل اللي يقول: (هجينا من القوم وتحطنا بالسريه ) ولا اللي يقول: ( ما أخس من قديد الا عسفان ) شف عاد اللي يظبط معك;)

[شقران نجد]

ما فية شك اخوي شقران نجدولا يهينون الشباب ضحك على المسلمين رحت لم التشليح ابي ادورلي تحضيرة جمس بهبهاني لقيته 1200 شريتة الى شعرة مع العلم انه جربانة وظاربة الصدى من كل حدة ويطري علي السليماني ودق عليه قلتله بكم قال 550 مع التركيب 500 بدون



ولا تهون يالغالي وزين انك سألت ولا كان انت وابو 1200 علوم على البهبهاني :good::good:

[شقران نجد]

اخوي العمالة الوافدة تتواجد في كل شبر من الارض وتتحرك بحرية مطلقة وتتلاعب بكل شيء ووين ماتروح في التشليح وفي الاسواق وفي كل مكان لابد لك من رؤية هذه العمالة الوافدة والتلاعب في الآسعار في كل مكان..




وفقك الله..



الروقي



صدقت اخوي والمشكله انهم يبحثون عن الربح السريع بأي شكل من الأشكال ما يهم من وين حلال حرام يضيع اللي يضيع ما يهم يموت اللي يموت مااااا يهم اهم شي ((فلوس من وين جيب))

[وسيـع البـنايد]

انا في التشليح قبل 10 أيام تقريباً ..

كنت أدور باب خلفي لـسيارتي ما أبي أسمكر اللي عندي
رحت أدور وأدخل على تشليخ متخصص في سيارتي بكم الباب ؟
قال : 2000 ريال بدون ديكور يعني قطعة صاج !!

المهم لفيت لفيت أقل شيء 1800 .. رحت للصناعية القديمة ودورت
حصلت باب سليم 100% وبدون سمكرة نظيف بـ 950 ريال

[أبو هاجوس2000]

الله يعطيك العافيه على هذا الموضوع الجيد .وفعلاً يجب الحذر من اصحاب التشاليح .لأن لا بد من أن يسأل الواحد عن القطعة في الوكاله اولا ثم عند الموزعين .ويقارن بين سعرهم وسعر التشليح .