باترول 2010

[hgrkhw]

السلام عليكم


بغيت اسالكم عن سعر الباترول 2010 الله لايهينكم واي افضل هو ولا الاندكروز2010

[راعي النياسين]

سعر الباترول يبدا من 170 وينتهي بـ240 الف

من ناحية من افضل هذي مدري عنها لكن الباترول افضل من ناحية المواصفات وقوة المكينه

والتجربه خير برهان ولو اني عارف انك اذا ركبت الباترول الجديد بتعوف باقي المواتر

[ابو العز بلس]

وعليكم السلام

ياخي اللاند اقوى تحمل ومايتفكك ويسمونه شيك لان قيمته فيه

اما الباترول خفيف النفس شوي بس يتفكك

[راعي النياسين]

وعليكم السلام

ياخي اللاند اقوى تحمل ومايتفكك ويسمونه شيك لان قيمته فيه

اما الباترول خفيف النفس شوي بس يتفكك

معليش يالغالي بس انت جربت الباترول 2010

وش دراك انه خفيف نفس ؟

وش دراك انه يتفكك ؟ حتى لو جربته ماتقدر تحكم عليه في شهرين :d;)

[ذيب عالية نجد]

وعليكم السلام

ياخي اللاند اقوى تحمل ومايتفكك ويسمونه شيك لان قيمته فيه

اما الباترول خفيف النفس شوي بس يتفكك
نعم أخي أنا معك أنه يتفكك لكن هذا الموديلات القديمة لكن من 98 وفوق تغير وأصبح أقوى تحمل
أما مسألة التايوتا شيك فهذه دعاية غير صحيحة أذاعها أبو جميل من زمان ورح للمعارض وتعرف
ولصاحب الموضوع مالك إلا التجربة وعلى كل كل سيارة أحسن من الثانية

[ابو العز بلس]

بسم الله شوي وتاكلوني
على العموم المعروف عن النيسان سواء فتك او صني انه يفتكك بس مادري عن 2010 بس من طلعت النيسان وحنا عارفين هالشيء

اما مسكة سعر اللاند مو المقصد انك تشترية وكالة وتبيعه تبي تبيعه بنفس السعر اكيد اقل شيء بيطيح 2 او 10 الاف لكن الباترول كم بيطيح منه؟؟؟

[ساري 111]

الباترول تاريخه معروف بالغثاء ودبله الكبد

الجديد الى الأن لم يتضح شي والأقبال عليه ضعيف رغم العروض المغريه جداً

اذا تبي راحه الراس والبعد عن المشاكل لاتعدى لاندكروزر

[عاشق البانيلي]

كن تبي شوري عليك باللاند

[hgrkhw]

اخوي حيدون جربت باترول 2010 ؟
من كلامك يقول لا ماجربته

[hgrkhw]

مشكورين على تفاعلكم الرائع مع الموضوع

[hgrkhw]

اخوي ساري111
القبال ضعيف على الباترول 2010 لغلا سعره تقريبا المطنوخ جيب لكززس واللي على قد حاله الاند احسنله

[زوم]

وعليكم السلام ورحمة الله سعر الباترول يبدا من 170 الى 240 الف الباترول افضل موصفات
ومكينه من للاندكروزر لكن عيبه الوحيد ان الوكيل فاشل في توفير قطع الغيار

[bn_501]

انا اقول اصبر للـ 2011

والي يقول يتفكك انت قديم

وحلات الباترول لامنك سمعت صوت الباب والاستبنه يرجن وهـ بس

الباترول الجديد اتوقع موب مثل اول

صناعته تطورت اتوقع كل السلبيات الي في 2009 وحتى 70 الي عرفناه اختفت

[بعيد الهقاوي6]

انا اشوف الباترول افضل من اللاندكروزر


انت استخير والله يكتب لك اللي فيه الخير لك سواء باترول او لاند

[حب لاينتهي]

نعم أخي أنا معك أنه يتفكك لكن هذا الموديلات القديمة لكن من 98 وفوق تغير وأصبح أقوى تحمل
أما مسألة التايوتا شيك فهذه دعاية غير صحيحة أذاعها أبو جميل من زمان ورح للمعارض وتعرف
ولصاحب الموضوع مالك إلا التجربة وعلى كل كل سيارة أحسن من الثانية


كلامك صحيح

انا كان معي باترول 98جلس معي 10سنوات

ولابعد ربطته ابد ولاتفكك

ومن ناحية الدبل مابه ازين من وياكثر ماسحبت العالم من الشعبان ولا ظره

[ذيب عالية نجد]

بسم الله شوي وتاكلوني
على العموم المعروف عن النيسان سواء فتك او صني انه يفتكك بس مادري عن 2010 بس من طلعت النيسان وحنا عارفين هالشيء

اما مسكة سعر اللاند مو المقصد انك تشترية وكالة وتبيعه تبي تبيعه بنفس السعر اكيد اقل شيء بيطيح 2 او 10 الاف لكن الباترول كم بيطيح منه؟؟؟
أخوي أترك عني المعروف عن النيسان نحن هنا نتكلم من واقع إستعمال للسيارة
أما مسألة يطيح من 2أو 10الآف إذهب للمعارض و تأكد من معلوماتك أخي

[ذيب عالية نجد]

الباترول تاريخه معروف بالغثاء ودبله الكبد

الجديد الى الأن لم يتضح شي والأقبال عليه ضعيف رغم العروض المغريه جداً

اذا تبي راحه الراس والبعد عن المشاكل لاتعدى لاندكروزر
أخي ساري هل أنت متأكد من أن تاريخ الباترول معروف بالغثاء ودبلة الكبد
طيب فسّر لي سبب إنتشاره في دول الخليج وخصوصاً السعودية هل لإنه معروف بالغثاء ودبلة الكبد
أرجوا من صاحب الموضوع كما أسلفت تجربة السيارتين لإنهما من أفضل سيارات الدفع الرباعي ولا يلتفت لمثل هذه الردود التي تبين ميول أصحابها وتعصبهم لفئة معينة
وفي الأخير الله يعطيك من خير أي السيارتين ويكفيك شرها

[التميمي 20]

بسم الله شوي وتاكلوني
على العموم المعروف عن النيسان سواء فتك او صني انه يفتكك بس مادري عن 2010 بس من طلعت النيسان وحنا عارفين هالشيء

اما مسكة سعر اللاند مو المقصد انك تشترية وكالة وتبيعه تبي تبيعه بنفس السعر اكيد اقل شيء بيطيح 2 او 10 الاف لكن الباترول كم بيطيح منه؟؟؟

معلومات قديمة جدا ... مع كامل احترامي .

اخواني طلعوا بسنة واحدة سيارتين ..

1- vxr ب 168000 ريال
2- باترول sgl ب 93000 ريال وبعد 3 سنوات ...

انباعين السيارتين


1- اللاند 95000 ريال
2- الباترول 69000 ريال
اترك لكم التعليق ...

بالنسبة للجديد عندنا اثنين

فكسار 260000 وباترول 240000

الافضلية المطلقة للباترول ...

[ساري 111]

أخي ساري هل أنت متأكد من أن تاريخ الباترول معروف بالغثاء ودبلة الكبد

ببالك اتكلم عن شي وانا ماجربته ؟؟


طيب فسّر لي سبب إنتشاره في دول الخليج وخصوصاً السعودية

السبب ياطويل العمر سعره زين كد اخذنا 2002 اس جي ال 4800 مكيفين ثلاجه تماتيك فوق الـ 90 شوي وكان بالفتره ذيك انس تأخذ التويوتا بنفس الموصفات إلابفرق فوق 30 الف
والدليل يوم طار سعره فوق صرنا مانشوفه





1- vxr ب 168000 ريال
2- باترول sgl ب 93000 ريال وبعد 3 سنوات ...

انباعين السيارتين


1- اللاند 95000 ريال
2- الباترول 69000 ريال


مقارنه غير عادله بالبدايه ليش ماقلت فكس ار وسوبر سفاري
او قلت اس جي ال وجي اكس ؟؟

خبرك الفل كامل غالباً تصير طيحته اشد

واذا قلنا مثل ماقلت ثلاث سنوات يعني تقصد موديل 2007
فكس ار موديل 2007 النظيف ماينزل عن الـ 150 الف
والباترول سوبر سفاري كم كان قيمته جديد قبل ثلاث سنوات وكم قيمته الأن بالمعارض ؟؟

[ftc]

السلام عليكم
يااخوان كبرو عقولكم عن التطفل هاذي سوالفنا يوم حنا بزارين
الفتك ازين من الهدد اوالهدد ازين من الفتك اختر الاجابه الصحيحه
خلاص يكفي تراكم كبار مستوى عقولكم اكبر من كذا هاذا ألي ضيعنا
شف الغرب تقدموا وحنا فتك اوهدد :(
تقبلو مروري

[سالم11]

يا الله ملينا وفاحت كبودنا من سالفة الاند والباترول

كان فلوسك واجد خذ جيب لكزس ازين من الجميع

[t505]

السلام عليكم
حسب ما وصلني ان الباترول سعره يقارب 225الف ريال سعودي
ومن ناحية الافضل
الباترول فيه ميزات رفاهيه اكثر من الاند وحتى انه غطى على جيب الكسز 750 من ناحية المواصافات
بس انا الي اشوفه انا كل هاذي دعايه للموتر وا اشياء غير مطلوبه الباترول شكل وليسى استخدام

مثل الرنج روفر شكل بس غير مريح
ونا اشوف ان الاند من 2008 الى 2010 صار شكل احسن وا قوه افضل وا يكفيك انه معروف بالسوق وا سعره ما يتغير
وا اكبر دليل ان الاند 2007 يقارب لقيمة 2009 جديد

هاذي وجهة نضري ونشالله اكون افد تكم
اخوكم t505

[ماجد28]

لاند كروزر قوي ويتحمل معنا لاند مديل 2000 ماشي 500الف ولا فكت مكينتة
ما شاء الله

[أطلال نجد]

:j
نعم أخي أنا معك أنه يتفكك لكن هذا الموديلات القديمة لكن من 98 وفوق تغير وأصبح أقوى تحمل
أما مسألة التايوتا شيك فهذه دعاية غير صحيحة أذاعها أبو جميل من زمان ورح للمعارض وتعرف
ولصاحب الموضوع مالك إلا التجربة وعلى كل كل سيارة أحسن من الثانية

جربت الباترول 98 / 2000

ما فيه أحلى منها في التفكك :j

[ابن عكاش]

ببالك اتكلم عن شي وانا ماجربته ؟؟



السبب ياطويل العمر سعره زين كد اخذنا 2002 اس جي ال 4800 مكيفين ثلاجه تماتيك فوق الـ 90 شوي وكان بالفتره ذيك انس تأخذ التويوتا بنفس الموصفات إلابفرق فوق 30 الف
والدليل يوم طار سعره فوق صرنا مانشوفه





مقارنه غير عادله بالبدايه ليش ماقلت فكس ار وسوبر سفاري
او قلت اس جي ال وجي اكس ؟؟

خبرك الفل كامل غالباً تصير طيحته اشد

واذا قلنا مثل ماقلت ثلاث سنوات يعني تقصد موديل 2007
فكس ار موديل 2007 النظيف ماينزل عن الـ 150 الف
والباترول سوبر سفاري كم كان قيمته جديد قبل ثلاث سنوات وكم قيمته الأن بالمعارض ؟؟

كلام سليم :good2:

[سفاري959]

ياخي وش جاب الثرى للثريا ما فيه مقارنه الباترول الجديد افضل بكثير وش تبي في موتر تشتريه بمبلغ وقدره عشان يقال انك راكب الموتر الفلاني واخرتها ثقل طينه واللهم لك الحمد يجيك واحد بهايلكس ويشلخك انت وابو كم الف رح عاد خل المهايطيه الي يطبلون لك ينفعونك اللاند الجديد فاشل بشهاده ناس حقين تايوتا والي يقول الباترول سبب انتشاره رخص سعره ياخي لا تناقض نفسك ليش ما خذوا باجيروا ارخص من الباترول بعد وبعدين اذا الباترول مشهور بتاريخه يا الشايب ابو 90 سنه شف اكثر استخدام في الراليات والتطعيس والترهيم عمرك شفت لاند لو قديم في رالي ربع وشاص في رالي حايل ولا افلحت هل هذا دليل ان الباترول تاريخه مشهود له بالعطالات اقول الله يعينك على نفسك بس

[عبدالرحمن1980]

ياخي وش جاب الثرى للثريا ما فيه مقارنه الباترول الجديد افضل بكثير وش تبي في موتر تشتريه بمبلغ وقدره عشان يقال انك راكب الموتر الفلاني واخرتها ثقل طينه واللهم لك الحمد يجيك واحد بهايلكس ويشلخك انت وابو كم الف رح عاد خل المهايطيه الي يطبلون لك ينفعونك اللاند الجديد فاشل بشهاده ناس حقين تايوتا والي يقول الباترول سبب انتشاره رخص سعره ياخي لا تناقض نفسك ليش ما خذوا باجيروا ارخص من الباترول بعد وبعدين اذا الباترول مشهور بتاريخه يا الشايب ابو 90 سنه شف اكثر استخدام في الراليات والتطعيس والترهيم عمرك شفت لاند لو قديم في رالي ربع وشاص في رالي حايل ولا افلحت هل هذا دليل ان الباترول تاريخه مشهود له بالعطالات اقول الله يعينك على نفسك بس

يا اخي انت تناقض نفسك تقول ان الباترول ثقل طينه ثم تمدح فيه اثبت على كلمه وحده
علشان يكون في علمك انا احب الباترول واللاند مع بعض علشان ماتقول حاقد على الباترول

[الصقري2000]

اخي في الله
انا ما ارى انك تنزل موضوع للاستفسار بين الموترين
للاسباب التاليه:
1-الحزازيه التي تكون بين الاعضاء
2- ان الموضوع كرر اكثر من مره
3-لن تستطيع الاختيار بسب كثرة الاراء المزعجه
..............
رأي لك :
1- البحث في الانترنت عن كلا الموترين في المواصفات والمقاييس
2-الذهاب للوكالتين
3-تجرب كل موتر يوم اويومين (طبعا من محلات التاجير ان وجدت)
4- ان تنضر ال ما ترتاح وتطيب به نهفسك
5-ان تنضر الى مبلغ السياره التي تريد ان تشتريها (تستاهل هالمبلغ ولا ما تستاهل؟)
6- اخيرا ((الاستخاره)) وهي الاهم في كل شي
.........................
ارجو ان اكون افدتك
........
دمت بود
..........
اخوك
الصقر الاشقر

[خيم الصمت ...]

النيسان فاشل بجميع الموديلات :fواللاند هو اكنق بلا منازع:l

[رآعي الددسن]

انا جربت باترول 2000 و 99 و 2004 فتك ولاند 2002 ولاند 2004 والله العضيم ان الاند يتفكك اكثر من الباترول والي يقولك الباترول يتفكك ماعنده سنع اسأل مجرب بما اني بتله بالمعارض احب انوع بالمواتر اما الباترول الجديد
مواصفات خياليه ودي اشريلي واحد بس الدراهم(؛ اما مقارنه بالاند اتوقع ان الباترول ارسى بالخط واقوى بالنفود ولا فرق
واقوى مكينه طلعته نيسان الباترول الجديد والاند نفس الكلام قوي نفود لاكن ماعندي علم هل هو متماسك ولا رخو

لاكن اذا تبي نصيحه اخو خذلك لاند لانك لو شريته ب 170 بتبيعه بعد 5 سنين ب100 او 110 اما الباترول للأسف يطيح سعره والدليل رح شف الباترول الفل كامل 2004 كم سعره 70 اذا طق اما الاند 2004 80 بالراحه لا وبعد سياحي ماهوب فل مثل الباترول

اختصرها لك

الباترول اقوى من الاند لاكن مايمسك سعره الاند يمسك سعره

[آبونآصر]

ياخوي استخر واشتره

والتجربه خير برهان

فيه ناس كثير جربوه وجاز لهم [بس كلن ورايه]

اما السعر مثل ماقال اخونا راعي النياسين من 170 إلى 240 الفل

اما vip بـ 280 بس مانيب متأكد

واللي بـ 170 يجي 320 حصان والباقي والله اعلم 400 حصان اما الفل اكيد

بس اخبر 2009 وتحت يمكن إلى 2006 تصرف صرف [انا ماجربته بسس هذا كلام الناس اللي جربوه]

بس استخر وتوكل على الله

هذا شوري عليك

واللي يعجبك خذه

بالتوفيق

[سفاري959]

يا اخي انت تناقض نفسك تقول ان الباترول ثقل طينه ثم تمدح فيه اثبت على كلمه وحده
علشان يكون في علمك انا احب الباترول واللاند مع بعض علشان ماتقول حاقد على الباترول

اخي الكريم اقر الموضوع صح انا اقصد اللاند اللي ثقيل طينه لو قلت الباترول ثقيل طينه ناقضت نفسي ولا احد صدقني لأن الباترول مشهود له بالقوه والخفه تقبل تحياتي

[السليطين]

الباترول تاريخه معروف بالغثاء ودبله الكبد

الجديد الى الأن لم يتضح شي والأقبال عليه ضعيف رغم العروض المغريه جداً

اذا تبي راحه الراس والبعد عن المشاكل لاتعدى لاندكروزر


والله وانا اخوك ياساري .. كلامك مادخل مخي ... معليش لاتزعل .

ياخي انا عكسك تماما .... انا ماارتحت من تهريب الزيوت والصوف وتكسير الكوارين وونه القير والسبايك . الا يوم تركت تويوتا ...

قد تكون تجربتي فيها غرابه شوي من وجهة نظرك . لكن هذا الحاصل . رغم اني كنت اعتبر تويوتا هي السياره الوحيده اللي تصبر .

اسمع كلام ان تويوتا صبور . وارى واقع غير المسموع .
بل بالعكس رايت سيارات اصبر من تويوتا بمراحل .

[Hwer]

اذا تبي القوة والمتانه وتوفر القطع وقلة الصيانه فخذ لاند
اذا تبي الرفاهيه وعدم توفر القطع وغلاء القطع خذ باترول
اذا تبي الرفاهيه وتوفر القطع ورخص القطع وصيانه ممتازه خذ كدلك اسكلاد ارخص من الباترول ب 50 الف

[سليمان القصيم]

لي اسبوع مشتريه باترول 2010 وسافرت فيه لقيال وخذت فية لفة الى الطائف ونعم الصديق توكل على الله أخي الغالي وسعرة دفعة أولى 119 الف و100 الف بعد 3 سنوات

[aassem34]

اذا كانك تبي الباترل اصبر سنة لين يدرج بالسوق وتنزل قطع الغيار

[fesl]

اناشاء الله افادوك الاخوان
وتحياتي لك

[محسن اليامي]

أرجوا من صاحب الموضوع كما أسلفت تجربة السيارتين لإنهما من أفضل سيارات الدفع الرباعي ولا يلتفت لمثل هذه الردود التي تبين ميول أصحابها وتعصبهم لفئة معينه

:good2::good2::good2: الكلام صفة للمتكلم وهذا هو الصحيح 100%

[زوم]

ياخوي استخر واشتره