لتخفيف صرفيه الباترول

[التعـ King ـديل]

السلام عليكم ورحمه الله وبركاته

من واقع تجربه لعدد من الموديلات ابتداء من 88 الى 2005

لتخفيف الموديلات 97 وتحت كل ماعليك تسويه هو

تغير الديلكو الى ديلكو 4500 الكتروني مع الكويل

بالنسبه لجميع الموديلات

تركيب فرار برازيلي اسود عند السليماني قيمته 550
تركيب جنوط خفيفه مثل الهلل على بالون 900
رفع بسيط خلفي او تنزيل بسيط امامي

وكانت احلا تجربه لي على باترول 97 مركب له ديلكو 4500 وكويل الكتروني وجنوط هلل وبالون 900 وفرارات

كنت امشي على سرعه 160 يكفيني امشي عليه 455 كيلو واللي يعرف طريق الخرج - الامارات يعرف وش اقصد

كنت افلل من الخرج واوصل عن منفذ البطحاء باقي فيه ابو ريالين مع اني مشغل مكيف وامشي 160 على الاقل

[تناهيت]

الباترول حبيب بس مشكلته هالبنزين .....>يشرب بغضاره
طلعنا علي واحد للصمان بهذلنا

[التعـ King ـديل]

تناهيت جرب كلامي وشف الفرق

[المدير1]

طيب مديل 98

[التعـ King ـديل]

مديل ال 98

طق له فرارات وجنوط خفيفه الهلل مثلا وكفرات بالون 900 وبتلاحظ فرق واضح خاصه اذا بنزينك 95

[ذيب حريملاء]

انا معي ربع باترول 2006

وش تنصحني بنوعيه الفرارات ووين القاهاا الله لايهينك اناا من سكان الرياض

ياليت وصف دقيق اذا ماعليك امرر ..

شاكر لك

[العبله]

انا معي ربع 2001 رافعه من قدام وراااا والصرفيه زينه بالحيل ما يصرف وللمعلوميه مركب له فرارات والان توي مركب عليه مراوح كهرب ومغير الكلبليتر يعني اتوقع يكون صرفيته قليله مره مره بس يبيلي انزل الوجه شوي عشان يمشي زود.

[عشق البر]

طيب الكويل والديلكو تركب على طول ولا يبيله ترهيم ويفرق بالعزم ؟
وكم ممكن تكلف القطع ؟

[ابو عود]

معي باترول 91

عليه فرارات وجنوط هلل ومراوح كهرب

ولا يمشيني الا 500 والتانكي 120 لتر

المشكله كلها في الكلبليتر

[مقلع الرمث]

اخوي التعديل انت عالجت الموضوع بخصوص الجنوط لكن كفرات بالون كبيره وثقيله وتصرف اكثر بنزيم

لكن هل قصدك مع الطريق يكون الصرفيه اقل بالبالون ؟

[التعـ King ـديل]

انا معي ربع باترول 2006

وش تنصحني بنوعيه الفرارات ووين القاهاا الله لايهينك اناا من سكان الرياض

ياليت وصف دقيق اذا ماعليك امرر ..

شاكر لك

فرارات برازيله السوداء تلاقيها عند السليماني ب 550 مع التركيب

السليماني فرعين بحي المرسلات شارع الملك عبدالعزيز

او الغرابي

[التعـ King ـديل]

طيب الكويل والديلكو تركب على طول ولا يبيله ترهيم ويفرق بالعزم ؟
وكم ممكن تكلف القطع ؟

تركب بسهوله اذا كان اللي يشتغل خبير فيها

التكلفه قرابه 800 ريال مع القطع وشغل اليد

[التعـ King ـديل]

معي باترول 91

عليه فرارات وجنوط هلل ومراوح كهرب

ولا يمشيني الا 500 والتانكي 120 لتر

المشكله كلها في الكلبليتر

انت عالجت الزكام ببنادول فقط

الخلطه طال عمرك مكتوبه فوق

[التعـ King ـديل]

اخوي التعديل انت عالجت الموضوع بخصوص الجنوط لكن كفرات بالون كبيره وثقيله وتصرف اكثر بنزيم

لكن هل قصدك مع الطريق يكون الصرفيه اقل بالبالون ؟

انت تتوقع ان البالون ثقيل لكن جربه مع جنط خفيف وتشوف الفرق لانه كله هواء مافيه اسيام مثل البرجستون والدنلوب

انا على ايام الباترول ال 97 كنت اعبيه ب15 ريال كل ثلاث ايام بنزيني 95

واداوم عن بيتنا 50 كيلو رايح جاي غير تمشيتي داخل الرياض

اعبيه فل ب 48 يكفيني 450 كيلو داخل الرياض و470 على الخط

التانكي 87 لتر

[FG2010]

بيض الله وجهك على المعلومات الطيبه


يا ليت تفيدني بالحل السليم من واقع تجربتك


معي سفاري موديل 92 ما يتعدى 120 كم وإذا وصل


140 كم معجزه ويشرب البنزين شرب الويل


مع العلم اني سويت له تصفيه وتغيير إصلاح كلبليتر واسلاك


بواجي وبليتين وبويبينه وبواجي وصفاية لكن المشكله


ما زالت وعليه جنوط هلل وبالون 900 ماكسس.


وانا من سكان الرياض.


وش تنصحني به من طريقة ومن ورشة ؟


وهذا جوالي بعد إذن الإدارة لتواصل إذا ما عليك كلافه


0551388813

[التعـ King ـديل]

انصحك بتركيب كويل وديلكو 4500

والافضل تروح لورشه التركي بالصناعيه القديمه هذا رقمه 0504118191 ابو صالح

قله عن مشكلتك وخله يركب لك ديلكو وكويل الكتروني حق 4500 ومراوح سوبارو اذا حاب

واذا طلعت من عنده مر على السليماني وركب فرارت برازيليه السوداء

وبعدها عب بنزين 95 وثلاث ايام بالكثير وبتشوف الفرق واضح بموترك مع العلم ان الموتر بيفرق من اول دقه سلف لكن يوضح بعد ثلاث ايام

[TNT 11]

وين القى احسن كربليتر ؟؟
وهل الديللكو والكويل مستعملات ؟؟؟
ووين مكانها ؟؟


الله لايهينك

[التعـ King ـديل]

الديكلو والكويل مستعمله اكيد لان الجديد غالي بالحيل

الكربليتر ماانصحك تغيره اذا كان حليو لاتغيره الا كان منتهي خلاص مامن طب معه

اصلاح كربليتر + كويل وديلكو + بنزين 95

[ابو نواف المطرفي]

بارك الله فيك وبأفكارك

وبالنسبة لتركيب ديلكو 4500 ..... يركب بدون اي ترهيم والا لا
والا بس افك القديم واركب الجديد

وكم سعرة لاهنت اذا عندك خلفية

[هواي البر فهد]

بيض الله وجهك على جهودك يالغالي
اشهد بالله ما قصرت يابعد حيي

عندي استفسار انا شاري ربع باترل مديل 99 ( الكربوريتر)

عليه مراوح كهرباء بس الحراره لا وقفت تاصل نص ولا مشيت تنزل لين الربع؟؟
وش المشكله وهل هي طبيعي
بلعلم مريت على واحد قال ركب بلف حراره وترتاح

و2 شي وين حصل فررات ممتازه ؟ ابي بلقصيم اذا تخبر لي وكم؟
و3 شي الموتر مرتفع بلحيل وديته للميزان قال يبي يقص يايات ومدري ايش ...عاد انا نحشت يوم سمعت به قص

ابي نزله شوين ؟

ابي ورشه ممتازة انظف الكربوريتر بالقصيم او حائل؟

وش افضل بواجي له ؟

وش نصيحتك بنزين 91 او 95؟

وزيت لي حطه وش تنصحن حسب خبرتك
وعيد وشكررررك يابعد حيييي على موضوعك المفيد والله يجزاك خير

[سوبر VTC]

مشكور اخوي الكنق
لكن فيه نقطة مهمة و يتغافل عنها الجميع
و هو تغيير جنزير عمود التيمن حيث انه بعد مايمشي الموتر 150 الى 250الف كيلو
يبدا الجنزير يرتخي بفعل الاحتكاك و التاكل الطبيعي همن يرتخي
و هذا اللي يخلي الموتر يصرف + عزم بارد + حرارة
لانه يصير هناك تاخير في فتح و غلق البلوف لان الجنزير راخي
لذا اذا تم تغيير الجنزير فان الموتر يكون عزم قوي تقل الصرفية تقل الحرارة
هذا كلام شخص ثقة يشتغل بكهرب الباترول
لو تلاحظ بعض السيارات مثل م99 و طالع مكتوب يجب تغيير الجنزير كل 150 و طالع
على سبيل المثال الباثفندر م2002 و طالع الجنزير بعد 150 او 200الف يرتخي الجنزير
بسبب فحمات الجنزير و يبدا الموتر يلقلق لذلك البعض يغير الفحمات و الجنزير معا
مثال اخر
جيب م2001 يمشي بالتانكي فقط 300كيلو همن تولع اللمبة الموتر ماشي 305000الف
انكسرت المكينة و بعد تغيير المكينة ما شاء الله الموتر يمشي 420كيلو همن تولع اللمبة
يعني فرق ثلث التانكي

[ا ع و 9000]

مشكلتي اني بالطايف ومافيه القطع عندنا
والبنزين يشرب شرب مو صاحي وموتري باترول 95 باب واحد سلق
وش الحل افزعولي

[اخر كلام]

السلام عليكم

ياهلا وانت ثقه ان شاء الله من كلامك

[سوبر VTC]

ابي ورشه ممتازة انظف الكربوريتر بالقصيم او حائل؟


رفع و تنزيل الموتر ورشة السيف بريدة
الكبليتر على كلام الربع ورشة الملحيان فنان كمبيوتر بريدة

تبي الموتر يصير اشتغاله صافي و يشتغل باول نقرة و انظف للبواجي
لا تعدا بنزين 95

الحرارة سيخ الاديتر
شف هالرد http://www.mekshat.com/vb/showpost.php?p=6966422&postcount=15

[خالد الدغيم]

بيض الله وجه على الموضوع

وش اعبي بنزين 91 او95

[عفط]

مشكوووور يالكنج..
انا معي باترول 99 صالون بخاخ ودي اخفف صرفيته كيف ؟ جزاك الله خير

[bader7787]

السلام عليكم

معليش رفعت الموضوع عيا يرسل على الخاص

ودي اسالك انا بشتري موتر في هالفتر ودي اسالك باترول ربع 2009 او 8 كم الفل وكم يمشي وبما انك مجرب وش رايك فيه بشكل عام وعزمه وش اقرب موتر له وتنصحني فيه او لا

[التعـ King ـديل]

اخوي بدر انا كل تجاربي على الصالون واللي اعتبره افضل شي .. الربع ماانصحك لان مع الوقت بتمل منه سواء تويوتا ولا نيسان .. قياده الباترول الصالون ممتعه لابعد درجه

[adil33]

السلام عليكم ورحمه الله وبركاته

من واقع تجربه لعدد من الموديلات ابتداء من 88 الى 2005

لتخفيف الموديلات 97 وتحت كل ماعليك تسويه هو

تغير الديلكو الى ديلكو 4500 الكتروني مع الكويل

بالنسبه لجميع الموديلات

تركيب فرار برازيلي اسود عند السليماني قيمته 550
تركيب جنوط خفيفه مثل الهلل على بالون 900
رفع بسيط خلفي او تنزيل بسيط امامي

وكانت احلا تجربه لي على باترول 97 مركب له ديلكو 4500 وكويل الكتروني وجنوط هلل وبالون 900 وفرارات

كنت امشي على سرعه 160 يكفيني امشي عليه 455 كيلو واللي يعرف طريق الخرج - الامارات يعرف وش اقصد

كنت افلل من الخرج واوصل عن منفذ البطحاء باقي فيه ابو ريالين مع اني مشغل مكيف وامشي 160 على الاقل


الله يقويك ويحفظك ويسلمك من السرعة ويحميك في كل خطوة تمشيها على الارض

[bader7787]

اخوي بدر انا كل تجاربي على الصالون واللي اعتبره افضل شي .. الربع ماانصحك لان مع الوقت بتمل منه سواء تويوتا ولا نيسان .. قياده الباترول الصالون ممتعه لابعد درجه




معليش ابلشتك بس الصالون بكم فله اخضر وكم يمشي في السفر :D

[التعـ King ـديل]

معليش ابلشتك بس الصالون بكم فله اخضر وكم يمشي في السفر :D

انا مااعبي الا 95 لانه اقل صرفيه ويطول .. اما الاخضر جربته مره على باترول 97 واشغلني يوصخ الصفايه وبالاخير تركته وغيرت الصفايه وعبيت 95

[sbider2002]

بيض الله وجهك يالكنق وجه الشباب ماقصرتوا

[فارس العيون]

حبيب قلبي كنق
حبيتا سألك عن الفرار التوماتيك اللي يشبك ويفصل من دون نزول للفرار نفسه ...
وقالوا لي يجي على الباترول استعمال ياباني اللي دركسون يمين .. طبعا موب كله عجز .. لكن البرازيلي بهذلن الصراحه يشبك ويفصل ومرة فصل ولاعاد شبك ومرة حاس علي عكس الدفرنس وحالتك حاله

[bader7787]

انا مااعبي الا 95 لانه اقل صرفيه ويطول .. اما الاخضر جربته مره على باترول 97 واشغلني يوصخ الصفايه وبالاخير تركته وغيرت الصفايه وعبيت 95

حياك الله بس مافهمتني الله يعافيك طيب باالاحمر كم فله وكم يمشيك لل4500

معليش تحملني بس ابرتب اوراقي اول

[sgl2002]

انا معي باترول ربع ٩٩ كلبريتر

غيرت له بواجي واسلاكها وصفاية وفلتر هوا وفرارات برازيلي اسود
وكل شي بالسيارة وكالة لاجنوط لا كفرات لا رفع ولا تنزيل

وماشاء الله تبارك الله امشي بالفل مع المكيف على سرعة ١٤٠ يمشيني ٦٠٠ كيلو

[محسن اليامي]

مشكور ويعطيك العافيه وانا جربت الفرارات وكنت احس بفرق بسييييييط

فتك 2003

[خبايا انسان]

ي اخوان عندي باترول ربع 93 << عليه مراوح كهرب + فرارات واعبيه بنزين احمر ويمشيني بالديره 415 وش رايكم ؟

[التعـ King ـديل]

ي اخوان عندي باترول ربع 93 << عليه مراوح كهرب + فرارات واعبيه بنزين احمر ويمشيني بالديره 415 وش رايكم ؟

غير الديلكو الى الكتروني حق 4500 موديل 2001 والكويل وامورك طيبه

[الساري خالد]

اضم صوتي لخوي FG2010

[سواق الباترول]

هلا بل الجميع والله انا قنيت النيسان وصرفيه البنزين مره يصرف والطريقه الزينه وراح تدعولي انشاالله وقبل كل شي غير الكلبليتر حق النيسان حوله حق تويوتا بتغير القاعده مع الكلبليتر حق ربع ولاصلون مدوديل 90 91 اهم شي 12 بلف وشوف الفرق والله مجربه بموتري وفرق واجد لان الكلبليتر النيسان الابر واسعه والتويوتا اصغر كتيرر وتقبلو تحياتي والله يوفق الجميع

[هواي البر فهد]

طيب يابذيب

انا عندي بترول 99 مكينته 4200
ابي رايك وش ركب له ديلكو ؟

لني مركب له فررت ومروح وهدرز ونظفت كربريتر بس له هلحين عزمه وسط وكثر من مكنيكي يقول ديلكو عندك

وش ركبه له؟؟
وبسئلك يقولن ابرت التيما ركبه بلكربريرت يخف صرفيته هل هذا صحيح؟

[البر عشقي]

في حال تركيب الفرارات هل يفصل الدبل او يبقى على طبيعته

[AL-H-A-R-B-I]

الله يجزاك خير أخوي
أنا مع باترول 95 كبريتر اعبيه بنزين95ويمشي
250كيلو داخل المدينه ركبت بواجي وبليتين وفلتر
هواء والموتر صافي واذا حشرته باثاني وماعشقت
يطلع دخان اسود واجد وعليه جنوط فتك كروم ولا فرارات
لامراوح ولا شي وكاله والعزم ردي.
والله يعطيك العافية وبيض الله وجهك.

[sgl2002]

الديلكو من ٩٨ وفوق الكتروني

[التعـ King ـديل]

مكاين ال 4200 افضل شي تركبون عليها ديلكو الكتروني حق 4500 يجي من 2001 وفوق

[أبوعابد 22]

الله يجزاك خير على الطريقه

[خبايا انسان]

غير الديلكو الى الكتروني حق 4500 موديل 2001 والكويل وامورك طيبه

بركب ان شاء الله مع الايام .. حاليا بركب هدرز واكيد بتقل الصرفيه ,, بس ماقلت لي وش رايك بالصرفيه الحاليه ؟

[خبايا انسان]

الديلكو الالكتروني حصلته بالتشليح ب 1300 !! وش رايكم بالسعر ؟

[ذعار الغامدي]

اما عاد بـ1300 ؟؟
اخبره بـ600 مع الكويل بعد .
شكلهم نصابين الي رحت لهم !!

[مرقاب 1]

2009 ربع سلقه اعبيه 95 ولعب فيني يلهط البنزين لهط فيه حل غير الفرارات والامور هاذي ؟؟

[خبايا انسان]

اما عاد بـ1300 ؟؟
اخبره بـ600 مع الكويل بعد .
شكلهم نصابين الي رحت لهم !!

اذا تخبر لي ,, سنعني ولك صادق الدعاء

[عين حصنان]

فرارات برازيله السوداء تلاقيها عند السليماني ب 550 مع التركيب



اشوفك مركز على الاسود

وش يفرق عن النيكل البرازيلي حق السليماني... انا مركبهن ومافيه اي مشاكل وادائهن رائع جدا

وشكلهن ازين من الاسود بواجد وحجمهن اصغر من السود

ممكن الافاده يالغلاااااااا بارك الله فيك

[خبايا انسان]

^^
نفس السؤال يتبادر بذهني لأكثر من مرة ,, وانا مجرب النيكل وممتازه

بس اتوقع الجواب لأن النيكل كل بعد فتره وفتره يبي لك تشد مساميرها لانها تنحل ؟؟؟ والله اعلم

[صاحب محل]

اخوي كنق انا جربت اركب ديلكو الكتروني لموتري باترول 90 ولكن الديلكو يجي له خابور الي يجي داخل اطرمبت الزيت وبالنسبه للديلكو مكينة 4500 ما يجي لها خابور بعد المسنن
اذا امكن تعلمني طريقة تركيبها الله لا يهينك وهل تحتاج تعديل ولا لا
تكفى ترد لي الله لا يهينك

[عاشق مكشات]

انت تتوقع ان البالون ثقيل لكن جربه مع جنط خفيف وتشوف الفرق لانه كله هواء مافيه اسيام مثل البرجستون والدنلوب

انا على ايام الباترول ال 97 كنت اعبيه ب15 ريال كل ثلاث ايام بنزيني 95

واداوم عن بيتنا 50 كيلو رايح جاي غير تمشيتي داخل الرياض

اعبيه فل ب 48 يكفيني 450 كيلو داخل الرياض و470 على الخط

التانكي 87 لتر


لاتنصب علينا الباترول القديم اكثر صرفية بنزين انا كان عندي بترول ربع 98اعبيه فل ياله يوصل 200 كيلو وبعدين غيرت الكربريتر للتيوتا وخفت الصرفية وبعته وافتكيت منه

[التعـ King ـديل]

لاتنصب علينا الباترول القديم اكثر صرفية بنزين انا كان عندي بترول ربع 98اعبيه فل ياله يوصل 200 كيلو وبعدين غيرت الكربريتر للتيوتا وخفت الصرفية وبعته وافتكيت منه

عزيزي اول شي ياليت تتكلم باادب معي خاصه ان مابيني وبينك معرفه ولا ميانه

الشي الثاني مااجبرك تصدق كلامي طالما انك مقتنع بشي اخر .. ولكن والله على مااقول شهيد اني ماكتبت شي ماصار وكل اللي كتبته ايام الباترول حقي صحيحه وماني بحاجه تزكيه منك

[wafian]

مشكووووووووووووووور يالغالي

الله يجزاك الف خير

[جنرال حرب1]

اولا اشكرك ياكنق التعديل

وماقصرت وعسى الله يرضى عليك

بس خلني اعطيك احدى مصائبي

اشتريت قبل اسبوع باترول ربع 2003

ويبغاله تصفية طبعا بكره ازينها مو اليوم

بس للمعرفه يا اخ كنق التعديل


تخيل واقول تخيل اعبي احمر من تقريبا حي السلام إلى العزيزيه رايح مرتين وجاي مرتين

تصدق انبير البينزين فوق النص بششويه

وهل تنصحني احط فرارات حيث اني ماني من اللي يطلع البر كتيييير

وباين من كلامك انك فاهم فيالليت عندك ورشه او تنصحن بورشه ميه على ميه

وشكرا

[صاحب محل]

اخوي كنق انا جربت اركب ديلكو الكتروني لموتري باترول 90 ولكن الديلكو يجي له خابور الي يجي داخل اطرمبت الزيت وبالنسبه للديلكو مكينة 4500 ما يجي لها خابور بعد المسنن
اذا امكن تعلمني طريقة تركيبها الله لا يهينك وهل تحتاج تعديل ولا لا
تكفى ترد لي الله لا يهينك
مارديت علي اخوي كنق

[التعـ King ـديل]

اخوي جنرال واخوي صاحب محل

هذا رقم الورشه اللي ركبت عندهم ورشه اخونا ابو صالح التركي 0504118191

[جنرال حرب1]

اخوي جنرال واخوي صاحب محل

هذا رقم الورشه اللي ركبت عندهم ورشه اخونا ابو صالح التركي 0504118191





الله يرضى عليك ويجزاك خير

[فتاح الجواد]

الله يجزاك خير على الموضوع المفيد
والله يبارك فيك وفي مجهودك

[الشعيبي 427]

أنا عندي بترول 93 الفل حول 57 ريال يمشيني تقريبا 500 كيلو
زمان كان 320 كيلو ويطفي علي
في نظري بالنسبة للديلكو العادي أوزنة على 15 BTDC
والأبلتين أوزنه بالفلر على 50
ووزن الكربريتر (بنفسك عند البيت لا تروح للنصابين ) أهم شي يكون على 750 rpm يعني عداد دورات المكينة يكون على الخط الثالث ونص وتفتح مسمار الهوا عكس عقارب الساعة الين يشتغل معاك الصباح بسهولة بعد عدة تجارب.

[الشعيبي 427]

الله لا يهينكم بغيت أحد يدلني على محل السليماني في جدة ودي أشتري الفرارات
ولو كان بالإحداثيات أو خريطة قوقل ايرث يكون أفضل و مشكورين مقدما

[قناص الفيافي1]

السسلام عليكم
اخوي لاهنت انا معي باترول 98 كربريتر والموتر مرتفع
عليه بالون 900 جنوط نيسان (مروحه ) المنيوم
الموتر اذا مليته فل احمر ما يمشيني الا 280 كليو
ركبت له منظم الحراره صار يمشيني 295 حولها
وش الحل ... ارجو منك إفادتي
وللمعلوميه الموتر كان بخاخ ومغير الى كربريتر
وعليه كربريتر سدرك