المساعد الشخصي الرقمي

مشاهدة النسخة كاملة : وش الحل مع بطاريات كمرة التصوير !!!


منتعش
05/07/2005, 08:21 AM
السلام عليكم ورحمة الله وبركاته
صبحكم الله بالخير أو مساكم ( أختر الأجابة الصحيحة )
عندي كمرة تصوير نوع سامسونج .
والمشكلة أشتري بطاريات أصلية وغالية - سعر البطارية الأصبعين عشرين ريال - وما يمديني مصور 20 صورة إلا أنتهت البطارية .
وتكفون إللي عنده علم أو طريقة حلوة أو فكرة أو رأي لا يبخل علينا الله لا يهينة .
ودمتم في حفظ الله ورعايته .
نص الليل
05/07/2005, 08:50 AM
أخي المنتعش صبحك الله بالخير أو مساك الله بالخير أيها تصيب عساها مقبولة
البطارية السامسونج فيها مشكلتين
1- حجم الصور عالي جدا يصل الى 300كيلوبايت مما يصعب تخزين أكثر من 6صور على القرص المرن والوكيل عماله حقين بيع فقط
ماهم عارفين كيف يتم تخفيض حجم الصوره.
2- أستعمل لها بطاريات باناسونيك(مهوب دعاية لكن أنا مجربها)وحاول يكون تشغيل الكاميرا وقت التصوير وتجنب العرض والاءطلاع من خلال الكاميرا نفسها لتوفير الاءستهلاك وهذا ينصح به لكل الكاميرات الديجيتال لأن فيها استنزاف رهيب للبطاريات ومن ثم للجيوب.
وأنا دائما أشغلها وقت النقل للكمبيوتر وأقفلها للاءستخدام القادم وبالتالي يطول عمر البطارية لقصر مدة الاءستخدام.
منتعش
05/07/2005, 09:12 AM
هلا وغلا بأخوي : نص الليل
وأشكرك على معلوماتك القيمة .
وأفادني أحد الشباب بأن هناك بطاريات تعاد شحنها عن طريق جهاز توضع فيه .
والثاني قال : لا تستخدمه لأن البطارية إذا طولت في شحنه تخرب .
وما أدري وش الصحيح . ضاعت علومي .
gulfhunter
05/07/2005, 05:00 PM
السلام عليكم ورحمة الله وبركاته

حياك الله أخوي منتعش .............. عليك بالبطاريه اللي يعاد شحنه ... وفي انواع كثيره منها ......
منتعش
05/07/2005, 05:06 PM
حي الله أخوي : gulfhunter
ياحبذا لو تذكر نوع أنت مجربه وتنصح فيه ، وكم السعر وأين توجد .
وأشكرك على مرورك الطيب .
ودمت في حفظ الله ورعايته
gulfhunter
05/07/2005, 05:40 PM
السلام عليكم ورحمة الله وبركاته

حياك الله أخوي منتعش...... والله ماأذكر النوع .......... لكن خذ اللي تجي قوته 2100 ...... وأسأل ...... وان شاء الله تيسر امورك............
الجيب الربع
05/07/2005, 06:47 PM
أخوي المنتعش

هناك نوع عند ساكو ماركة كوداك ولكن يبغالك تشتري جهاز الشحن معها وهو أيضا كوداك

لك أجمل تحية
بندر النويشر
05/07/2005, 11:41 PM
نزل بالسوق نوع قوته 2300 من شركة sonyممتازة جداً ودائماً خذ معك إحتياط .
جلوبلستار
06/07/2005, 01:29 AM
اخوي منتعش ... انتبه تستخدم البطاريات الغير قابلة للشحن لأنها تسبب الخسارة المادية ..استخدم البطاريات القابلة للشحن سعر الأربع حبات 20 ريال والشاحن الأصلي 40 ريال . ومتوفره في اغلب محلات الأكترونيات .. وهذي مشاركة لي تخص الموضوع ::
اضغط هنا بقوه (http://www.mekshat.com/vb/showthread.php?s=&threadid=11879)
منتعش
06/07/2005, 08:04 AM
حي الله أخوي : gulfhunter
وأشكرك على المعلومة القيمة .
والله يحفظك ويرعاك .


مراحب أخوي : الجيب الربع
وجزاك الله خير على المعلومة ، واليوم إن شاء الله بروح أشوفها .
الله يعطيك العافية
منتعش
06/07/2005, 08:11 AM
هلا وغلا بأخوي : نويشر1
ويعطيك العافية على المعلومة القيمة .
وبارك الله فيك
منتعش
06/07/2005, 08:16 AM
أهلين وسهلين بالغالي : جلوباستار
والله ما قصرت ووفيت ويعطيك ألف عافية .
وموضوعك اللي في الرابط يستحق إضافته للميزة بحق .
لأنه يحتوي على معلومات كافية .
والله يبيض وجهك .
**القنيص**
15/07/2005, 11:49 PM
ممكن توصفولي مكان
حق شاحن البطاريه

أنا في الرياض
منتعش
17/07/2005, 06:33 PM
هلا وغلا بأخوي : القنيص
على كلام الأخوان أنها متوفرة في محلات الألكترونيات .
مع ملاحظة : عند شراء البطاريات خذ اللي قابلة للشحن ، ويكتب عليه في خلف العلبة غالباً .
ولك تحياتي أخي المحب .