استفسار عن النترا الجديدة .. ابي نصيحتكم حبايبي

[أبو عمر 505]

السلاام عليكم
مسيتكم بالخير .. حبايبي

بغيت آخذ رايكم في إلنترا الجديدة http://doraan.com/vb/images/smilies/smile.gif

ناوي اشتري لي 2010 او 2011 .. جديدة وتقسيط
أو بآخذ مستعمل بس نظيف و 2008 وفوق كاش

وبغيت نصيحتكم .. من ناحية هل الموتر عملي ومريح
وكيف عزمه ؟! .. طبعااً المكينة 2000 سي سي

وماهي مزاياه وعيوبه .. للي جربوا الموتر

وإذا نويت وكالة من وين تنصحوني آخذه اقساط ؟ .. من الوكالة ولا من وين

ولو ادفع مقدم قسط 15000 ريال او 10000 ريال .. كم يبي يطلع القسط الشهري ؟؟

أنتظر ردودكم أحبتي ..

[مقلع الرمث]

حبيبي تقسيط ماكو

فيه تاجير منتهي بالهلاك اسميه انا

انا عن نفسي انصحك تاخذ كاش ولا تاخذ تأجير

السياره راح يكون عليها زياده تقريبا 20 الف او اكثر مع التقسيط

لذالك يقولك المثل مد رجلك على قد الحافه بالتوفيق لنا ولك بالدراين

[رآعي الددسن]

الموتر ماعليه كلام واحد من الربع توه طاق وحده 2011 ماشيه تمام بس بكم تطلع عليك بالقليل ب 66 الف اقصاد والله بيني وبينك واجد اذا تبي نصيحتي لاتستعجل وشف يمكن تلقا موتر ثاني افضل من الالنترا انكانك راعي بر وكذا تعرف الوسم قرب والشتاء جايك ان شاء الله يعني ماينفع الموتر الصغير اما اذا انت راعي ديره فا انصحك به والموتر ماعليه اي كلام ماشاء الله تبارك الله نشيط ولايصرف بنزين وراسي بالخط

تقبل مروري

[أبو عمر 505]

حبيبي تقسيط ماكو

فيه تاجير منتهي بالهلاك اسميه انا

انا عن نفسي انصحك تاخذ كاش ولا تاخذ تأجير

السياره راح يكون عليها زياده تقريبا 20 الف او اكثر مع التقسيط

لذالك يقولك المثل مد رجلك على قد الحافه بالتوفيق لنا ولك بالدراين
اهاا ,, نصيحة طيبة

لااهنت اخوي وبيض الله وجهك

[أبو عمر 505]

الموتر ماعليه كلام واحد من الربع توه طاق وحده 2011 ماشيه تمام بس بكم تطلع عليك بالقليل ب 66 الف اقصاد والله بيني وبينك واجد اذا تبي نصيحتي لاتستعجل وشف يمكن تلقا موتر ثاني افضل من الالنترا انكانك راعي بر وكذا تعرف الوسم قرب والشتاء جايك ان شاء الله يعني ماينفع الموتر الصغير اما اذا انت راعي ديره فا انصحك به والموتر ماعليه اي كلام ماشاء الله تبارك الله نشيط ولايصرف بنزين وراسي بالخط

تقبل مروري
لاا يالغالي ماني راعي بر ..!
لااهنت ع النصيحة الطيبة .. وبيض الله وجهك

[شمالات نجد]

استاجرت وحده يومين الظاهر موديلها 2009 أو 2010 قير تماتيك واشوفها تمشي تمام مع المكيف البارد في عز الحر وعزمها ما طاح

ولا اخفيك افكر في شراء مستعمله للدوام ومشاويري داخل الرياض

سلام

[أبو عمر 505]

استاجرت وحده يومين الظاهر موديلها 2009 أو 2010 قير تماتيك واشوفها تمشي تمام مع المكيف البارد في عز الحر وعزمها ما طاح

ولا اخفيك افكر في شراء مستعمله للدوام ومشاويري داخل الرياض

سلام
مشاء الله .. تجربة جميلة
الله لاا يهيينك يالذيب وبيض الله وجهك ع النصيحة

[تركي بن ناصر]

ما جربتها

لكن ضمان الوكالة على السيارة فاشل

واحد من أخوياي عنده النترا 2009 واخترب العكس الأمامي فيه صوت وراح يبي يغيره قالوا له عليك ماهو على الضمان

وهذا الكلام صار في المجدوعي في الدمام

وخالي عنده فان هونداي موديل 2007 شراه من الوكالة

وقالوا له إذا مشى 70 ألف تعال نغير جنزير مكينة وعلى حسابك بــ 1500 ريال أو يسقط الضمان إذا ما حضرت

ولكن أنا ما جربتها

وإذا تبي نصيحتي اشتر تويوتا كورولا أفضل بــ مليار مرة

صحيح أغلى شوي ولكن تسوى أنك تزود القيمة

والله يوفقك ويبارك لك في حلالك

[أبو عمر 505]

ما جربتها

لكن ضمان الوكالة على السيارة فاشل

واحد من أخوياي عنده النترا 2009 واخترب العكس الأمامي فيه صوت وراح يبي يغيره قالوا له عليك ماهو على الضمان

وهذا الكلام صار في المجدوعي في الدمام

وخالي عنده فان هونداي موديل 2007 شراه من الوكالة

وقالوا له إذا مشى 70 ألف تعال نغير جنزير مكينة وعلى حسابك بــ 1500 ريال أو يسقط الضمان إذا ما حضرت

ولكن أنا ما جربتها

وإذا تبي نصيحتي اشتر تويوتا كورولا أفضل بــ مليار مرة

صحيح أغلى شوي ولكن تسوى أنك تزود القيمة

والله يوفقك ويبارك لك في حلالك
الله يجزاك ع النصيحة ,,
الكورولا الجديدة ماهي مثل اول .. وشكلهاا مو شبابي وغالية

بيض الله وجهك ...

[حبيب الامس]

اليارس افضل من الكوريلا الجديده

[أبو عمر 505]

اليارس افضل من الكوريلا الجديده
اليارس صغيرة مرة .. وشكلها غير جميل
يعطيك العافية غلاي ..

[أبو عمر 505]

اغلب الآراء الي طلعت بهاا عن الموتر تنصحني به وبقوة
خصوصااً الي استخدموا الموتر

وبأتوكل ع الله وبأشتري لي وحده .. والله يعيين ويكتب الي فيه الخير

يعطيكم الف عاافية حبايبي جميعااً
وبيض الله وجيهكم .. :)

[تناهيت]

عطونا صورة عن هالمتور ......ناوي لي صغيرة حقت مشاوير الرياض وزحماته

مالي علم عنها مع اني سمعت عنها كثير


تحياتي

[حبل الوريد]

خذه ولا تشاور يا بعدي والله كانت مع واحد من الخوال اني دايم اشوفه واذكر الله

والله يدخل به النفود وماهو ساكن فالديره بطانيج تنخل الموتر نخل ومهناش فيضه الا وطب به

مشاه 230الف موديله 2006 وباعه ما طلبت منه شيء بس يبي الوسع

[شمالات نجد]

وإذا تبي نصيحتي اشتر تويوتا كورولا أفضل بــ مليار مرة

صحيح أغلى شوي ولكن تسوى أنك تزود القيمة

والله يوفقك ويبارك لك في حلالك


لا تكفى الا الكورلا وقسم بالله اني شاريها جديده بقراطيسها ما جلست معي يومين وبعتها بخسارة كم ألف الله يخلف علينا.

والسبب الموتر خفيف أكثر من اللزوم بشكل ملاحظ أثناء القيادة.. مع العلم اني مجرب الكوريلا القديمة وهي أفضل

[VXR.2007]

ماشاء الله سيارة حلوة بس عندك السوناتا احلى واحلى وسيعة من الداخل وشكل الخارجي ممتاز والراي رايك وعلى قد فلوسك



http://www.youtube.com/watch?v=D1esWsu5a6g

سوناتا
http://1.bp.blogspot.com/_iJhdhckGwzk/S7IZYBKAcpI/AAAAAAAAH4k/ZZFAnPCmz-8/s400/sonata+8.jpg

http://2.bp.blogspot.com/_iJhdhckGwzk/S7IY0YGoZJI/AAAAAAAAH4M/sRjKXVbgMGg/s400/sonata+5.jpg





اما النترا 2011

http://www.youtube.com/watch?v=6ZaGl-goBgg&feature=related



http://dc11.arabsh.com/i/01690/0oku0f60pwi9.jpg (http://hyundai-arabic.com/vb/showthread.php?t=164)

http://dc11.arabsh.com/i/01690/3d4akinptn6q.jpg (http://hyundai-arabic.com/vb/showthread.php?t=164)

http://dc11.arabsh.com/i/01690/wc2g6abwzngz.jpg (http://hyundai-arabic.com/vb/showthread.php?t=164)



http://dc02.arabsh.com/i/01690/tvfc728z1yvx.jpg


http://dc02.arabsh.com/i/01690/t6j5loui6w7f.jpg

[wafi4sa]

انا يالخو مستعمل الأنتراء 2004 تماتيك وماشية حتى الآن نقريبا 1000 الف
وسافرت فيها كم مرة خارج السعودية ( الأردن ) ممكن تسع مرات وسوريا مرتين وحتى حدود تركيا مراة من المرااات
سيارة بالأستعمال النظيف تبقى نظيفة
وعزمها ماشاء الله ما قل ابدا على ما قالوا الأخوانا
انا اشوفها سيارة حلوة جدا على استعمالي لها نظيف ومع سيارتي الثانية
ولم ادخلها الوكاله إلا قبل شهر وغيرو فيها جنزير المكينة وفلتر القير
وفلتر البنزين ومساعدات امامية وجلد للكفرات الأمامية وبلف حرارة
يعني صيانة فقط
وتغير للصيانة وليس متعطلة
كل هذا لم يكلف 2000 ريال
اتمنى انني افدتك من استعمالي الشخصي

[MjNo0oN]

والله يا اخوي انا ما انصح في الصغار لو تفكر شوي بتشتري النترا بعد سنتين كم بتجيب لك ...؟؟ ان جابت ال35 بحب الخشوم و احمد ربك عليها وقيمتها في الوكاله ان ماخاب ضني بـ 52<<ماني متاكد من السعر لمديل 2010 لمكينة 2.0

بقيمتها طلع لك سوناتا سياحيه ابرك لك اخبر انها بـ 55 الف وفيها فرق السما و الارض بينها وبين الالنترا

واذا كنت بتقول ابي موتر صغير خذ اكسنت عطية الله وش حليلها وعلى الي اشوفه انها اقوى سيارات هونداي في الصبر لانها تجيك مع شباب طايش يلمخ بها لين تقول امين وتكد معه 4 او 5 سنين وان خربت مكينه راس مالها توضيب بـ 900 او تصقط وحده مجدده من التشليح بـ 800 و القير مثل ويمكن ارخص ون بغيت رفرف راس ماله 90 ريال والاصطب بـ 40 ريال وياله من فضلك << يخطط عليها هههه

او خذلك تيدا تراها حليوه وزعمها شاد شوي لاكن مشكلتها شكلها تقول لعة مكعبات مركبه مع بعض بالغصيبه واشوف في المواقع ان الجيديده منها نازله والله العالم ((غيرو شكلها للأفضل))

وفي الاخير انت استخر ربك قبل اي شي

[أبوفـهـــــد]

والله مدري بكم بتطلع عليكـ بس اتوقع لو تروح للمعارض بتلقاها ارخص بوااجد

واما من ناحيه العزم عزالله انها طياره استاجرنا 1600 تجيب الطبلون سلام سلام

[أبو عمر 505]

الله يجزاكم الجنة جميع .. وبيض الله وجيهكم
خلااص قررت افك لي وحده وكالة كاش ان شاء الله

الله ييسر ويكتب الي فيه الخير .. :)

[أطلال نجد]

لا تستعجل
أنا معي سوناتا 2008 دخلتها الوكالة صيانة دورية قبل شهرين تقريباً واستأجرت ألنترا 2011
ماشية 1,400 فقط
والله فررررق شاسع بينها وبين السوناتا مع العلم أن سيارتي ماشية 80 ألف وهذي جديدة !
ملاحظاتي عليها ..
مكينة ضعيفة , رساوة لك عليها , تسمع صوت الأرض بوضوح , شكل السيارة ما أدري يمكن أنت تشوفه زين !
بصراحة لو حصلت لي جديدة بـ 30 بعد السوناتا ما أركبها والرأي لك
وجهة نظر أتمنى تفيدك

[ابومحمدالبري]

اخوي اما معي وحده 2008

كادها كد الحمير ولاقالت شي


خذها ولاتشاور

[ابوصالح77]

لالالالالالالالالالالالا يقربك التأجير المنتهي بالتمليك أو التقسيط من الشركة
إشتر مستعمل على قد فلوسك
أو خذ قرض من البنك فوائدهم قليلة مقارنة بالشركات .
وبالنسبة للسيارات عموماً ، فهي:
1- توافيق من الله 2- حسن الإستعمال وعدم الجور .