للبيع رحله إلى شرم الشيخ مدة 7 أيام ..

[أنا عنيزاوي]

السلام عليكم ورحمة الله وبركاته


مساء الخير اخواني وجمعه مباركه على الجميع ..

إخواني أنا فزت بـ رحله إلى شرم الشيخ من شركة سياحيه معتمده من السياحه والآثار ..

طبعاً الرحله مدتها 7 أيام في فندق خمس نجوم ..

اللي فزت فيه هي الإقامه فقط شآمله خصم على الفطور والعشاء 40%

وللمعلوميه لك إلى ست أشخاص فقط


وأنا مالي رغبه بالروحه وحبيت أبيع الإيصال وعليه ختم رسمي من السياحه والآثار والشركة السياحيه

وصراحه مدري كم الاسعار هناك لكن البيع لأعلى سعر


ورجاءً لايسوم إلا الصامل

[ramii2010]

ماشاء الله الف مبروك الفوز اول شي
عندي سؤال اذا سمحت لي
هل بالايصال مده محدده لازم تسافر فيها ؟ يعني لو اسافر بعد عده اشهر فيه مشكله ؟
الايصال محدد فيه اسماء الاشخاص ؟
التذكره تشمل الاقامه بالفندق فقط ؟ ام مع تذاكر الطيران ؟
وربي ييسر لك البيعه الطيبه

[أنا عنيزاوي]

ماشاء الله الف مبروك الفوز اول شي
عندي سؤال اذا سمحت لي
هل بالايصال مده محدده لازم تسافر فيها ؟ يعني لو اسافر بعد عده اشهر فيه مشكله ؟
الايصال محدد فيه اسماء الاشخاص ؟
التذكره تشمل الاقامه بالفندق فقط ؟ ام مع تذاكر الطيران ؟
وربي ييسر لك البيعه الطيبه


الله يبارك فيك ..

المدة المحدده هي 18 شهر يعني سنه ونص

والإيصال مافيه أسماء محدده ولك من شخص لـ ست أشخاص فقط

لا ياغالي اقامه فقط التذاكر عليك .. سواء بر أو بحر أو جو ..

[ramii2010]

ماشاء الله شي طيب
طيب اسم الفندق مكتوب بالتذكره ؟ وايش اسم المكتب السياحي اللي ربحت منه؟
عشان ابشوف لهم فرع عندنا بتبوك او لا

[basel2222]

السلام عليكم
اخى الكريم هل الجائزة من شركات التايم شير
ما هو المكتب السياحي
ماهو اسم الفندق
هل الرحلة فقط سكن

[ابو ســــاره]

ـ انتبه يا غالي لا تتوهق ولا توهق غيرك
قبل فترة كنت في دبي وجاني اتصال ويقولون مبروك فزت باقامة بشرم الشيخ يوم رحنا لمهم صارو يبون سبع الاف اشتراك في برامج سياحيه رفضنا وقلنا وين الهدية بس ! عطونا الهدية بنفس شينة وهي نفس هديتك وحسيت انها نصبة عطيتها اخوي يوم راح لم مصر يدور الهدية. ضحكو عليه المصريين مفيش حاقة ببلاش يابيه. !

[ramii2010]

8
8

هذا اللي كنت خايف منه والله
لكن ننتظر اخونا صاحب الموضوع ويعطينا المعلومات اللي تضمن الجائزه انها متوفره وما فيها نصب

[MOHAMMED..]

اذا كان فوزك مثل فوزي فأنا فزت كم مره
مره فوزوني في منتجع في باريس وفي لندن وفي مصر ودبي
أكثر الشركات الي تقدم لك العروض كذابين ويدعون انهم معتمدين
ولكن أخي انا أتمنا لك الخير فقط انا ذكرت ماحصل
لي وان شاء الله يكون فالك الصدق بس لابد أن تسأل المنتجع الي عطوك فيه
هل لك أسم موجود ام لا عشان مايتوهق الي بيشتري منك وتقبل تحياتي

[ابرق المستوي]

اخوي متأكد أنها معتمده ؟؟
اذا كانت معتمده حقيقي انا شراي
اذكراسم الشركة السياحيه واسم الفندق

[مقلع الرمث]

هذول نصااابين والله نصابين وانتبه تبيعها على احد

حراميه هذي شركه يقولك مبروك انت فزت واذا جيت نشب بحلقلك يبي دراهمك

واذا ماحصل شي عطاك اورقه يقولك مده 18 شهر تعال اعطيك اياه ببلاش

[أنا عنيزاوي]

ماشاء الله شي طيب
طيب اسم الفندق مكتوب بالتذكره ؟ وايش اسم المكتب السياحي اللي ربحت منه؟
عشان ابشوف لهم فرع عندنا بتبوك او لا

لا ياغالي مكتوب فندق خمس نجوم والشركه متعاقده مع اكثر من فندق في شرم الشيخ و إسم الشركة .. ( شركةجنة الصفوه للخدمات الفندقيه )


السلام عليكم
اخى الكريم هل الجائزة من شركات التايم شير
ما هو المكتب السياحي
ماهو اسم الفندق
هل الرحلة فقط سكن

لا الجائزه من شركة سياحيه وهي مختصه بحجوزات الفنادق .. نعم الرحله إقامه فقط مع خصم 40% على الفطور و العشاء


ـ انتبه يا غالي لا تتوهق ولا توهق غيرك
قبل فترة كنت في دبي وجاني اتصال ويقولون مبروك فزت باقامة بشرم الشيخ يوم رحنا لمهم صارو يبون سبع الاف اشتراك في برامج سياحيه رفضنا وقلنا وين الهدية بس ! عطونا الهدية بنفس شينة وهي نفس هديتك وحسيت انها نصبة عطيتها اخوي يوم راح لم مصر يدور الهدية. ضحكو عليه المصريين مفيش حاقة ببلاش يابيه. !

والله يابعدي مدري عنهم إذا هم نفس اللي عطوك أو لا ..! لكن ماراح أبيعها إلا وأنا متأكد إنها صحيحه




اذا كان فوزك مثل فوزي فأنا فزت كم مره

مره فوزوني في منتجع في باريس وفي لندن وفي مصر ودبي
أكثر الشركات الي تقدم لك العروض كذابين ويدعون انهم معتمدين
ولكن أخي انا أتمنا لك الخير فقط انا ذكرت ماحصل
لي وان شاء الله يكون فالك الصدق بس لابد أن تسأل المنتجع الي عطوك فيه

هل لك أسم موجود ام لا عشان مايتوهق الي بيشتري منك وتقبل تحياتي



هذا اللي بيصير ماراح أبيع شي إلا وأنا متأكد .. ولك ألف شكر على التنبيه ياغالي



اخوي متأكد أنها معتمده ؟؟
اذا كانت معتمده حقيقي انا شراي
اذكراسم الشركة السياحيه واسم الفندق

مثل ما أنا متأكد إني أرد عليك ( الهيئه العليا للسياحه والآثار ) .. الهديه كانت عن وجبة عشاء بـ أفخم مطاعم جده + الرحله هذي .. أنا رحت لم المطعم ولكن الرحله ماتخارجن لأني ما أحب مصر .. وإذا بغيت السجل التجاري حق الشركة أو موقعهم أو أرقامهم أبشر بسعدك


هذول نصااابين والله نصابين وانتبه تبيعها على احد

حراميه هذي شركه يقولك مبروك انت فزت واذا جيت نشب بحلقلك يبي دراهمك

واذا ماحصل شي عطاك اورقه يقولك مده 18 شهر تعال اعطيك اياه ببلاش

الله يجزاك خير على هالتنبيه وماقصرت ياغالي