صاحب فورتشنر او احد عنده علم

[ابوعدي]

واحد من الشباب في الأستراحه ناوي يشتري فورتشنر
بس محتار بين نوعين الفكس 1 أو فكس 2


الفرق بين الأول والثاني
فرامل مانع الأنغلاق
فرش جلد طبعا هو ساكن بالرياض يعني حر
مرتبة السائق كهربائيه
الفرق بالدراهم 8000ريال
هل هالمواصفات تستاهل 8000ريال والا ياخذ فكس1 ويوفر فلوسه
وهو يبي يطلعه اقساط وش رايكم
والموتر هل هو زين كأستخدام يومي
طبعا هو ما هو شباب يعني صغير كبير واستخدامه للديره والبر بالعقل يبي ياصل المحل اللي يبيه بدون كر على الموتر افهموها عاد انتم رجال عمره 38 ومقاس شماغه 60 ويلبس طاقية مشخله في الأستراحه دايم علشان مستحي من الصلع :j
اعطونا الزبده لو تكرمتوا

[أوكسجين02]

أنا عندي الفكس 1 موديل 2010 بصراحه مووووووووووووتر للبلد والبر والسفر وإذا يبي يكشخ ياخذ الفكس 2 بس مثل مايقولون أصحاب الفورتشنرات نظام الإي بي أس مهم جداَ لأن فرامل الفورتشنر لك عليها شوي وإذا دراهمه واااااجد يطق الفل كامل وترى المخمل ماهوب شين
وسلامتك

[المميـز]

:

مانع الانزلاق يستاهل يدفع عليه أكثر من 8000 ريال

لأن اللي معهم فورتشنر بدون مانع انزلاق يشتكون من الفرامل شوي

/

وإن كان سواقتك هاديه .. بإذن الله ماتحتاج لنظام مانع الانزلاق

والله يكتب لك اللي فيه الخير

:

[ابوعدي]

اشكركم يا اوكسجين 2 ياالمميز على تفاعلكم

[ولد وايل..]

شف وانا اخوك...


الفش فش بدوووون اي بي أس ما يسوى رياااااااااال...!!


أنا أخذت موتر واد من العيال مابه مانع انغلاق

بدون ما احلف إن ادنى بريك يمسك وكووووووووووووووووح تسمع الصوووت والله يستر لو ان البريك بلفه ..!

انا ما ادري متى تنتبه تويوتا وتخلي المانع قيااااااااااسي ...


الله يوفقك

[ابوعدي]

تسلم والله ياولد وايل ومثل ماقلت لو يخلونها من المواصفات الأساسية كان افضل
ولكن والسوال للجميع هل يصلح للأستعمال اليومي والا متعب

[المميـز]

يصلح وحليل وخفيف ووذف :)

[قرعة نجد]

هلابك
انا معي ذا اللي بدون abs صحيح انه متعب شوي لاكن ما نقول انه دمااار
و انا معي للأستخدام اليومي اشوفه زين وممتاز بس انه عليه اليباس شوي

[مشعان جكسار]

السيارة جربتها اللي هي في اكس ون وابراء للذمة راح اعلمك عيوبها :
غير مريحة بالسفر
صرفية البنزين عالية نوعا ما
تجهيزات السلامة سيئة نوعا ما وركز على نوعا ما
البودي وداخل السيارة ضعيف جدا .
الراكب انتبه للقير من ركبته خصوصا بالمسافات الطويلة لازم كل من يركب معك تتنتبه لا تطق ركبته القير لان القير صاير كأنه مسند لركبة الراكب لااازم ينتبه لهالنقطة .
الخلاصة اذا هو تهمه السيارة للسفر لااا ياخذها اما في البر الموتر بطل ولكن مطبه قاسي ( بدون نوعا ما ).
وانا من التجربة انصحه بقيمة الفي اكس الفل كامل ياخذ تاهو 2010 مستعمل ونظيف جدا ومن الافضلية حتى يعني ضمان الوكالة وممكن هاليومين برمضان يلاقي عروض ويلاقيهم حول نفس السعر والله ما يندم من التجربة والله ماكتبت هالكلام الا من حرصي انك ما تتوهق وانت استخر والله يكتب لك الخير ولي رجاء انك تاخذ السيارة ايجار يومين وتجربها وتشوف ممكن تجوز لك وممكن لا

[ابوعدي]

اشكرك اخوي العزيز /نوع ما .........اقصد مشعان جكسار
على المصداقية اللي تفضلت علينا بها ولكن هل التاهو يصلح للبر لأن خوينا مايبي موتر للسفر لأن عنده سوبربان لكن للديره والبر بس فقط لاغير نوع ما

[المميـز]

السيارة جربتها اللي هي في اكس ون وابراء للذمة راح اعلمك عيوبها :
غير مريحة بالسفر
صرفية البنزين عالية نوعا ما
تجهيزات السلامة سيئة نوعا ما وركز على نوعا ما
البودي وداخل السيارة ضعيف جدا .
الراكب انتبه للقير من ركبته خصوصا بالمسافات الطويلة لازم كل من يركب معك تتنتبه لا تطق ركبته القير لان القير صاير كأنه مسند لركبة الراكب لااازم ينتبه لهالنقطة .
الخلاصة اذا هو تهمه السيارة للسفر لااا ياخذها اما في البر الموتر بطل ولكن مطبه قاسي ( بدون نوعا ما ).
وانا من التجربة انصحه بقيمة الفي اكس الفل كامل ياخذ تاهو 2010 مستعمل ونظيف جدا ومن الافضلية حتى يعني ضمان الوكالة وممكن هاليومين برمضان يلاقي عروض ويلاقيهم حول نفس السعر والله ما يندم من التجربة والله ماكتبت هالكلام الا من حرصي انك ما تتوهق وانت استخر والله يكتب لك الخير ولي رجاء انك تاخذ السيارة ايجار يومين وتجربها وتشوف ممكن تجوز لك وممكن لا


:

مهب كنك بالغت نوعا ما :) ؟

: