الشروكي ميزاته وعيوبه .... ردو ياأهل الخبره

[حرباش]

بسم الله الرحمن الرحيم

احبتي اعضاء هذا المنتدى السلام عليكم ورحمة الله وبركاته وبعد

يفكر احد الزملاء بشراء سياره من نوع شيروكي كلاسيك من موديل 99- 2001 ولكنه متخوف لما قد سمعه عن عيوبه ، فنريد بعض المعلومات من اهل الخبره من عده نواحي :-
1- الفرق بين السعودي والأمريكي .
2- علاج الحراره واسبابها :confused: .
3- اسعارها . :p
4- استخدامه في البر .
5- مشكلته عمود الدوران والأصلبه وكيفيه تفادي خرابها . ;)
اضافه الى بعض النصائح اللتي تخص استخدامه بوجه عام :D

وسأل المولى عز وجل ان يطرح البركه فيكم ونقرى ردودكم ان شالله
تقبلو تحياتي
حرباش :D

[راعي الفزعه]

من مميزات الشروكي ما يلي:
1/ سريع الانطلاق في الخطوط الطويلة ويعجبك في الخط .
2/ في الطعوس والكثبان الرملية العالية يعجبك ويطلعها بالراحة .
3/ استهلاك قليل من البنزين خاصة اربعة سلندر .
4/ افضل مواصفات السعودي .

من عيواب الشروكي ما يلي:
1/ سرعة تهريب الزيوت من تحتط وخراب الوجيه وصوف الزيت بشكل سريع .
2/ ارتفاع الحرارة بشكل كبير حيث لا يوجد حل لها .
3/ اسعار قطع غيارها غالي جدا واغلبها لا توجد الا في الوكالة وما ادراك ما الوكالة نار الله الموقده .
4/ انخفاض سعرها بعد شرائها بشكل كبير .
5/ ضيق مساحة الركوب والنزول منها .
6/ استهلاك كثير من البنزين خاصة ستة سلندر .

هذه بعض النقاط التي احببت ايضاحها ولك الخيار .





:D :D

[الوشاح]

وعليكم السلام ورحمة الله وبركاتة ........وابشر بالي يسعدك

- الفرق بين السعودي والأمريكي .
مافيه فرق بالمحركات او الشكل الخارجي ..الفرق بالعدادات والاسطب الخلفي واشياء بسيطه.

2- علاج الحراره واسبابها .
الحراره ماله علاج لو تحطه بثلاجه ولا ينبسط الشيروكي لين تاصل الحراره النصف.

3- اسعارها .
السعر تقريبا من27 _ 32لنضيف للموديلات98_99 وقس على الباقي

4- استخدامه في البر .
لنفود ماعليه كلام ...ولا الكشتات البعيده ماينفعك.

5- مشكلته عمود الدوران والأصلبه وكيفيه تفادي خرابها .
المشاكل هذي بالمديلات القديمه من94 ونازل ......

عموما هو لشباب ممتاز ولا الكبار مايصلحلهم ........

[سفير الجزيرة]

السلام عليكم ورحمة الله وبركاته
الأخوان كفو ووفو
لكن عندي إضافة بسيطة هي أن الشيروكي يتفكك بسرعة يعني لابد من تربيطة دائماً بعد مده .

[حرباش]

بسم الله الرحمن الرحيم

الأخوه راعي الفزعه ، عريفجان ، سفير الجيره
اشكركم بعنف على هذه المعلومات الجديه والإفادات الطيبه حقيقة
والتي طالما بحثنا عنها ولكن لم نجد لها سبيل سوا الإستفسار عنها عند ناس مثلكم وشرواكم ،
يعطيكم ألف عافيه والله يجزاكم خير :p

[Khalid AlGhamdi]

وعليكم السلام ورحمة الله وبركاته

بعد تجارب طويلة عريضة مع الشيروكي ابعطيك تجربتي باختصار
انا استخدمت شيروكي 98 امريكي لميتد
و99 امريكي سبورت
و 2000 خليجي كلاسيك
و2001 سعودي كلاسيك

والمحصلة التالي

مميزاته ::

مالقيت جيب مثله بصرف البنزين ، يبرد قلبك بالبر ومع ذلك صرفيته قليلة جدا على قوته
ماهنا شي يعوقة كل شي يرقاه :)
مريح بالبر كنك تمشي على الاسفلت ومطبة ممتاز

مع انه شكله خفيف ولاهو حق سحب لكن عز الله انه موتر ، سبق سحبنا به انا وزميل دينّا من وسط الشعيب والله ماقلت انه يحركها من ثقلها

الحرارة اغلب الناس يشتكون منها لكنه هو طبيعي كذا حرارته النص وفيه زميل معاه واحد ركب مراوح تبريد وشال البلف صارت الحرارة على الربع لكن صار يقطع كنه بارد الموتر ويوم ركب البلف رجعت الحرارة للنص وزان عزمة وصوته

اذا جيت تبيعه تطيح نص قيمته بالسوق الا ان كانك بتنزل للقصيم بيجيب لك سعر :)

مافيه فرق بين السعودي والامريكي الا ان الخليجي يجي فيه قطعة صغيره جمب المكينة مبرد للزيت على كلام ميكانيكي الوكالة

والامريكي يجي مواصفات اكثر مثل مثبت سرعة وسي دي ومراتب متحركة

عيوبة ::

وكيلة سيء سيء سيء لابعد الحدود ونصب ماتتخيل بقطع الغيار ، مع انه الان بدت تنتشر محلات قطع الغيار اللي يوفرون اغلب القطع ولكن مو كل شي للاسف تلقاه عندهم لكن يفكون ازمة مثل باحجزر وغيره بالصناعية

ماخبرت شيروكي من موديل 98 وطالع مافيه صوت دفرنس والعلة الاساسية اللي فيه الدفرنس دايم يخرب

مافيه مكيف خلفي يعني اللي ورى ياكلونها من الحر واذا رفعت على المكيف تبهذل اللي قدام :)

المراتب الخلفية الظاهر مسوينه للبزران بس يعني ظيق جدا من ناحية الابواب الخلفية لكن اللي قدام مريحين


--------------

اسعاره المواتر ماهي واحد وحسب المنطقة يعني بالشرقية وجدة تاخذه رخيص
بالرياض قيمته وسط

بالقصيم القرمبع تلقاه غالي

لكن انا اقول 2001 النظيف تلقاه بين 38 الى 42
--------------

خلاصة الكلام اذا مالقيت واحد نظيف فلا تتعب نفسك تقول باخذه واصلحه لانه خلاص اذا بدى يطلب بيخسرك كثر قيمه مرتين

وبالتوفيق :)

[حرباش]

بسم الله الرحمن الرحيم

الاخ العزيز ابومعاذ :)
اشكرك بعنف على هذه المعلومات الطيبه والممتازه ، ماشألله عليك لو اني وكيل شروكي اهديتك واحد ، بيض الله وجهك والله يجزاك خير :D

تقبل تحيات اخوك حررررباش :cool: