استفسار عن ورش تجهيز الدفاع المدني في الرياض

[عاشق المزون]

السلام عليكم ورحمة الله

اخواني استفسر عن ورشة في الرياض تفصل الدروج والصناديق من الالومنيوم تبع سيارات الدفاع المدني اذا احد يعرف مثل هذي الورش ياليت يفيدنا لاني ابي افصل في صندوق الجمس كذا شغلة من عندهم دروج ومسلات ولكم جزيل الشكر

[عاشق المزون]

للرفع شباب ضروري

[بدر الشويلعي]

والله يا عاشق المزون الي اعرفه ان الشركه المجهزه لأليات الدفاع المدني هي شركة باي الايطاليه

هي الي تصمم السيارات على مواصفات عالميه

لك مني اسأل اخوي شغال هناك والله بأقرب وقت ارد لك ان كان بالرياض اقوللك وين

[عاشق المزون]

الله يسهل عليك اخوي بدر اية تكفى اسأل عن الموضوع ابي التجهيزات البدائية مثل دروج الالومنيوم والمسلات مابي انظمة الدفاع المدني من مضخات وخلافة

[ابوو زيد]

سيارات الدفاع المدني كان ويمكن الى الحين تتجهز بمصنع الرسام الي ماسك وكالة دير و دبابات يوكهاما

كان واحد من الشباب يشتغل بالمصنع وطلع من عندهم

مكانهم مادري بالصناعيه الاوله او الثانيه الي على طريق الخرج

ياليت اني افدتك

[عاشق المزون]

هلا اخوي ابوزيد الله يسلمك ابي امر على وكالة الرسام الى على خريص وأتأكد من العلم وماقصرت مشكور

[عاشق المزون]

للرفع شباب محتاج هذي المعلومة

[عاشق المزون]

هلا اخوي مريت اليوم الرسام الى على شارع خريص وسالت عن مكان المصنع وللاسف مايعرفون وينة فية بس عطاني رقم مدير المصنع اذا فية احد يعرف مكان مصنعهم له جزيل الشكر

[الكيان]

اخوي يبي لك ترخي فلوس واجد و حداد ولحام جيد وشغل عدل و با اي ورشة يضبط الشغل

[عاشق المزون]

هلا اخوي الكيان اليوم رحت الى ورشة المواهب يقول مااشتغل الومنيوم وكذلك رحت الى سوافي ويقول افصل لك نصف الى تبغى بدون دروج ومسلات ورحت ورشة بدر ويقول ما اشتغل تفصيل دروج ومسلات المشكلة كل الورش في الرياض ماتشتغل الومنيوم ما عندهم معدات طعج ولف الالمونيوم زي الى ابغى ولك الشكر واذا فية احد يقدر يفصل زي الى في الصورة يقول وين والله يجزاكم خير على دخول رمضان :)

http://www.alhnuf.com/up/pics-gif/upload/uploads/images/a-00fb19b118.jpg

[خشم العرمة]

اذا قصدك مثل الصندوق هذا

http://images2.ecarlist.com/photos/1007/637449/640/08.jpg

او مثل هذا

http://images2.ecarlist.com/photos/1007/543355/640/00.jpg

فهاذي اشوفها على السيارات وارد امريكا وممكن لوبحثت في التشليح راح تلقى

اذا قصدك تفصيل الومنيوم داخل حوض سيارتك ف للأسف ماعرف والله

[لاندسات]

شف مصانع شركة اسكان العالمية
بالصناعية الاولى بالرياض موقع المصنع هناك
مدير المصنع المهندس طلال
هناك يتم تجهيز سيارات سلاح الحدود , الحرس , الورش المتحركة , سيارات الاسعاف
عندهم اعمال رائعة

نسق مع الاستاذ رعد الصحراء في مطبخ المكشاتي يعرفهم زين

[عاشق المزون]

هلا اخواني مبارك عليكم الشهر و مشكورين جدا ابشركم حصلت ورشة الرسام واب ازورها الاسبوع القادم واخبركم وش صار معي لاني ناوي افصل زي هذي الرسمة (من تصميمي)

http://www.mekshat.com/pix/upload04/images175/mk12570_img_0130.jpg


شف مصانع شركة اسكان العالمية
بالصناعية الاولى بالرياض موقع المصنع هناك
مدير المصنع المهندس طلال
هناك يتم تجهيز سيارات سلاح الحدود , الحرس , الورش المتحركة , سيارات الاسعاف
عندهم اعمال رائعة

نسق مع الاستاذ رعد الصحراء في مطبخ المكشاتي يعرفهم زين

هلا اخوي وابي ازورهم بعد الله يجزاك خير

[باترول 82]

الله ييسر امرك وتحصل اللي تبيه

بس اذا انتهيت من التصميم والتفصيل لاتنسى التقرير والصور ;)

[عاشق المزون]

هلا اخوي باترول ازهل الموضوع ابي اسوي تقرير ان شاء الله كامل بس الله يسهل امر الورش في الرياض تعجز تحصل احد فاهم في التفصيل للاسف

[ابومشخص]

فيه مواتر مخلفات ارامكو جاهزه بهالتصميم

[بو يزيد]

الله يقويك

[شلفا تبوك]

ياخوي ريح مخك ورح لمحلات الالمنيوم والورشات الخاصه بالشبابيك والابواب وحط تصميمك وهم يفصلونه لك