لاندكروزر 2006 نزل بالسوق (( يوجد صور))

[الجيب الربع]

السلام عليكم ورحمة الله وبركاته

وصلني عبر الايميل صور لاندكروزر في اكس ار 2006 كمايقال نزل في الشارقه ولايوجد تغيير كبير فيه.

صورة أماميه

http://www.w6w.net/upload/02-07-2005/w6w_200507021452048c6dfa6b.jpg

وجانبية

http://www.w6w.net/upload/02-07-2005/w6w_200507021452253b128f1c.jpg

وصورتين من زاوية جانبية خلفيه وخلفية

http://www.w6w.net/upload/02-07-2005/w6w_20050702145246097d67f4.jpg

وهنا لاحظ الونيت الرمادي اللي جنبه
http://www.w6w.net/upload/02-07-2005/w6w_2005070214530540a0aa5c.jpg

الطبلون وتوابعه

http://www.w6w.net/upload/02-07-2005/w6w_200507021453244fca121a.jpg

والمحرك

http://www.w6w.net/upload/02-07-2005/w6w_20050702145348b1305732.jpg

وكالعاده يضحكون علينا بشكل الزيق ولون الاسطب والصدامات ويقولون موديل جديد

تحياتي


منقول من جروب uaeteam55

[مريوس قدام]

يعطيك الف عافيه اخو الجيب الربع والحقيقه صورة الونيت :good:

[شجاع]

الجيب الربع مسأ الخير ياخوى غيرو الشبك الأمامى والصطاب الخلفى ولأهم أنه تغير من الداخل فيه شاشه وكميره خلفيه وقارمن للملاحه ولمكيف والمسجل وسيدى كلاه بلمس عن طريق الشاشه ياخوى صار لاكزز كل هذا أومغيرو شى سعره فى قطر 21000 اريال البصراحه تغير كلين بس الهيكل والمكينه نفس الشى

[CRUISE**كروز]

امس مريت المعارض ولقيته عند معرض الفلاح بالنسيم وعند معرض اخر ماتاكدت من اسمه
وبصراحه الشكل حلووو خصوصا الاصطبات الخلفية روعه
واما الاضافات الداخلة فلايوجد فرق كبير ماعدا شي واعتبره مهم بصراحه
الا وهو تزويده بسماعة بلوتوث :good: :good: :good:
واليكم الاسعار من معرض الفلاح
VX-R 225000
GX-R اتوماتيك 174000 تقريبا
GX-R عايدي 154000 تقريبا

واحلا شي اللون الابيض اللؤلؤي نازل على الفي اكس ار والجي اكس ار لاول مره

[CRUISE**كروز]

شكل الصور في الخليج
ويمكن الامارات او الكويت

وعلى فكره الفي اكس ار اللي عند الفلاح بدون شاشة:(:(:(

[Khalid AlGhamdi]

يوم تشوف المواتر اللي بالخليج وتشوف الوكالات اللي عندنا تتحسف انك تشتري موتر من السعودية

[المنتفش]

اشكرك اخوي الجيب الربع جزيل الشكر على الصور الحلوه وعلى الجهود اللي تبذله .....اما بالنسبه للفكس ار هو حلو بس لازم هم يخربون شي لو لاحظتوا يا إخوان الاصطبات الخلفيه من رايي ان الاصطبات اللي قبل احلى ولا فرق ....وبالنسبه للتغيير ماتفير شي يعني اللي حطوه مايعتبر تغيير هم اضافو له فقط والغريب انهم هالمره ابطوا على التغيير الان لهم 8سنين ماغيروا شي من98 لانهم بالعاده كل 7سنين يغيرون الشكل كليا والان ان كان هذا هوموديل 2006 فهذي هي السنه التاسعه .... هذا ماوددت اضافته واعيد شكري لك اخوي الجيب الربع ولا يهونون الربع,,,,,,,,,,,,,,,,,,,,

[بــح ــر الــكــرم]

شكراً أخوي الجيب الربع
وكذالك الشكر موصول لأخوان اللي ىشاركوك بالموضوع

**********
تقبل تحياتي
**********
**********
سعود
**********
**********

[الجيب الربع]

أخي مريوس قدام شكرا على مرورك ومشاركتك ولك أجمل تحية

أخي شجاع التغيير اللي تقول عليه مايجي السعودية بس بالخليج والا السعودي تجاري تغيير زبرقه بس لك جزيل الشكر

أخي CRUISE**كروز مشكور على الاضافه والمشاركة والصور شكلها بالشارقة لك أجمل تحية

أخي AbuMu3ath كلامك في محله والشكوى لله لك جزيل الشكر

أخي المنتفش بارك الله فيك وكلامك سليم التغيير بسيط ولايسوى شكرا لمرورك ولمشاركتك لك أجمل تحية

أخي السهلي شكرا لمرورك ولك أجمل تحية

[مرقاب الشرق]

بصراحه خربوه بالصدامات البيض.
مشكور اخوي الجيب الربع .

[الجيب الربع]

أخي نجم الحق

الصدامات سووها ربعنا من زمان الـ 98 وكانت تجي بالياباني اللي يجيبونه دركسون يمين يعني ماهو جديد

مشكور على المرور والمشاركة

ملاحظه : قرأت اليوم اعلان في الجريدة عن اللاند كروزر السعودي وذكر أن فيه كاميرا خلفيه و شاشة والمواصفات اللي ذكرها أخوي شجاع لذا اسحب تعليقي في ردي على أخي شجاع

[بن سليم]

بعد التحية والاحترام :

هذه صوره من إيميلي من الكويت

http://www.mekshat.com/pix/upload/images8/mk2914_2006landcruiser.jpg


تحياتي


أخوكم : بن سليم :D

[ابو نجود]

يا خوان..وش السبب في نزوله بهالوقت؟؟؟؟؟العادة باقي 3 شهور على نزوله على الاقل.اكيد فيه سبب
ابو نجود..

[ابو درع]

ممتاز الله يعطيك العافية الجيب الربع

ابو نجود تسأل عن سبب نزوله في هذا الوقت سوفا احلل لك تحليل في نفسي

أولا ... اعتقد ان المصانع اليابانيه وخاصة تويوتا تركز تركيز كبير على سياسة التسويق

ذو الروابط ألشكليه في دعم كل منتج للاحتفاظ بالقيمة بصرف النضر عن ألدقه الدقه تعني

الصلابة من نواحي عده أولها السلامة . نعم المحرك جبار ألتقنيه تتجدد بفعل تضارب الشركات

وليست ألتقنيه المتقدمة جديدة بل هي من أعوام سابقه مجربه بعده دول . لكن تكون على مستوى

الشعوب كا الخليج اهتما الشركات في الأونه الأخيرة في الشكليات والتنافس على الراحة ونعومه

اما عرض الصور في الشارقة فهذه خطه تسويقية من درجه الشعوب ان صح التعبير

اقصد الفي أي بي .. نضرا لضخامة التسويق في عموم الأمارات واصبح المستهلك الخليجي يرا

المواصفات الخليجي ذو شئن اخر

ارجع الشرح الشكليات بشكل أوسع .. الكسز سيارة فاخره مفخمه جميله لكن تبقي ياباني

اقصد القفل قفل كامري ..

من البداية كورلا تتطور للحتفاض بسعرها وجعلها فئة أرقاء يظهر نوع اقل فئة باسم اخر اصغر حجم

وتبقي كورلا هي الكبر وا الوزن ان لم أبالغ واحد سوى انها تنفخت

الكامري سياره تعتبر شعبيه وعمليه بغض النظر عن انها خرفاش لكن المقصود الشكليات

للحتفاض بسعر الكامري ودعم سعر الكسز تنزل الي السوق لكسز كمري وجه لكسز ولقيمه

خيال ولقطع دبل استخفاف بمعنى ألكلمه .. نعم هذا خطط تسويق لكن اين السلامه مقارنه في الألماني

وها كزا . والشرح يطول لعل من عدم إيصال المعلومة دقيقه عدم تخصصي في الاقتصاد سوى تحلييل

شخصي فئنا أحب مثل هذ التحاليل . التسويقية .. وعتقد انه من شئن هيئه المواصفات المحافظة علي

المستهلك وكم من شخص توفاه الله بسبب هذه السيارات بل قل ألعاب .. لله المشتكا .

ودليل على ان ما تفلسفت به صحيح أناس تبحث عن التغير الشكلي ولم اسمع شخص يبحث عن المتانة

ور ساوه ونواحي السلامة سوى القالي الواعين .. تحيايتي ،،

[الجيب الربع]

أخي ابن سليم

شكرا على مرورك واضافتك لك أجمل تحية

أخي أبو نجود شكرا على مرورك ومشاركتك لك أجمل تحية

أخي أبودرع كلامك عين العقل بارك الله فيك

[الشقردي]

تعليق ابو نجود زاد من شكوكي بالموضوع

وودي أسأل سؤال وياليت تكون الاجابة من مصدر صحيح

المكينة للـVXR2006 تغييرت ولا لا ؟؟؟؟؟؟؟

لآن المعروف انه كان 235 حصان وهذا من موقع تويوتا السعودية
http://www.toyota.com.sa/showroom/land_cruiser_100/kce_1.html
أما موقع تويوتا الاصلي (أظنه في أمريكا) فالمكينة 275 حصان
http://www.toyota.com/vehicles/2006/landcruiser/specs.html

فرق 40 حصان مهيب بسيطه ياجماعة وياخوفي ان ربعنا هنا منزلين دفعه أولى والدفعة الثانية تتغير !!!!

أرجو الافادة

[الجيب الربع]

أخي الشقردي
كل شيء متوقع من وكلاء السيارات عندنا ودايما آخر دفعه من موديل تجير إلى أول دفعه من الموديل اللي بعده

وحنا قنوعين مانبي مثل أمريكا نبي مثل الخليج بس

الأيام ستثبت إنه مقلب من مقالب آل جميل مثل GXR-J

مشكور على المشاركة لك اجمل تحية

[الراعي الرسمي]

شكله صيني اصلي :D

مشكور على الصور

[معرض المتوكل]

اخوان ابي اسالكم عن سعر التويوتا الوانيت 2005 بكم سعرها بواكلة الساير او باي معرض رجاءاً بالدولار السلام عليكم ورحمة الله وبركاته

[معرض المتوكل]

السلام عليكم ورحمة الله وبركاته
ابو عبدالله العراقي
انا تاجر سيارات وصاحب معرض المتوكل المركزي بغداد
اليوم جنت اتجول بالمعارض فلكيت لندكروز VXR2005 السيارة جديدة بس مستعملة العداد يقرا 20000 كم بس السيارة كامل مواصفات السعر 48000 $ ثمانية واربعون الف دولار امريكي هل هذا سعرها ام لا

[الجيب الربع]

أخي الراعي الرسمي

شكرا لمرورك ومشاركتك وأعتذر عن التأخير بالرد لك تحياتي

أخي معرض المتوكل

الونيت اللي تسأل عنه ماحددت نوعه عشان يفيدوك الشباب بالنسبة للفي اكس ار 2005 سعره يعتبر مناسب اذا كان fulloption

تحياتي

[الشوق]

بسم الله الرحمن الرحيم

السلام عليكم ورحمة الله وبركاته

بصراحه موتر من جنبها مع احترامي لإسمه لاندكروزر


الاسطب الخلفي وش يبي؟!!!! تسلم الأنامل الصينيه الي صنعته... حتى ماعندهم ذوق


الصدامات ؟!!! تذكرني بحركات المبزره إذا صبغوا صدامات سياراتهم عند محل نجاره


الخطوط كيف الحال؟!! كأنه برادو من جد ماله سنع


كاميرا خلفيه! ليه طيب؟ وش الفايده؟ عشان تشوف الاستينه اذا طاحت اختراع ذكي.


نظام ملاحه ممتاز بس للأسف مايشتغل عندنا كالعاده



أنوار أماميه إبداع أحلى مافي الموتر هالأنوار


من جوا فخم بس لون ا لخشب غبي شوي يعني شمس وهاللون القوي

جهز نفسك لكشف النظر بعد أسبوعين



السعر من جنبها وبقوه بعد عسى ماشر انهبلت تويوتا


بس صح نسينا إن كل مواطن خليجي عنده حنفية بترول في بيتهم!!!!



بصراحه أعتقد بهالسعر وهالمواصفات ولا فيه تغير جذري موتر فااااااااااااشل

[الجيب الربع]

أخي الشوق

كلامك يحمل الكثير من الواقع الف شكر لمرورك ومشاركتك...........لك أجمل تحية

[جيب العشه]

حبيت ارفع الموضووووووع

لذكررررررررى فقط

[Lover gmc]

يقلع ابو الذكرى

اجل الفكسار على وقت 2006 بـ 220 الف

والله ياهي قهر بعد

والحين اسعارهن على كم ؟؟

يمكن تلقاه بـ 140 او 130 اذا طق بوزه

ويقولون يمسك سعره

طاح حول حول 90 الف بـ 5 سنوات

غيره رخيص ومايطيح الا قليل

مثلا بميه بعد 5 سنوات يصير بـ 50

طاح 50

ادري شطحت

[HAS5SAN]

إلا والله شطحت
حبيبي والله انه الذهب على اسمه
واقعد جنب جمسك ( ترى عندنا جيب ووكان قبله صالون )
كم قيمة الـGMC 2006 يوم نزل والحين كم
ولا تنسى تحسب قيمة الاصلاحات وخاصة الطرمبه
( لا ابو من صنعها والله لا يذكره بالخير ضحكو علينا بشاشة في السقف خربت بعد شهر)
وقارنها باللاند
المهم
مواضيع الذكرى تشدني
أشكر من رفع الموضوع
والردود والله ياهي مضحكه
خاصة الرد رقم 22
اتوقع الآن عنده جي إكس آر 2009 ذهبي
مع العلم بأن الجيوب من تالي ماتستاهل قيمتها

[جيب العشه]

ايه ياخوك لون 2006 ب ثلاث ميه كان قبلناه لانه يستاهل اما الجديد غالي ولا يستاهل حتى جيوب ديهاتسو غطت عليه

[مسير عليهم]

مع اني ماودي ارد في ماوضيع قديمه بس شدني ردين جديدة

كلام الا خ Lover gmc

في محل لنفرض شريت يوكون 2006بسعر 100 الف وبعد خمس سنوات بعته بـ 50 الف

وعندي لاند 2006 شريته بـ 200 الف وبعد خمس سنوات بعته بـ 100 الف

من اللي خسران اكثر اللحين


وشدني رد الاخ HAS5SAN

لعلمك اليوكن النظيف موديل 2006 ماينزل عن 60 الف اذا راعيه ملعوب عليه وانا معروض علي 2005 وحاده راعية فوق الثمانين والسوق يثبت كلامي

والامريكي عموماً لابد تراعيه مهوب مثل الاند راس ماله مكينة وقير ودفرنس ووسائل الامان والراحة ملعوبن عليكم فيها

[YUKON_GMC]

يمنع رفع المواضيع القديمه -
يغلق الموضوع ويعطى انذار لكل من رد << مشرف على غفله

[YZNQAZ]

الله يالدنيا مسرع تمر
بس اخبر الجكسار 2007 سعودي ب 145 الف وكالة
كانت مميزة في التكييف وبرودتة والثلاجة الباردة جدا
اما الحديثه لك عليها بس انها اكثر راحة