لاندكروزر 2010 المراتب تقرقع

[الكظيم الاول]

مساء \صباح الخير على الجميع

ياخوان ابغى لحل لمن لديه الخبره

لا هنتو :good2:

المشكله هي : :mad: عندي جيب لاندكروزر 2010 جديد لاحظت صوت طقطقه او قرقعه في المراتب الخلفيه فقط عندما تكون مطويه او مرفوعه اما اذا كانت في وضعية الجلوس الصوت يختفي

تأكدت من ان المراتب راكبه كويس وفي المكان الصيحيح لها لكن الصوت مازال مستمر وهو يبان حتى وانا امشي على الازفلت

هل هذا ممكن نقول انه من عيوب السياره او ان فيه مشكله في سيارتي انا بس

مانستغني عن ارائكم

[من كبار تجار]

اخوي العزيز الله يبارك لك فية


والمراتب من الممكن تحط تحت الجلب قطعة اسفنج او قماش بحيث تنقفل بثقل وبتروح القرقعة إنشاء الله

[كم كيلو باقي]

الأمر بسيط وما يحتاج تضيق صدرك وانا اخوك

شدها زين بالماساكات العلوية .. ولا دبل لها رباط قماش ويلف على المساكات ثم يلصق بالشمع اللي يسمونه عاشق ومعشوق

واذا انت راعي طويلة .. شف المكان اللي تطق فيه وحط عليه قطعة سفنج صغيرة ولا مناديل


والله يهنيك بموترك ويبارك لك فيه ياااارب

[الكظيم الاول]

عزيزي من كبار تجار و كم كيلو باقي

لاهنتو على هالرأي السديد

بصراحه شي يفشل

انا مشتريه جديد عشان احط له اسفنج او قماش المفروض مافيه صوت ابد

وعلى فكره كان معي اول واحد موديل الفين والله مافيه هالصوت

سؤالي الحين

هل احد جرب هالصوت في مثل هالسياره ؟

وانا بتصرف ان شاءالله عاد اسفنج والا غيره

ههههه

الله يعين

[abuktab]

يالغالي انا كان مع ولد عمي جي اكس ار 2009 يقول اني اول ماطلعت من الوكالة لاحظت الصوت يقول رحت للوكالة قالوا يروح اصبر عليه .. قال يعني يزينه الجني مثلا وشلون يروح .. طلع وخلاهم ولقى سيارات العالم كله كذا .. فيبدوا انه خللل مصنعي .. والرجال باع الموتر الحين ..

[ملك الإحسآس]

ثبته بالمساكات اللي على الجوانب

[محمدالشقري]

ماشالله تبارك الرحمن

[محمدالشقري]

ماشالله تبارك الرحمن ون

[محمدالشقري]

ماشالله تبارك الرحمننىابتصثبىت

[محمدالشقري]

ماشالله تبارك الرحمن بسم الله لا اله الا الله

[محمدالشقري]

سبحان الله

[محمدالشقري]

اسف على الازعاج

[abumohammad99]

احتمال انه الحزام حق المرتبة الثالثة

تلقى له زي الشنكار بلاستيك دخله فيه وان شاء الله يروح الصوت..

[aboeyade]

لا تشغل بالك هذي عادي

أنا سيارتي تاهو 2008 وإذا رفعت المراتب يطلع لها أصوات خفيفة

الحل يا حبيبي إنك تحط المراتب بوضعية الجلو وتخليه وعلى ما أعتقد مو ضروري ترفع مساند الظهر

[.أبوعبدالرحمن]

أخي الكريم شد سبتة المشد اللي تعلق المرتبية بها وركب المشبك بالوضعية الصحيحة بالمساكات اللي موجود بالسقف وان شاء الله يرووح الصوت

عني أنا ركبت جي اكس 2008 ولا سمعت ذا الصوت

[الكظيم الاول]

شكرا لكم اخواني

سعدت بأرآئكم .

كثير من الاخوان يقولون ثبته كويس في المساكات اللي فوق

لا

هو مو مثل النظام القديم اللي يكون فيه حزام يربط بالمساكه اللي فوق المرتبه

ليته كذا

لكن فيه قفل في الجنب خلف القزازه الجانبيه الاخيره ( يعني في جوانب الموتر ) هو المشكله بصراحه

انا مادري عن 2008 و 2009 هل هو نفس النظام والا لا

انتظر احد يكون جرب مثل هالسياره

من غير قصور في مشاركاتكم لا هنتو

[باوزير]

نفس الصوت في Gxr 2009 فل من الكراسي الخلفية

[الكيان]

هذا اوله ينعاف تاليه

و بعه واشر غيره.

[عابر الموج]

اخوي انا معي 2009 ولاسمعت فيه اي شي الا مره سمعت للمراتب صوت بعد ماغسلت السياره ورجعت المراتب وقفلت عليهن بقوه وراح الصوت تقبل مروري

[الغلاء كله]

لا هذا عيب من الوكالة انا عند الوالد جيب2009 وفيه هذا الصوت وهو من خلل في الوكالة يعني عادي

وارجو اني افتك

[عاشق البانيلي]

لاتخاف
انا صارت معي المشكله
موتر الوالد 2010
ونفس مشكلك قرقعه عند المراتب الخلفيه
واكتشفت المشكله بعد عناء طويل
وهي ان الطقطقه من العفريته
تكون منفكه من مكانها وطقطق
وبسسسسسس
ولاحد يسب اللاند

[بوسعود70]

انا اعاني نفس المشكله ....2010

[aboeyade]

ولاحد يسب اللاند


ليه أخوي ما تبي أحد يسب اللاند

هل أنت صنعته , أو فيه أحد يقرب لك بالمصنع , أو لك أسهم بالشركة , أو صاحب وكالة تويوتا

؟؟؟؟؟؟؟؟

[المهااجر]

الله يهديه عبداللطيف جميل
حاط لكم من الصيني وتصدقوون انتوو
وراااه تقرقع ددسن هووووو
الله لو هو ددسن ماقرقعت

[التعـ King ـديل]

2010 لاند ويقرقع

هذا التماسك الي مزعجينا حقين التويوتا

مااقول الا الله يعينك وتخليها بوضع الجلوس وتفك نفسك

[بعيد الهقاوي6]

القرقعه هذي كان يشكي منها واحد من الربع معه جكسار 2010 ودخله الصيانه وقالو زيناه ويوم طلع الموتر والا نفس الصوت ماراح

ورجع يمهم ووقفو الموتر ثلاث ايام ولاحياة لمن تنادي بالاخير طلعه




يوم سالناه وش صار على الموتر قام يمزح علينا قال لقيت الحل اني احط سدادات اذن وافتك من الازعاج ههههههههههه

[ماجد28]

ماشالله تبارك الرحمن بسم الله لا اله الا الله

[مرووووق]

ياخي لا تقول التويوتا فيه عيب ممنوع
هالحين يجونك فرقه الدفاع عن تويوتا بقياده المحامي خليفه خلف خلفالله خلف خلاف المحامي وفرقته
وبيطلعون ان الصوت هذا ميزه وليس عيب وبيقولولك حط (مزعل الفرحان) :dواسمع ايقاع هذي مهب قرقعه هههه

[ساري 111]

احتمال المرتبه ماثبتت بالشكل الصحيح



يا ربع النيسان ياخوان استحو على انفسكم ماتصدقون تلقون زله عيب والله عيب (واللي بيته من زجاج لايرمي الناس بالحجر)
تبون نعاملكم بالمثل كل ماكتب واحد مشاكله نجلس نتشمت ماعندنا مشكله (بس خاف مايمدينا نلحق من كثر المشاكل والعيوب)
لكننا محترمينكم واذا طرح واحد مشكله بسيارات نيسان بحثنا له عن حلول واذا ماعندنا خلفيه ستنكا وماقعدنا نتشمت به ..

[أبو أسامة]

ساري 111

يا حبيب قلبي لا تزعل ولا تشيل على خاطرك ......... وأنتم يا شباب النيسان أعقلوا ولا واحد يجيب طاري التايوتا إلا بكل خير وتنزيه عن البشر وأخطائهم بالعربي كلش إلا زعل ساري ....... بس يا ساري ما كأنك أخطيت يوم قلت أنك إذا أحد طرح موضوع عن النيسان إنك تبحث على حل مشكلته اللي أعرفه أنك ما تسكت بل على العكس تقول أن مواتركم ما تسوى وتراها تيسان ..... لكن نرجع ونقول كلش إلا ساري 111 ..... بس حاول تحل مشكلة التايوتا الاند قبل لا تحل مشاكل النيسان .....

[ساري 111]

الله يهديك ياابو اسامه

اخر رد لي على مااعتقد على موضوع النفارا بخيمه الأعطال مشاكلها باديه وهي ماتعدت الـ 16 الف رح هناك شف ردودي ..
بالله لو موضوع النفارا هذا عن الهايلوكس ربعك وش يبي يسون ؟؟؟؟

الشي الثاني لو المسأله كبيره تستاهل التشمت كان عادي لكن وصل بالمتشمت العجز وماالقى يتشمت الابقرقعه مراتب صاحبها ماثبتها بالشكل الصحيح !!!
لو فرضنا انه مشكله فعلاً قطعه اسنفج وانتهى الموضوع

لكن ماالتفت لسيااره اذا مشيت بجلد تقول اللهم سلم سلم لايطيح علي الطبلون ولاتسمع خويك وش يقول من القربعه والقرقعه والكحه والعطاس من الغبار اللي يدخل ؟؟ >>هذي اللي وش يحله

[الكظيم الاول]

السلام عليكم

من انت ؟

انا صاحب الموضوع

طيب ؟ ؟

لا بس حسيت ان موضوعي اثار مشاكل وحزازيات بالضبط مثل حزازيات البواريد كلن يمدح سلعته


اخواني شكرا لكل من ساهم وابدى رأيه ووسعوا صدوركم وليكن همكم الاكبر هو خدمة اخوانكم اللي يستفسرون عن مشاكل تواجههم

اخوي عاشق البانيللي

مع ان الساعه 3 فجرا الا اني بطلع الحين اتأكد من العفريته مثبته والا لا

وباخذ لفه وبشوف

وياويلك لو ما تكون العفريته

هههههه

اتغشمر وياك

[الكظيم الاول]

عاشق البانيللي

للأسف ماطلع الصوت من العفريته

اخخخخخخ

وش الحل ؟

اغني ظلموه .....

والا .........

وينـــــكم يالمكـــــشاتيه

دلوني

[مجالس الرجال]

النيسان وما ادراك
يابن الحلال كان معي فتك 2009 ماشي 7000 الاف وكنت بالنفود ومع البطنجة اسمع المراتب
تقل معي طقاقات يطبلن

[التعـ King ـديل]

احتمال المرتبه ماثبتت بالشكل الصحيح



يا ربع النيسان ياخوان استحو على انفسكم ماتصدقون تلقون زله عيب والله عيب (واللي بيته من زجاج لايرمي الناس بالحجر)
تبون نعاملكم بالمثل كل ماكتب واحد مشاكله نجلس نتشمت ماعندنا مشكله (بس خاف مايمدينا نلحق من كثر المشاكل والعيوب)
لكننا محترمينكم واذا طرح واحد مشكله بسيارات نيسان بحثنا له عن حلول واذا ماعندنا خلفيه ستنكا وماقعدنا نتشمت به ..

من ضمن الردود اكثر من 3 مواتر فيها نفس المشكله هل معقول ياساري بن جميل ان كلهم ماثبتو المرتبه بس انت اللي تعرف تثبتها وتدور العذر؟

ولا تسوي قزاز وحجر واقتنع ان التيوتا راح وقته من عقب ال 97

[التعـ King ـديل]

الله يهديك ياابو اسامه

اخر رد لي على مااعتقد على موضوع النفارا بخيمه الأعطال مشاكلها باديه وهي ماتعدت الـ 16 الف رح هناك شف ردودي ..
بالله لو موضوع النفارا هذا عن الهايلوكس ربعك وش يبي يسون ؟؟؟؟

الشي الثاني لو المسأله كبيره تستاهل التشمت كان عادي لكن وصل بالمتشمت العجز وماالقى يتشمت الابقرقعه مراتب صاحبها ماثبتها بالشكل الصحيح !!!
لو فرضنا انه مشكله فعلاً قطعه اسنفج وانتهى الموضوع

لكن ماالتفت لسيااره اذا مشيت بجلد تقول اللهم سلم سلم لايطيح علي الطبلون ولاتسمع خويك وش يقول من القربعه والقرقعه والكحه والعطاس من الغبار اللي يدخل ؟؟ >>هذي اللي وش يحله

قطعه اسفنج هذا الحل برايك لموتر قيمته بمئات الالوف ؟

[التعـ King ـديل]

النيسان وما ادراك
يابن الحلال كان معي فتك 2009 ماشي 7000 الاف وكنت بالنفود ومع البطنجة اسمع المراتب
تقل معي طقاقات يطبلن

عاد هذي قوييييييييييه مرره .. اي موتر مع البطانيج يقربع ولا تبي تفهمني ان التويوتا مايتحرك بسم الله عليه ؟؟؟

ياشيخ مع احترامي لرايك هات لي موتر ثابت بالبطانيج ؟

[أطلال نجد]

الشروكي ثابت بالبطانيج

ما تسمع ألا قرقعة المواعين بسم الله عليه :p

[فاهم جداً]

وانا مريت من هنا




لا حظت كل واحد يدافع عن شركه واحد يدافع عن تويوتا وواحد يدافع عن نيسان



ياشباب إذا كان لكم نسبه من مبيعات السيارات علمونا نربحكـــم





^_^





امزح لاكن ياشباب ردو بدون تعصــب




ورمضــان كريم

[sameer_1798]

عاد هذي قوييييييييييه مرره .. اي موتر مع البطانيج يقربع ولا تبي تفهمني ان التويوتا مايتحرك بسم الله عليه ؟؟؟

ياشيخ مع احترامي لرايك هات لي موتر ثابت بالبطانيج ؟
وقسم بالله ياكان عندي هايلكس دفرنسين من الشكل القديم انه هادي جداً في اشد الطرق وعوره ولاتسمع له اي صوت لامكينه ولا قرنبع و كنت احوش الحجل جنب بعضه ولايحس بالسياره .:good:

http://www.mekshat.com/pix/upload02/images87/mk30962_uvs081112-001%20007_0001.jpg

أما الاند اللي معي الحين فيه جميع انواع الازعاج والتهربد سويت له تربيطات في احسن الورش ونفضت كل العضلات والجلد ولازالت الازعاجات موجوده حتى فقدة الامل في اصلاحه والان اسوي نفسي ماسمع شيء .:mad:

[ابوراشد04]

اسف على الازعاج

مبروك عليك الخمسين مشاركه

[مقلع الرمث]

الللي اعجبني بالموضوع وضحكت

الصفحه الاولى مشاركات محمد الشقري تنسييييييييييم لااابعد الحدود الرجال بوادي وهو بوادي

يقول مره مبروك ومره ماشاء ا لله ومره يقراء دعاء السفر الله يرجك يامحمد

[ابوصالح77]

ماشالله تبارك الرحمن ون


ماشالله تبارك الرحمننىابتصثبىت


ماشالله تبارك الرحمن بسم الله لا اله الا الله


سبحان الله


الللي اعجبني بالموضوع وضحكت

الصفحه الاولى مشاركات محمد الشقري تنسييييييييييم لااابعد الحدود الرجال بوادي وهو بوادي

يقول مره مبروك ومره ماشاء ا لله ومره يقراء دعاء السفر الله يرجك يامحمد
ههههههههههههههههه وانت صادق يا مقلع الرمث .


السلام عليكم

من انت ؟

انا صاحب الموضوع

طيب ؟ ؟

لا بس حسيت ان موضوعي اثار مشاكل وحزازيات بالضبط مثل حزازيات البواريد كلن يمدح سلعته


اخواني شكرا لكل من ساهم وابدى رأيه ووسعوا صدوركم وليكن همكم الاكبر هو خدمة اخوانكم اللي يستفسرون عن مشاكلهم


أرى أن الموضوع إنحرف عن مضمونه بالتعصب (وما رديتوا على أخونا )
جربت النيسان والفورد والتايوتا والشروكي والدودج والكاديك والمازدا والجمس
كل السيارات مثل ما فيهن مميزات فيهن عيوب .
أغلى الحلال اللي عن الناس مغنيك
يقول بركات الشريف :
احفظ دبشك اللي عن الناس مغنيك *** لو هوشوي ما حصل لك دبش ذاك

[عاشق السيل]

أيوااااااااااهـ بدت الهوشات بين نيسان وتويوتا وهذا اللي تعودناه بمواضيع مكشات :(

ياصاحب الموضوع لا يضيق صدرك كل السيارات الجديدة مليااااانة عيوب والحمد لله إنها جت على كذا ،، طبق اقتراحات الشباب وتنتهي المشكلة وعساها آخر المشاكل وألف مبروك الموتر الله يطعمك من خيره ويكفيك شره ....




ماشالله تبارك الرحمن


ماشالله تبارك الرحمن ون


ماشالله تبارك الرحمننىابتصثبىت


ماشالله تبارك الرحمن بسم الله لا اله الا الله


سبحان الله


اسف على الازعاج

الأخ شكله يجرب ميكرفون هههههههه أمزح :d

[الرجل الحجري]

حط قطعة بلاستيك بين الحديد

[التعـ King ـديل]

وقسم بالله ياكان عندي هايلكس دفرنسين من الشكل القديم انه هادي جداً في اشد الطرق وعوره ولاتسمع له اي صوت لامكينه ولا قرنبع و كنت احوش الحجل جنب بعضه ولايحس بالسياره .:good:

http://www.mekshat.com/pix/upload02/images87/mk30962_uvs081112-001%20007_0001.jpg

أما الاند اللي معي الحين فيه جميع انواع الازعاج والتهربد سويت له تربيطات في احسن الورش ونفضت كل العضلات والجلد ولازالت الازعاجات موجوده حتى فقدة الامل في اصلاحه والان اسوي نفسي ماسمع شيء .:mad:

كلامك يأكد كلامي ان التويوتا راح وقتها من بعد ال 97 تقريبا بدت العيوب والمشاكل

[sameer_1798]

كلامك يأكد كلامي ان التويوتا راح وقتها من بعد ال 97 تقريبا بدت العيوب والمشاكل
صحيح ياخوي ولكن الهايلكس اللي قصدته كان موديله 2000

[ابوصالح77]

الأخ شكله يجرب ميكرفون هههههههه أمزح :d
ههههههههههه الله يرجك ياعاشق السيل

[بعيد الهقاوي9]

معاي gxr2010نفس الحكايه ..بس انا اشوف انه عادي

[الليث الابيض]

الامر سهل
انا نفس المشكله عندي بالسياره واكثر من واحد من الشباب عندهم نفس المشكله
لاتضيق صدرك وخلها لين ربك يحلها
عافاك الله