هل جربت بودرة السدة مع الرديتر وهل لها فائدة ؟

[فايز العامر]

قبل حوالي سنة انشقت الطبة حقت السيارة وأنا في رحلة استكشافية إلى وادي لجب ورحت للورشة وغيرتها (ذكرتها هنا (http://mekshat.com/vb/showthread.php?t=235565)) وقال العامل خل معك ( سدة ) ! قل وش السدة؟ قال مادة شبه بودرة تحطها في الرديتر مع الموية وتسكره وهي بدورها تسكر الفتحات اللي في المواصير والطبات وغيرها، رحت للصناعية وأخذتها بـ5 ريال وحطيتها بالعدة.

سؤالي ،، هل جربت السدة وهل لها فائدة فعلاً ؟



وهذي صورة لها :


http://www.mekshat.com/pix/upload01/prof010/mk8796_img_1827.jpg


http://www.mekshat.com/pix/upload01/prof010/mk8796_img_1828.jpg

[فايز العامر]

غريبة ما أحد عنده خبر ؟

[سعود محمد]

اخوي رعاد عندي استفسار هل تنفع للطبات لان عندي تنسيم خفيف جدا لايكاد يذكر لدرجة ان الموية ماتنقص.

[الوالي 999]

مره كنت جاي من القصيم وقبل الرياض عند فيحا العتش ارتفعت حرارة السياره وقفت عند البنشري بشيك على المويه(الرديتر) المهم لقيته مشقوق قالي البنشري عندي بودره تفع للرديتر (وانا قد سمعت عنها)قلت بجربها
لين اصل للرياض المهم حطها بالرديتروعبيت الماء ومشيت عشره كيلو ألآ وصوت انفجار وانا اوقف على طول
واطفي السياره وافتح الكبوت وأذا بالرديتر مفتوح من الاعلى وأخذت لي سطحه ووديت السياره للرياض
وغيرت رديتر جديد
يمكن حضي وماضبطت معي يمكن فيه ناس ضبطت معهم
اسف على الاطاله

[محب الرمنغتون]

أنا جربتها وهي ليست لها فاعلية تذكر

[mzmz]

هذه تصلح للأديتر الالمنيوم فقط


لا تصلح للنحاس او الحديد


اسئل مجرب


وشكرا....

[صاحب الذود]

السلام عليكم
انا مجربهاا على اديتر هابلكس حق الوكاله كان عندى فتحه في الاديتر وصبيت البودره والحمدالله مشى معى الين غيرت الاديتر بعد سنه وشوي
اسف ع الاطاله

[YOU1]

فكرة عمل البودره انها تمشي مع الماء وتتجة لمكان التهريب وتسده... لكن السؤال هل هالبودره ماراح تسدد مجاري الماء بالماكينة وتترسب فيها وتسبب لك حراره علي المدي البعيد؟؟؟ انا عن نفسي ما افضل استعمالها... وتقبل مروري.

[عاشق الكابرس]

عندي تسريب خفيف هل تنفه ويقولون تنفع حق راس المكينة ؟؟؟؟؟؟؟؟؟؟؟؟

[عزيز النفس 66]

السلام عليكم
انا معي سفاري وكان فيه تنسيم في خرطوش المويه الي من المكينه للرديتر والتهريب يجي اذا ارتفعت الحراره اشوي فجربتها ووقف فتره ثمن رجع
لكن اهل الخبره ما ينصحون فيها لانها تسدد مع الوقت مجاري المويه في الرديتر خاصه اذا كثرت من البودره في الرديتر

وبالتوفيق

[السنع كله]

ضارة للطرنبة ومامنها فائدة تذكر جربتها في الجمس مانفعت يمكن تصلح للتهريب الخفيف

[الأجودي]

اخوي الكريم
هالبودرة تراها للاوقات الحرجة وانت في البر والا في سفر تمشي حالك لاصار التنسيم قليل

[الإستراتيجي]

البودرة هذه عبارة عن تسكير لمكان المااااء بشكل سريع وفوري بس أنتبه من البودرة ما تكثر منها لأنها مضره بعضهم يمكن يركب أكثر من ثلاث وهذه مصيبه يعني ثنتين بالكثير ...


مميزاتها أنها تسكر الفتحات إلي موجودة في الرديتر ...

تسكر التهريبات إن وجدت في الألمونيوم و أظنها زي ما قالو الإخوان ما تنفع في النحاس


يمكن تسكر الفتحات الرديتر لو ركبتها قبل ركب المااااء ثم خل فيها مجال ثم ركبها ثم عب الموية كاملة

إذا وصلت لموقع متأكد أن لديه تصليح رديتر رح له وغير الرديتر أو صلحه بس أهم شيء بعدها أغسل السلندر من داخل بالماء قبل ما تركب الرديتر الجديد يعني خل باقيها يخرج


فيها أضرار بالبلف و الطرمبة في بعض الأحيان ...


هذا ما لدي ونصيحة قبل ما تسافر حاول تشيك الموتر على طوووول ولازم تصلح إلي مهم لا يجيك إشكالية لا قدر الله ...

عندك الحرارة وماء الرديتر و الزيت و الكفرات والفرامل هذه لازم تشيكها كل فترة ...

[عزٍيزٍ]

انا انشق الرديتر . وحطيتها ومانفعت
وحطيت لحام بارد وقام بالواجب
وبعد يومين افقعت الطبه
يوم فكها حق الرديترات لقاها منسسدهـ كلها من السدهـ هذي

ماانصحك فيها , الا للضروره القصصصوى

[فارس العيون]

هذي كان الأولين يستعملون نفس الطريقة لكن المكونات تفرق...

كانوا اذا صار الرديتر به تنسيم ويهرب كانوا يجيبون وانتم بكرامة زقارة (دخان) ويفكونه ويحطون التبغ بوسط الرديتر ...

[YOU1]

هذي كان الأولين يستعملون نفس الطريقة لكن المكونات تفرق...

كانوا اذا صار الرديتر به تنسيم ويهرب كانوا يجيبون وانتم بكرامة زقارة (دخان) ويفكونه ويحطون التبغ بوسط الرديتر ...

وسمعت من الاولين انهم يحطون فلفل اسود مطحون بالراديتر لايقاف التهريب...

[فارس العيون]

888
88
8

صدقت يالغلا .. لكن الفلفل مشكلته موب مثل التبغ لأن التبغ ورق ويسده كامل

[شبح الصحراء]

السدة حقت الرديتر جربتها على هوندا اكورد قديمة كان فيها تسريب للريديتدر وقدرت السدة توقف التسريب لمدة اسبوع تقريباً بعدين رجع التسريب وجربتها مرة ثانية ونفس المدة تقريباً على ما اذكر يعني بالعربي ما تطول ولا هي حل جذري بس تصلح للحالات الطارئة في حالة السفر مثلاً علماً إن الإكثار من استخدامها قد يسد مجاري الماء ويسبب مشاكل في الحرارة .

[راعي الهدد 7]

السلام عليكم
انا مجرب هذي السده وهي بصراحه تنفع لانه
كان عندي تهريب واذا وقفت السياره فتره ساعه
تقريبا راح تشوف المويه مجتمعه تحت السياره
المهم حطيتها ووقفته مدة طويله يمكن 6 اشهر
وبعدها اخذ السياره واحد وشكلها هربت معاه
وارتفعت الحراره وقامت المكينه لذلك هي حل مؤقت

[كريم الطباع]

هاذي المادة يا طويل العمر تقوم بتلحيم التشققات البسيطة في الاديتر الالمنيوم وهي مجربة وفعالة
لكنها مؤقته يعني تمشيك سنه سنه ونص من هالقبيل
مع العلم ان ابو يمن حقين الرديترات اذا بغيت تصيخ يحطوها لك ويلهط منك مبلغ وقدرة ويصرفك بقولة >>رح اشتر موية رديتر واذا جيت ولاه مخلص

هذي فايدتها واكرر انها مؤقته وليست حلا دائما

[الجزوم]

السلام عليكم
انا احذر من استخدام بودرة الالمنيوم لما تسببه من اضرار لدورة التبريد في السياره
ويكون ضررها اكثر على الاديترات الالمنيوم اكثر من النحاس علما بان ضررها كبير جدا على
جميع انواع السيارات وحتى ازالتها صعبه جدا حتى بواسطه اجهزة التنظيف الموجوده لدى محلات الرديترات
لذا انصح بعدم استخدامها الا في الضروره القصوى مثل التواجد في الصحراء وفي الاماكن التي لا يوجد بها
سطحات اسعاف وان تجعلها دائما الحل الاخير عندما تستنفد جميع الحلول
وتقبلو تحياتي
الجزوم

[hz1oo]

للضرورة مثل الطريق او البر مفيدة وتمشيك فترة طويلة ومجربة ونفعت بعد الله وخلها اسبير