مشورتكم في شراء كابرس مخزن أصفاااار ؟؟

[محنك]

الســـــلام عليكـــــم ... مساكــــم الله بالخـــــير
أسألكم يالربع أنا حصلت كابـــــــرس موديل 2004 جـــديد أصـــــــفااار ؟
ونويت آخذه وحـــــبيت أسألكم هل التــــخزين والوقــــفــــة تضــــره لأنه واقف مــــدة 7 سنوات ماتحرك ولا أشتغــــلت مكـــينته ؟؟؟
ولا أشتري وأتوكل على الله . وبالنسبة للسعر فهو خارج عن النقاش ..
مع الشكر الجزيل لكم ..

[ولد وايل..]

خلك محنك.... ولا تاخذه وانا اخوك...

لأن 7 سنوات الموتر موقف

لإستخدامة يبي يكلفك كثير خاصه عند سوء التخزين

[ابوعبدالله 22]

اذا السعر مناسب .. توكل على الله

غير السوائل كلها والكفرات وشيك على الجلد

انا اشوف انه مناسب لانه اصفار فقط

[شاص2007]

والله ما انصحك بالكابرس عمومآ لكثرة علله حتى وهو جديد فما بالك بالمخزن انصحك تهج وانت ابخص

[عذب الروح]

رأي لك استخر والله يكتب اللي فية الخيرة

تحيتي

[علي101]

سبع سنوات ؟؟؟؟؟ الزيوت نشفت على الحديد وأصبحت طبقات بعظها فوق بعض في المكينة والقير وعلبة الدركسون والفرامل و و و و ومجاري البنزين كلها تسكرت وو وو وو ؟
والله ما أنصحك به ؟

[ياوجودي]

نصيحة أخ لاتطب بحفرة الكابريس انا مع ولد خالي 2004 ثمانيه سلندر ls

والله إني ماأتذكر اسبوع يمر الا بالصناعيه اما حرارة او دينمو او كمبروسر

لاتغرك الأصفار لأن بعد أول 40.000 كيلو بتزور الصناعيه صدّقني.

فكر بالثمن اللي بتدفعه مهما كان وشف وش بيجيب لك سيارة غيرها مبروكه.

[أبوفـهـــــد]

ان كانكـ معزم على الكابرس خذ جديدهـ الجديد اقل خربابت من القديمه على كلام الشباب

والله يهينك

[جداوي صميم]

والله وانا اخوك
ابعد عن الشرر وغنيلة

وقفت 7 سنوات مي سهل
اقل شئ يبيلك تحط فية 5 الاف اول ماتشترية من زيوت وكفرات وجلد
تلقى كل الجلد يابسة
والكابرس معروف سيارة وررشة

واول واخيرا استخير وتوكل على الله

والله يرزقك السيارة الي تتمناها

[الكيان]

ابتعد عنه مهما ما تقول عنه

وقفته طويلة مرة مرة يا اخي القلم وهو القلم اذا ماكتبت به لمدة طويلة ما يكتب مهو عاد حديد زيوت تروس بلاستيكات وغيرها

واذا كنت ناوي على الامريكي

فخذ لك كروان فكتوريا سعودي جديد من فورد تكد افضل من الكابريس والدليل الشرطة الامريكية هي سيارتها و ايضا الاجهزة الامنية في المملكة العربية السعودية هي سيارتها من الحرس الملكي و الشرطة والدوريات الامنية والمرور و الجوازات وامن الطرق و الحرس الوطني و المهمات الخاصة وامن المنشأت وغيرها. هي سيارة تكد و اقتصادية واعتمادية و رخيصة قطع غيارها و وكيلها ممتاز.

و الله يوفقك للخير

والله يحفظ بلدنا الغالي من كل شر وسوء.

[فاهم جداً]

اخوي الغالي التخزين لفتره قصيره مافيه مشكله بس السياره لها 7 سنوات



حط ببالك السيور وماشابهها تلقاها يابسه من الوقوف غير كذا اللي اعرفه بهالموديلات بها عيوب



انا مع اخوي 2006 فاكها وكاله السياره ماعليها وهو استخدامه خفيف لكن الموديلات القديمه الله اعلم بها




لكن لا تنسى ان فترة 7 سنوات تضر السياره



ولا تنسى الاستخاره



وبالتوفيق

[دل البحار]

كل عام وانتم طيبين
على حسب التخزين اذا موقعه زين يعني بضل وفيه تيار هواء
اشره وتوكل على الله لانه بحكم الجديد ولكن من وجه نظري انه اصبح قديم الموتر في موديله الجديد افضل لك والله يدلك

[هوايتي مكشات]

خذ فورد ارخص وارغب وافضل وسعرها يمكن

[دحيم الفزعة]

السلام عليكم
اخوي اول شي السعر اذا كان سعره نازل عن قيمته بوقته شي يستاهل خذه ولكن بشرط انك تسأل اهل الخبره اول عن قيمته الحين وبعد الاستخدام لمدة سنتين مثلا علشان ما تتفاجأ بنزول سعره بقوه بعد استخدامك
وحط ببالك انه يمكن واكرر يمكن يطلب شنبر
يبي له تغير السيور وطبعا الكفرات وجميع سوائل السياره والفلاتر البنزين والقير والماكينه والله يوفقك بالموتر الطيب

[نديم القهوة]

استخر ثم شاور الله يسر أمرك

[عاشق السيل]

والله ما انصحك بالكابرس عمومآ لكثرة علله حتى وهو جديد فما بالك بالمخزن انصحك تهج وانت ابخص

نفس الكلام ،،، هجججججججججج !!!

[الفرقة53]

نصيحة لوجه الله لاتشيل حصاة من الشارع وتحطها على راسك

[أبو عمر 505]

نصيحة لوجه الله .. انحش عنه وأنا اخوك
والله تحط هالسعر الي تبي تدفعه فيه .. في موتر ثاني أفضل لك بواجد

انتبه لاا تتحسف بعدين :)

[ابوعقل]

انا لو مكانك اشوف سعره

اذا هو حدود 20 الف ولا يزيد عن 25 الف

اتوكل على الله واخذه

بس شف انت بعينك مكان التخزين

ولازم تعرف سبب التخزين

[بواسامه]

نصيحة
الكبريس ولى زمانه ولاعاد هوب الموتر اللي في بالك

فلا يهمك مخزن ولا مكدود
ولوه يمشي ومكدود يبقى افضل من المخزن

النصيحه فر منه فرارك من الاسد

فالكابريس من خوابير هذا الزمااااااااااااااااااان

[مقلع الرمث]

هج وعظ ثوبك لا تقربها دورلي احد سالك مع كابرس من الشكل الجديد

[رآعي الددسن]

يارجال اذا تبيه وسعره مناسب طقه وماعليك من احد واذا ما اعجبك لاتقربه

لاكن نصيحتي المتواضعه دورلك موتر وكاله بنفس سعره عندك مواتر وااااجد مره مواتر صغار ماكثر الله الا هن لاكن لو انا الي معروض علي الكابرس هاذا ومثلن سعره 33 الف اخذلي آكسنت 2011 وكاله تعيش 5 سنين سلام سلام او اي موتر ثاني موب شرط اكسنت او اشرلك جيب مستعمل او جمس او او او او نصيحتي استخر ولا تستعجل وبعدين الموتر امريكي وجونا حااآآآآآر والموتر ماكد اشتغل يعني ماكد عرف جونا اتوقع بيبلشك بالخرابات

[ساري 111]

الاهم بكم معروضه عليك ؟؟

[فهد القصيم]

رأي لك استخر والله يكتب اللي فية الخيرة


تحيتي




نعم كلام100%

[خيم الصمت ...]

نصيحه لك يااخي ابعد عن شي اسم كابرس فاشل

[محنك]

السلام عليكم ...
الحقيقة الآن إتضحت الرؤية لي ... بيض الله وجيهكم ... ردودكم دليل حكمتكم ... وجزاكم الله خير
أشكر كل من قام بالرد ..... واستخرت الله وهــــــونت عن الشـــراء.....