رأيكم بــ (( الجنوط )) الصينية للباترول ؟؟

[سري القطا]

السلام عليكم ورحمة الله وبركاته


أحد الزملاء يريد أن يغير ( جنوط ) سيارته الباترول


ووجد السوق مليئة بالصينية الصنع , وهناك من يرغبه بها وآخرون يحذرونه منها


فما رأي من عنده خبره أو علم ؟ وجزاكم الله خير

[ابوطاقية]

انصحك بجنوط الباجيرو وهي مثلها بالظبط لاكن افضل حديد وتتحمل الاحمال الثقيله اما الصينيه فلاتركبها لانها سريعة الانعواج وخطيره على السرعات العاليه

[سري القطا]

جزاك الله خير أخي الكريم

ولكن هل جنوط " الباجيرو" تركب على " الباترول " ؟

[التعـ King ـديل]

انا مركبها نقشه نيسان مكحل في رمضان اللي طاف يعني قربت تكمل سنه ومشيت عليها تقريبا 50 الف كيلو

ولا احلا منها مع العلم ان اكثر مشاويري سفر

[ابو العز بلس]

وعليكم السلام ورحمة الله وبركاته


والله ياخي الغالي
الصيني في اي لحظة لاقدر الله ينكسر

[سري القطا]

الأخوة الكرام بارك الله فيكم

وجزاكم الله خير

[المميـز]

:

العالم يركبون الصيني وماشي معهم تمام ماشاء الله

توكل على الله وركب

:

[النتاوي]

لا تأخذ صيني في الأشياء الخطرة والاستهلاكية

لأنها ماهي راعية مكدة

رأي عام ولا أقصد الجنوط بذاتها لأن مالي خبره فيها

لكن جربت في إحدى سيارات إخواني (أوبترا _ شفر ) كل شهر يرصص الكفرات ويعدل الجنوط

[راكب الشفر]

نصيحتي لك ابعد عن الجنوط الصينية
في اي لحظة يبنشر كفرك يمكن ينكسر
غير انها تتعب بالرجه

وفيه واحد اعرفه تقلب بموتره جديد والسبب الجنوط كانت تجارية

وهذا موضوع واحد من الاعضاء كان مركب جنوط صينية وعلى باترول والحمدلله على سلامته
تكسر الجنط وماسوت عليه هالجنوط
http://mekshat.com/vb/showthread.php?t=297193 (http://mekshat.com/vb/showthread.php?t=297193)

وهذا صورة للجنط لما تكسر
http://direct99.com/up/uploads/12737575160.jpg

[راعي الطلعات]

الجنوط الصينيه حظك نصيبك

بس ان حصلت يابانيه مخروطه لو بألف وقيمتها في العاده من 900 ريال وفوق اشتر ولا تشاور بس احرص على سلامتها من العفوط

وبالتوفيق

[ساري 111]

اانحش عنه

ان سلمت من الطعج او الكسر مااسلمت من الرجه والغثاء

[باترول 4500]

وعليكم السلام والرحمة

انا مركب جنوط للباترول صينية له حوالي سنيتين كشتات وسفر والحمد لله إلى الآن تمام مافيها رجه ولا شي

[مكشات حبرص]

السلام عليكم انا مركب الصنيه وممتازه لي ثلاث سنين مكاشيت بربستمراروخطواط :good2:

[باترول.]

نصحتي خذلك اصلي احسن من تاخذ صيني

[مجنون باترول4800]

وش نوع الجنط يعين اذا تبي هلل مالك الا الصين ولا يغرك اويمن اذا قالك حقات بجيرو ترهن مايركبن عدال لزم يبرز الجنط
اما الكروووووووم هج عن الصيني وسلامك

[goold6060]

يقول الاول حط ريالك بالشمس يحطك بالظلال

[برق الوسيطاء]

انا ما ادري عنهن لكن مثل الجنوط ماودك تجرب شي فيه خطورة
عليك بالشي الدارج مع الناس ومعروف ومجرب لو كان اغلى

[ابوغزاي]

انحش ثم انحش لوتقعدبدون سيارة وتمشي على رجليك ولا تركب جنوط صينية 00اسال اخوك مجررررب ولاكن لطف وسترورحمة رب العالمين