سؤال بخصوص الفتحة

[ابو العز بلس]

السلام عليكم

عندي سؤال
يقول السؤال
فتحة السيارة وش فايدتها؟
هل مع طول الاستخدام تهرب موية؟
هل مع طول الاستخدام تدخل هواء؟
هل لها سلبيات؟


وشكرا لكم

[abu fares]

نعم مع طول الاستخدام ممكن تهرب ماء

[abu-nasr]

السلام عليكم
انا سيارتي فيها فتحه واللي اشوفه ان
الفتحه مشكلتها وحده بس
الجلده اللي عليها مع الوقت تبداء تسمع صوت الهواء والمقصود بالوقت يعني بعد 5 الى 7 سنوات على حسب السيارة توقف في ظل ولا بالشمس اذا كانت في الظل اكثر من 7 سنوات لان الجلده ما تخرب فقط اما دخول الماء لا انا سيارتي فيها صوت مع المشي ولكن مايدخل الماء ابد لا في وقت المطر ولا غسيل السيارة
والهواء حله اما تغيير الجلده بسبب تلفها من اشعت الشمس أو ترفع الفتحه وانت تمشي لحد ما تسمع ان الصوت راح
ولا ارى فيها عيوب ابدا لان استخدامها ممتع في اوقات تتمنى ان السيارة فيها فتحه مثل وقت المطر والاجواء الحلوه وخصوصا الاطفال وانت تتمشا في البر انواع الوناسه
وانا الصراحه تفرق معاي اليسارة اللي فيها فتحه ولا لا
وتقبل مروري اخوك ابو ناصر

[ابو العز بلس]

مشكورين على مشاركتكم ورايكم ونتمنى المزيد

[بعيد الهقاوي6]

الفتحه سلبياتها اكثر من نفعها

مشاكلها الصوت والازعاج اذا ارتخت مع كثرة الاستخدام هذا غير تنسيم الهواء ودخول الماء

واخطر شي الفتحه الزجاج تكون قاتله في الحوادث لانها زجاج فوق الراس الله يجيرنا والجميع من شر الحوادث

[ابو العز بلس]

امين واياك يارب


مشكور بس اتوقع اذا هي وكالة ماتسبب تنسيم هواء الا اذا هي مفصلة في الداخل

[عاشق السيل]

الفتحة مثل أنوار الزينون رهيبة وممتعة لكن إذا خربت تخليك تكره السيارة كلللللها والله يعينك على دفع الدراهم علشان تصليحها وكلامي من تجارب مع فتحة الباترول !!!

عموما إن حصل تاخذ سيارة بدون فتحة تراها أفضل وإن قلت ودي بالفتحة أقولك مو مشكلة لأنها حلوة في بعض الأجواء المعتدلة وتعطي منظر حلو جدا للسيارة ،،

لكن .... أنصحك باستخدامها بشكل يومي علشان ماتخرب عليك ولا تخلي الأطفال يطلعون معها لأنهم يخربون الربلات ويلمسون الشحم بعدين يوسخون اطراف التندة وانتبه تخليها مفتوحة تحت الأشجار ترى مجارير تصريف الماء تتسدد عليك !!!

والله يوفقك لكل خير .....

[الكيان]

ضرر اكثر من نفع

[ابو العز بلس]

بيض الله وجيهكم

الله يعين يعني ندور سيارة بدون فتحة بس لازم تنقص مواصفات ثانية يعني بدل ماتاخذ فل يبيلك سياحي

[ابن علوان]

شريت مره لومينا 2001 وكاله ولكن مالاقيت فتحه يومها في الوكاله فعملت لها فتحه تركيب والى يومك ماقابلت اي مشكله والحمد لله هذا وهي تركيب محلي
واللي اقوله ان الفتحه اعتبرها من الضروريات في السياره

[escape_man]

السلام عليكم

عندي سؤال
يقول السؤال
فتحة السيارة وش فايدتها؟
هل مع طول الاستخدام تهرب موية؟
هل مع طول الاستخدام تدخل هواء؟
هل لها سلبيات؟


وشكرا لكم

من خلقت الدنيا وانا ما اشري سيارة عائلية الا يكون فيها فتحة

لكن ... حافظ على تشحيمها كل سنة وكل ماذكرت من ملاحظات

ماشفتها ابداً في اي سيارة من سياراتي او من اعرف

الا استغفر الله واحد من الربع مع رودماستر 94 قالبه ددسن

[رآعي شآص]

والله ضررها اكثر من نفعهااا

[عاشق السيل]

بيض الله وجيهكم

الله يعين يعني ندور سيارة بدون فتحة بس لازم تنقص مواصفات ثانية يعني بدل ماتاخذ فل يبيلك سياحي

وش نوع السيارة اللي ناوي تشتريها ؟؟

بعض السيارات الفل الكامل تكون الفتحة اختيارية مثل الباترول ممكن تلقى سوبر سفاري بدون فتحة !!

[ابو العز بلس]

صراحة في خاطري لاندكروزر
والله يكتب الخير

[بليزر 1]

اخوي السلام عليكم اناشريت ميركوري فل وحاولت القا شي بفتحه وما لقيت لكني سويت لها فتحه عند شركة السلام الخليجيه في الدمام عليها ظمان 10 سنوات ما اشتكيت منها ابد بس اروح اسويلها صيانه وتنظيف لكن تغير شكل الموتر كثير هذا غير المزايا الاخرى خصوصا على الجيوب شكلها إبدع ولملعلوميه شركةتويوتا تسوي بعض الفتحات عندهم وهذا الكلام رايته بعيني (كامريات 2007 ) تقبل مروري

[سرطوقا]

الفتحه تعطي نظره خاصه انت بتاخذ لاند يالبيه بس