تعال عطني العلم الصحيح !1

[أبوفـهـــــد]

السلام عليكم ورحمة الله وبركاته



كيف الحال ؟ ان شاء الله طيبين:good2:



ياشباب طالبكم تجاوبوني وتدلوني على الزين انتم اخبر مني....



ياشباب انا شاب في الثانوي يعني راعي طلعات وجيات و..0



وناوي ان شاء الله على باثفندر 2004 ولا 2003 وش رايكم يصلح ليـ ولالا
يعني يتحمل ولا يبهذلني بخراباته ....



وكم اسعارها الفل 2003 و2004(طبعاَ ابي مكينته 3،5)



وش تنصحوني اخذ باثفندر ولالا
وفيه ناس تسبه وفيه ناس تمدحه واناا ابيها من المجربينه...



والله يجزاكم خير

[فهد الميهوبي]

وعليكم السلام
انت راعي طلعات ومطاامر خذله تايوتا اشراع 84
بالبر يعجبك وين ما تروح ما يقول اح ووبعدين مكينه واديتر فقط انا معي وااحد والله انه يااصل محلات ماا تدخل العقل والنضيف تلقااها بالطيف
وخله للبر فقط
بالتوفيق لك واذا ناوي باثفندر
اسئل اللي جربووه
ووسلامتك

[قبطان سلفر]

أبو فهد
،،
مالي علم في الباثفندر
،
،،
،،،
لاكن ترا الهايلكس غمارة موديل 2008 وطالع
اشوف أنها الموتر المناسب لك ،، والله يوفقك

[دل البحار]

كلام الاخ الميهوبي عين العقل

[التعـ King ـديل]

من تجربه للباثفيندر 2005

عز الله انه موتر وطبعا مافيه فرق عن 2004 و 2003

طرب بالخطوط وطرب بالديره وطرب بالبر .. صرفيه بنزين 95 معقوله جدآ وقوه رهيبه

[أبوفـهـــــد]

وعليكم السلام
انت راعي طلعات ومطاامر خذله تايوتا اشراع 84
بالبر يعجبك وين ما تروح ما يقول اح ووبعدين مكينه واديتر فقط انا معي وااحد والله انه يااصل محلات ماا تدخل العقل والنضيف تلقااها بالطيف
وخله للبر فقط
بالتوفيق لك واذا ناوي باثفندر
اسئل اللي جربووه
ووسلامتك

والله الموتر فيه عزهـ بس ماارغب فيه صعبه اودي ااهلي بالشراع
وانا موب اكثر وقتي في البر

وسلمت على الافادهـ

[أبوفـهـــــد]

أبو فهد

،،
مالي علم في الباثفندر
،
،،
،،،
لاكن ترا الهايلكس غمارة موديل 2008 وطالع

اشوف أنها الموتر المناسب لك ،، والله يوفقك

والله ودي بجيب ووعاجبني شكل الباث بس ماادري عن خرباته

وتسلم ع الافادهـ

[أبوفـهـــــد]

كلام الاخ الميهوبي عين العقل
مثل ماقلت والله ودي بالباث بس ابي واحد يعطيني الزبدهـ زين ولالا

وسلمت ع المرور

[أبوفـهـــــد]

من تجربه للباثفيندر 2005

عز الله انه موتر وطبعا مافيه فرق عن 2004 و 2003

طرب بالخطوط وطرب بالديره وطرب بالبر .. صرفيه بنزين 95 معقوله جدآ وقوه رهيبه

الله يجزاك خير

بس ماتعرف كم اسعارها

والله يعطيك العافيه ع الافادهـ

[أبوغيث 2003]

والله الباثفندر توافيق

انا معي 2003 وماشي معي

كشتات , سفر ,مشاوير

وماشفت منه الا كل خير

لكن أعرف اكثر من واحد شرى باثفندر وكره عمره من الخرابات

صرفية البانزين تعبي بـ 40 احمر يمشيك 400 كيلو

قطع غياره غالية شوي

استخر وشاور

واهم شي لا تاخذ الا النظيف

وافحصه عند البريدي اذا كنت بالرياض

وبالنسبه للاسعار من 40 - 55 للنظيف من موديلات 2003 - 2005

والله يوفقك وييسر لك الخير

[~ V T A C ~]

عز الله انه موتر

[شاص99]

انا والله ماعندي خبر بالباث


لاكن وشرايك باباترول الربع موديل 94 95 96 97


اقوى من الباث وسعره زين

[اسير الغضا]

يابن الحلال الباث حضوض

وينقص زيته لازم تشيك عليه بين فتره وفتره

لاكن دور شي نضيف بالحيل

[مجالس الرجال]

والله ما انصحبه وانا صاحب تجربة معه 2004 و 2005
اشوف الباترول باب واحد افضل منه اقل خراب لكن مع البنزين يشرب شرب

[المنيعي1]

والله الباثفندر توافيق



انا معي 2003 وماشي معي


كشتات , سفر ,مشاوير


وماشفت منه الا كل خير


لكن أعرف اكثر من واحد شرى باثفندر وكره عمره من الخرابات


صرفية البانزين تعبي بـ 40 احمر يمشيك 400 كيلو


قطع غياره غالية شوي


استخر وشاور


واهم شي لا تاخذ الا النظيف


وافحصه عند البريدي اذا كنت بالرياض


وبالنسبه للاسعار من 40 - 55 للنظيف من موديلات 2003 - 2005



والله يوفقك وييسر لك الخير


أنا مع كلام أخوي ابوغيث أختلف معه في نقطتين :

1- الصرفية للبنزين معي من طلع الأخضر قبل حوالي 4 سنوات اعبيه أخضر يمشي معي داخل الديره 540 كلم بسفر على سرعه 140 يمشي 500 كلم يعني ماتلقا أي جيب بلعالم يمشيك المسافه هذي .
2- قطع الغيار الي يقول غاليه انا ولله الحمد مره وحده انحلة مكرة السير وأظطريت تغييرها فحصلته على 130 ريال أصلي من الموزع, أخوي قبل فتره مغير مكرة الددسن على 180 ريال يعني أرخص من الددسن .أما القطع الحساسة فلا أعرف عنها شي وان شاء الله مانعرف عنه شي.

[أبوفـهـــــد]

والله الباثفندر توافيق



انا معي 2003 وماشي معي


كشتات , سفر ,مشاوير


وماشفت منه الا كل خير


لكن أعرف اكثر من واحد شرى باثفندر وكره عمره من الخرابات


صرفية البانزين تعبي بـ 40 احمر يمشيك 400 كيلو


قطع غياره غالية شوي


استخر وشاور


واهم شي لا تاخذ الا النظيف


وافحصه عند البريدي اذا كنت بالرياض


وبالنسبه للاسعار من 40 - 55 للنظيف من موديلات 2003 - 2005



والله يوفقك وييسر لك الخير


الله يجزاكـ خير
بس انا لاقي 2003 في حدود 35 وفوق يعني من 35 الى 40

ولاهنت على الافادهـ

[أبوفـهـــــد]

عز الله انه موتر

الله يعطيك العافيه ع المرور

[أبوفـهـــــد]

انا والله ماعندي خبر بالباث


لاكن وشرايك باباترول الربع موديل 94 95 96 97


اقوى من الباث وسعره زين

لا والله ارغب في الباث

والله يعطيك العافيه على المورور

[أبوفـهـــــد]

يابن الحلال الباث حضوض

وينقص زيته لازم تشيك عليه بين فتره وفتره

لاكن دور شي نضيف بالحيل
ان شاء الله القاء النظيف

ويعيطك العافيهـ على افادتكـ

[أبوفـهـــــد]

والله ما انصحبه وانا صاحب تجربة معه 2004 و 2005
اشوف الباترول باب واحد افضل منه اقل خراب لكن مع البنزين يشرب شرب

يقولون ان 2005 اقل خرابات في كل الباثفتدرات

وانا والله ماارغب في الباترول القديم

[أبوفـهـــــد]

أنا مع كلام أخوي ابوغيث أختلف معه في نقطتين :



1- الصرفية للبنزين معي من طلع الأخضر قبل حوالي 4 سنوات اعبيه أخضر يمشي معي داخل الديره 540 كلم بسفر على سرعه 140 يمشي 500 كلم يعني ماتلقا أي جيب بلعالم يمشيك المسافه هذي .

2- قطع الغيار الي يقول غاليه انا ولله الحمد مره وحده انحلة مكرة السير وأظطريت تغييرها فحصلته على 130 ريال أصلي من الموزع, أخوي قبل فتره مغير مكرة الددسن على 180 ريال يعني أرخص من الددسن .أما القطع الحساسة فلا أعرف عنها شي وان شاء الله مانعرف عنه شي.

ماشاء الله الله يهينكـ بموتركـ ويكفيك من كل شر

ويعطيك العافيهـ عل الافادهـ

[صحن قلابة]

مجرب 2003 سيء ,
فيه قرقعه تجيب لك الهم
تكييف زفت
حرارة
نقص زيت
اذا دراهمك ماتتعدى 40000 الف خذلك : هايلكس غمارتين , باجيرو ربع

[أطلال نجد]

لي زميل بالعمل معه 2005 يشتكي من الحرارة أثناء التطعيس ,, تكييف سيء ,, لا يوجد مكيف خلفي للعائلة

خذ لك فور شينر v6

أنا أشوف أنه أفضل بس أعتقد أنه غالي 2006 فوق الستين

[fof6666]

ياخوي الباث ولى زمانه ومشاكله كثيرة
انا أرى انك تحول للفورتشنر تراه يتحمل مثل الهيلوكس ونشيط بالحيل (خصوصا الستة سلندر)ومشاكله قليلة
وبالمناسبة ترا الشباب طايحين به هاليومين

[راعي النياسين]

شف يالغالي

بتاخذ موتر مكروف بيكرفك في الورش

بتاخذ موتر نظيف وحتى لو زاد سعره بترتاح اين كان نوع الموتر لو تاخذ شي مكروف بتتعذب صدقني

دور لك باث 2005 موديل جديد ممشى اقل من 130 الف وباذن الله انك بترتاح

والباث اشهد انك لو جربته معد منتب فاكه موتر عز

الا اقول ورى ماتشوف الاكستيرا اخو الباث ومكينه اقووووووووى

[ابوطاقية]

اخوى معه واحد 2005 الحين ومخبط ولا قدرنا نحصل له سبايك مقاس 20 وعامود الكرنك بالوكاله قيمته 3700 ويجي بعد 40 يوم اذا طلبناه
اتوقع انها سياره مكلفه وانها حظوظ وتعتمد على استخدامك
اشوف ان الاكستيرا والفنتشر افضل منه هذا والله اعلم