هل هذا يعقل.... ؟ ام لا...؟

[عاشق المنغولي]

السلام عليكم ورحمة الله وبركاته
تحيه طيبه وبعد....
مساكم الله بالخير يا صقاقير مكشات كلن بسمه
الموضوع:
س1:هل الطير ألي قياسه 16في16 وأفي والا مثلوث؟


أنا في وجهة نظري ان قبل 10 سنوات ان الطير ألي مايتعدي ال16 مثلوث والحين ماشاءالله صار وافي .
س2:هل هذا الكلام يعقل ؟
أبي منكم الافاده والجواب على السؤالين ولكم مني فائق الاحترام.
وتقبلوا طرحي اخوكم:عاشق المنغولي

[راعي سنار]

وعليكم السلام ورحمة الله وبركاته:rبالنسبه لطير اللي 16في16 والمساله وجهة نضر يعتبر وافي مثاليث ولكن اذ كانت مقاطعة من كف وراس وفخذ وافيه فهوا يعتبر مغلطاني كما هو معروف بين الصقاقير والله يرزقك بالمنغولي الوافي الطيب :good:تحياتي

[طير الهقاوي]

الله يمسيك بالخير
المثلوث بين والوافي بين
مثل عين الشمس ماتقدر تقول انهاا قمر
يامسلم الكف والبوز يفرق عن كف وبوز الوافي
واما امور الاطوال فهي امور مستحدثه
هذا ماعندي لك
وتقبل مروري

[م العمعوم]

السلام عليك اخوي عاشق المنغولي
اول كان الطير 16 يقال عنه مثلوث وكل الصقاقير عارفين الشي هاذا
والسنين الاخيره هاذي يقال عنه تام من 16 وفوق وتكلم انا عن الوحوش بصفه عامه الحرار من 16 تام والشاهين البحر من 15 وفوق تامه
حسب ما تعارفو عليه الطواريح والشريطيه اللي يبيعون ويشترون
بطيور الوحوش ؟؟ هذا والله اعلم ومشكور اخوي وتقبل تحيااااااتي
اخوك ممدوح العمعوم

[ابوفهيدالسهلي]

السلام عليكم ورحمه الله وبركاته وشهر عليكم مبارك

السوال الاول 16فى 16قبل سنين مثلوث صحيح لنك تلقا بوزه وكفوفه قاصره ويسمونه وافى مثاليث وذا تم بوزه وكفوفه يسمى تام
وسوال الثانى اذاكان القصد غير هذا فلا يعقل

[ابوناصر السهلي]

افادوك الاخوان وعطوك العلم

[عاشق المنغولي]

الله يجزاكم خير على الردود الطيبه كلن بسمه وشكرا على كل من مر وعلق.

[@قرناص@]

ماقصرو الربع ,,

[عبدالرحمن 211]

السلام عليكم ورحمه الله وبركاته وشهر عليكم مبارك

السوال الاول 16فى 16قبل سنين مثلوث صحيح لنك تلقا بوزه وكفوفه قاصره ويسمونه وافى مثاليث وذا تم بوزه وكفوفه يسمى تام
وسوال الثانى اذاكان القصد غير هذا فلا يعقل
كلام سليم 100/100

[skeet]

افادوك الاخوان