المساعد الشخصي الرقمي

مشاهدة النسخة كاملة : طريقة جديده لصيد الشعم


قاصد خير
10/07/2005, 09:02 AM
--------------------------------------------------------------------------------

السلام عليكم ورحمة الله وبركاته

خلال تصفحي لاحد المواقع اللتي تهتم بالصيد وجدت هذه الطريقة التي يستخدمها اليابانيين في صيد الشعم والمعروف ان الشعم موجود في اكثر بحار العالم من استراليا الى بريطانيا


http://www1.pbc.ne.jp/users/dangodan/anime-dango.gif

ادخل وشوف الطريقة اضغط هنا (http://www1.pbc.ne.jp/users/dangodan/anime-dango.gif)
gulfhunter
10/07/2005, 09:15 AM
السلام عليكم ورحمة الله وبركاته

حياك الله أخوي قاصد خير في منتديات مكشات وبالأخص بالخيمه البحريه.............. وان شاء الله تلاقي اللي يسرك................ طيب اخوي ماعلقت على الصوره............ وكيف الصيد......... وش السالفه...

الله يعطيك العافيه
سالم الخميس
10/07/2005, 10:17 AM
السلام عليكم ورحمة الله وبركاته

احب ارد على اخوى قاصد خير وقوله الله يعطيك العافيه على الموضوع الحلو وعرض الطريقه
اللى شفناها بس احب اوضح بعض النقاط على موضوع الشعم خصوصا ان الشعم من افضل انواع السمج الابيض
وحداقه حلو بس متعب شوى لنه حذر وله اكثر من طريقه حق صيده لنه يكون له طعم مخصص لكل وقت
او شهر مثلا عندنا فى الكويت فى شهر اكتوبر يكثر الشعم ويكون الخيط 40وشريب الطعم والشريب اهو من سرطانات البحر الصخريه ويوجد فى الصخر القريب من الشاطى
ولازم يكون الميدار صغير وقت الحداق تكون جاهز حق السحب او(الاشط) هذا كلمه كويتيه لنه ماينبر مثل باقى السمج
اهو ياكل الطعهم بدون نبر يعنى يعلج ويكثر هذا الشعم اللى اهو الشعم الازرق فى المياه الظحله قليلة الغزوره مثل جزيره عوهه فى الكويت
والنوع الثانى هو الشعم الاصفر لنه زعانفه صفر وجميع الشعم لايوجد بحجام كبيره ممكن ميتعدى 3 كيلو الحبه
هذا النوع الكبير .


وسحامحونا على الاطاله
ali20002ila
10/07/2005, 11:46 PM
مشكور على الموضوع
قاصد خير
11/07/2005, 09:32 AM
يا هلا ومسهلا يا اخ gulfhunter

واخوي سالم الخميس ما قصر رد عني

وراح اقولك شيء تتعجب منه

في واحد في الكويت يبيع اليم (طعم)

اهو يسويه في البيت عبارة عن طحين مع اشياء الله يعلم فيها

واشوف الناس تشتري منه وااااايد وصار مشهور

يبيع مثل علبت الحمص بددينار والعجيب في هذا اليم (طعم)

ما يخرب يعني تقدر تستعمله اكثر من مره...................

وان شاء الله راح احط لكم صورتة......

وحياك الله مره ثانية
قاصد خير
11/07/2005, 09:39 AM
اهلين وسهلين بل اخ سالم الخميس

احب اقولك وازيد معلوماتك الشعم موجود طول السنه في الكويت مثل الزرزور وخاصة بل حيشان

اما عن شهر اكتوبر الي هو شهر 11 يكثر في الفنطاس والفنيطيس........

وحداق الشتاء لازم تصغر الميدار..............


يا اخ سالم الخميس

جربت المشبك ؟؟؟؟؟؟؟؟ بل فنطاس

وحياك الله
سالم الخميس
12/07/2005, 11:54 AM
السلام عليكم ورحمة الله وبركاته

احب ارد على اخوى قاصد خير وقوله اى جربت المشبك فى الفنطاش بس مو مشبك (مشنه) يعنى اكثر من 500
ميدار ونطلع شعم ونويبى وسبيطى وهامو ر وبالوول بس شهر 12 و 1 و2 م عشان يذلف الجم
ونفتك من شره بس احلى مكان حق المشنه اهو عارض 90 يعجبنى كله سبيطى اذكر العام صدنا 50 سبيطى ومزيزى
لولا الانجات الايرانيه جان صدنا اكثر بس خربو علينا يقطون عديد ولاياخ بطول البحر
ki ng marlin
13/07/2005, 12:15 PM
بسم الله الرحمن الرحيم

تعقيبا على الصوره فكرها ممتازه ونستخدمها مع اغلب السمك مو بس مع الشعم لاكن الشعم حذر جدا ولازم يكون حذر لانه مطلوب بطنيا

علشان كذا صغرالخيط قدر الامكان مع مراعات الظروف المحيطه مثل الصخور علشان ما يقطع ولا تستخد ثقل استخد طفاحيه وطول الرداع على طول عمق الماء يعني العمق 2 متر حط الرداع متر و75 سم مثلا وما تندم ان شاء الله هذا في حالة كانة المويه بدون تيارات وراكده شوي

اما اذا كانة منطقة تيارات ارم الطعم حر بدون ثقل بدون اي شي وشف وش يصير

اايد كلام اخوي سالم على مسئلة الطعم الي هو القبقب الشرمبيان الاسود الصغير هذا موت الشعم ينجن عليه .

ويعطيكم العافيه .
قاصد خير
14/07/2005, 12:37 AM
سالم الخميس

هلا والله

يعني شفت وصدت الشعم الاسود........الي في الفنطاس....

اما عن المشنه المشنه الي هي السله الي يصير فيها المشبك على ما اعتقد......

وان شاء الله بعد كم يوم اذا الله سهل راح احط لكم صور المشبك وطريقة الصيد فية

وحياك الله مره ثانية


اهلين وسهلين يا اخ ki ng marlin

اخوي اذها قاعده في اكثر الاوقات الي اذا صار ما في عمق لازم تحدق بركه الي هي سناره وحده والثقل بل وسط اما اذا صار في عمق يكون سنارتين والبلد الثقل تحتهم........

وان شاء الله راح نوضح هذا بل صور

وحياك الله على مشاركتك في الموضوع
صياد عماني
05/02/2009, 12:53 AM
السلام عليكم اخوانى الاعضاء بالنسبة لصيد الشعم عندنا بسلطنة عمان نستخدم الخيط 40 يابانى الصنع وطريقة الصيد الحداق وطريقة بسيطة جدا بس يبى له وقت لانه الشعم ما ياخذ بالمرة وهوه يجلس فترة لبلع الطعم طريقة الحداق بالتفسير اولا : عندنا بالسلطنة نعمل له طعم الطحين ويفضل الطحين البر او رقم 3 لانه قوى ولا يذوب بسرعة بالماء ونقوم بعجن الطحين بالماء الحلو فقط ولا نظيف كميات كثيرة من الماء ونجعل العجين غليظ جدا وبعدها نقوم بادخال الميدار بداخل العجين ونخفيه تماما ونستخدم ميادير رقم 12 احسن شى للشعم وبدون ثقل ونرمى قطعة العجين بالبحر ولا نسحب الخيط ابدا ونربطه ونراقب الخيط باستمرار وعندما يشتد تماما مثل الحبل او السهم يكون الشعم قد بلع الطحين ببطنه ونقوم بسحب الخيط تذكر اخى الحداق ان الشعم يقوم بسحب الخيط وارخائه ويكون وقتها الطعم بين فكيه وليس بداخل بطنه وعندما يكون الخيط قد صار مثل السهم يكون الشعم جاهز للسحب وصيد موفق لكم وهذى الطريقة نصيد بها كثير شعوم
ابومحجوب
14/02/2009, 11:26 AM
سبحان الخالق هذه مشاركه بسيطه من صياد الرايس قرب ينبع بالمدينه المنورهhttp://www.mekshat.com/pix/upload02/images100/mk113651_efe9ffe679.jpg
ابو محمد رائد
16/02/2009, 07:46 PM
مشكور اخي قاصد خير
وحياك الله
accentkool
16/02/2009, 08:39 PM
الشعم يبي ميادير صغيرة

والخيوط الناعمة ياباني وغيرة

وطولت البال

يعطيكم العافية
البيدار
16/02/2009, 09:30 PM
شكرا لك وجزاك
البيدار
16/02/2009, 09:31 PM
شكرا لك وجزاك الله خير
Iجبرني_الوقتI
17/02/2009, 06:11 PM
الشعم حداقه في المياه الراكده غير حداقه في المياه التي بها تيارات قويه
وحداقه بالغزير غير حداقه بالرق (المياه الضحله)
بالنسبه للشعم ميدار (سناره) 10 + 11 + 12 كلهم ممتازين
مثلا عشره اذا كان الطعم ربيان ممتاز
احدى عشر ربيان وشريب
واثنى عشر شريب
بالنسبه لليييم (الطعم) احسن شي
الزبوط : نوع من انواع القواقع البحريه
العجين : طحين + ماء + بيض
الشريب : من السراطانيات البحريه اللتي تجدها بالصخور وصغيره
الربيان : ويفضل الصيد فيه كلما ازدادت البروده يكون افضل
والمصير : احشاء الدجاج
ولكل ييم له وقت بالسنه يكون في افضل من الانواع الثانيه على حسب الوقت والمكان

وسلامتكم