النيه هايلكس غماره بس مشورتكم بالتقسيط يالربع

[عشق الكتابه]

بسم الله الرحمن الرحيم

السلام عليكم ورحمة الله وبركاته


تعرفون الشتاء قرب والامطار ان شاء الله جايه ويازين البر في هالوقت

المهم


بشتري لي هايلكس 2010 غماره ولا تقولين لي اصبر لين 2011 لانه اول ما ينزل بيصفق الـ 60 بالراحه

انا بشتريها اقساط علما اني طالب جامعي وما معي الا 30 الف ريال ويمكن تقسط هالقيمه حق سنه ونص تقريبا انا بعد السنه والنص هذي ان شاء الله الدراهم بتصير موجوده

وش رايكم باللي بسويه ؟؟

تكفون افزعواا لي


تحياتي لكم

[دحيم الفزعة]

توكل على الله راي سديد
تحياتي ====

[ابوحمزة 2009]

ببببببببببببببببببببس توكل على الله وياليت لو تجمع فوووووووووووق الــــ40 بكون ازين
والله يوفقك وييسر امرك

[عشق الكتابه]

ما قصرتوا على الردود الطيبه

بس تهقون مافيه مشاكل؟؟؟

اخاف يقولون نبي كفيل

[مفخرة فورد]

لازم تكون موظف عشان يقسطونك الوكالات والكفيل مطلوب في الوكالة أو المعارض حسب علمي
حاول تبحث عن سيارة بالمبلغ اللي معاك يمكن تلقى سيارة تناسبك
الله ييسر أمرك

[عشق الكتابه]

مفخرة فورد

ما قصرت اخوي على الرد وبيض الله وجهك

طيب لو اجيب لي كفيل هل بتضبط اموري ؟

من ناحية ابحث عن سياره بالمبلغ اللي معي والله ما ضنيت المستعمل محدن يامنه خرابات وغثى


تحياتي لك ....

[كم كيلو باقي]

التقسيط دم فاسد وانا اخوك .. بتستمر عليك الاقساط فترة طويلة تاكل من راتبك اكل وماراح تقدر تكون نفسك بسرعة
ما انصحك ابد ابد بالاقساط .. وان كان تبي نصيحتي ..

تسلف لك زود 10 الاف من احد اقاربك المقتدرين .. وخذ لك غمارة نظيف 2002 وحوله

والخرابات امرها سهل بالهايلكس وتصليحها سهل ورخيص غالبا

[كم كيلو باقي]

ترا الجديد فرحة شهر ولا شهرين بالكثير ..

[عشق الكتابه]

كم كيلو باقي

يعطيك العافيه اخوي على الرد

والله انك ما كذبت بس وش تبي نسوي احتدينا لها الشكوى لله

تحياتي لكـ

[اسير الغضا]

افضل شي بنك الراجحي بس لازم تصير موظف حكومي
يمكن لو تطلب من الوالد اذا كان عنده حساب بالبنك

او تنتظر لرمضان يصير فيه بعض العروض

[t-vip]

عطهم 31 هههههههههههههههههههههههههههههه

[t-vip]

اقول توظف وشتر هلي دحدر يالله

[فل ابشن]

تدين الباقي واجمع له إلأن تسدده لاكن لا تدين إلأا وانت تقدر تسدد احن من التقصيد