استفسار عن الباثفندر استخدام امريكي

[سراب الوقت]

السلام عليكم

مساكم / صبحكم الله بالخير

اخواني عندي استفسار عن الباثفندر الاستخدام امريكي

هل يختلف عن السعودي من كل النواحي

على سبيل المثال لا الحصر الحراره والتكييف ___ وقطع الغيار ____

والمكينه وكل ماشي يطري في بالك

الي عنده معلومه يعلمنا لاهنتوا


وفقنا الله وياكم لكل خير

[ابو العز بلس]

وعليكم السلام

والله وانا اخوك اتمنى اني اقدر افيدك

عموما لا انصحك باستخدام الامريكي

[محنك]

السلام عليكم ... حياك الله ياســــراب الــــــوقت ,,,
بالنسبة للاستخدام الامريكي ... الزبده هو النظافــــــــة .... وإليك دليلي الـــدامغ :
أخوي شرى باثفايندر موديل 2003 ... أمريكي فــل الفــل .... شراه من صالة من شرق الرياض
بصراحه أقول الحق فــتني بنظافته ... نظيف واستخدام حشمة طبعا الدبل يجي فــــرار ...
والداخلي لون اســووود مسكت .. جلد ... والاستب الخلفي اللي فوق الباب الخلفي حق الفرامل يجي الامريكي طووويل والسعــــودي قصيييـــر ...
المهم .. مع اخوي من 4 سنوات والله ماطلب شي غير الفرامل وقطع صيانة عادية مثل اي موتر ..
والامريكي فيه مواصفات افضل بكثير من مواصفات فــــل الحمراني بنقاط كثيرة ,,,, وإذا كان اللي بتاخذه نظيف ويشوقك نظافته فلا شك انه افضل من الاستخدام السعودي الجائر .. لان استخدامنا انت عارفة تحليل للسيارة وكـــرف وعدم اهتمام بالزيت ولا فلتر الهواء ولا المطبات وترهــيم وانت خابر .. لكن موتر اخوي حصلنا فيه كرت مواعيد غيار الزيوت للمرات السابقة بجدول وكذلك صيانة دورية للوكالة ... والله ناس تعرف تحافظ على السيارات والفوردات الامريكية خير دليل نظافتها .. والسيارة السعودية في السنة الاولى للاستخدام تجدها مندمرة وكنه مهرب عليها ومحيوســـة ,,, أقصد الاغلبية الساحقة ,,, والدليل ادخل معارض النسيم أو الشفاء في الرياض ودور سيارة نظيفة بمعنى الكلمة قليل جدا تحصلها .. المنقلبة والمسمكرة واللي تخرخر زيوت واللي مطلعه اصوات واللي تخوفك فيها النون ومايعلمون والمشكلة ان بعضهم يمدحها لك ويقول نظيفة بالحيل .. سبحان الله .. حتى بعض الامريكان بمعارضهم مايكذبون ويغشون مثل بعض ربعنا .. هداهم الله ,,, مافيه ضمير ولادين يردعه ,,, كذب ويمين غموس .. والطيب فيهم اللي يقول لك ماادري افحص وتأكــــد بنفسك مع العلم أنه يعرف عيوبها والـــرسول صلى الله عليه وسلم يقول (( فإن صدقا وبينا بورك لهما ))وكثير سمعنا من الربع شروا سيارات وانغشوا فيها وطلعت الخرابات بعد المشترى ... وصار مسمكر وصار ينقص وصار يطفى فجأة وصار مغير الدفرنس وصار منقلب وصار وصار ... لكن اللي يبي يشتري سيارة مستعملة الحذر الحذر لازم تاخــــذ معك احد يعرف يفحص .. لأن الموجود الان في معارضنا مستعمل ,,, لايوجد فيه نظيف وأقــدر اقول نسبة 95 % غير نظيف ...
انا طلعت عن سؤال أخونا صاحب الموضوع ولكن للفائدة إن شاء الله ,,,
اما الباثفايندر الامريكي افحصة يالطيب وشف نظافته وسواقته وشف جفافــــــه من الزيوت تحت ... وشف ممشاه كم .. والنظيف واضح من قيادته وتوكل على الله خذه كانه نظيف ... وبالنسبة لقطع الغيار سيم سيم حمراني ... وان شاء الله مايخالف معك .. أما الاستخدام الجائر والمراقى وطعس ام دكه اكيد يبي يخالف ويخرب حتى لو انه سعودي ونظيف ,,, واما الحراة ماخالف مع اخوي ابد وانا اقرأ في هذا الموقع ارتفاع درجة الحراة في الباثفايندرات السعودي وتوصل النصف وزياده وهذا مالة دخل في امريكي او سعودي .. حق اخوي ثابته حرارته ماشاء الله طووول الصيف ,,, لكن المشكلة في الاستخدام الجائر وقلة الصيانة ونظافة السيارة أو ربما السيارة قد تعرضت لحــــادث وتأثر الراديتر ومن بعده جائت مشاكل الحــــــرارة والتسخين في الصيف لأن نظام التبريد حساس اي شي يأثر عليه في بعض السيارت الحساسة مثل الباثفايندر وغيرها ,,,, كلمة اخيرة : الاستخدام الامريكي أنا شخصيا لا اعيبـــــه ابداً وكثير ممن اعرفهم شروا افالونات استخدام امريكي وشافوا النظافة وعينوا خير .... أما الفوردات فلا علم لي فيها ,,,
28 شـعبان 1431هـــ

[alkongrs]

افادك اخوي الغالي محنك :)

[دل البحار]

اهم شيء في الاستخدام الامريكي انه ما ينقص زيت
لان واحد اعرفه يقلي غير اكثر من 10 سيارات فورد يعني يشريها بطاقه جمركيه ويتربح فيها سألته عن الاستخدام الامريكي قالي هوه نظيف كنظافة سياره غير الاستخدام السعودي الي يجيك مشوه لكن عيبه الامريكي ينقص زيت يعني لما تغير تلقاه ناقص اقل شئ نص علبة زيت بصراحه قال بجميع السيارات وبلاخص الفوردات
تنقص زيت لو كان ماشي قليل ينقص الزيت
لانهم ما يغيرون زيت وتتعب الشنابر من الحراره وزيتهم ثقيل عكس الزيت بالسعوديه
اتمنى واتمنى اكون افدتك

[تلميذ الصحراء]

أنا لاحضت إن الأمريكي طبلونه 180
هل هو صحيح؟؟؟؟؟؟؟؟؟؟؟؟

[سراب الوقت]

حيدون

مشكووووور على النصيحه وعلى المرور

محنك

عز الله ان كلامك صح 100% اخرتها امس مريت معرض ولقيت عنده موتر المهم ان الموتر

يجيب الهم واسأل راعي المعرض اقوله الموتر فيه صدوم يقول لا لا لا يمكن رفرف بس

المهم واجلس اتفحص الا وجهية الموتر كلها مصدومه قلنا ماشي

واركب السياره الا الارباق طالع ياخي ناااااااس تبي تكسب وبس ماهمهم اليوم الاخر

اسأل الله العافيه لنا ولكم

وعز الله اني مالقيت نظيييييف صح الا يمكن موتر وطبعا مهوب استخدام سعودي

الكونجرس

مشكوووور على المرور

دل البحار

انا الي اعرفه ان الفورد حتى السعودي ينقص زيته وغالبا الحين حتى المواتر الجدد

تنقص الزيت على سبيل المثال الكااااامري ياحبي للسيارات القدام بس وين النظييييييييف

تلميذ الصحراء

ترى الامريكي طبلونه بالميل

[hadaj]

الامريكي :
يجيك
متماسك ونظيف
من الداخل ومن الخارج
وهناك يعتنون في الصيانه بشكل دوري
السعودي:
مكروف
طقطقه في الديكورات الداخليه
صيانه مافيه لين يوقف من حاله

[دايت]

ماازود ع الشباب بشيء ..

لكن احرص انه ماتكون مصدومه او غرقانه ..

ترى كثير من هالمستورد من نفس الشكلية..

:)

[سراب الوقت]

الامريكي :
يجيك
متماسك ونظيف
من الداخل ومن الخارج
وهناك يعتنون في الصيانه بشكل دوري
السعودي:
مكروف
طقطقه في الديكورات الداخليه
صيانه مافيه لين يوقف من حاله

اي والله ههههههههههههه انا اولهم


ماازود ع الشباب بشيء ..

لكن احرص انه ماتكون مصدومه او غرقانه ..

ترى كثير من هالمستورد من نفس الشكلية..


مشكووور والحين تقدر تاخذ تقرير من النت يعني اهون شوي

[آخر العنقود]

هلا اخوي الأمريكي يفرق بالنظافه وسبق لي ان استخدمت ماركيز 2005 وكديته 4 سنوات ومن احلى ما يكون لا اعطال ولا قرقعه ولا غيره بالعربي ميزة الأمريكي النظافه ونصيحه اذا انت صامل على امريكي خذه من صاله واحرص لا تاخذه من اللي يعرضون بالساحه ترا ما ينضمنون ابد والا استورده عن طريق شركة استيراد واشرط عليهم يكون خالي من الرش والسمكره وصدقني بتحصله ارخص من الصالات بمبلغ يتجاوز5000ريال والله ييسر امرك ....

[سراب الوقت]

صدقت اسهل انك تلقى نظيف

لكن هل تعرفون احد مظمون يستورد من امريكا

والسؤال هو ممكن تشوف السياره في الصور وتعجبك لكن ماتدري

يمكن تصير من برى الله الله ومن داخل يعلم الله

كيف تعرف انها صدق نظيفه

[سراب الوقت]

للـــــــــــــــــــــــــرفـــــــــــــــــــــ ــع